Nancy Binay 73/155

Publiko, hinihikayat na lumahok sa bakunahang bayan kontra COVID-19

BULGAR

ni Nancy Binay - @Be Nice Tayo | November 27, 2022

Hinihimok natin ang publiko na lumahok sa ikinasang “Bakunahang Bayan” ng Department of Health (DOH) laban sa COVID-19.

Nationwide ang vaccination campaign, na target ang mga batang edad 5 hanggang 11 at ‘yung mga hindi pa nakatanggap ng kanilang 1st booster shot. Mangyayari ito sa December 5 hanggang 7, Lunes hanggang Miyerkules.

Ayon sa datos ng DOH, 73.7 milyong Pilipino na ang bakunado laban sa COVID-19, samantalang 20.9 milyon naman ang nakatanggap na ng 1st booster.

☻☻☻

Bagama’t mababa na ang COVID restrictions sa ating bansa, hindi ibig sabihin nito ay ibaba na natin ang ating depensa laban dito.

Ayon sa OCTA Research, tumaas ang seven-day COVID-19 positivity rate ng National Capital Region sa 9.2% noong November 22 mula sa naitalang 7.4% noong November 15.

Batay naman sa latest na datos ng DOH, nakapagtala ang NCR ng 3,382 na mga kaso,

pinakamataas na bilang ng kaso sa nakalipas na dalawang linggo.

Sinusundan ito ng Calabarzon na may 1,973 kaso; Western Visayas (1,444); Central Luzon (1,131) at Central Visayas (1,078).

Binabantayan ang mga numero na ito, dahil posibleng simula ito ng muling pagsirit ng mga kaso.

☻☻☻

Kung kaya’t paulit-ulit na hinihikayat ng inyong lingkod ang sambayanan na magpabakuna at patuloy na mag-obserba ng minimum public health standards, bukod sa pagpapanatiling malusog ng ating mga katawan.

Ito ang ating mga pananggalang sa COVID-19, lalo na kung may mga mahal tayo sa buhay na high risk sa sakit, tulad ng senior citizens at may underlying medical conditions tulad ng may comorbidities o immunocompromised.

☻☻☻

Hindi lamang COVID-19 ang kailangang bantayan, dahil ayon sa World Health Organization (WHO) at US Centers for Disease Control and Prevention ay may banta na muling kumalat ang tigdas sa buong mundo.

Sa tala ng mga ahensya, nasa halos 40 milyong bata sa buong mundo ang hindi nakatanggap ng measles vaccine noong 2021, samantalang may 3 milyong batang Pinoy ang hindi bakunado laban dito, ayon sa DOH.

Nagbabala na rin ang DOH na posibleng magkaroon ng measles outbreak sa bansa sa susunod na taon.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Internet access ng mga estudyante, dapat libre at mabilis

BULGAR

ni Nancy Binay - @Be Nice Tayo | November 23, 2022

Tuwing Nobyembre ang komemorasyon ng National Children's Month.

Kaugnay nito, napapanahong pag-usapang muli ang kasalukuyang krisis sa edukasyon na pinalala ng pandemya.

Sa gitna ng sinasabing "Information Age", mahalaga ang pagkakaroon ng kabataan ng madaling access sa internet upang masamantala ang yaman ng impormasyon na naroon.

☻☻☻

Kaya lang, nasa 1.8 percent lamang ng public school sa buong bansa ang may free public wifi, ayon sa Free WiFi for All Dashboard ng Department of Information and Communications Technology.

Ito ay sa kabila ng pagsasabatas ng Republic Act 10929 o ang Free Internet Access in Public Places Act limang taon na ang nakalilipas.

Ayon sa Free Public Wi-Fi Dashboard, nasa 860 public school lamang sa 47,421 public schools ng bansa ang may libreng public wifi as of September 2, 2022.

☻☻☻

Ngayong nagbalik-eskwela na ang mga bata, kinakailangang gawing top priority ng Department of Information and Communications Technology ang pagsiguro na mas maraming public school pa ang mabigyan ng free public wifi.

Matinding paghahabol ang kinakailangang gawin ng buong pamahalaan upang maiwasan ang pagkakaroon ng "lost generation" o kabataang mahihirapang humanap ng trabaho sa hinaharap dahil sa pandemya.

☻☻☻

Ito, at iba pang isyu ang inaasahan nating matatalakay nang husto sa Second Congressional Commission on Education (EDCOM II).

Binuo ang EDCOM II sa pamamagitan ng Republic Act 11899 para magkaroon ng komprehensibong assessment at evaluation sa kalidad at performance ng education sector ng bansa.

Magkakaroon ng 10 miyembro ang EDCOM II na mula sa House of Representatives at Senate: magsisilbing co-chairperson ng komisyon ang chairpersons ng Senate Committees on Basic Education, Arts and Culture, at Higher, Technical and Vocation Education, at chairpersons ng House Committees on Basic Education and Culture at Higher and Technical Education.

Pipiliin naman ng Senate President at House Speaker ang tigatlo pang member.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Hakot pa more ng parangal ang ‘Pinas sa 29th World Travel Awards

BULGAR

ni Nancy Binay - @Be Nice Tayo | November 20, 2022

“When it rains, it pours.”

Akmang-akma ang kasabihang ito sa ating industriya ng turismo, dahil sa sunud-sunod na magandang balitang hatid ng ating tourism industry nitong mga nakalipas na araw.

Wagi na naman sa world stage ang Pilipinas, matapos kilalanin bilang World’s Leading Dive Destination at World’s Leading Beach Destination ang ating bansa ngayong taon sa 29th World Travel Awards.

Ilang Philippine establishments din ang pinarangalan sa WTA tulad ng Amanpulo world’s leading dive resort for 2022; City of Dreams Manila bilang World’s Leading Casino Resort 2022; at Ascott Bonifacio Global City Manila bilang World’s Leading Serviced Apartments 2022.

Pang-apat na beses na tayong pinarangalan bilang World’s Leading Dive Destination sa nasabing awards.

☻☻☻

Ang mga sunud-sunod na pagkilalang natanggap ng ating bansa ngayong taon ay patunay lamang na hindi pahuhuli ang ating bansa sa taglay nitong alindog.

Noong nakaraang linggo ay binansagang Most Desirable Island ang Palawan ng Wanderlust magazine ng UK.

Hinirang naman ng magasing Conde Nast ang Palawan, Boracay at ilang hotel at resort sa bansa bilang mga top destinations at accommodations, kasabay ng pagtatanghal ng Time magazine ang Boracay bilang isa sa mga “world’s greatest places in 2022” noong Hulyo.

☻☻☻

Kasabay din ng mga award ang patuloy na pag-angat ng tourist arrivals. Ayon sa latest tally ng Department of Tourism (DOT), umabot na sa 2.025 milyong turista ang bumisita sa ating bansa ngayong taon, na mas higit pa sa projection nitong 1.7 milyong turista.

Nakapag-ambag ang tourist arrivals mula Pebrero hanggang Setyembre ng tinatayang Php100.7 bilyon sa ating ekonomiya, dagdag pa ng DOT.

☻☻☻

Nitong nakaraang linggo rin ay ipinasa ng Senado ang panukalang P3.5 billion budget ng DOT para sa susunod na taon.

Bilang chairperson ng Senate Senate Committee on Tourism, at sponsor ng DOT budget, buo ang ating paniniwala sa patuloy na pagbangon at paglago ng ating tourism industry.

Patuloy tayong nakikipagtulungan sa tourism stakeholders, sa pangunguna ng DOT, upang lalo pa itong makapag-ambag sa ating ekonomiya, lalo na sa rural areas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Publiko, hinihikayat na lumahok sa bakunahang bayan kontra COVID-19

Internet access ng mga estudyante, dapat libre at mabilis

Hakot pa more ng parangal ang ‘Pinas sa 29th World Travel Awards

RECOMMENDED