Tips para madaling makarekober sa baha

ni Nympha Miano-Ang - @Life and Style | August 11, 2020

Ang mga kalamidad, bagyo at malakas na pag-ulan ay mga pangunahing dahilan ng mga malawakang pagbaha. Ang pagbaha ay nakasisira ng mga ari-arian, paglubog ng mga tahanan at iba pang establisimyento maging ang pagsasara ng maraming lugar dahil sa paglubog sa baha.

Magkaroon man ng seryosong management plan ang pamahalaan para maiwasan ang pagbaha, hindi pa rin maiwasan na maraming lugar at mga residente ang tahasang apektado ng pagtaas ng tubig o malubog ang lugar na daraanan ng malakas na ulan o bagyo.

Ang makarekober sa ganitong kalamidad ay napakahirap,aabot pa ng ilang araw o linggo.

Tulad na lang kamakailan ng pag-agos ng isang ilog sa Kamuning, Quezon City kung saan ay tinangay ng malakas na pagtaas ng tubig ang ilang tahanan sa gilid ng creek at ikinasawi ng isang lolo. Maging sa iba pang bahagi ng Mindanao, ay maraming napinsala sa biglaang pagbaha dulot ng walang tigil na pag-ulan. Sa panahong ganito, paano malalampasan ang problemang hatid ng mga unos na nagpapalubog sa maraming lugar?

DITO NA PAPASOK ANG TULONG NG CALAMITY LOAN SA SSS O PAG-IBIG. Kung miyembro ka,kumuha ng mga ebidensiya ng damage sa lugar o kung wala nito ay kumpletuhin na lamang ang mga impormasyon, address ng kinaroroonan upang mai-file ito sa naturang ahensiya ng gobyerno.

2. Kung naka-insured ang tahanan, sasakyan o iba pang kagamitan ay maaring ireport ito sa inyong insurance company upang mabigyan ng kaukulang tulong, ayon sa iyong kaso.

KAPAG HUMUPA ANG BAHA, PAANO AAYUSIN ANG TAHANAN.

1. Gumamit ng gloves at bota kung lilinisin ang buong bahay o establisimyento. Gumamit ng cleaning solution tulad ng isang tasa ng bleach na ihahalo sa limang galon na tubig bilang pangkuskos sa sahig ng bahay at sa pader.

Ito rin ang gagamiting panlinis sa mga nakontaminang kagamitan tulad ng mga lalagyan ng inumin, plato, baso, kutsara at mga gamit sa kusina.

2. Hindi na rin magandang gamitin ang mga kagamitang nababad sa tubig baha mula sa nakaraang 48 oras dahil tutubuan na ito ng amag.

3. Kailangang magkaroon ng sirkulasyon ng hangin sa buong bahay. Gumamit ng electric fan para patuyuin ang iba pang lugar sa bahay na lubhang nilubog ng baha. Buksan ang mga bintana at pintuan upang maglabas-masok ang hangin.

4. Patuyuin agad ang mga mahahalagang papeles. Isampay ang mga aklat at iba pang importanteng papel. Gumamit ng gloves kung mag-aalis ng mga nanikit na putik o dumi sa mga libro. Makatutulong din ang electric fan para matuyo agad ang mga aklat. Itapon na ang mga papeles na hindi na gagamitin pa at wala nang silbi.

5. Hugasang mabuti ang mga kamay ng sabon at tubig matapos ang proseso ng paglilinis. Kung walang tubig sa gripo, magpakulo ng tubig ng isang minuto palamigin muna ang tubig gamiting panghugas ng mga kamay.

6. Hindi mo magagawang mag-isa na magkumpuni ng buong tahanan, tiyak na mangangailangan ka ng karpintero para sa bagong mga kukumpunihin.

Safety tips ngayong tag-ulan

ni Nympha Miano-Ang - @Life and Style | August 10, 2020

Ang pinakamainam na paraan para makaligtas sa bagyo ay maghandang mabuti bago pa man lumabas ang typhoon warning. Matapos ang babala, ilang mga dapat gawin ay kumpletuhin bago planuhin ang paglikas sa mga evacuation center.

BAGO DUMATING ANG BAGYO.

1. Bitbitin na ang mga mahahalagang bagay at maglaan ng isang malaking bag na paglalagyan ng mga gamit na itatakbo para sa emergency.

2. Tapalan ng tabla ang mga salaming bintana para hindi ito mabasag sakaling maraming lumilipad na bagay sa labas ng bahay. Kung hindi matatablahan ay puwedeng lumang kutson para hindi ito mabasag sakaling may tumamang mabibigat na bagay.

3. Tsekin ang anumang maluluwag na bahagi ng bahay na maaaring tungkabin ng hangin at makatama kahit kanino. Ipasok sa loob ng bahay ang basurahan, mga laruan at iba pang tools.

4. I-off mula sa kuryente ang iba pang appliances maliban sa refrigerator. Ilipat ang mga mamahaling bagay sa gitna ng bahay at ilayo sa mga bintana at pintuan na maaaring anggihan ng tubig ulan.

5. I-set sa pinakamababang setting ang refrigerator at freezer para malamig pa ang ref sakaling mamatay ang kuryente.

6. Buksan ang de bateryang radyo o transistor para makapakinig ng anumang balita sa lagay ng panahon.

KAPAG NARIYAN NA ANG BAGYO.

1. Dapat kampante lamang. Makinig ng musika sa pagitan ng mga balita sa lagay ng panahon at maglaro ng card games.

2. Manatili sa loob ng bahay. Ang pinakamatinding panganib ay hindi ang hangin at ulan, kundi mga lumilipad na delikadong bagay tulad ng signage, yero, mga sanga ng puno na ang malalaki ay naglalaglagan, mga malalaking plastic at iba pang bagay o debris mula sa matataas na gusali o bahay. Huwag lalabas ng bahay kahit na kampante na ang panahon. Kung ang mata ng bagyo ay nasa inyong lugar, higit lamang na ang hangin at ulan ay lulubha. Maghintay sa opisyal na anunsiyo kung ligtas nang lumabas ng bahay.

3. Maupo na malayo sa bintana sakaling mabasag ito ay hindi ka tamaan.

4. Pumunta sa ibang direksiyon kung saan naroon ang hampas ng hangin at huwag nang salubungin ito. Mahirap na tamaan pa ng mabibigat na bagay na nagliliparan.

MATAPOS ANG BAGYO.

1. Tingnan kung kailangan ng iyong mga kapitbahay ng tulong. Tingnan din ang kapaligiran kung marami ring nasira. Kunan ng larawan ang mga nasirang lugar para malaman kung anuman ang susunod na kukumpunihin.

2. Huwag gagamitin ang telepono maliban lang kung para sa emergencies. Mabilis na tumawag sa kinauukulan para mabigyan sila ng babala kung nasa ligtas na kalagayan.

3. Magtulungan ang lahat na makapag-ipon ng pagkain. Kung sino ang makapagbibitbit ng pagkain ay dapat nang ibalot at ayusin.

4. Pansinin ang mga napatid na linya ng kuryente, mga kontaminadong tubig at mga peligrosong hayop tulad ng mga ahas o buwaya na baka lumutang sa mga ilog.

Teknik para sa itatagal na pagtatago ng mga importanteng dokumento

ni Nympha Miano-Ang - @Life and Style | August 9, 2020

Ang mga papeles tulad ng bills, resibo, bank statements at insurance policies ay madaling maitambak sa iyong file maliban na lang kung magagawang ayusing mabuti ang mga ito.

Simulan nang ayusin ang mga papeles sa kada kategorya. Legal documents, tax records, banking at investment, utility payments, medical at insurance pay stubs at iba pang income statements, mga materyales sa bahay at resibo ng appliances, warranties at appliances manuals.

Gaano mo ba katagal dapat itago ang mga paper documents na depende sa kategorya?

1. LEGAL DOCUMENTS. Ang mga legal na dokumento na kabilang na ang birth certificate, mga papeles ng binili mong bahay, homeowner at life insurance policy, titulo ng sasakyan, marriage certificate at iba pang kaugnay na papel, citizenship o naturalization paper maging ang will statement. Maaari kang magkaroon ng dagdag na legal documents para maisama sa kategoryang ito. Gawing pangmatagalan ang legal documents.

2. TAX RECORDS. Itago ang tax records ng at least tatlong taon kung empleyado ka at itago naman ng anim na taon kung self employed o may iba kapang esktrang pinagkakakitaan. Tandaan na itagong mabuti ang lahat ng supporting documents.

3. BANK STATEMENTS AT INVESTMENT PAPERWORKS. Itago ang investment records habang pag-aari mo pa ang negosyo at tatlong taon naman matapos maibenta ang negosyo. Ang exception lang kung nakatatanggap ka ng annual summary ay ikumpara ang annual summary sa iyong record at kung puwede nang itapon ang taon ng records. Itago ang mga record ng retirement plan contribution nang permanente upang mapatunayan ang halaga na iyong nai-contribute at kung maaari bayaran ang mga buwis. Maaring kailanganin mo ang mga katunayan na nagbabayad ka ng buwis kapag nagsisimula ka nang magsagawa ng withdrawals.

Itago nang isang taon ang anumang bank statement. Maaaring kailanganin mo ng dalawa o higit pang mga taon na itago ang bank statements kung planong bumili ng bagong bahay. Itago rin ang bank statements at cancelled checks na may mga major purchase tulad ng diamond ring, habang pag-aari mo pa rin ang naturang property.

4. UTILITY RECEIPTS. Itago ang utility receipt ng isang taon kung hindi mo ike-claim ang deductions para sa home office. Itago ang mga bill ng tatlong taon kung make-claim mo ang home office deduction sa iyong buwis.

5. MEDICAL INSURANCE. Itago ang medical receipts at proof of insurance payments sa loob ng pitong taon. Ang insurance company auditors ay gagarantiyahan ito kasama na ang IRS kung magke-claim ka ng medical deductions para sa request na proof of payment.

6. MGA MATERYALES NG PAGPAPAGAWA NG BAHAY AT RESIBO NG APPLIANCES. Itago ang mga resibo ng mga materyales na binili para sa pagpapagawa ng bahay at appliance receipts sa loob ng pitong taon matapos maibenta mo ang iyong bahay. Kakailanganin mo iyan kapag ang Internal revenue service ay io-audit ang iyong tax return.

7. MGA WARRANTY AT APPLIANCE MANUAL. Itago ang resibo ng warranties hanggang sa ma-expire na ang warranties. Itago rin ang appliance manual habang gumagana at ginagamit pa ang appliances. Iyan ding trouble-shooting guide ang kailangan ng ilang taon matapos itong mabili.

8. I-SCREENSHOTS LAHAT NG DOCUMENTS AT SAKA I-SAVE SA PERSONAL EMAIL. Mas mainam ding mai-save sa personal email address ang lahat ng iyong pinakamahalagang dokumento maging ang iba't ibang ID's upang kahit anong oras na kailangan ay bubuksan o lang ang iyong cellphone.

PARA NAMAN MAKAIWASAN NA MA-HACK ANG IYONG EMAIL O FACEBOOK. Maraming dahilan kung bakit naha-hack ang emails o FB account. Delikado iyan dahil nagagawa ng hacker na baguhin ang iyong profile picture at gagawa ng mensahe sa wall ng iyong account. Magpapadala pa ng messages sa iyong mga kaibigan. Heto ang ilang paraan para secured ang iyong email at FB account.

1. PASSWORD. Kung pipili ng password dapat ay hindi madaling mahulaan, tiyakin na malakas na password ang gagamitin. Walong karakter ang haba at paghaluan ng numero na tiyakin namang matatandaan mo. Huwag isusulat ang password kung saan-saan. Pinakamainam na magpalit ng password nang madalas kung kinakailangan.

2. PAG-CLICK NG LINKS. Huwag basta mag-click ng anumang links na hindi ka tiyak kung saan nanggaling. Ang links sa inyong email messages, chat messages o news feed ay mga puwedeng paraan ng hackers para makakuha ng access sa iyong account. Kung nakakita ka ng link na nagdududa ka puwedeng magtanong sa kaibigan tungkol dito bago ito i-click. Huwag mag-click ng links sa email na nagsasabi na mula ito sa Facebook kahit na ang email ay mukhang lehitimo.

3. ANG IYONG COMPUTER. Ang ilang pag-iingat na magagawa para sa computer, tiyakin na gagamitin mo ang bagong available version ng iyong web browsers at gumagamit ng security software kung magpe-Facebook ka o email.