ni Mylene Alfonso @News | Apr. 11, 2025
File Photo: CIDG Chief Police Major General Nicolas Torre III - via Senate of the Philippines / Joseph Vidal
Aminado si Criminal Investigation and Detection Group (CIDG) chief Police Major General Nicolas Torre III na hindi niya pinayagan ang kahilingan ni dating Pangulong Rodrigo Duterte na payagan si Vice President Sara Duterte na makita siya bago siya ilipad sa Netherlands.
Sa imbestigasyon ng Senate foreign relations committee, ipinunto ni Senador Alan Peter Cayetano ang mga karapatan sa pagbisita ng dating Pangulo sa pamamagitan man ng immediate family o medical doctor, habang siya ay nakakulong sa Villamor Air Base kasunod ng kanyang pag-aresto noong Marso 11 para sa kasong crimes against humanity.
Bilang tugon, sinabi ni Torre na sinabi niya sa dating Pangulo na maaari lamang siyang bisitahin ni Sara kapag siya ay inilagay sa isang detention cell sa The Hague.
"Yes, sir, I did prevent the request… I did deny the request of President Duterte for him to allow VP Sara to enter. Kasi nga naman, mag alas-diyes na nu'n and that's already around 12 hours after we first got him into custody. The VP had all the chances to be with the [former] President earlier that day," pahayag ni Torre kay Cayetano.
"We're actually expecting her. Alas-tres pa lang, may information na darating siya. And kung gusto talaga nilang pumasok, puwede naman sir, eh," sabi pa ni Torre.
Matapos nito, nagkaroon ng mainit na palitan ng salita sa pagitan ni Torre at ni Senator Imee Marcos, chairman ng komite kung saan kinuwestiyon ang pagharang sa diumano'y pagbisita ng Bise Presidente sa kanyang ama.
"After all that's being said and done, 'yung sasakyan ni Honeylet and four, five other vehicles, nakapasok at sinundo sila sir. Ang eroplano, bukas pa ang pintuan. So 'yan ang isang… tumayo ang balahibo ko nu'ng nakita ko, 'andiyan ata si VP Sara, si [Senator] Bong Go, nakapasok na. Sinusundo sina Honeylet at Kitty ng kanilang mga sasakyan together with the other entourage, bakit hindi sila sumabay sa tarmac, bukas pa naman ang pintuan," paliwanag ng CIDG chief.
Inilahad naman ni Cayetano ang Section 2(f) ng Republic Act 7438, "Any person arrested or detained or under custodial investigation shall be allowed visits by or conferences with any member of his immediate family, or any medical doctor or priest or religious minister chosen by him or by any member of his immediate family or by his counsel, or by any national non-governmental organization duly accredited by the Commission on Human Rights of by any international non-governmental organization duly accredited by the Office of the President. The person's "immediate family" shall include his or her spouse, fiancé or fiancée, parent or child, brother or sister, grandparent or grandchild, uncle or aunt, nephew or niece, and guardian or ward."
Bukod sa Bise Presidente, sinabi ni Cayetano na hindi rin pinayagan ni Torre ang personal doctor ni VP Sara na bisitahin ang kanyang ama habang nakakulong sa Villamor Air Base.
Dagdag pa ni Cayetano, ang sinumang mapatutunayang nagkasala ng paglabag sa RA 7438 ay mapapatawan ng parusang pagkakakulong ng hindi bababa sa apat (4) taon o higit sa anim (6) na taon, at multang apat na libong piso.
