Pagpupugay sa mga guro ngayong Teachers’ Month

ni Nancy Binay @Be Nice Tayo | September 8, 2024

Tuwing Setyembre 5 ay ipinagdiriwang natin ang simula ng National Teachers’ Month.Magtatapos ito sa Oktubre 5 at sabay na ipagdiriwang ang National Teachers’ Day at World Teachers’ Day.

Layon nito na bigyang pagpupugay ang mga sakripisyo ng ating mga guro at ang mahalagang kontribusyon nila sa paghubog ng ating talino at husay.

Hindi nga ba’t itinuturing natin sila bilang ating mga pangalawang magulang dahil minsan mas mahabang panahon pa ang ating nagugugol sa paaralan kumpara sa ating mga tahanan.

Kaya naman maraming salamat sa lahat ng mga Pilipinong guro sa inyong serbisyo at pagmamahal. Salamat din at katuwang kayo ng pamahalaan sa pagtataguyod ng dekalidad na edukasyon para sa lahat ng mga mag-aaral.

☻☻☻

Sakto naman ang pagdiriwang ng Teachers’ Month dahil ngayong buwan, matatanggap na ng mga guro sa pampublikong paaralan ang kanilang salary differential para sa buwan ng Enero hanggang Agosto!

Maaasahan na maipagkakaloob ngayong September payroll ng mga guro ang dagdag sa kanilang suweldo.

Base ito sa Executive Order 64 na nilagdaan ni Pangulong Ferdinand Marcos Jr. noong Agosto 2, 2024.Sinabi ni DepEd Sec. Sonny Angara na may instruction na ang Department of Budget and Management (DBM) na puwedeng gamitin ng mga ahensya ng pamahalaan ang kanilang savings para maibigay agad ang taas-sahod at ito ay papalitan na lamang.

Sa katunayan, tatlong rehiyon na ang nakapagpatupad ng salary differential, limang rehiyon naman ang nagpalabas na ng partial payments, at ang nalalabi ay nasa proseso na rin.

Kaya sa ibang mga guro, kaunting hintay na lamang ang inyong gagawin.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

‘Pinas, humakot ng parangal sa 2024 World Travel Awards

ni Nancy Binay @Be Nice Tayo | September 5, 2024

Humakot ng awards ang Pilipinas sa larangan ng turismo sa 2024 World Travel Awards.

Walong major awards ang natanggap ng ating bansa sa WTA Asia & Oceania Gala Ceremony na idinaos sa City of Dreams Manila noong Martes.

Ang mga natanggap na award ay Asia’s Leading Marketing Campaign 2024 (Love The Philippines); Asia’s Leading Luxury Island Destination 2024 (Boracay); Asia's Leading Tourist Attraction 2024 (Intramuros); Asia’s Leading Beach Destination 2024; Asia’s Leading Dive Destination 2024; Asia’s Leading Island Destination 2024; Asia’s Leading Wedding Destination 2024 (Cebu); at Transformational Leader Award in Tourism Governance (Tourism Secretary Christina Garcia Frasco).

☻☻☻

Patunay ang mga pagkilalang ito sa potensyal ng ating bansa na maging leading tourist destination.

Hindi lang natural destinations ang mayroon tayo, kundi makulay na kultura’t kasaysayan.

Umaasa tayong mas marami pa ang makasaksi sa ganda ng Pilipinas, ang matikman ang masasarap nating pagkain at makisaya sa ating mga fiesta.

☻☻☻

Upang makamit ang hangaring ito, kailangang patuloy lang na kumilos ang buong pamahalaan upang pagbutihin ang iba’t ibang sangay na konektado sa turismo.

Pangunahin dito ang pagkakaroon ng maayos na transportasyon, mga health facility at maayos na mga palikuran, at pagsugpo ng krimen.

Kailangan din na magkaroon ng maigting na konserbasyon at rehabilitasyon ng mga tourist destinations at natural sites.

☻☻☻

Malaki ang maaaring maiambag ng turismo sa pag-unlad at sa pagkakaroon ng magandang buhay ng ating mga kababayan.

Kaya’t umaasa tayo na patuloy lang na uusad ang turismo sa bansa.

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagkilala kay Jose De Venecia, Jr.

ni Nancy Binay @Be Nice Tayo | September 1, 2024

Nitong nakaraang linggo ay pinagtibay ng Senado ang isang resolusyon na nagbibigay-pugay kay dating House Speaker Jose de Venecia, Jr. 

Pormal na inihain ng inyong lingkod ang PS No. 1142 upang kilalanin ang kanyang mahalagang ambag sa ating pamahalaan at pandaigdigang diplomasya. 

Kinikilala rin nito ang limang termino ni De Venecia bilang Speaker ng House of Representatives at sa kanyang papel sa kasaysayan ng pulitika sa Pilipinas. 

☻☻☻ 

Marahil marami sa mga kabataan ngayon ang hindi na maalala ang naging ambag ni Speaker De Venecia, na kilala rin bilang JDV. 

Napakahalaga ng kanyang “Rainbow Coalition” sa House of Representatives na nagbigay ng katatagan sa bansa matapos ang Batas Militar. 

Ang koalisyon na ito ay nagpadali sa pagpasa ng higit sa 200 mahahalagang batas sa ilalim ng administrasyon ng dating Pangulong Fidel V. Ramos. 

Ilan sa mga batas na kanyang isinulong ay ang B-O-T (Build-Operate-Transfer) Law, ang Military Bases Conversion Law, at ang batas na lumikha sa Central Bank of the Philippines. 

☻☻☻ 

Bukod sa kanyang mga kontribusyon bilang mambabatas, lubhang mahalaga rin ang kanyang papel pagdating sa diplomasya. 

Naging tagapamagitan siya sa usapang pangkapayapaan sa mga grupo gaya ng Muslim separatists at mga rebeldeng komunista.

Siya rin ang nagsulong ng mga inisyatiba tulad ng Interfaith Dialogue sa United Nations na naglalayong lutasin ang mga tunggalian sa pulitika at relihiyon. 

Maraming salamat JDV sa iyong dedikasyon at serbisyong bayan. Nawa’y patuloy kang magbigay inspirasyon sa mga susunod na henerasyon ng mga mamumuno sa Pilipinas. 

☻☻☻

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice!

FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay