Nancy Binay 69/155

Usaping kuryente at kultura

BULGAR

ni Nancy Binay @Be Nice Tayo | January 11, 2023

Inanunsyo ng Department of Energy na inaasahang magkakaroon ng 12 yellow alert sa Luzon mula March hanggang November ngayong taon.

Dagdag ng DOE sa kanilang power outlook, inaasahan ang mga yellow warning sa linggo ng March 5 hanggang 11, March 19 hanggang 25, April 16 hanggang 22, lahat ng linggo ng May, June 1 hanggang 10, August 27 hanggang September 2, October 15 hanggang 21, at November 19 hanggang 25.

Ngunit hindi naman magkaka-red alert dahil nasa 1,074.318MW ang committed power generation capacity para sa Luzon grid ngayong taon.

Kasama ang 450MW mula sa coal power projects, 11.04MW mula oil-based power plants, 46MW mula geothermal projects, 7.4MW mula biomass, 31.36MW mula hydro, mahigit 418.51 MW na solar, at 110MW mula wind power projects.

Umaasa tayong mamadaliin pa ng DOE ang pagkumpleto ng mga nakaplano na proyekto para masiguro ang maayos na supply ng kuryente sa buong bansa.

☻☻☻

Nanonood na rin ba kayo ng Maria Clara at Ibarra?

Sikat na sikat ngayon ang fantasy drama series ng GMA Network na base sa Noli Me Tangere at El Filibusterismo ni Jose Rizal, na humahakot ng milyong views sa iba’t ibang platform, tulad ng Facebook, YouTube at TikTok.

Bagama’t may mga pagbabago ang programa sa mga gawa ni Rizal dahil sa pagdagdag ng karakter na mula sa kasalukuyang panahon para maging mas relatable ito, kapuri-puri ang serye dahil sa pagpukaw ng interes ng mga kababayan natin, lalo na ang kabataan, sa ating kasaysayan at kultura.

Umaasa tayong dahil sa tagumpay ng MCAI ay madaragdagan pa ang mga programa at likhang tulad nito na nagmimina sa ating mga pamanang-lahi.

Sa mga lumikha ng MCAI, salamat at mabuhay kayo!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBin

Mobile registration kiosks, tulong sa mga magrerehistro ng SIM

BULGAR

ni Nancy Binay @Be Nice Tayo | January 8, 2023

Telcos at government agencies, tulungan ang mga subscriber sa SIM registration.

Ito ang ating hiling sa mga kinauukulan at telecommunications provider ngayong patuloy ang pagrerehistro ng mga SIM alinsunod na rin sa batas.

Partikular nating suhestiyon ang paglalagay ng mobile kiosk sa matataon na lugar, tulad ng mall, plaza at community center.

☻☻☻

Ito ay magsisilbing information at registration center, kung saan makakakuha ng impormasyon at tulong ang ating mga kababayan tungkol sa pagrerehistro ng kanilang SIM.

Hinihimok din natin ang mga awtoridad na maglagay ng free internet access upang makaagapay sa ating mga kababayan na walang access sa internet.

Ang kiosk ay magsisilbi ring pananggalang ng ating mga kababayan laban sa mga mapanlinlang na text messages, kahina-hinalang link sa mga website, pati na ang kalituhan na maaaring maidulot sa mga subscriber.

Maaari nating gawing modelo ang mga COVID vaccination centers na ginawa noong kasagsagan ng pandemya.

☻☻☻

Naiintindihan natin ang birth pains ng telcos, kaya mas mainam na i-simplify natin ang proseso sa pagre-register at tulungan 'yung mga hindi gaanong pamilyar sa online transactions.

Kaya gusto natin na ang DICT, NTC, ang mga telco, PIA, media at LGUs na mag-collaborate at magkaroon ng sistema, tulad ng ginawa sa vaccination drive but modified and adapted for purposes of SIM registration.

☻☻☻

Ngayong nagkakaroon ulit ng surge ng COVID cases sa China ay hinihimok natin ang mga awtoridad na maging maingat sa pagpapasok ng mga turista.

Dapat palagi nating priority ang safety. Safety ng ating mga kababayan at safety ng mga turista na pupunta sa ating bansa, lalo na at itinaas natin ang target na bilang ng mga turista ngayong taon.

Inaasahan nating darami ang mga turista habang papalapit ang Chinese New Year at kung hindi tayo magiging maingat, lalo na sa border control ay maaaring mag-trigger ito ng surge ng COVID cases sa ating bansa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Problema sa airport, solusyunan

BULGAR

ni Nancy Binay @Be Nice Tayo | January 4, 2023

Hindi fireworks, kundi matinding problema ang pumutok at bumulaga sa sambayanan sa mismong New Year’s Day pagkatapos ng “air traffic system failure” sa Ninoy Aquino International Airport.

Nasa 56,000 pasahero at daan-daang flights ang naapektuhan dahil sa outage ng Communications, Navigation and Surveillance Systems for Air Traffic Management (CNS/ATM) system ng NAIA.

☻☻☻

Hindi magandang simula ang pagkalumpo ng NAIA para sa bansa.

Sa taon na tina-target natin ang muling pagsulong ng turismo, paano natin mapapupunta ang mga bisita para madiskubre ang bansa kung may pangambang maaantala ang kanilang plano dahil sa hindi maayos na transportasyon?

Magiging host ang bansa sa iba’t ibang international events ngayong taon, kasama na ang 2023 FIBA World Cup.

Sayang ang pagkakataong dala ng ganitong events kung hindi natin maisasaayos sa lalong madaling panahon ang iba’t ibang isyu na kinahaharap ng ating airport at iba pang porma ng public transportation.

☻☻☻

Kaugnay nito, nananawagan tayo sa Department of Budget and Management na tulungan ang Civil Aviation Authority of the Philippines sa pagkalap ng pondong kinakailangan upang agarang matugunan ang pag-upgrade at pag-augment ng mga system at equipment sa ating mga airport.

Mahalaga rin na magkaroon ng full audit ng lahat ng power, navigational at communications equipment sa lahat ng airport para malaman natin kung alin ang kailangang ayusin o palitan.

Wala talagang mangyayari kung hindi mapopondohan ang mga ito at hindi natin malulutas ang matinding setback na ito sa ating tourism prospects.

Kailangan natin itong maumpisahan ngayong taon, kaya importanteng makahanap ang Executive Department ng funding source para agad na nating mabigyan ng solusyon ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Usaping kuryente at kultura

Mobile registration kiosks, tulong sa mga magrerehistro ng SIM

Problema sa airport, solusyunan

RECOMMENDED