Imbestigasyon sa illegal quarrying at mining, sangkot dapat kasuhan!

ni Nancy Binay - @Be Nice Tayo | May 5, 2022

Suportado natin ang direktiba ni Pangulong Rodrigo Duterte sa Department of Environment and Natural Resources (DENR) na imbestigahan ang pagpapatayo ng mga resort sa Upper Marikina Watershed at Marikina Georeserve sa lalawigan ng Rizal.

Kasama sa direktiba ang pag-imbestiga rin ng mga ulat ng illegal quarrying at mining sa Marikina Georeserve.

Ipinagbabawal sa Republic Act 11038 o Expanded National Integrated Protected Area Systems Act of 2018 at Forestry Reform Code of the Philippine ang pagtayo ng mga ilegal na istruktura sa mga protected area ng bansa.

☻☻☻

Dumating ang direktiba matapos sumulat sa Pangulo ang mga environmentalist at educators na suspendihin ang mga illegal activities sa Upper Marikina River Basin Protected Landscape.

Nitong Pebrero, 2 forest ranger ang nasugatan pagkatapos silang atakihin ng mga diumano’y residente ng Baras, Rizal.

Ngunit ayon sa Masungi Georeserve Foundation, isa sa mga suspek ay empleyado ng resort na nabigyan ng cease-and-desist order ng DENR dahil sa mga illegal structure sa protected area.

☻☻☻

Napakahalaga ng 26,126-hectare UMRBPL at Marikina Georeserve, na nasa 2,700 hectares sa loob nito, hindi lang sa biodiversity kundi pati na rin sa pag-kontrol ng baha.

Kaya nananawagan tayo sa DENR na seryosohin ang direktibang ito.

Bukod sa imbestigasyon, nais nating makita na mabaklas ang mga ilegal na istruktura at masampahan ng kaso ang mga responsable sa pagsira ng mga likas na yaman natin.

☻☻☻

Umaasa rin tayo na magkaroon ng sapat na proteksyon ang ating mga forest ranger at environmental activist.

Ang Pilipinas kasi ang tinaguriang "deadliest place" sa Asia para sa mga environmental activist, at 3rd deadliest sa buong mundo.

Ayon pa sa International Ranger Federation, 44 percent ng "line of duty deaths" sa mga forest ranger ay homicide.

Ayon sa MGF, gamit ang data mula sa United Nations Development Programme, ito ay dahil sa mayroon lamang 1 ranger sa bawat 4,000 hectares ng protected area sa bansa.

☻☻☻

Kailangan nating bigyang-prayoridad ang mga natitira nating likas na yaman, lalo na ang mga protected area, sa harap ng banta ng climate change.

Habang lumalala ang mga bagyo at tumitindi't dumadalas ang pagbaha, ang mga protected area rin ang magbibigay sa atin ng proteksyon laban sa epekto ng nagbabagong klima.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Maki-join sa “Chikiting Bakunation Days”

ni Nancy Binay - @Be Nice Tayo | May 1, 2022

Ipinaaabot natin ang ating pinakamataas na pagpupugay sa lahat ng manggagawa ngayong Araw ng Paggawa.

Sinisiguro ng inyong hindi matatawarang pagpupunyagi at pagsasakripisyo ang kalusugan, pagkain sa mesa, kaligtasan, at ang kapakanan ng milyun-milyong Pilipinong umaasa sa inyo.

Nawa’y hindi kayo panghinaan ng loob sa ating patuloy na pakikibaka laban sa pandemya. Malalagpasan din natin ito, sa tulong ng ating pagtutulungan at iisang pagkilos.

Mabuhay ang isang haligi ng bansang Pilipinas, ang manggagawang Filipino!

☻☻☻

Nitong nakaraang linggo ay nagbabala ang Department of Health (DOH) ng posibilidad ng outbreaks ng non-COVID diseases dahil sa pagbaba ng immunization coverage nitong pandemya.

Maraming mga sakit tulad ng tigdas, polio, at trangkaso ang maaaring maiwasan kung bakunado ang mga mamamayan, lalo na ang bata.

Ayon sa DOH, bumaba sa 48.5 percent noong 2021 ang childhood immunization kumpara sa 70 percent noong 2019.

Ayon pa sa kagawaran, naapektuhan ng pandemya ang pagpapabakuna dahil marami sa mga vaccinator ay nakatuon sa laban kontra COVID-19.

Natakot din daw ang mga magulang na dalhin sa mga clinic at ospital ang kanilang mga anak.

☻☻☻

Ayon kay Dr. Lulu Bravo, Executive Director ng Philippine Foundation for Vaccination, kailangang itaas muli ang immunization rate sa 85 to 90 percent, kumpara sa tinatayang 60 percent sa ngayon.

Dahil dito, magkakaroon ng “Chikiting Bakunation Days” sa huling Huwebes at Biyernes sa Abril, Mayo, at Hunyo para sa mga batang edad 0 hanggang 23 buwan.

Pakiusap natin habang mababa ang mga kaso ng COVID-19 sa bansa ay samantalahin ito ng mga kinauukulan at mga LGUs, pati na ng mga magulang upang pabakunahan ang kanilang mga anak.

Napatunayan nang epektibo ang mga bakuna, kung kaya’t walang dapat ipangamba ang mga magulang. Kaya arat na sa mga clinics at ospital, mga mommies at daddies!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

2nd booster para sa immunocompromised, tutukan

ni Nancy Binay - @Be Nice Tayo | April 28, 2022

Hinihikayat natin ang mga immunocompromised nating mga kababayan na muling magpabakuna upang magkaroon ng dagdag na proteksyon kontra COVID-19.

Nagsimula nitong Lunes, April 25, ang rollout ng pangalawang COVID-19 booster shot para sa mga health worker, senior citizen at immunocompromised individuals.

Ayon sa National Vaccination Operations Center, tina-target nilang mabigyan ng pangalawang booster ang nasa 690,000 immunocompromised na Pilipino.

☻☻☻

Ginawa ang rollout pagkatapos payagan ng Food and Drug Administration ang pagbigay ng 2nd booster shot. Para sa immunocompromised sector, ibibigay ang 2nd booster tatlong buwan matapos ang unang booster dose.

Samantala, pagkatapos ng 4 na buwan naman ang para sa health workers at senior citizens.

Nasa 66 million Pilipino na ang fully-vaccinated, subalit 12 million pa lamang ang may booster shot.

☻☻☻

Sa harap ng banta ng World Health Organization ng panibagong surge dahil sa halalan at “waning immunity,” mahalagang mabigyan ng karampatang proteksyon ang mga vulnerable sector.

Umaasa tayong tututukan ng pamahalaan na mapadami ang bilang ng mabibigyan ng booster shot. Kasama na rin sa panawagan natin na siguruhing hindi maaaksaya ang nasa 27 million vaccine doses na nakaambang mag-expire sa Hulyo.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay