Iba’t ibang kahulugan ng kabayo

ni Estrellia de Luna @Panaginip gabay ng buhay | November 25, 2023

Analisahin natin ang panaginip na ipinadala ni Boying ng Tarlac.

Dear Maestra,

Magandang araw sa inyo r’yan sa Bulgar. Madalas kong mapanaginipan ang kabayo at ginto.

Ano ang ibig ipahiwatig nito?

Naghihintay,

Boying

Sa iyo, Boying,

Depende sa sitwasyon at kulay ng kabayo ang iyong panaginip. Hindi mo masyadong ipinaliwanag ang iyong panaginip. Gayunman, kung sa panaginip mo ay nakasakay ka sa puting kabayo, ito ay sign na malapit ka na ikasal sa babaeng napupusuan mo. Kung ikaw naman ay nahulog sa kabayo, ito ay nangangahulugan na makakaranas ka ng hindi kanais-nais na pangyayari sa iyong kapaligiran. Kung ikaw naman ay nakasakay sa kabayo, ito ay senyales ng kaligayahan sa susunod na mga araw. Subalit kung kulay itim ito, kaguluhan ang ipinahihiwatig nito at masasangkot ka sa gulo.

Samantala, ang ibig sabihin ng palagi kang nananaginip ng ginto ay iwasan mong makipagsapalaran sa negosyo. Kung inlab ka sa kasalukuyan, iwasan mo ring makagawa ng mga bagay na magiging dahilan upang magselos ang iyong minamahal.

Matapat na sumasaiyo,

Maestra Estrellia de Luna

Sign na susuwertehin at makatatanggap ng malaking halaga

ni Estrellia de Luna @Panaginip gabay ng buhay | November 24, 2023

Analisahin natin ang panaginip na ipinadala ni Danny ng Parañaque.

Dear Maestra,

Napanaginipan ko na nasusunog umano ang bahay ng aming kapitbahay. Bumaba ako para tumulong, ngunit natalsikan ako ng baga galing sa nasusunog na bahay at nalapnos ang balat ko.

Ano ang ibig sabihin ng panaginip ko?

Naghihintay,

Danny

Sa iyo, Danny,

Maganda ang ipinahihiwatig ng panaginip mo na nasunog ang bahay ng kapitbahay mo, bumaba ka para tumulong ay may magandang kapalarang nakalaan sa iyo. Susuwertehin at makatatanggap ka ng malaking halaga.

Samantala, ang nalapnos ang balat mo ay halos ganu’n din ang ibig sabihin, ito ay senyales ng kaginhawaan, kaligayahan at kasaganahan sa buhay. Basta’t ‘wag ka lang mainip dahil tiyak na yayaman ka rin.

Matapat na sumasaiyo,

Maestra Estrellia de Luna

Kahulugan ng bundle of gift at kinagat ng bulldog

ni Estrellia de Luna @Panaginip gabay ng buhay | November 23, 2023

Analisahin natin ang panaginip na ipinadala ni James ng Iloilo.

Dear Maestra,

Napanaginipan ko na naka-receive ako ng bundle of gift. Natuwa ako dahil kahit hindi pa Christmas may mga regalo na akong natanggap, maski ang alaga kong bulldog ay tuwang-tuwa rin. Kaya lang, bigla akong kinagat nito.

Ano’ng ibig sabihin ng panaginip ko?

Naghihintay,

James

Sa iyo, James,

Ang ibig sabihin ng panaginip mo na naka-receive ka ng bundle of gift kahit hindi pa Pasko ay makakatanggap ka ng magandang balita mula sa best friend mo. Tatawagan ka niya r’yan sa cellphone mo. Ang nasabing balita ang magbibigay ng kagalakan sa iyo dahil tiyak na gaganda ang iyong buhay.

Samantala, maski ang bulldog mo ay tuwang-tuwa rin ay tanda na kung sino pa ‘yung kaibigan mo na akala mo ay hindi tapat sa iyo, siya pa pala itong pinaka-loyal sa iyo.

Handa ka niyang damayan. Ang kinagat ka ng bulldog ay nagpapahiwatig na may dahilan ka para pagdudahan ang nasabing kaibigan pero nagkakamali ka sa iniisip mo.

Matapat na sumasaiyo,

Maestra Estrellia de Luna