Basehan ng NEDA sa pagiging food poor, 'di katanggap-tanggap

ni Nancy Binay @Be Nice Tayo | August 18, 2024

Kailangan pag-aralan muli ng National Economic and Development Authority (NEDA) ang basehan sa halaga ng pagkain bawat araw para maituring na “food poor” ang isang tao.

Sa isang pagdinig kasi namin sa Senado, sinabi ni NEDA Chief Arsenio Balisacan na hanggang nitong 2023, nakabatay ang buwanang food threshold para sa pamilyang may limang miyembro sa halagang P9,581 o P64 per person per day.

Maraming umalma sa pahayag na ito at sinabing hindi sasapat ang P64 para makamit ang nutritional o dietary requirements ng tao sa isang araw.

Sa halagang 64 pesos kada araw, papatak na lampas 21 pesos per meal lang ang kailangan ng mga mamamayan para hindi matawag na food poor.

Hindi katanggap-tanggap na sabihing 64 pesos ay sapat na at hindi na matatawag na food poor ang ating mga kababayan.

Ang presyo ng isang Nutribun, na alam nating ‘yung isang tinapay na ‘yun kumbaga lahat ng sustansiya nandu’n na, 40 pesos na siya ngayon.

So ‘di pa rin pasok sa 21 pesos ang isang pirasong Nutribun na nandoon lahat ng nutritional requirements ng ating pamahalaan.

Nagsalita na ang Nutrition Council at sila na mismo ang nagsabi na hindi sapat itong 64 pesos a day para masabi ka na hindi ka food poor.

Ilang budget hearing na rin natin na-raise ang punto na ito, na baka dapat taasan na ng NEDA ‘yang threshold nila dahil hindi nga makatotohanan itong 64 pesos.

Kasi ang gusto nating mangyari ay malaman ang tunay na kalagayan ng ating mga kababayan para ‘yung budget ay magawan natin ng programa na talagang magbibigay solusyon sa problema ng mga mamamayan lalo na pagdating sa pagkain.

Ang nakakalungkot, nang ni-raise natin itong issue na ito sa budget deliberation noong nakaraang taon, ‘yun din ang sinabi sa atin na titingnan, pag-aaralan.

Siguro naman ngayon talagang pag-aaralan at babaguhin na nila ang numero na ‘yan.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

National Learning Recovery Program, gawing bahagi ng academic calendar

ni Nancy Binay @Be Nice Tayo | August 15, 2024

Naniniwala tayong nasa tamang landas ang kasalukuyang mga reporma sa ilalim ng MATATAG Agenda ng Department of Education.

Subalit para magtagumpay ito ay kailangang matugunan ang kakulangan ng mahalagang data na siyang magpapakita ng tunay na estado ng edukasyon sa bansa.

☻☻☻

Inilunsad ang MATATAG Agenda noong 2023. Layunin nito na i-prioritize ang development ng foundational skills ng mga estudyante sa literacy, numeracy, at socio-emotional learning.

Ngunit, tila kulang ng mga critical na data para matukoy ang aktwal na bilang ng mag-aaral na nangangailangan ng intervention at screening, na maaaring makaapekto sa pagkaepektibo ng mga NLRP learning camp.

Lumalabas kasi na sa mga estudyanteng na-identify na kailangang lumahok sa intervention camps, nasa 50 percent lang ang nag-volunteer sumama. 

Ibig sabihin, ang mga na-assess lang at nabigyan ng intervention ay ‘yung 50 percent na sumali. 

☻☻☻

Dahil dito, hindi natin nakikita ang buong sitwasyon. Sa kasamaang palad, may malaking population pa ng mga learner na kailangan ng intervention pero napag-iwanan ulit dahil ‘di sila lumahok sa learning camp.

Makikita nating walang makakamit ang programa kung ang populasyon na ito na hindi sumali sa intervention camps ay hindi pa rin bumubuti ang proficiencies para sa kanilang grade levels.

☻☻☻

Iminumungkahi din natin na isama na sa academic calendar o gawing bahagi ng school year ang mga intervention camps.

Hindi sapat ang siyam na araw para lunasin ang foundational numeracy or literacy. 

The mere fact that we have 7-and 8-graders who cannot do simple basic addition or subtraction, ibig sabihin ay alien sa kanila ang itinuturong math kahit sa normal math class setup. Mas maigi rin kung ipu-pullout na lang at bigyan ng sariling special class ang mga mag-aaral na kulang sa proficiency upang mas matutukan sila.

☻☻☻

Malala ang krisis sa edukasyon at kinabukasan ng kabataan ang nakasalalay dito. Kung kaya, kailangang sa lalong madaling panahon ay masinsinan ang gawin nating pagtugon.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Mga katutubong Pinoy, protektahan agilang

ni Nancy Binay @Be Nice Tayo | August 11, 2024

Tuwing ika-9 ng Agosto, ipinagdiriwang natin ang Pandaigdigang Araw ng mga Katutubo.

Sa araw na ito, tayo ay nagbibigay pugay sa natatanging kultura at kontribusyon ng mga katutubong Pilipino sa ating lipunan. 

Nagsisilbi rin itong paalala na ang ating mga katutubo ay may ginampanang mahalagang bahagi sa ating kasaysayan at pambansang pagkakakilanlan.

☻☻☻

Ngunit hindi lamang pagpupugay at pagdiriwang sa mayamang kultura ng Pilipinas ang ginagawa sa araw na ito.

Binibigyang pansin din sa araw na ito ang panawagan na protektahan ang mga tradisyon, karapatan, tirahan, at kaalaman ng ating mga katutubo.

Marapat lamang silang protektahan at ang kanilang karapatan ay igalang kasabay ng pagmamalaki sa kanilang mga naiambag sa kaunlaran ng ating lipunan.

☻☻☻

Habang isinusulat natin ang ating pitak, nadagdagan na naman ang bilang ng mga medalya na napanalunan ng ating mga atleta sa 2024 Paris Olympics.

Nakakataba ng puso na nakapag-uwi ng bronze sina Aira Villegas at Nesthy Petecio sa larangan ng boksing.

Sa kasalukuyan, nakakaapat na medalya na ang Pilipinas, kasama ang dalawang gintong medalya ni Carlos Yulo.

Maraming salamat sa lahat ng atletang Pinoy na lumahok sa Paris Olympics at ipinagmamalaki namin kayo sa buong mundo. Mabuhay!

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay