Ipapasa kay Milka ang sulo ng paglago sa Phl sports

ni MC @Sports News | Nov. 26, 2024

"Sobrang excited po ako na ngayon, I’m in a position to help other athletes, our children, the youth to promote yung direction ng discipline and teamwork through sports. Ito po ay mga values na puwedeng gamitin hindi lang sa pag-compete but also sa buhay, 'yung mga natutunan natin bilang isang atleta,” ani Milka Romero. (fbpix)

Walang ibang paalala si Boxing icon Manny Pacquiao kundi ang bigyang halaga na masuportahan ang mga pambansang atleta maging ang pagpapaunlad sa sports sa kabuuan lalo at naging matagumpay ang bansa sa kampanya nito sa Paris Olympics.

Ikinagalak ng dating senador na makita ang karisma at intelihenteng pagiging sports leader ni Milka Romero na handang ipagpatuloy ang legasiya ng kanyang ama na si Mikee, upang mapanatili ang suporta sa sports nang hawakan ang 1Pacman at magsilbing inspirasyon, motibasyon ng mga atleta lalo na sa pinansiyal na suporta sa atleta at indibidwal na nangangailangan.

Bilang isang atleta- dating co-captain ng Ateneo football team sa UAAP – perpekto si Milka na panghawakan ang trabaho na lilisanin ng kanyang ama sa 2025.

“Kailangan talaga nating tutukan ang laban para sa pag-unlad ng sports. Kitang-kita natin ngayon na ang magagaling nating mga atleta ang umaani ng karangalan para sa bayan,” ani Pacquiao nang bisitahin ito sa General Santos City.

Godfather si Mikee, ang ama ni Milka ng amateur basketball noong 2007, pinuno rin ng cycling at shooting associations, at testamento rin ang kalinga at pagmamahal sa PH sports nang gantimpalaan si weightlifter Hidilyn Diaz ng P3 million nang maging unang Olympic gold medalist sa Tokyo Games.

Tumanggap din sila silver medalist Nesthy Petecio at bronze winner Eumir Marcial ng financial rewards mula kay Romero.

“Our biggest advocacy is sports. We have grassroots programs where we want to support children in their journey na maging isang atleta. We have already created laws and projects such as the National Academy for Sports and tinutuloy din natin yung mga programs natin,” ani Romero, na hawak din ang Capital Solar Energy sa Premier Volleyball League.

Makakatuwang din ni Romero sa sports development maging ang pakikipaglaban sa kahirapan at iba pang isyu sina dating boxer-turned-civic at political leader Bobby Pacquiao at youth leader Sheila May “Shey” Sakaluran Mohammad.

'Feel at home' sa Phl hosting ng FIVB Men's Worlds 2025

ni MC @Sports News | Nov. 19, 2024

Photo: Si AVC at PNVF president Ramon “Tats” Suzara nang magsalita sa harap ng 39th FIVB World Congress sa Porto, Portugal. (pnvfpix)

Bawat isang atleta, coach, delegado at fan ay waring madarama ang "feel at home" sa sandaling masolo hosting ng Pilipinas sa unang pagkakataon ang FIVB Men’s World Championship (MWCH) 2025 sa Setyembre sa susunod na taon.

At ipakikita rin sa world of volleyball na ang sport ay minamahal at kinagigiliwan ng mga Pinoy. “We can’t get enough of volleyball,” saad ni Ramon “Tats” Suzara sa 39th FIVB World Congress sa kanilang main session sa Porto, Portugal nitong weekend. “The Philippines is a country that loves volleyball.”

Nahalal si Suzara nitong Setyembre bilang pangulo ng Asian Volleyball Confederation na tatlong taon sa kanyang termino bilang pinuno ng Philippine National Volleyball Federation (PNVF). Sa harap ng higit 200 miyembro ng sport’s world body akbilang na ang newly-elected FIVB president Fabio Azevedo at dating pangulong Ary Graça, pareho ng Brazil, at secretary-general Hugh McCutcheon ng New Zealand, ipinakita ni Suzara kung ano ang aasahan ng MWCH sa bansa sa pag-host nito sa Set. 12 hanggang 28 sa SM Mall of Asia Arena at Smart Araneta Coliseum.

“The rest of the world do not know that yet … that we love volleyball and that Filipino volleyball fans set the standard,” aniya nang tukuyin ang matinding responde ng mga Filipino sa Volleyball Nations League, o VNL, na nai-host ng bansa sa loob ng tatlong taon na magkakasunod.

“We scream and cheer louder than anyone else,” dagdag ni Suzara na ang fan attendance ay maaring umabot ng 8,000 kasunod ng unang 19,000 na itinala noong Hunyo.

Ipinagmalaki rin ni Suzara sa anunsiyo niya sa harap ng congress delegates na mula sa mababang 117th ranked sa mundo, tumalon ang Philippine men’s team sa No. 64 sa loob lamang ng 3 taon matapos ang pandemic. (MC)

Masaya ang Pasko ni Yulo sa P500K mula kay Chavit

ni MC @Sports News | Nov. 11, 2024

Photo: Ipinagmalaki ni Karl Eldrew Yulo ang kanyang 4 na gold medals bilang pagpapahayag ng kanyang pasasalamat sa kabutihang loob ni Luis “Chavit” Singson. Tumanggap siya ng ₱500,000 cash reward mula kay Singson gaya ng pangako nito sa atleta habang saksi ang anak niyang si Ilocano Ako party list Rep. Richelle Singson-Michael. (yulofacebookpix)

Dumaan muna sa napakaraming pagsubok ang batang si Karl Eldrew Yulo bago nakamit ang 4 na gold medals mula sa 3rd JRD Artistic Gymnastics Championships sa Thailand noong nakaraang Linggo bago nakatanggap ng isang insentibo mula sa ginintuang puso ni Senatorial aspirant Luis “Chavit” Singson nang personal niyang ibigay sa atleta ang P500,000.

Sinabi ni Singson na deserve ni Yulo ang insentibo dahil sa kanyang sipag at determinasyon at maging susunod na gymnastics sensation katulad ng nakatatandang kapatid na si Carlos na naka-2 golds sa Paris Olympics noong Agosto.

Nakamit ng 16-year-old Yulo ang gold medals sa junior individual all-around event, floor exercise, still rings, at vault at silver medals sa parallel bars at team all-around event upang maging pinakamatagumpay na atleta sa prestihiyosong torneo.

Kasama ni Yulo sa simpleng turnover ang ina na si Angelica, ama na si Andrew at kapatid na si Elaiza at anak ni Singson na si Ako Ilocano Ako party list Rep. Richelle Singson-Michael. Matagal nang sumusuporta sa Philippine sports si Singson.

Siya ang manager sa professional career ni boxer Charly Suarez na hindi humihingi ng anumang kapalit habang nagsisilbing chairman emeritus ng Philippine National Shooting Association. Personal siyang nanonood bilang panatiko ng Philippine Basketball Association. Malapit din sa puso niya ang Yulo family.

Sa nakaraang 2 linggo, una siyang nagbigay ng P1 million bilang maagang Pamasko sa pamilya at hangad na magkaayos na kay Carlos.

“Love and respect are essential values of a Filipino family,” ani Singson, na kilala bilang mapagmahal na ama sa kabila ng pagiging abala sa trabaho at determinasyon na pag-ibayuhin ang buhay ng Pinoy.

“I am offering myself to be the catalyst of love and forgiveness within the Yulo family. My only wish is for them to finally settle their differences and be united as we celebrate the Christmas season.”