Kalikasan, panatilihin ang kagandahan

ni Nancy Binay @Be Nice Tayo | June 27, 2024

Tuwing ika-25 ng Hunyo ay ipinagdiriwang ang Arbor Day sa ating bansa.

Ang Philippine Arbor Day ay isang pambansang selebrasyon sa Pilipinas na nakatuon sa pagtatanim at pangangalaga ng mga puno.

Binibigyang-diin nito ang kahalagahan ng reforestation, pangangalaga sa kagubatan at sa kapaligiran.

☻☻☻

Ang Arbor Day sa Pilipinas ay unang isinagawa noong 1947 sa bisa ng Proclamation Nos. 30 at 41 s. 1955.

Noong taong 2003, nirebisa muli at idineklara na tuwing ika-25 ng Hunyo ang taunang selebrasyon ng Arbor Day alinsunod sa Presidential Proclamation Nos. 396 at 643 at Republic Act 10176.

Layunin ng batas na bigyang kapangyarihan ang mga lokal na pamahalaan upang gumawa ng mga programa para i-promote ang taunang pagtatanim ng puno.

☻☻☻

Napakaganda ng mga programang ito ng pamahalaan at dapat lamang na bigyan ng ating buong suporta.

Ang kalikasan ay ating yaman. Kaya naman hinihimok natin ang lahat na tumulong at makiisa sa mga programang pangkalikasan.

Patuloy nating pahalagahan ang kapaligiran at pangalagaan ang ating kalikasan.

Kailangan nating gawin ang lahat ng ating makakaya upang mapanatili ang kagandahang taglay ng kalikasan para na rin sa kinabukasan at sa mga susunod na henerasyon.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

☻☻☻ 

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagiging bayolente ng Chines Coast Guard, nakakaalarma

ni Nancy Binay @Be Nice Tayo | June 23, 2024

Nitong nakaraang linggo ay nagbitaw ng maanghang na salita si Armed Forces of the Philippines (AFP) chief General Romeo Brawner Jr. laban sa Chinese Coast Guard (CCG).

Tahasan niyang sinabi na nagmistulang mga pirata ang CCG personnel nang i-harass nito ang mga sundalong Pinoy sa resupply mission sa BRP Sierra Madre sa Ayungin Shoal.

Ayon sa mga ulat, sumampa diumano ang mga Chinese sa barko ng Pilipinas at nakipagbuno sa mga sundalo gamit ang patalim saka kinuha ang matataas na kalibre ng armas.

Walong sundalo ang sugatan, kabilang ang isa na naputulan ng daliri. Binutas din aniya ang isang inflatable boat.

Kinondena ng Department of Foreign Affairs ang ginawang pananakit ng CCG personnel sa mga sundalong Pinoy at paninira sa kagamitan ng AFP.

Iginiit naman ni Brawner sa China na isauli ang kinuha nitong mga armas ng mga sundalo at bayaran ang mga sinira nilang gamit ng AFP.

☻☻☻ 

Nakakabahala ang agresyon na ito ng CCG.

Dagdag pa rito, ang babala ng Pentagon na maaaring lalo pang magiging bayolente ang CCG sa mga darating na araw.

Nananawagan tayo sa Chinese Coast Guard na tigilan na ang ganitong mga agresibong aksyon.

Kung totoo nga na pinahahalagahan ng China ang pagkakaibigan ng ating mga bansa, nais nating maunawaan nila na hindi dapat sinasaktan ang mga kaibigan.

☻☻☻ 

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice! 

☻☻☻ 

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Vulnerability map para tulungan ang mga magsasaka

ni Nancy Binay @Be Nice Tayo | June 20, 2024

Hinihimok natin ang National Food Authority na gumamit ng vulnerability map para masigurong matutulungan ang mga magsasakang nangangailangan.

Matagal nang napapabayaan ang ating mga rice farmer – hindi lang pagdating sa bilihan ng palay, kundi pati na rin sa mga ibinibigay na ayuda at tulong sa pagsasaka. 

Sa pamamagitan ng pagtarget ng mga lugar na may mataas na concentration ng naghihirap na magsasaka, mas magiging epektibo ang paggamit ng NFA ng mga pondo nito.

Kung aayusin ang sistema ng pagbili ng NFA sa bigas, may potensyal na matulungan nito hindi lang ang mga konsyumer na umaaray sa mataas na presyo ng bigas, kundi pati ang ating mga magsasaka na makapagbebenta nang mas mataas kaysa farm-gate prices.

☻☻☻

MARIIN nating kinokondena ang agresyon ng Chinese Coast Guard sa ating mission ship malapit sa Ayungin Shoal noong June 17.

Mahirap paniwalaan na ang supply ship pa ang may sala samantalang maraming ulat ng mga katulad na insidente ng pagbangga ng CCG sa ating mga bangka, maging ng mga foreign-flagged vessels.

Nananawagan tayo sa Chinese Coast Guard na tigilan ang agresibong aksyon at ipakita ang pagkakaibigan at mabuting pakikitungo na ipinamamalas natin sa kanila.

Kung totoong kaibigan natin ang China, nais nating maunawaan nila na hindi natin

sinasaktan ang mga kaibigan natin.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay