Nancy Binay 70/155

SIM card registration iwas-scammer na, pantulong pa para ma-solve ang mga krimen

BULGAR

ni Nancy Binay @Be Nice Tayo | December 29, 2022

Nagsimula noong December 27 ang registration ng mga SIM card alinsunod sa Republic Act 11934 na isinabatas noong October.

Minamandato ng SIM Card Registration Act ang pagrehistro ng lahat ng telecommunications subscribers sa kanilang service provider para ma-activate ang kanilang SIM.

May 180-days ang bawat subscriber na mag-register para hindi ma-deactivate ang kanilang SIM.

Layunin ng RA 11934 na maprotektahan ang madla sa naglipanang spam text at scam, at para na rin matulungan ang mga law enforcement agencies sa pagresolba sa mga krimen.

Umaasa tayong magtutulungan ang lokal at pambansang pamahalaan para maging accessible ang SIM card registration, lalo na para sa mga kababayan nating nasa kanayunan.

☻☻☻

Nais nating samantalahin ang pagkakataon para mag-advance greeting sa ating mga kababayan.

Bitbit ng bawat bagong taon ang bagong pag-asa. Anuman ang nangyari sa nakaraang taon, mayroon tayong pagkakataong magsimula muli at matuto sa mga aral ng nakaraan para sa mas magandang bukas.

Huwag sana tayong mawawalan ng pag-asa, gaanoman kadilim para sa ating ang kasalukuyan.

Patuloy tayong lumaban para sa ating mga pangarap.

Manigong bagong taon sa ating lahat!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBin

‘Horror story’ ng mga turista sa terminal ngayong holiday

BULGAR

ni Nancy Binay @Be Nice Tayo | December 21, 2022

Hindi lamang sa mga lansangan, mall, sea at land transport terminal ramdam ang bugso ng tao ngayong holiday season.

Ramdam din ito sa ating mga paliparan, lalo na at maraming Pinoy at turista na galing sa ibang bansa ang umuuwi at dumarayo sa ating bansa upang mag-holiday, bunsod na rin ng pagluluwag ng COVID restrictions.

Ayon sa pinakahuling tala ng Department of Tourism, nakapagtala na ng mahigit dalawang milyong tourism arrivals ang bansa. Nakapag-ambag naman ang industriya ng tinatayang P100 bilyon mula January hanggang September 2022.

Magandang balita ito para sa tourism at hospitality industry, na dalawang taong nanahimik dahil na rin sa pananalasa ng COVID-19 sa buong mundo.

☻☻☻

Ngunit sa pagdami ng mga turista ay may mga nakikita rin tayong “horror stories” pagdating sa kanilang experience sa ating mga airport, lalo na sa Ninoy Aquino International Airport (NAIA).

Bukod sa mahabang pila sa check-in at immigration counters ay nakararanas din ng mahabang pila upang makakakuha ng masasakyan ang ating mga kababayan at turista.

Paalala ng ating Bureau of Immigration (BI), dapat nasa airport na ang mga manlalakbay tatlong oras bago ang kanilang flight upang hindi maabala. Siniguro naman ng ahensya na mayroong silang tauhan sa immigration booths at counters.

☻☻☻

Dahil dito ay naghain tayo ng resolusyon na humihimok sa Senado na imbestigahan kung angkop pa ba ang kasalukuyang kapasidad ng ating mga airport upang ma-accommodate ang mga pasahero. Kasama rin ang pagbabalangkas ng mga hakbang upang makatulong sa pagkamit ng target na 4.8 million visitor arrivals sa susunod na taon.

Matatandaang nag-ooperate sa lagpas na sa designed capacity ang NAIA bago pa man ang pandemya. Noong 2019, nakapagtala ng 47.8 million passengers ang NAIA, na lagpas na sa 35 million passenger capacity nito.

At hindi lamang NAIA ang nakararanas ng congestion. Maging ang iba pa nating airport, tulad ng Iloilo International Airport ay lagpas na sa designed capacity nitong 1.2 million passengers. Kung ngayong holiday season ay ganito na ang sitwasyon sa ating mga airport, ano pa kaya ang mararanasan ng mga turista pagdating ng dry o “summer” months na isa pang peak season? Nakikipag-ugnayan na ba ang DOT sa iba pang ahensya ng pamahalaan, tulad ng DOTR at BI tungkol dito, upang hindi naman masayang ang ating marketing efforts.

Marami pang tanong ang inyong lingkod na inaasahan nating masasagot sa pagdinig ng Senado upang mabigyan ng positibong experience ang mga turista at makatulong sa pagbangon ng ating tourism industry.

☻☻☻

Mula sa Pamilya Binay, isang ligtas at may liwanag na Pasko po sa ating lahat!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Damang-dama ang Pasko sa tindi ng trapik

BULGAR

ni Nancy Binay - @Be Nice Tayo | December 18, 2022

Ngayong Kapaskuhan ay kaliwa’t kanan ang party, reunion at mga kitaan, at siguradong may kasamang kainan.

Kung kaya’t naglabas ng panawagan ang Philippine Heart Association (PHA) na maghinay-hinay sa kinakain at iniinom ngayong Kapaskuhan, lalo na sa pagkain ng matataba at pag-inom ng alcoholic drinks.

Ayon sa kanila, isa itong rason sa pagdami ng kaso ng mga itinatakbo sa ospital ngayong holiday season.

Sa ating parte naman ay muli tayong naghain ng panukala upang ipagbawal ang paggamit ng trans-fatty acids at partially hydrogenated oil sa ating food supply. Makikita ito sa ilang mga pagkain, kasama na ang pinirito, processed at fast food.

Isa ang trans-fat sa mga nagpapataas ng low density cholesterol o LDL sa ating katawan, na maaaring maging sanhi ng pagbara ng ating mga ugat at magdulot naman ng iba’t ibang kondisyon, tulad ng heart attack o stroke.

☻☻☻

Kasabay ng mga kitaan at gift shopping ay lalo pang bumigat ang nararanasang traffic ng ating mga kababayan, lalo na sa Kamaynilaan at iba pang urban centers.

Isang malaking sakit sa ulo ito ng mga commuter, lalo na at dagdagan pa ng kakulangan ng abot-kayang public transportation options.

Matatandaan din na nag-viral ang karanasan ng mamahayag na galing abroad, na kung saan sinabi niya kung ano ang sitwasyon ng transportation system ng bansa.

Mag-scroll ka lang sa iyong social media feeds at siguradong hindi ka mawawalan ng “horror stories” tungkol sa commuting, lalo na ngayong holiday season.

Kung kaya’t marami sa ating mga kababayan ang dumidiskarte na lang upang makarating sa kanilang paroroonan.

☻☻☻

Matagal na nating pinupunto ito sa awtoridad, lalo na’t dumarami na ulit ang mga pumapasok sa kanilang mga opisina, paaralan, pagawaan at iba pang lugar.

Bagama’t may mga transportation projects, tulad ng Metro Manila subway ang ating mga kababayan ay aabutin pa ng ilang taon bago ito magamit.

Isa rin tayo sa mga sumuporta sa mga alternative at active transportation options upang mabigyang-solusyon ang ating mobility issues.

☻☻☻

Mula sa Pamilya Binay, isang ligtas at may liwanag na Pasko po sa ating lahat!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

SIM card registration iwas-scammer na, pantulong pa para ma-solve ang mga krimen

‘Horror story’ ng mga turista sa terminal ngayong holiday

Damang-dama ang Pasko sa tindi ng trapik

RECOMMENDED