Binibitawang salita, 'di dapat magdulot ng kawalang respeto

ni Nancy Binay @Be Nice Tayo | July 7, 2024

Dapat humingi ng tawad si Sen. Alan Peter Cayetano sa kanyang mga binitawang salita laban sa media.

Pinapalabas kasi ni Cayetano na tila nadidiktahan ang media pagdating sa mga interview.

Sa isang hearing sa Senado pinatutsadahan niya ang media, lalo na ang mga radio anchor dahil iisa lang daw ang tanong nila sa mga panayam.

☻☻☻

Nakakalungkot dahil hindi naman kailangang magbigay ng ganitong mga paratang lalo na sa media.

Ang masama pa rito, nakalagay ito on record dahil ginawa niya ang mga patutsadang ito sa isang pagdinig sa Senado.

Kung sabagay, ‘yung bisita nga mula sa DPWH hindi makapagpaliwanag ng maayos dahil binabara niya kapag hindi pasok sa gusto niyang marinig ang paliwanag.

☻☻☻

Mariin nating kinukondena ang mga pagpapahiwatig ni Sen. Cayetano na ang mga miyembro ng media ay maaaring maimpluwensiyahan o kaya naman maimpluwensiyahan ng mga senador.

Malaking insulto ito sa media lalo na sa mga miyembro ng Senate media at nagpapakita ng kawalan ng respeto sa larangan ng pamamahayag.Iginagalang natin ang aming mga kasamahan mula sa media at nananatiling katuwang ang Senado sa pagtataguyod ng malayang pamamahayag.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Sec. Angara, malawak ang kaalaman sa Sektor ng Edukasyon

ni Nancy Binay @Be Nice Tayo | July 4, 2024

Nitong Martes, inanunsiyo ang pagkakatalaga kay Sen. Sonny Angara bilang bagong secretary ng Department of Education.

Naniniwala ako sa kakayahan ng aking “seatmate” na si Sen. Sonny.

Mula pa lamang nang sabay kaming pumasok sa Senado noong 2013, edukasyon na talaga ang isa sa pangunahing adbokasiya niya.

Sa Second Congressional Commission on Education o EDCOM 2 na binuo noong July 2022 para talakayin ang krisis sa edukasyon, ipinamalas ni Sen. Sonny ang kanyang malawak na kaalaman tungkol sa sektor.

Wala na’ng “learning curve” si Sen. Sonny sa kanyang bagong tungkulin dahil alam na niya ang mga problema, at batid na rin niya ang mga solusyon dito.

☻☻☻

May halong lungkot din ako sa pagkaka-appoint ni Sen. Sonny dahil sabay kaming pumasok sa trabahong ito, pero mauuna siyang lalabas. 

Mami-miss din ng buong Senado ang husay niya, lalo na ang kanyang expertise sa finance at law. Bukod sa nabawasan ng abogado at “Prince Charming,” nawala rin ang isa sa mga haligi sa pagsuyod sa taunang pagpasa ng budget ng buong bansa.

Ngunit anumang kawalan ng Senado ay siya namang pakikinabangan ng buong bansa.

Maraming salamat, Sen. Sonny, at best of luck sa iyong bagong trabaho!

☻☻☻ 

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

2nd generation vaccine pangontra sa dengue

ni Nancy Binay @Be Nice Tayo | July 1, 2024

Rainy season na sa ating bansa, at bukod sa ulan at baha ay may dala din itong dagdag na panganib sa anyo ng dengue.

Libu-libo pa rin sa ating mga kababayan, lalo na ang mga bata, ang tinatamaan ng dengue fever.

Ayon sa Department of Health, mula January hanggang June 1 ngayong taon ay 70,498 kaso ng dengue ang naitala. Nasa 197 na ang namatay dahil sa sakit na ito.

☻☻☻

Pareho pa rin ang istratehiya sa pag-iwas sa dengue, pangunahin na ang paglilinis ng kapaligiran upang masigurong walang pamumugaran ng lamok na may dengue virus; paggamit ng mga insect repellent at mosquito nets; at paghimok na gumamit ang mga bata ng damit na babalot sa mga braso at paa.

Kailangang maging consistent ang mga local government units natin sa pag-implementa ng mga istratehiyang ito sa ating mga pamayanan.

☻☻☻

Kamakailan ay hinimok din ng mga medical expert ang pamahalaan na aprubahan ang 2nd generation dengue vaccine upang mabigyan ng karampatang proteksyon ang mga kababayan natin kontra sa sakit.

Ayon sa kanila, naiiwan ang Pilipinas sa pagbakuna laban sa dengue. “Japanese drugs manufacturer Takeda Pharmaceuticals applied last year for the FDA registration of its dengue vaccine named QDENGA. Its approval is still pending,” ayon kay Philippine Foundation for Vaccination Executive Director Dr. Lulu Bravo.

Nabigyan na kasi ng lisensya ang QDENGA dengue vaccine ng Takeda Pharmaceuticals sa Indonesia noong August 2023, Thailand sa parehong taon, Malaysia nitong February 2024, and Vietnam naman nitong nakaraang buwan.

Tiniyak ng mga medical expert na ligtas ang vaccine na ito at makakatulong upang mapababa ang kaso ng mga nagkakasakit at maiwasan ang pagkamatay mula sa dengue.

☻☻☻ 

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay