2 taon daw na siya ang issue… RHIAN, MUNTIK NANG MAGPAKAMATAY SA DAMI NG INTRIGA

ni Nitz Miralles @Bida | Apr. 2, 2025

Rhian Ramos - IG

Muling nag-guest sa Fast Talk with Boy Abunda (FTWBA) si Rhian Ramos para i-promote ang Sinagtala The Movie na showing simula this Wednesday at isa siya sa mga bida. 

Ang daming nai-share na kuwento ng aktres, lalo na ‘yung malulungkot na parte sa kanyang buhay. Naluha pa nga ito nang balikan ang panahon na kino-consider niyang lowest point ng kanyang buhay. Dumating pala siya sa punto na gusto na niyang magpakamatay.

“I would say, the lowest point for me, there were times na ang dami-dami talagang intriga that was going around about me and I couldn’t understand. I think this was like the third or fourth year of my career. I was young, so I was affected,” panimula ni Rhian.

Ang hindi pa maintindihan ni Rhian, may mga naniwalang siya ang nagpakalat ng mga isyu sa kanya para sumikat, to the point na nagalit na rin siya sa kanyang sarili. 

Hindi raw alam ng tao na mahirap sa kanya ‘yun at feeling niya, nag-iisa lang siya. Dito na niya naisip na mag-give up dahil two years na puro siya isyu.

“When I say, I wanted to give up, I’m not talking about showbiz. I’m talking about, you know, life as I knew it,” dagdag pa ni Rhian.

Sa tanong ni Boy kung paano siya nakabangon, sagot ni Rhian, hindi naging madali sa kanya ang bumangon at lumaban uli.

“It wasn’t an instant turn. It happened over a period of time kasi sometimes, when you’re really down, and depressed, and you’re broken-hearted about everything, sometimes it gets better,” ani Rhian.

Nang makabangon sa depression at pagkalugmok, open na siya na pag-usapan ang pinagdaanan dahil ang paniwala niya, pinatibay siya bilang babae.

“I am not afraid of thinking back to those times. I’m healed. I’ve gotten over everything and I understand why it had to happen. So, I am also not afraid of showing it and feeling the pain again,” sabi ni Rhian na maganda ang realization.

Samantala, makikilala si Rhian bilang singer at drummer player sa Sinagtala, The Movie sa direction ni Mike Sandejas. 

Ang ganda ng pelikula, panoorin ninyo!

---

GF, kahit unang na-evict sa Bahay ni Kuya…

HARVEY KAY AC: PROUD OF YOU ALWAYS

COMMENT ni Harvey Bautista, “Proud of you, always” na para sa girlfriend na si AC Bonifacio pagkatapos ma-evict sa Bahay ni Kuya kasama ang ka-duo na si Ashley Ortega.

May ibig sabihin din ang post na ito ni Harvey dahil na-bash si AC noong nasa loob pa ng Bahay ni Kuya hanggang nitong nasa labas na siya. 

Ang dami nitong bashers, pero ang importante, nananatili ang tiwala at suporta sa kanya ni Harvey.

Kung anu-ano ang itinatawag kay AC at may mga natuwa na na-evict siya dahil baka kung ano pa raw isyu ang ikalat sa loob ng Bahay ni Kuya. Hindi pa nga nagpo-post sa Instagram (IG) si AC at naka-off ang comment box. 

Baka sina Harvey at best friend niyang si Darren Espanto pa lang ang kinakausap ni AC.

Kahit patay daw ang role, bayad… FREDDIE WEBB, AMINADONG DAHIL SA PERA KAYA UMAARTE PA RIN

ni Nitz Miralles @Bida | Apr. 1, 2025

Freddie Webb - FB

Pabiro, pero totoo at tama ang sagot ni Freddie Webb kung bakit at 82 years old, nagtatrabaho pa rin siya at kasama sa cast ng drama series na Ang Himala ni Niño (AHNN) na napapanood sa TV5.  

“Malaki ang bayad, bakit naman ako tatalikod sa magandang palabas gaya nito?” paunang sagot ni Freddie nang tanungin kung bakit niya tinanggap ang offer. 

Sinundan ito ng “I’m comfortable acting as an old man because I’m an old man. When I got the role, I talked to God at sabi ko, ‘God, bahala na kayo sa ‘kin. I’m not young anymore.’ I’m happy and forever grateful na part ako ng series. I’m glad to be given the role of Lolo Mars.”  

May sinabi pa si Freddie na ikinatawa ng press at may kinalaman ito sa karakter niya sa series na si Lolo Mars. 

Aniya, “Hindi na baleng patay ang karakter, basta may taping pa rin.” 

Hindi malinaw kung ang ibig sabihin ni Freddie ay magmumulto ang karakter niya sa series.  

Anyway, may 2 weeks airing pa naman ang AHNN at malalaman ng mga viewers kung mamamatay nga ba ang karakter niya o mabubuhay? 

Basta happy si Freddie sa karakter niya na siyang magtuturo kay Zion (Cruz) na magdasal.  

“Sabi ko kay Zion, ‘Pasalamat ka, marami pa tayong taping at pasalamat ka sa three cameramen na kinukuhanan ang magaganda mong anggulo.’ I am in the twilight of my years. How blessed am I to be taken as part of this series,” ayon pa kay Freddie.  

Nagkaroon ng reunion sina Freddie at Carmi Martin sa AHNN na 12 years magkasama sa Chicks to Chicks (CTC). Pasikat pa lang daw noon si Carmi at ngayon ay isa nang superstar.  

Ang Himala ni Niño is presented by MQuest, TV5 and line produced by Cornerstone Studio directed by Thop Nazareno. 

---

Saranggola, sumabit… CHOPPER NA SINASAKYAN NI SEN. BONG, MUNTIK MAG-CRASH

NASA Facebook (FB) ni Senator Bong Revilla, Jr. ang ginanap na misa kahapon sa bahay nila sa Bacoor, Cavite, para magpasalamat sa successful emergency landing sa Cebu ng sinasakyang chopper ng reelectionist senator. 

Kasama ni Bong na nagsimba ang kanyang pamilya at staff na laging kasama sa pangangampanya.  

Post ni Bong, “Thanksgiving mass with family this Sunday. Always thankful for God’s love, protection, and blessings.” 

Naniniwala ang senador na himala ng Sto. Niño ang nagligtas sa kanila dahil malapit sa chapel ng Sto. Niño ang binabaan nila. 

Kasama sa pinasalamatan ni Bong ang owner ng property kung saan sila nag-emergency landing.  

Ipinakita pa nga nito ang chapel ni Sto. Niño, kung saan sila nag-emergency landing. Ipinakita rin nito ang propeller ng chopper kung saan sumabit ang pinapalipad na saranggola na sumabit. 

Mabuti raw at hindi nag-crash ang chopper dahil sa nangyari, kaya panay ang pasasalamat ni Bong na safe sila at nakabalik ng Manila.  

---

HINDI rin pala nakayanan ni Buboy Villar ang bashing sa kanya at sa partner niya ngayon dahil in-off nito ang comment box ng kanyang Instagram (IG). 

Matatandaang nagsalita kamakailan ang ex ni Buboy na si Angillyn Gorens na nanay ng dalawa niyang anak at ibinulgar nga nito na bukod sa hindi nagsusustento ang aktor ay binubugbog daw siya noon.

Ang hindi na-off na comment box sa IG ni Buboy, limitado naman ang puwedeng mag-comment, na ikinadismaya ng mga bashers na gusto pa namang okrayin si Buboy.  

Pati nga teeth cleaning at pagbisita ni Buboy sa skin clinic, ginawang isyu at kung anu-ano ang comment sa kanya. 

Sa lagay na ‘yun, wala siyang sinabi sa isyu sa mediacon ng Samahan ng mga Makasalanan (SNMM) at sa interview lang kay Nelson Canlas siya nagsalita, pero ang dami pa ring nag-react.  

Mabuti na lang at hindi nagpapaapekto si Buboy, tuloy ang trabaho niya at nakangiti pa rin sa mall shows nila ng cast ng nasabing pelikula. 

Kailangan niyang tumulong sa promo dahil nakakahiya naman sa mga kasama kung siya lang ang wala. Tapos, tatanggap siya ng bonus kay Chavit Singson na nangako ng bonus sa buong cast kapag naipalabas na ang movie.

Balik-pelikula si Buboy sa SNMM, tapos may isyu pa siya. Ang biruan nga, mas may isyu pa siya kesa kina Sanya Lopez at David Licauco na mga bida sa pelikula ni Director Benedict Mique.  

“Magandang blessings ito for me dahil matagal na akong hindi nakakagawa ng movie at comedy pa. Nagpapasalamat ako sa mga writer at kay Direk Benedict, sobrang enjoy kami on and off cam. Sana maging successful,” wish ni Buboy Villar.  

GF, unang tsugi sa PBB CELEB Collab… MAVY, PROUD NA NAKITA NG MADLANG PIPOL ANG TOTOONG PAGKATAO NI ASHLEY

ni Nitz Miralles @Bida | Mar. 31, 2025

Ashley at Mavy - IG - PBB

Nagtuturuan ang mga supporters nina Ashley Ortega at AC Bonifacio kung sino sa dalawa ang rason sa kanilang pagkaka-evict sa Bahay ni Kuya. 

Ang dalawa ang first evictees sa Pinoy Big Brother (PBB) Celebrity Collab Edition. May naniniwalang si AC lang ang dapat na-evict, nadamay lang daw si Ashley and vice-versa.  

Isa sa magagandang nangyari kay Ashley sa pagiging part ng PBB ay mukhang magkakabati na sila ng kanyang mom. May letter ito sa kanya at sinabing napatawad na siya kung anumang kasalanan ng aktres. 

Akala nga namin, ang mom niya ang sasalubong kay Ashley paglabas niya sa Bahay ni Kuya, pero ang sister niya ang nandu'n.  

Nagpasalamat si Ashley sa mga sumuporta sa kanya habang nasa PBB. Sa mga nagmahal daw sa kanya, salamat. Nangako itong sasagutin ang mga nag-message sa kanya kung kaya niya.  

“Kailangan ko munang i-process ang lahat ng nangyari. Thank you sa love and support and I hope I got to inspire a lot of people,” sabi nito.  

May pa-welcome post din si Mavy Legaspi kay Ashley, “So proud of you @ashleyortega. I am so happy the people got to know you better...and they love you! Welcome back to the outside world honey bunny! A girl like you? So lovable.”  

Kinontra ng mga bashers ni Ashley ang post ni Mavy, lalo na sa lovable part. Pareho raw maarte at ma-attitude sina Ashley at AC. 

Ang sagot ni Mavy ay i-post ang number three na pagte-trending ni Ashley sa X (dating Twitter) with 96.8K posts.  

Kasunod nito ang comment na, “Enough said. Goodnight world, goodnight Philippines.” 

Wala pang reaction ang mga netizens sa last post ni Mavy pero for sure, magkakaroon.  

---

Naka-post sa Instagram (IG) account ng Sparkle GMA Artist Center ang photos ni Alden Richards sa contract signing ng partnership ng company niyang Myriad Corporation at ng Viva Group of Companies. Kinongratyuleyt pa nila si Alden sa bagong ganap sa pagiging businessman nito. 

Ayon sa IG post, “Congratulations to CEO and Asia’s Multimedia Star Alden Richards and @myriad corp01 on their exciting new partnership with VIVA. Get ready for new concerts, ventures, and projects coming your way.”  

Nilinaw ni Alden na ang partnership niya sa Viva ay for business only, as Richard Faulkerson dahil bilang si Alden Richards, may exclusive contract pa rin siya sa GMA. 

In fact, pinasalamatan nito ang GMA at Sparkle sa suporta sa mga business ventures niya na parami nang parami.  

Kaya mali ang sinasabi ng mga netizens na baka magtampo ang GMA at si Atty. Annette Gozon-Valdes kay Alden dahil sa pakikipag-partner sa Viva. Baka nga maging ka-collab pa ng Viva at Myriad Entertainment ang GMA Pictures sa gagawing movie nina Alden at Julia Barretto.  

And speaking of Alden, bumisita na siya sa ice plant ng Mr. Freeze Ice King, na pinasok na rin niya. May video na makikita si Alden na nagsasahod ng ice sa sako para i-deliver sa mga nag-order.  

---

NAGKAROON pala ng gig sa Bonifacio Global City (BGC) High Street noong March 29 ang Sinagtala Band nina Rhian Ramos, Rayver Cruz, Matt Lozano at Glaiza de Castro. 

Busking Jam session ang nangyari na ipinag-enjoy ng mga nakapanood sa kanila. Wala si Arci Muñoz at nasa abroad yata that time.  

May mga nagre-request na ulitin ng Sinagtala Band ang kanilang busking bago ang showing ng Sinagtala the Movie sa April 2. Marami ang late na nabasa ang announcement at hindi na sila nakapunta sa BGC High Street. 

Ang request ng mga fans, another busking event at in-announce raw sana in advance para sila ay makapunta.  

Maganda ang pelikula, tama ang tawag ng cast at ni Director Mike Sandejas na very inspiring ito at marami ang nabitin sa ending. 

Tama lang na magkaroon ito ng part 2 at part 3, kaya lang, kailangan munang kumita ang Sinagtala the Movie bago magka-part 2 at 3.  

Musical film ito, may drama at gusto namin ang new songs na isinama sa movie, lalo na ‘yung Forever Blue (FB) na duet nina Rayver at Rhian. Ang request ng mga fans, i-release ito ng single, pati na ang buong OST ng movie.  

Magugulat ang mga moviegoers na mga musikero palang tunay ang cast at narinig nga namin ang comment nang mag-perform ang lima na ang astig daw pala maggitara nina Glaiza, Matt at Arci. Nagulat din sila na mahusay sa drums si Rhian at si Rayver, hindi lang dancer, singer din.