Nancy Binay 74/155

Lumalalang diabetes at obesity sa bansa, kailangang aksyunan

BULGAR

ni Nancy Binay - @Be Nice Tayo | November 16, 2022

Tuwing November 14 ang komemorasyon ng World Diabetes Day.

Mahalaga ang pagdalo ng araw na ito sa pagdidiin sa madla sa panganib ng sakit na ito.

Ayon sa International Diabetes Federation, 643 milyon sa buong mundo ang tinatayang magkakaroon ng diabetes pagdating ng 2030. Inaasahang lolobo ito sa 783 milyon sa 2045.

Sa Pilipinas naman, nasa 5 milyong kababayan natin ang may diabetes, ngunit ayon sa Diabetes Philippines ay tinatayang nasa 5 milyon pa ang may diabetes, ngunit hindi pa nada-diagnose.

☻☻☻

Delikado ang diabetes dahil kung hindi na-diagnose at nabigyan ng lunas ay nagdudulot ng komplikasyon, tulad ng pagkabulag, problema sa kidney, stroke, heart attack, pagkaputol ng mga paa o kamay, atbp.

Ang nakababahala na dumami ang mga Pilipinong naging diabetic sa panahon ng pandemya.

Bumabata rin ang mga nada-diagnose na may sakit at marami sa mga ito ang nasa 20s at 30s pa lamang dahil sa genetic predisposition at heredity, at sa sedentary lifestyle na lumala dahil sa limitasyon sa pagkilos dahil sa lockdown.

☻☻☻

Nararapat pansinin na dumami rin ang bilang ng mga Pilipinong naging obese sa pandemya.

Inilahad ng 2021 Expanded National Nutrition Survey (ENNS) ng Department of Science and Technology-Food and Nutrition Research Institute (DOST-FNRI) na nasa 3.9 percent ang obesity rate ng mga batang mula 0 hanggang 5 taong gulang, at 14 percent naman sa edad 5 hanggang 10.

Samantala, isa sa bawat 10 adolescent at 4 sa 10 adults ang overweight o obese.

10 percent ng mga adult na edad 20 hanggang 59 ay obese, at 6.2 percent naman sa mga senior citizen naman na 60 pataas ang obese.

Maaaring magdulot ng diabetes ang obesity.

☻☻☻

Nananawagan tayo sa Department of Health at sa buong pamahalaan na mariing tutukan at tugunan ang paglaganap ng diabetes at obesity sa bansa, na itinuturing na mga silent epidemic.

Tulad nga ng madalas sabihin, prevention is better than cure. Maiiwasan ang malaking gastos hindi lang ng mga pamilya, kundi maging sa pondo ng bansa, kung bibigyang-halaga natin ang pagkakaroon ng healthy lifestyle ng bawat isa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Parang nasa heaven on earth… Palawan, “Most Desirable Island” ng UK travel magazine!

BULGAR

ni Nancy Binay - @Be Nice Tayo | November 13, 2022

Isa na namang pagkilala ang natamo ng Pilipinas sa larangan ng turismo.

Ito ay matapos hirangin ng Wanderlust magazine ang isla ng Palawan bilang “Most Desirable Island (Rest of the World)” sa kakatapos lamang na 21st Wanderlust Travel Awards.

Kinikilala ang magazine bilang longest-running travel magazine sa United Kingdom at nangunguna sa pagpo-promote ng sustainable travel.

Pumangalawa sa listahan ang isla ng Tobago sa bansang Trinidad and Tobago, samantalang hinirang bilang pangatlo ang Viti Levu sa Fiji.

☻☻☻

“Escape to paradise” kung i-describe ng magazine ang Palawan, dahil para ka na ring nasa “heaven on earth” dahil na rin sa “sparkling waters and white sand beaches” ng pamosong islang ito.

“One of the most photographed sites is Kayangan, a dazzling freshwater lake with spectacular rock formations above and below the surface,” ayon sa magazine.

“Elsewhere on the island you can explore one of the world's longest underground rivers, enjoy a spot of twitching, or fuel up with some delicious cuisine in the island's capital of Puerto Princesa,” dagdag pa nito.

☻☻☻

Ayon din sa Department of Tourism (DOT), pang-anim ang ating Dive7 Program, na pakikipagtulungan ng ating ng Tourism Board at DOT-Central Visayas Office, sa Wanderlust Sustainability Initiative Category.

Nominated naman ang Cebu bilang Most Desirable Region (Rest of the World).

Nitong nakaraang buwan lamang ay umani rin ng pagkilala ang Palawan, Boracay at ilang hotel at resort bilang top destinations at accommodations sa international travel magazine na Conde Nast.

☻☻☻

Malaking tulong ang mga pagkilala na ito sa ating tourism industry, sapagkat kinikilala ng mga international travel stakeholders ang kagandahan ng ating bansa.

At siguradong makatutulong ito upang humatak ng mas marami pang turista sa susunod na taon at makaeengganyo pa ng karagdagang turista upang iangat ang bilang ng foreign tourist arrivals mula sa tinatayang 1.9 milyong na bumisita mula Enero hanggang Nobyembre 2022.

Binabati natin ang lahat ng tourism stakeholders sa ating bansa sa pagkilalang ito. Ipagpatuloy natin at lalong paghusayan pa, upang lalo pang umangat ang tourism industry ng Pilipinas!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Panganib ng cholera outbreak, tutukan agad

BULGAR

ni Nancy Binay - @Be Nice Tayo | November 9, 2022

Nababahala tayo sa pagtaas ng kaso ng cholera sa bansa ngayong 2022.

Ayon sa Department of Health, mula January 1 hanggang November 2 ay nasa 4,102 na ang kaso ng cholera sa bansa, na mas mataas ng 254 percent kaysa 2021. Nasa 1,159 kaso ang naitala noong 2021.

Sa 4,102 kaso, 52 percent o 2,132 ang kababaihan, habang 18 percent o 731 naman ay mga batang mula 5 hanggang 9 taong gulang.

Umabot na rin sa 37 katao ang namatay dahil sa sakit na ito.

Dagdag pa ng DOH, umabot na sa epidemic threshold sa mga nakaraang linggo ang Central Luzon, Western Visayas, at Eastern Visayas.

May positive growth rate din ang kaso ng cholera sa mga lalawigan ng Antique, Bataan, Negros Occidental, Northern Samar at lungsod ng Bacolod, Baguio, Zamboanga at Manila nitong huling 3-4 na linggo, ayon sa DOH Epidemiology Bureau.

☻☻☻

Ayon sa World Health Organization, ang cholera ay nakukuha sa pamamagitan ng pagkain o tubig na nakontamina ng Vibrio cholerae bacteria.

Nagdudulot ito ng lubhang pagtatae o severe diarrhea sa bata man o matanda at maaaring ikamatay kung hindi agad natugunan.

Madalas na kumakalat ito sa mga mahihirap na pamayanan na walang access sa malinis na tubig at maayos na sanitation facilities.

☻☻☻

Kailangang umaksyon ang pamahalaan upang sa lalong madaling panahon ay makontrol ang pagkalat ng sakit na ito.

Kung hindi natin agad matutugunan ay nanganganib na magkaroon ng outbreak nito.

Kinakailangang matukoy agad ng DOH at iba pang ahensya ang sanhi ng pagdami ng mga kaso sa iba’t ibang lalawigan ng bansa at ayusin kung anuman ang dapat ayusin.

Nananawagan na rin tayo na gawing prayoridad ang pagbibigay ng access sa ligtas at malinis na tubig sa ating mga kanayunan at mga mahihirap na pamayanan.

Makatutulong din ang pagkakaroon ng information drive upang maturuan ang mga kababayan kung paano makaiiwas sa cholera infection.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Lumalalang diabetes at obesity sa bansa, kailangang aksyunan

Parang nasa heaven on earth… Palawan, “Most Desirable Island” ng UK travel magazine!

Panganib ng cholera outbreak, tutukan agad

RECOMMENDED