Bilang ng motorcycle taxi na papasada, walang limit — PCC

ni Mylene Alfonso | May 26, 2023

Walang plano ang Philippine Competition Commission (PCC) na magpataw ng cap sa bilang ng motorcycle taxi na papayagang bumiyahe sa bansa.

Makakahikayat din umano ito ng marami pang players na pumasok sa lumalaking motorcycle taxi industry sa bansa bukod sa makikinabang dito ang mga komyuter.

Ang mga puntong ito ay ipinarating ng kinatawan ng PCC sa joint hearing ng Senate committee on public services at local government na tumalakay sa panukalang i-regulate at gawing legal ang motorcycles-for-hire para matiyak na sila ay ligtas, epektibo at abot-kayang uri ng pampublikong transportasyon.

Nang tanuning ni Senate Committee on Public Services Chairperson Grace Poe ang posibleng pagpasok ng Grab Philippines sa motorcycle taxi industry, sinabi ni PCC Executive Director Kenneth Tane na: “In terms of market situation, more players would be better for consumers.”

“If we are going to apply competition principles, no cap would be better given that it would benefit the consumers,” dagdag pa niya.

Ayon kay Poe, hindi dapat magtakda ng limitasyon kung papayagan ang iba pang kumpanya tulad ng ginagawa ng Grab sa Thailand at iba pang bansa para sa mas malayang kompetisyon.

“In terms of slots, there is no cap for motorcycles in the countries we operate,” sabi ni Grab Senior Executive Vice President Lim Yew Heng, na nakabase sa Singapore.

5 Pinoy, patay sa lumubog na Chinese fishing vessel

ni Mylene Alfonso | May 25, 2023

Kinumpirma ng Philippine Coast Guard (PCG) na kabilang ang limang Pilipinong tripulante sa 39 na namatay sa lumubog na Chinese fishing vessel sa Central Indian Ocean noong nakalipas na linggo.

Nagpahayag din ng pakikiramay ang PCG sa pamilya ng 39 na tripulante na namatay kung saan walang nakaligtas base sa isinagawang imbestigasyon ng Beijing transport ministry.

Nabatid na sakay umano ng lumubog na fishing vessel na pag-aari ng Penglai Jinglu Fishery Co Ltd na lumubog noong Mayo 16, ang 17 Chinese, 17 Indonesians at limang Filipino sa may 5,000 kilometro (3,100 miles) sa kanluran ng Perth,state capital ng Western Australia.

"We are saddened by this development," ayon kay PCG spokesperson Rear Admiral Armand Balilo kung saan mino-monitor at nakipag-ugnayan na ang PCG sa Australian Maritime Rescue Center at sa Chinese Embassy kaugnay sa progress ng search and rescue (SAR) operations.

Pinasalamatan din ni Balilo ang Australian search and rescue teams sa kanilang pagsusumikap na mahanap ang mga tripulante. (Mylene Alfonso

Mas maraming motorcycle taxi, mas oks sa komyuter

ni Mylene Alfonso | May 24, 2023

Malaking ginhawa umano sa mga mananakay kung maipapasa ang Motorcycle Taxi Law dahil makahihikayat ito sa pagpasok ng kumpanya ng motorcycle taxi na magbibigay sa mga komyuter ng opsyon para sa pampublikong transportasyon.

“Grab believes that a well-regulated and inclusive framework for motorcycle taxis in the Philippines can bring significant benefits,” pahayag ni Grab Senior Executive Vice President Lim Yew Heng sa joint hearing ng Senate committee on Public Services at Local Government na pinamumunuan ni Sen. Grace Poe.

Sa kasalukuyan, tatlong kumpanya ng motocycle taxi na bahagi ng pilot program ang pinayagang magbiyahe sa Metro Manila sa ilalim ng provisional authority na inisyu ng Department of Transportation (DOTr).

Ang tatlong kumpanya ay Angkas, Joyride at Move it.

Ang Angkas, ang pinakamalaking kumpanya ng taxi company na may 30,000 rider at bumubuo ng 50 porsyento ng market share.

Nauna nang hiniling ng Angkas na harangin ang pagpasok ng dalawang iba pang kumpanya noong Enero 2020 nang maghain sila ng petisyon sa Quezon City court na mag-isyu ng 72-hour temporary restraining order laban sa pagpapatupad ng isang polisya sa pagpayag sa pagsama sa Joyride at Move It sa extended pilot program ng DOTr para sa motorcycle taxis.

Sa kanilang petisyon, kinuwestiyon ng Angkas ang cap sa bilang ng pinayagang biker gayundin ang pagsama sa Joyride at Move it sa pilot program para sa motorcycle taxis na inilagay sa technical working group ng DOTr.