Usyk, ginulpi si Joshua, hinahamon si British Fury

ni MC / VA- @Sports | August 23, 2022

Nagwagi si Oleksandr Usyk ng Ukraine sa kanyang rematch laban kay Anthony Joshua sa pamamagitan ng split decision, dahilan para maset-up ang potensiyal na unification bout kontra kay Tyson Fury ng Britain, sa Saudi Arabia.

Ang dating cruiserweight world champion, na nag-dismantle sa may hawak sa London noong nakaraang taon, ay humarap sa isang mas pinalakas na si Joshua ngunit muli itong na-outbox sa kanyang ika-apat na heavyweight na laban.

Si Usyk, na ngayon ay walang talo sa 20-0 ay agad hinamon si Fury, na nag-anunsiyo ng kanyang pinakabagong pagreretiro ng mas maaga sa buwang ito ngunit nagpahiwatig ng kanyang pagpayag na ipagpatuloy ang kanyang karera.

“Sigurado ako na si Tyson Fury ay hindi pa nagreretiro,” sabi ni Usyk. “I’m convinced he wants to fight me. I want to fight him. Kung hindi ko lalabanan si Tyson Fury I’m not fighting at all.”

Ang laban ay napanood sa free-to-air TV ng milyun-milyong Ukrainians na naninirahan sa ilalim ng pagsalakay ng Russia. Nag-sign up si Usyk para ipaglaban ang kanyang bansa bago tinanggap ang rematch. “Ibinibigay ko ang tagumpay na ito sa aking bansa, sa aking pamilya, sa aking koponan at sa lahat ng militar na nagtatanggol sa bansa,” sinabi niya sa 12,000-seat King Abdullah Sports City Arena sa Jeddah.

Isang galit na galit na Joshua ang nagpahayag sa kanyang post-fight speech ng mga expletive sa kabila ng presensya ni Crown Prince Mohammed bin Salman, ang de facto ruler ng relihiyosong bansa. Nanalo si Usyk sa iskor na 113-115, 115-113 at 116-112.

Ex-heavyweight champ Wilder, kakasa kay Helenius sa Oktubre

Fni MC - @Sports | August 20, 2022

Kasado na ang pagbabalik ni dating heavyweight world champion Deontay Wilder at lalaban ito kontra kay Robert Helenius sa Oktubre 15 sa Barclays Center sa Brooklyn, New York.

Si Wilder, 42-2-1 na may 41 knockouts bilang isang pro, ay dumanas ng back-to-back stoppage na pagkatalo sa kamay ni Tyson Fury. Ang kanyang paparating na laban ay mamarkahan ang kanyang una sa 2022 at ang kanyang unang laban sa 12 buwan.

“It’s been a long journey for me and as of today, tuloy pa rin. Napakaraming beses kong naisip kung dapat ba akong manatili sa negosyo o bumalik,” sabi ni Wilder.

“Noong nakuha ko ang aking rebulto sa aking bayan at nakita ko ang napakaraming tao na dumating at nagdiwang kasama ako at ang aking pamilya, upang makita ang lahat ng mga emosyon, ang mga matatandang lalaki na umiiyak sa harap ng kanilang mga anak at nagsasabing siya ay isang tunay na tunay na hari, nagparamdam sa akin na parang hindi tapos ang trabaho ko.”

Ayon naman kay Helenius, nararamdaman niya na ang paparating na showdown kay Wilder ay isang beses lamang sa buhay. Alam niya na ang isang panalo laban sa dating kampeon ang mag-aangat sa antas ng kanyang karera at ito mismo ang plano niyang gawin sa gabi ng labanan.

Pinas, opisyal nang ESports capital, PKO apps, palalakasin pa ang ESWF

ni VA / MC - @Sports | August 19, 2022

Opisyal nang sentro ng Electronic and Digital Sports (ESports) sa mundo ang Pilipinas at iyan ang ibinidang magandang balita ni Arniel Gutierrez nang maitatag ang ESports World Federation (ESWF) – ang kinikilalang amateur governing ESports body sa mundo – na nakabase sa Pilipinas.

“The Philippines is now the Mecca of ESports. Officially, tayo na ang Esports capital in the world,” pahayag ni Gutierrez sa Tabloids Organization in Philippine Sports, Inc. (TOPS ) ‘Usapang Sports’ kahapon sa Behrouz Restaurant sa Timog, Quezon City. “Kung yung International Olympic Committee (IOC) ang governing body sa lahat ng traditional sports at organizers ng SEAG, Asian Games at Olympics, ang ESWF ang sentrong sports body para sa ESports.

"After years of planning and study and support of all Esports International Federation, particularly the China-based General Association of Asia Pacific Sports Federations (GAAPSF) whose president is now the vice president of IOC, naisakatuparan natin ang matagal ko nang pangarap,” sambit ni Gutierrez sa lingguhang sports forum na itinataguyod ng Philippine Sports Commission (PSC), Philippine Olympic Committee (POC) at Pagcor.

Sa tulong ng Department of Tourism (DOT) kung saan bahagi rin si Gutierrez ng Sports Tourism Group, opisyal na ilulunsad ang ESWF sa Tourism Sports ESports Business sa Nob. 25-28 sa SMX Clark sa Pampanga. “Ito bale ang kickoff program ng ESWF, magsasagawa tayo ng conference and seminars. May exhibits dahil part ito ng digitalization project ng DOT. Para higit na mapabilis ang pagpapalaganap ng Esports, nakipagtambalan si Gutierrez sa Pinoy Ako (PKO) digital apps na ilulunsad sa Oktubre 16. “Right now nasa testing na tayo, but before the grand launching sa Oktober puwede n rin ninyong masilip ang PKO apps but September 16,” sambit ni PKo multi-digital content creator Neil Talavera.

Ayon kay Talavera, naglaan sila ng isang channel para sa Esports upang mabigyan ng pagkakataon ang lahat ng Esports enthusiasts na masubaybayan ang kanilang hilig maging sa local at international activities. “We all know that everyone of us spent more time in mobile phone than watching television. With this PKO apps, anytime and anywhere puwede mong subaybayan yung lahat ng gusto mo dahil hindi lang naman ESports ang nakapaloob din but all sports, may movies din at show,” sambit ni Talavera.