Aktor, binati sa b-day… BARBIE, TODO-SIKSIK DAW NG SARILI KAY DAVID

ni Nitz Miralles @Bida | July 7, 2025

Photo: David at Barbie - IG

Isyu na naman pala sa mga fans ni David Licauco ang birthday greetings via video ni Barbie Forteza sa late pa-birthday party ng mga fans ng ka-love team. May nag-comment kasi na isiniksik na naman ni Barbie ang sarili kay David at sa event ng mga fans para sa aktor.

Mabuti na lang at sa video, sinabi ni Barbie na nilapitan siya ng mga fans ni David (‘yung mga hindi galit sa kanya) para sa video greetings. Dahil magkaibigan at magka-love team sila, pumayag si Barbie.

May BarDa fans sa party dahil masaya sila sa video greetings ni Barbie for David at nagsigawan nang sabihin ng aktres na magkikita sila that night.

Nakakaloka ang ibang mga fans nina Barbie at David, ‘yung solo fans ni David, hate si Barbie and vice-versa. Mabuti na lang at hindi naapektuhan ang friendship at love team ng dalawa pati ang career nila. For sure, after ng mga projects ni Barbie na hindi kasama si David, magbabalik-tambalan din sila.

Pero sa Beauty Empire (BE), na simula na ang airing today, si Sam Concepcion ang partner ni Barbie. Si Jameson Blake naman ang partner niya sa Netflix movie na Kontrabida Academy (KA) at wala siyang partner sa horror movie na P77. Lahat ng projects na ito, this July mapapanood.

---

Mga alaga ng manager, kumpleto…

GABBY, DUMATING SA BUROL NI LOLIT

Halos kumpleto ang mga talents ni Lolit Solis sa second night ng kanyang wake sa Aeternitas Chapels and Columbarium sa QC. 

Nag-attend ng mass sina Lorna Tolentino, Ali Sotto, Amy Austria, Benjie Paras and wife and son, Paolo Contis, Tonton Gutierrez and wife Glydel Mercado. 

Nag-attend din ng mass si Gina Alajar. 

After the mass, dumating sina Bong Revilla and wife, Cavite’s 2nd District Representative Lani Mercado. 

Dumating din si Gabby Concepcion kasama ang manager na si Popoy Caritativo. Nagpaalam sandali ang aktor sa taping ng My Father’s Wife (MFW) para makabisita sa wake ng former manager.

Mahigpit ang yakap nina Gabby at Sneezy, anak ni Lolit, at nagkuwentuhan sila sandali. 

Pinabuksan ni Sneezy ang sealed na coffin ng ina para makita nina Gabby, Bong at Lani.

Naging emosyonal ang tatlo, pero happy sila na at peace si Lolit.

Binati ni Gabby ang kapwa-artista na nasa wake, hindi na siya in-interview ng press, pero game na nagpakuha ng pictures. Okay lang siguro kay Lolit kung in-interview si Gabby, pero hindi na ginawa ng press, hinayaan si Gabby na magdasal sa harap ng kabaong ng former manager.

After Gabby left, dumating naman ang mag-asawang Christopher de Leon at Sandy Andolong, kaya lang, behave ang press. Walang pormalang interview na ginawa sa maraming artistang nasa wake. Kuwentuhan at tsikahan lang nang konti.

Si Paolo lang ang natanong ng kapwa writer naming si Erlinda Rapadas kung hahanap ng bagong manager ngayong wala na si Lolit, pero wala pa raw sa isip niya ‘yun. 

Si LT naman, kayang makipagnegosasyon at tinutulungan daw ni Gory Rula.

Anyway, sa kuwento ni Sneezy, bukas, Tuesday ang cremation ng ina dahil hinintay pa ang kapatid na si Sloopy na mamayang gabi pa lang ang dating mula Amerika. Magtatagal daw ang stay niya sa bansa, hihintayin ang 40 days ni Lolit at maglilinis daw siya sa bahay nito.

---

SI Wilson Flores ang punong-abala sa awarding ceremony ng TikTok Video Competition in celebration sa 50 years of Philippines-China Diplomatic Relations. The event was organized by Youth & Integration Committee and Media & Public Information at ginawa sa Luxent Hotel ang awarding ceremony.

Masaya ang event na dinaluhan ng mga Chinese, Filipinos at Fil-Chinese. Present sa event si Mr. Victor Lim, Federation of Filipino Chinese Chamber of Commerce & Industry Inc., Mr. Reynold Siy, FFCCCII VP and Youth & Integration Committee Adviser, and Mr. Peter Mangasig, FICCCII Youth & Integration Committee Chairman.

Nakakatuwang malaman na lahat ng winners, grand prize winners at special awardees ay Filipino. 

Ang gaganda ng entries nila na hina-highlight ang friendship at ugnayan ng dalawang bansa. Magtataka ka tuloy kung bakit may isyu sa WPS.

Tumanggap ng cash prizes ang special awardees at ang mga winners ng P100,000, P50,000, at P30,000 respectively. 

Binigyan naman ng P10,000 ang special awardees.

In-announce ni Wilson na dahil sa success ng TikTok Video Competition, may susunod na TikTok Video Competition at sa September 30, 2025 ang deadline. May celebrity judges na pipili ng winners, kaya sumali na.

Wala nang hadlang sa kasal… JANINE, TANGGAP NG ANAK NI ECHO

ni Nitz Miralles @Bida | July 6, 2025

Photo: Janine at Echo - IG

Dahil hindi narinig ang pinag-usapan nina Janine Gutierrez at Santino Rosales, anak ng boyfriend ng aktres na si Jericho Rosales, ang mga netizens na ang nagbigay ng meaning sa naging action ng dalawa nang magkita sa isang event sa Marriott Hotel.

Dahil nagbeso at nagtawanan pa habang magkausap, ibig sabihin daw, aprub kay Santino ang relasyon ng ama at ni Janine. 

Tinapik pa nga ni Janine si Santino bago siya tumalikod at sa buong time na magkausap, masaya ang dalawa.

Ang dating noon, tanggap ni Santino na maging stepmom si Janine. Kaya masuwerte raw si Jericho dahil wala siyang magiging problema sa anak at GF kapag ginusto na nila ni Janine na magpakasal.

---

Tuwing birthday at Pasko…

PAULEEN, IBINULGAR NA TAUN-TAON HINAHARBATAN NI LOLIT NG LECHON

KABILANG si Lorna Tolentino sa mga nagluluksa sa pagpanaw ng talent manager na si Lolit Solis. 

Sa kanyang Instagram (IG), nag-post si LT ng photo ni Lolit at may caption na: “Our beloved Manay Lolit Solis has peacefully joined Our Creator last July 3, 2025.

“Manay Lolit leaves behind a loving family and many friends who will always cherish her memory.

“We remember Manay Lolit as a feisty and staunch loyal supporter, manager and friend.

“We love you our dearest Manay, you will be missed.”

Si Pauleen Luna-Sotto, isa pa sa mga talents ni Lolit, nagpahayag din ng lungkot sa pagpanaw ng manager. Sa IG, ipinost ni Pauleen ang photo nila habang karga niya ang anak na si Mochi. 

Kasama ring ipinost ni Pauleen ang screenshot ng exchange nila ng messages na ang iba ay noong 2023 pa.

Sabi ni Pauleen, “My dear Nanay, I wish the world saw you how your alagas saw you. A mother, a protector, a fighter and someone who is very loyal. Hindi man magaling sa iyong mga salita, ang puso mo naman ay nagsusumamo sa pagmamahal. Hindi ito halata, it took me a while to see it, feel it, to understand it... kakaiba ka talaga. 

“Every year, Nanay Lolit had a list of the gifts she wanted for her birthday and Christmas. That list hardly changed and it made me wonder what she did to all those things she asked for. Sa akin, she would ask for lechon for both occasions at napapaisip talaga ako kung paano n’ya uubusin ‘yung lechon mag-isa, ‘yun pala, every time her birthday and Christmas came, she would open her doors to people to come eat and feast and celebrate life with her. Lahat ng mga TVM gadgets, appliances that she would ask from her alagas, she would donate it to people who needed it. In short, lahat ng hinaharbat n’ya ay hindi para sa kanya. Hindi lang halata, but she had a big heart.”

Kasama sa post ni Pauleen na isa sa pinakagusto niya kay Lolit ay na-appreciate ang pagiging wife and a mother niya. 

Pahayag niya, “She NEVER FAILED to make me feel like I was doing a good job.

“She was always happy for my family life and she always celebrated that. She loved my husband, my children even from afar and would always tell me so I won’t forget. She was so proud of me when I became a wife and a mother, the very best of my life and for that I am truly, truly grateful.

“You are family Nanay. 20 years with you is not enough. It breaks my heart that you have left us but I find comfort in the fact that you are now happy, at peace and pain free. ‘Til we meet again, Nanay. Mahal na mahal din kita.”

Dahil sa post na ito ni Pauleen, may nag-iba ang pagtingin kay Lolit. 

Sey ng isang netizen, “Thank you for sharing, made me change the way I perceived her.”

---

CURIOUS kaming malaman kung sino ang lawyer/s ni Julie “Dondon” Patidongan o alyas “Totoy” sa haharapin niyang kaso laban kina Atong Ang at Gretchen Barretto. 

Si Atong, kabilang sa lawyer si Atty. Lorna Kapunan, isang mahusay na abogado.

Si Gretchen Barretto, si Atty. Alma Mallonga ang lawyer at siyang nag-issue ng statement on behalf of Gretchen. 

Wala pang nababanggit kung sino ang lawyer ni alias Totoy at dapat kasinggaling ng counsel nina Atong at Gretchen, lalo na at marami siyang kasong haharapin.

Walang nakasulat sa statement ni Gretchen kung idedemanda niya si alias Totoy, nilinaw lang na hindi siya ang nag-o-operate ng sabungan at investor lang siya, isa sa 20 investors. Hindi rin daw dumalo sa meetings si Gretchen para i-implement ang disappearance ng mga sabungero. Imbento lang daw ito.

Tiket para sa meet and greet, idinaan sa pa-raffle… HYUN BIN, DARATING SA ‘PINAS, FANS NAGKAGULO

ni Nitz Miralles @Bida | July 4, 2025

Photo: Hyun Bin - IG

Nagkakagulo ang mga fans ng South Korean superstar na si Hyun Bin sa announcement ng Solaire na darating sa bansa ang aktor sa August 8, 2025 for an exclusive fan meet and greet.

Pahayag ng management, “A titan of Korean entertainment and a global superstar, Hyun Bin has captivated hearts worldwide with his unforgettable roles in blockbuster hits like Crash Landing on You, Secret Garden and My Lovely Sam Soon. Known for his charismatic presence, versatile acting, and undeniable charm, his visit to Manila is a truly momentous occasion for fans and admirers alike. Get ready to witness a legend, right here at Solaire.”

Kaya lang, bago makakuha ng raffle entry para sa tiket, kailangang may worth P2,000 single receipt sa bars and restaurants ng Solaire. Kailangan ding mai-submit ang entry from July 1 to 31 at sa July 31 din ang draw ng winners.

Nagkakagulo dahil bakit kailangan pa raw ng raffle? Sana raw ay mabili na lang ang tiket para sigurado sila na makikita si Hyun Bin. 

Sa dami kasi ng sasali sa raffle, maliit ang chance na sila ay manalo. 

Nakakatuwa ang reaction ng mga netizens gaya ng comment na magsisimula na silang kumain sa Solaire at tatambay sila rito.

---

FAVORITE ni Marian Rivera ngayon ang design and creation ng Hacchic Couture based in Vietnam. Sa mga dinadaluhan niyang events, from awards night, anniversary ng GMA Network at sa wedding anniversary nila ni Dingdong Dantes, gawa ng Hacchic Couture ang suot ng aktres.

Nasa Instagram (IG) account na nga ito ng Hacchic Couture at posibleng sa awards night ng The Eddys na nominated siyang Best Actress, gawa pa rin ng favorite niyang fashion house ang suot niya.

Ang ganda ng caption ng fashion house sa post nila para kay Marian, “Marian Rivera, the most celebrated beauty icon of the Philippines, once again chose Hacchic Group for a remarkable milestone – the Best Actress award for Balota.

“Our heartfelt gratitude to Marian Rivera for continuously entrusting us with her most significant occasions. It is an honor and a privilege to be part of her remarkable moments.”

Anyway, maganda rin ang acceptance speech ni Marian nang manalo ng Best Actress sa Guillermo Box Office Awards, lalo na ang sinabi nitong, “Here’s to many more stories to tell!”

---

MAGPI-PREMIERE sa July 11, 5 PM, sa House of D YouTube (YT) Channel ang House of D (HOD), ang show ni Dina Bonnevie at mga anak na sina Danica Sotto-Pingris at Oyo Sotto. Kasama rin ang husband ni Danica na si Mark Pingris at ang wife ni Oyo na si Kristine Hermosa.

Excited ang mga fans ni Dina na muli siyang mapanood sa YT, pati ang mga fans ni Kristine and of course, fans ng magkapatid na Oyo at Danica. Gustong malaman ng mga netizens ang nangyayari sa mga nabanggit na sa socmed (social media) na lang nila natse-check.

Sabi sa teaser, “Family... where life begins, and love never ends.

“Welcome to the HOUSE of D! Here, you’ll discover that everything good begins with family. The warmth of love, the sound of laughter, and the wisdom of shared lessons.

“Get ready for stories to unfold, bonds that grow stronger, and a place where love is always at home.”

Nakasulat ang The Good Life Media Group Inc. na parang producer ng show na baka pagmamay-ari ni Dina o family corporation. 

Hindi pa nga nagpi-premiere, may mga requests na sana ilagay sa Netflix ang HOD at i-guest ang mga anak nina Danica at Mark at Oyo at Kristine bilang pandagdag-saya raw.

Sa nagtanong kung reality show ba ang HOD, sagot ni Dina, “Hindi po, talk show po ito kung saan ibabahagi po namin ang mga karanasan namin sa buhay na maaaring makaka-relate kayo or kapupulutan ninyo ng aral. Minsan masaya at minsan malungkot pero laging punumpuno ng pagmamahal.”

Dagdag pa ni Dina, the show is for the whole family at excited na rin siya na malapit na ang airing nito. 

Nakakatuwang malaman na marami pang fans ang aktres at waiting na sila na regular siyang mapapanood sa kanilang talk show.