Nancy Binay 52/155

SIM card registration hanggang July 25 na lang

BULGAR

ni Nancy Binay @Be Nice Tayo | July 23, 2023

Hanggang Hulyo 25 na lang ang SIM registration!

Ayon sa Department of Information and Communications Technology (DICT) wala nang mangyayaring extension pagsapit ng July 25 deadline para sa SIM card registration.

Kaya naman, kailangan na talagang magparehistro ng mga hindi pa nakakapagrehistro ng kanilang SIM card.

☻☻☻

Ayon sa datos ng NTC, 61.21 percent o higit sa 102.8 milyon na ang nakarehistro as of July 11 mula sa tinatayang 168.2 milyon na active SIM cards sa bansa.

Nanguna sa dami ang Smart Communications Inc. users na may 48.69 milyon, na sinusundan ng Globe Telecom Inc. na may 46.91 milyon at DITO Telecommunity na may 7.24 milyon.

Nauna nang sinabi ng DICT na hindi naman nila inaasahang mairerehistro lahat ng SIM cards dahil ang ilan nga rito ay ginagamit sa mga text scams.

Babala ng DICT, made-deactivate ang SIM kapag hindi nairehistro sa takdang deadline.

Magkakaroon lamang ng 5 araw na palugit para iparehistro ang deactivated na SIM pero kung hindi ito magagawa ay habambuhay na itong hindi magagamit.

☻☻☻

Sa araw din na ito ay ginugunita natin ang araw ng kapanganakan ng ating bayani na si Apolinario Mabini.

Isang kapwa Batangueño, hindi naging hadlang ang kanyang kapansanan sa kanyang pagmamahal sa bayan.

Happy Apolinario Mabini Day sa lahat!

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Bagong Senate Building, mas tipid at accessible sa publiko

BULGAR

ni Nancy Binay @Be Nice Tayo | July 20, 2023

Isinagawa ngayong Huwebes, July 20, ang topping-off ceremony para sa ipinapatayong New Senate Building (NSB).

Ang “topping-off” ay isang tradisyon sa konstruksyon na gumugunita sa pagkumpleto sa structural frame ng isang gusali. Sa seremonyang ito ay ikinakabit ang huling structural beam ng gusali.

Sinamahan tayo ng mga dati at kasalukuyang Senador sa seremonya, kabilang sina Senate President Juan Miguel Zubiri, Senate President Pro Tempore Loren Legarda, Senate Majority Leader Joel Villanueva, at Senators Cynthia Villar, Grace Poe, JV Ejercito, Ronald Dela Rosa, Bong Revilla, Raffy Tulfo, at Mark Villar. Dumalo rin sina former Senate President Tito Sotto, at former Senators Ping Lacson at Ralph Recto.

Ang Bagong Senado ay itinatayo sa Fort Bonifacio, Taguig City.

☻☻☻

Ang NSB ay naglalayong maging isa sa mga unang green building-certified na government facility sa ilalim ng Building for Ecologically Responsive Design Excellence (BERDE) Program.

May mga sustainable features ang gusali, gaya ng energy-efficient systems, water conservation measures, at gumagamit din ito ng mga eco-friendly materials. Dahil sa integrated smart technology ay inaasahang mas mababa ng 30 hanggang 50 percent ang konsumo nito ng kuryente kaysa standard na mga gusali.

Magiging mas accessible rin ito para sa madla at sa mga Persons with Disability.

☻☻☻

Si Sen. Lacson, na dating chairman ng Committee on Accounts na pinamumunuan natin ngayon, ang nagsimula ng pagsisikap na ipatayo ang Bagong Senado.

Limitado na kasi ang espasyo sa kasalukuyang gusaling nirerentahan ng Senado mula sa Government Service Insurance System. Rumerenta rin ang Senado mula sa Social Security System ng parking lot.

Base sa pag-aaral, mula May 1, 1996 to December 31, 2017 ay umabot na sa P2.24 billion ang binabayarang renta ng Senado.

☻☻☻

Makahulugan ang topping-off ceremony na ito dahil sumisimbolo ito ng muling pagbangon mula sa pandemya. Naantala ang konstruksyon ng Bagong Senado dahil dito.

Ngunit ngayon, umaarangkada na tayo muli.

Target ng Senado sa ilalim ng pamumuno ni SP Zubiri na buksan ang Session sa July 2024 sa Bagong Senado.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

Mas maayos na serbisyo ng Cebu Pacific, tuluy-tuloy na sana

BULGAR

ni Nancy Binay @Be Nice Tayo | July 16, 2023

Ikinagalak natin ang naging desisyon ng Cebu Pacific na alisin ang expiration date ng kanilang travel fund.

Bukod dito, pinalawig din ng naturang airline ang validity ng kanilang travel voucher ng hanggang 18 buwan mula sa August 1.

Bukod sa travel fund at travel vouchers, nagkaroon na rin ng klarong guidelines ang Cebu Pacific sa pagbibigay ng compensation sa mga pasahero kapag nagkakaroon ng problema sa kanilang flights.

Ayon sa Cebu Pacific, ang mga pasahero na nakaranas ng pagkaantala sa flight operations ay maaaring maka-avail ng two-way travel vouchers para sa mga biyaheng nakansela sa loob ng 72 oras samantalang one-way travel vouchers para sa mga flight na na-delay ng apat hanggang anim na oras.

Nagpapasalamat po tayo sa Cebu Pacific dahil pinapatunayan nito na nakikinig sila sa mga panawagan ng mga pasahero na napag-usapan natin sa naging pagdinig ng Senate Committee on tourism kamakailan.

☻☻☻

Ngayong nabigyang linaw na ang mga isyung ito, ang kailangan namang bigyang pansin ng Cebu Pacific ay ang kanilang mga hotline at customer service.

Lumabas kasi sa ating pagdinig na tila pahirapan makakuha ng sagot ang mga pasahero kapag sinusubukan nilang makipag-ugnayan sa customer service.

Bukod sa hirap ng pakikipag-usap sa mga chatbot, minsan, hindi rin daw nasasagot nang maayos ng mga tao on the ground ang katanungan ng mga pasahero.

☻☻☻

Sa mga hakbang na ito mula sa Cebu Pacific, umaasa po tayo na mas magiging maayos ang lagay ng ating mga pasahero sa paliparan.

Naniniwala din tayo na isa na itong tamang hakbang tungo sa pagbabalik ng tiwala at kumpiyansa ng publiko at sa pagresolba ng mga aberyang nararanasan sa ating mga airline passenger.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

SIM card registration hanggang July 25 na lang

Bagong Senate Building, mas tipid at accessible sa publiko

Mas maayos na serbisyo ng Cebu Pacific, tuluy-tuloy na sana

RECOMMENDED