Espejo: "Malaking karangalan ang maglaro para sa 'Pinas"

ni MC @Sports News | August 20, 2025

Photo: Unti-unting lumalakas na muli ang laro ni Marck Espejo para sa team Alas Men sa tatlong training camp sa Europe. (rankthemagpix)

Dumanas man ng ankle injury ang isa pang beteranong player ng Alas Pilipinas Men na si Marck Espejo, tulad ni Bryan Bagunas ngayon ay nakarekober na sa training camp niya sa tatlong training camp sa Europa at nitong huli ay sa  Portugal.

“I’m taking it day by day, training by training, as I work to catch up with the team after coming back from injury,” ani Espejo mula training camp sa Santo Tirso, siyudad sa Hilagang Portugal kahapon. 

Nakarekober na sina Espejo, 28 at Bagunas, 27 sa mga injuries at gamay na ang laro sa team na pinaghalong mga bata at beterano mula nang simulan ang training camp sa Morocco at Romania at nagtapos sa Portugal.   

Nagwagi ang Alas Pilipinas ranked No. 77 sa mundo ng dalawa sa tatlong tune-up matches kontra national team world no. 81 Morocco at nakalamang ng bahagya sa laro sa Romania.  

Ito ang potensiyal na senyales na malapit na ang Alas Pilipinas sa kanilang misyon sa training camp para sa mas malakas na laro sa FIVB Volleyball Men’s World Championship sa Set. 12 to 28 sa Smart Araneta Coliseum at MOA Arena.

“It’s well-balanced team [Alas] for long-term growth,” saad ni Espejo. “We have experienced veterans and kuyas who provide leadership, and younger players with fresh legs and a lot of energy.” 

 “It’s a huge honor and opportunity to be part of the world championship—playing for your country feels different from playing for your club. I’ll make the most out of it because this is a once in a lifetime experience.” 

“This is a huge opportunity, not just for me, but for the growth of men’s volleyball in the Philippines, I won’t take this opportunity for granted,” aniya.

Sasagupa ang Alas Men sa No. 23 Egypt sa Set. 16 at No. 13 Iran sa Set. 18 sa Pool A action.

'Set Na Natin 'To inilunsad ng 'Pinas sa FIVB Men's World

ni MC @Sports News | August 16, 2025

Photo: Inilunsad ng PNVF, PSC-POC ang "Set na Natin 'To bilang logo ng idaraos na FIVB Men's World Championship sa Set. 12 sa MOA at Araneta Coliseum. (pnvfpix)

Nagsama-sama  ang top sports executives maging ang fans sa MOA Arena Music Hall upang ilunsad ang sigaw na logo isang buwan bago ang pagbubukas ng FIVB Volleyball Men’s World Championship 2025.

Sinamahan si Ramon “Tats” Suzara, executive VP ng volleyball’s world governing body FIVB, nina POC president Abraham “Bambol” Tolentino at PSC chairman Patrick “Pato” Gregorio upang maging event partners kasama ang mga miyembro ng diplomatic corps, working staff, benefactors, volunteers at fans upang maisigaw ang promosyon ng elite sports meet.

Simbolo ng pagiging ating Pinoy, paniniwala at kahandaan, iniukit ang battle cry na “Set Na Natin ’To” bilang paghahanda ng bansa sa pag-host ng 32-team tournament tampok ang apat na mahuhusay na defending champion Italy, world No. 1 at Volleyball Nations League titlist Poland, Brazil at Slovenia mula Set. 12 hanggang 28 sa Smart Araneta Coliseum at MOA Arena.

“Volleyball fans, we are very grateful. We’ve poured everything into this, battled through every obstacle to deliver this event, and we expect to see you all during the matches,” ani Suzara.

Nanguna si Eya Laure ng Alas Women sa oath-taking ng volunteers, maging  sina team captain Jia de Guzman, SEA VLeague Best Libero Justine Jazareno, Dell Palomata at iba pang miyembro ng Alas Women ay nakibahagi sa excitement ng fans. 

Marami ang lumahok sa iba't ibang aktibidad ng  national teams sa MOA maging ang mga embahada ng 31 bansa sa world championship. Mascots sa FIVB-MWCH ina Koolog, Hataw at Kidlat.  

“We have to do this so well, we have to do this telling the world that this is the Philippines, we can host properly, this is the showcase of our nation, we are a very beautiful sports tourism destination,” ani Gregorio.

“We’re very excited for this event. It’s really very hard to bid and to host these events. Magsama-sama po tayo for this event,” panawagan ni Tolentino.

5 bansa, bakbakan na sa SEA V.League sa Ilocos Sur

ni MC @Sports News | July 8, 2025

Photo: Gen Villota

Mula sa MOA, Pasay City kung saan itinampok ang pag-display sa malaking globo ng selebrasyon ng World Volleyball Day noong Lunes, darako naman ngayong Miyerkules (Hulyo 9) sa Candon City Arena sa Ilocos Sur ang five-nation Southeast Asian Men’s V.League.

Nagdiwang ang Alas Pilipinas Members tulad ng Alas Pilipinas Women, kasama ang official Fans Club members maging ng iba pang opisyal at miyembro ng Philippine National Volleyball Federation (PNVF) sa pamumuno ni vice president Ricky Palou at secretary-general Don Caringal at ng Local Organizing Committee ng FIVB Volleyball Men’s World Championship Philippines 2025 sa global highlights na minsan lang naganap sa bansa.

“It was an amazing celebration by our very own PNVF and the LOC for the world championship and this impressed the FIVB leadership,” ayon kay PNVF Ramon “Tats” Suzara na nasa Surabaya ngayon para sa isang opisyal na gawain bilang pangulo ng Asian Volleyball Confederation.

Asam ng Alas Pilipinas ang medalya at ranking points katunggali ang Indonesia, Vietnam, Thailand at Cambodia na kasalo rin sa spotlight ng SEA Men’s V.League sa Candon City.

Lalaro si Fil-Am Steve Rotter para sa Alas Pilipinas habang wala sa Philippine team si Bryan Bagunas dahil sa injury mula nang makasungkit ng dalawang bronze medals. Sa ilalim ni coach Angiolino Frigoni lalaro sina Kim Malabunga, Owa Retamar, Peng Taguibolos, Louie Ramirez at Buds Buddin.

Ang bakbakan sa rankings points at ang champions cheque ay $13,000 (P743,000) mula sa prize pot na $55,000 (P3.15 million) kung saan mahigpit na katunggali ang Thailand.