Pagkawasak ng 'built heritage', may negative effect sa socio-economic

ni Nancy Binay @Be Nice Tayo | June 1, 2023

Naghain tayo ng resolusyon sa Senado para imbestigahan ang epekto ng mga sakuna sa ating mga mahahalagang cultural heritage site.

Layunin ng Senate Resolution No. 642 na matukoy ang structural integrity ng ating mga heritage site bilang isang hakbang sa proteksyon at konserbasyon nito.

Binibigyang-diin ng pagkasunog kamakailan ng Manila Central Post Office ang pangangailangan na protektahan ang ating ‘built heritage.’

Ang built heritage ay tumutukoy sa mga nailikhang istrukturang nagsisilbing saksi sa ating nakaraan, kaya nakakabit sa ating kasaysayan, kultura, at pagkakakilanlan.

☻☻☻

Ayon sa Unesco, nanganganib ang integridad at nakokompromisa ang halaga ng mga heritage sites dahil sa mga sakuna, maging natural man o gawa ng tao.

May negatibong epekto rin daw ang pagkawala o pagkapinsala ng mga istrukturang ito sa mga komunidad, hindi lang dahil sa kultural na halaga nito kundi pati na rin sa aspetong socio-economic.

☻☻☻

Mahalagang kumilos ang pamahalaan upang maprotektahan ang mga mahahalagang istruktura ng bansa.

Isang hakbang na kailangang gawin ay ang pagsama ng cultural heritage site conservation sa national at local disaster risk reduction and management plan.

Napapanahon nang simulan ng pamahalaan ang pag-assess sa integrity ng mga heritage site sa bansa upang maprotektahan at makonserba ang mga ito ayon sa Republic Act No. 10066 o ang National Cultural Heritage Act of 2009.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Bohol, kinilala bilang kauna-unahang Geopark sa ‘Pinas

ni Nancy Binay @Be Nice Tayo | May 28, 2023

Congratulations sa buong isla ng Bohol dahil kinilala ito ng United Nations Educational, Scientific and Cultural Organization (UNESCO) bilang kauna-unahang Geopark sa Pilipinas.

Kasama ang Bohol sa 18 Global Geoparks na bagong kilala ng UNESCO mula sa iba’t ibang mga bansa na inanunsyo noong ika-216 session ng executive board ng UNESCO na ginanap sa Paris, France.

Bukod sa Bohol, ang iba pang bagong deklarang Geoparks ay ang Cacapava and Quarta Colonia (Brazil), Lavreotiki (Greece); Ijen, Maros Pangkep, Merangin Jambi and Raja Ampat (Indonesia); Aras and Tabas (Iran); Hakusan Tedorigawa (Japan); Mount Kinabalu (Malaysia); Waitaki Whitestone (New Zealand); Sunnhordland (Norway); Jeonbuk West Coast (Republic of Korea); Cabo Ortegal (Spain); Khorat (Thailand), and Mourne Gullion Strangford (United Kingdom of Great Britain and Northern Ireland).

Kung susumahin, aabot na sa 195 ang idineklarang UNESCO Geoparks mula sa 48 na mga bansa.

☻☻☻

Ayon sa UNESCO, “The Philippines’ first UNESCO Global Geopark, Bohol Island, sits in the Visayas island group. The island’s geological identity has been pieced together over 150 million years, as periods of tectonic turbulence have raised the island from the ocean depths.”

“Traces of the island’s subterranean past can be found in the limestone which forms characteristic karstic structures,” dagdag pa nito.

Siyempre, kinilala rin ng UNESCO ang mga geosites na matatagpuan sa isla gaya ng mga kweba, sinkholes, cone karst, at ang ating natatanging Chocolate Hills.

☻☻☻

Nilikha ang UNESCO Global Geopark designation noong 2015 bilang pagkilala sa iba't ibang “geological heritage of international significance.”

Dahil sa pagkilala na ito sa Bohol Island, siguradong dadami pa ang mga turistang nais masaksihan ang kanyang ganda.

Kailangan siguruhin natin na mapapangalagaan ang natatanging kultura at proprotektahan ang likas na yaman ng isla.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Restorasyon ng Manila Central Post Office, gawing prayoridad

ni Nancy Binay @Be Nice Tayo | May 25, 2023

Sa kasamaang-palad, nasunog ang makasaysayang Manila Central Post Office noong nakaraang Lunes.

Inabot ng 30 oras ang sunog, na nagsimula ng alas-11:41 ng gabi noong Linggo.

Ayon sa Bureau of Fire Protection (BFP), nasa P300 million ang tinatayang pinsala dahil sa sunog.

☻☻☻

Idineklarang ‘Important Cultural Property’ (ICP) noong 2018 ang kilalang landmark na dinisenyuhan nina Tomas Mapua at Juan Marcos de Guzman Arellano kasama ang Amerikanong si Ralph Doane noong 1925.

Natapos ang pagtayo ng Manila Central Post Office noong 1926, at pinasinayaan noong 1927.

Base sa Republic Act 10066 o National Cultural Heritage Act of 2009, na nagtakda ng ICP status ng Manila Central Post Office, maaaring tumanggap ang mga ICP ng pondo mula sa pamahalaan para sa proteksyon, konserbasyon, o restorasyon nito.

Ayon sa cultural organization na Renacimiento Manila, naglaan ang National Economic and Development Authority ng P150 million na pondo para sa restorasyon ng gusali, base sa Conservation Management Plan nito na nakumpleto noong 2018.

☻☻☻

Nagagalak din tayo na kinikilala ng liderato ng Lungsod ng Maynila ang halaga ng nasunog na landmark.

Pinatutsadahan ni Manila Mayor Honey Lacuna-Pangan ang mga ispekulasyon na dahil sa sunog ay patatayuan ng mga bagong high-rise private at commercial buildings ang kinatatayuan ng Manila Central Post Office.

Binigyang-diin niya na protektado ang gusali ng ICP status nito at dahil na rin nasa institutional at heritage zone ito ng zoning ordinance ng Manila.

☻☻☻

Mahalagang aspeto ng ating kultura at pagkakakilanlan ang mga built heritage ng ating bansa.

Mahalagang maprotektahan natin ang mga gusaling ito na nag-uugnay sa atin sa ating nakaraan.

Umaasa ako na gawing prayoridad ang restorasyon ng Manila Central Post Office.

Gayundin, nawa'y magsilbing udyok ang nangyari upang maging mas masigasig pa tayo sa pagpapanatili ng iba pa nating cultural asset.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay