Pagtulong sa libu-libong biktima ng oil spill, bilisan

ni Nancy Binay @Be Nice Tayo | March 26, 2023

Nitong nakaraang linggo ay namahagi ang ating opisina ng tulong para sa mga naapektuhan ng oil spill sa Mindoro.

Ayon sa isang public briefing ng Department of Social Welfare and Development (DSWD), umabot na sa 32,661 pamilya o 151,463 katao ang naapektuhan ng oil spill na naganap noong Pebrero 28.

Kaya agad tayong nagpadala ng 1,200 sako ng bigas sa probinsya para makatulong sa pang-araw-araw na pangangailangan ng ating mga kababayan du’n.

Tatlong daang sako ng bigas ang ating ipinaabot kay Gov. Humerlito Dolor ng Oriental Mindoro at tig-100 sako naman sa mga bayan ng Naujan, Pola, Pinamalayan, Gloria, Basud, Bongabong, Roxas, Mansalay, at Bulalacao.

☻☻☻

Umaasa rin tayo na patuloy ang mabilis na pagkilos ng ating pamahalaan para malinis agad ang oil spill at mabigyan ng ayuda ang mga apektadong mamamayan.

Isa sa mga magandang programa ng pamahalaan ay ang “cash-for-work” program ng DSWD para sa mga apektadong mangingisda.

Sinabi ng ahensya na naglaan sila ng P116 milyon para mabigyan ang 18,762 na mangingisda ng alternatibong pagkukuhanan ng kabuhayan habang hindi pa sila makapangisda sa mga lugar na apektado ng oil spill.

Bukod sa pagbibigay ng kabuhayan sa mga mangingisda, makakatulong din sila para pigilan ang pagkalat ng oil spill sa kanilang lugar.

☻☻☻

Samantala, tuluy-tuloy pa rin ang pagdinig ng Bicameral Conference Committee para sa ating isinusulong na Cultural Mapping Bill.

Mahalaga ang cultural mapping para maprotektahan at maingatan ang ating kultura, lalo na ang kultura ng ating mga indigenous people.

Bilang co-sponsor ng panukalang-batas na ito, patuloy natin itong tututukan hanggang tuluyan na maging batas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Problema sa food waste at gutom tatalupan

ni Nancy Binay @Be Nice Tayo | March 23, 2023

Naaalarma tayo sa lumalalang problema ng food waste sa bansa.

Ayon sa Department of Science and Technology (DOST), noong 2019 lang ay nasa 930 million tons ang food waste ng bansa.

Dagdag pa nila, 39% ng pamilyang Pilipino ang may rice waste, 11% ang may vegetable waste, at 8% ang may meat waste.

☻☻☻

Napakaraming pagkain ang nasasayang.

Ngunit ang mas malala, sa harap ng ganitong pagsasayang ay milyun-milyon ding pamilyang naghihikahos at hirap na punan ang kanilang pangangailangan sa pagkain.

Ayon sa isang survey ng Social Weather Stations (SWS), 11.8% o tinatayang tatlong milyong pamilyang Pilipino ang nakaranas ng gutom at walang makain sa huling quarter ng 2022.

Base naman sa Global Hunger Index, pang-69 ang Pilipinas sa 119 bansa sa hunger indigence.

Ibig sabihin daw nito, ani DOST, may matinding pagkagutom na dinaranas ng maraming pamilya sa bansa.

☻☻☻

May masamang epekto rin ang food waste sa climate change.

Ayon sa World Bank, nasa 8% percent ang inaambag sa greenhouse gas emissions dahil sa food loss and waste.

☻☻☻

Nais nating mabigyan ng solusyon ang sanga-sangang problema na ito.

Kaya, naghain tayo ng resolusyon ngayong linggo na nagpapatawag ng imbestigasyon sa problema ng food waste.

Umaasa tayo na sa tulong ng Senate Resolution No. 555 ay makakapagpresenta tayo ng mga polisiya na magreresolba sa isyung ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Libu-libong pamilya na apektado ng oil spill sa Mindoro, tulungan

ni Nancy Binay @Be Nice Tayo | March 19, 2023

Lubha nang nakakaalarma ang impact ng oil spillage na naganap sa Oriental Mindoro noong Pebrero 28.

Hanggang ngayong araw na sinusulat ang pitak na ito, hindi pa rin nalilinis ang oil spill, na malaki ang posibilidad na umabot sa Batangas at Palawan kung walang mangyayaring organized action para supilin ito.

Ayon sa University of the Philippines Marine Science Institute, aabot sa higit 20,000 ektaryang coral reef, 9,900 ektarya ng mangrove at 6,000 ektarya ng seagrass and maaaring maapektuhan.

Bukod pa ito sa fish kill o pagkalason ng mga isda na maaaring mangyari dahil sa kontaminasyon ng tubig.

☻☻☻

As of March 15, 31,497 na pamilya sa MIMAROPA at Western Visayas ang naapektuhan ng oil spill base sa datos mula sa Office of Civil Defense (OCD).

Ayon naman kay Oriental Mindoro Governor Humerlito Dolor, tinatayang aabot sa 100,000 residente ng probinsya ng Mindoro ang naapektuhan.

Dagdag pa niya, higit sa 100 residente na rin ang nagkaroon ng respiratory-related symptoms at nakaranas ng pagsusuka at pagtatae.

☻☻☻

Naniniwala tayong time is of the essence, at kailangan ng collective action from both government at non-government groups para maagapan at huwag nang lumala pa ang sitwasyon lalo na't ilang libong pamilya at kabuhayan na ang apektado.

Isa sa maaari nating gawin ay ang gamitin ang assistance facilities ng Department of Social Welfare and Development (DSWD) at gamitin din ang Tulong Panghanapbuhay sa Ating Disadvantaged/Displaced Workers (TUPAD) program ng pamahalaan para tumulong sa paglilinis.

Bukod sa mga mangingisda, maaari nating maging katuwang ang mga displaced tourism workers, community-based organizations, at iba pang mga naapektuhan ang kabuhayan para sa cleanup at paglalagay ng mga barriers na makakatulong sa pagbawas sa environmental impact at public health risks na kaakibat ng oil spill.

Hindi lang ito localized na problema— SOS call na ito.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay