Tinalo ng Gilas men's ang Ukrainian sa tune-up match

ni MC / VA @Sports | July 3, 2023

Nagwagi ang Philippine men’s national basketball team kontra Ukrainian under-20 team, 70-61, sa Kaunas, Lithuania, noong Sabado ng gabi (Manila time) upang ipagatuloy ang pagpapalakas sa 2023 FIBA World Cup sa August.

Ang squad ay pinangungunahan nina Dwight Ramos, Justine Brownlee, Rhenz Abando, Kiefer Ravena, at June Mar Fajardo.

Nagawang makaungos ng Gilas kontra Ukraine sa unang taltong quarter bago tuluyang nagwagi sa 4th frame, at pinal na kunin ang panalo matapos matalo nang magkasunod sa kamay ng Estonia at Finland.

Pero matapos na pumoste ng kanilang unang panalo, hindi pa rin kuntento si Gilas mentor Chot Reyes sa naging laban sa Ukrainians.

"I was very pleased with how quickly we picked up the new things that we worked on yesterday in practice. But to be very honest, although we won this game, I still think there were a lot of defensive lapses,” saad ni Reyes sa panayam ng Samahang Basketbol ng

Pilipinas’ Carlo Pamintuan

“And If I were to rate it, I think this is the worst game that we played since the start. I know this is the game that we won, but I thought that there was a lot more to be desired,” dagdag ni Reyes.

Wala sa Gilas game na iyon sina Ginebra star Scottie Thompson at Meralco’s Chris Newsome dahil sa injuries kaya ipinasok ni Reyes ang player na naroon sa team. “But of course, we came in without our top two point guards so it was kind of understandable. But still, in our overall journey in the process, we focused on cutting down on our turnovers, not giving up offensive rebounds, and then being able to execute the defense that we worked on. I thought that we were able to do that.”

Pacio, ipakikitang 'di nagsisi sa paglipat ng ibang team

ni MC @Sports | July 2, 2023

Alam ni dating ONE strawweight champion Joshua “The Passion” Pacio na lahat ng mata ay tiyak na nakatingin at nag-oobserba na sa kanya dahil na rin sa kanyang naging desisyon na makasama ang dating teammates sa Lions Nation MMA.

Sa nakaraang weekend, inanunsiyo ni two-time ONE lightweight champion Eduard “Landslide” Folayang ang pagbuo ng Lions Nation MMA. Dinala niya sina Pacio at dating ONE champions Kevin Belingon at Honorio Banario at iba pang Team Lakay studs na sina Jeremy Pacatiw at Edward Kelly sa kanilang balwarte.

Ang pasya ng 27-anyos na paglipat sa Team Lakay ay tiyak na aabangan – lalo na at nanggaling siya sa pamosong gym mula pa nang magsimula siya ng kanyang karera.

“For me, there’s no pressure. From now on, I think it’s really the start of enjoying what we do – particularly in sharing [our knowledge], our openness, and being open-minded with one another,” sabi ni Pacio. “What I’m trying to say is that all of our minds will be working together to create even bigger accomplishments and glean even more knowledge from one another. I’m just excited to train with these guys.”

Sa halip na matensiyon, excited si Pacio na ihatid ang bagong teknik niya sa kanyang laro na mula pa sa kanyang coaches na sina Gibran Langbayan at Don-Don Colas.

Si Langbayan ay isa sa ilang lehitimong Brazilian Jiu-Jitsu black belts sa Pilipinas na masipag mula sa gabay ni Prof. Leonardo Fernandes na ipinakilala siya sa black belt noong nakaraang taon.

Si Colas naman ay isang retiradong boksingero na nakagawa ng sarili niyang pangalan bilang striking coach ng bansa pareho sa MMA at boxing. Habang excited siya kung ano ang estilo ng coaches, mas excited din siya na maibahagi ang mga ideya na magtutugma sa kanila ng coaches para sa mas balanseng kolaborasyon at pilosopiya ng bagong team.

Ej Obiena, bronze sa Czech Republic ng Olympic Q'Fying

ni MC - @Sports | June 29, 2023

Mainit na ipinamalas ni EJ Obiena ang kanyang momentum para sa Olympic qualifiers at lalo pa siyang humuhusay makaraang magwagi ng bronze medal sa kompetisyon sa Czech Republic.

Nagtapos ang Olympian sa pagtalon na taas na 5.90m sa Ostrava Golden Spike kahapon kabuntot nina Armand Duplantis at Australian Kurtis Marschall sa nakaraang torneo bago pa ang Bauhaus-Galan meet ng Diamond League na isang Olympic qualifier. “5.90m and bronze here in Golden Spike Ostrava.Thank you for everyone who went out and watch us jump some bars. Still lots of figuring out to do,” saad ni Obiena sa kanyang social media accounts. “Next stop, Bauhaus-Galan.”

Sa Diamond League, kinakailangan ni Obiena na matalon ang taas na 5.82 meters para magkuwalipika sa 2024 Paris Games. Ito ay upang siya ang maging unang Pinoy na sasagupa sa Olympics sa susunod na taong 2024.

Nakalundag si Sweden’s Duplantis ng gold sa taas na 6.12m jump, habang ang Australian na si Marschall ay kapareho rin ng talon na ginawa ni Obiena, pero sa isang attempt lamang ito.

Ang Olympian, na nagwagi rin ng bronze sa Oslo Bislett Games sa Norway ay nakatakdang sumagupa sa World Athletics sa Agosto at sa Asian Games sa September at handang lumagare sa susunod na kompetisyon.