Matanda ka na, keri mo na ba? ALAMIN: mga bagay na dapat pag-isipan bago maging 25-anyos

ni Mharose Almirañez | February 06, 2022

“Ilang taon ka na?”

Isa sa basic na tanong, pero minsan ba ay naitanong mo na sa sarili mo kung ano ang mga gusto mong ma-achieve as you grow older?

Sabi nga nila, “Adulting starts at 25 years old.” Ito ‘yung crucial part kung saan dapat ay financially stable ka na at mayroong successful career. Ito rin daw ang marrying age, pero paano kung confused, broke at single ka pa rin that time?

Bilang gabay sa ‘yong pagtanda, narito ang ilang katanungan na kailangan mong sagutin bago ka tuluyang tumuntong sa edad 25:

1. SAAN BA TALAGA AKO MAGALING? Kailangan mong alamin at i-enhance kung anumang talent o skills ang mayroon ka dahil ‘yan ang pinakamagandang investment na hindi ka malulugi at hindi puwedeng maagaw ng iba.

2. ANO BA TALAGA ANG PANGARAP KO? Mahirap naman kung ang tanda mo na pero naguguluhan ka pa rin sa landas na gusto mong tahakin. Ngayon pa lang ay magnilay-nilay ka na dahil hindi ka hihintayin ng oportunidad kapag ito na ang kumatok.

3. BAKIT KO KAILANGANG MAGTRABAHO? Aba malamang! Gusto mo ba maging palamunin habambuhay ng mga magulang mo? Sa edad mong ‘yan, dapat ay alam mo na kung paano maging good provider. Dapat mayroon ka ring target company and position as you reach that age. Please lang, huwag ka na dumagdag sa unemployment rate ng ‘Pinas.

4. KAILAN AKO MAKAKAPAG-SETTLE DOWN? Siguraduhin mo munang handa ka na spiritually, physically, mentally and financially bago ka pumasok sa panibagong chapter ng buhay. ‘Wag gumawa ng bata kung hindi kayang panindigan. ‘Wag puro kilig, besh!

5. PAANO BA MAGING ADULT? Sa totoo lang, mahirap talagang maging adult. ‘Yung tipong mapapaiyak ka na lang sa gabi, hindi dahil heartbroken ka kundi dahil sa deadlines, bills, and responsibilities. ‘Yung kinu-kuwestiyon mo ang kakayahan mo. ‘Yung kahit ibinigay mo na ang lahat, parang kulang pa rin. ‘Yung kahit hindi ka okey emotionally and physically ay kailangan mo pa ring bumangon para magtrabaho at makisama sa toxic na mundo.

Kaya ikaw, ready ka na bang maging adult? Matanda ka na kaya dapat kang umakto nang naaayon sa edad. Ayaw mo naman sigurong masabihang isip-bata, ‘di ba?

Maliban sa mga ‘yan, dapat ay mayroon ka nang 2 valid government IDs dahil ‘yun ang kauna-unahang hinahanap sa lahat ng transaksiyon. Kailangan mo ring magparehistro sa Comelec para maging lehitimong botante upang magkaroon ka ng silbi sa lipunan.

Ina-advise ko rin na habang bata ka pa ay kumuha ka na ng life insurance. Marami ang nagse-set aside nito dahil dagdag-gastos lang daw, pero dapat mo ring isipin na napakalaking tulong ng insurance kung sakaling maaksidente, magkasakit o mamatay ka.

Sabi nga ng iba, huwag magmadali dahil may kani-kanya naman tayong timeline ng buhay.

Hindi porke you’re taking longer than others, it doesn’t mean you’re a failure. Ngunit paano kung kaka-chill mo ay napag-iwanan ka na ng panahon?

Sana ay masagot mo ang mga iniwan kong tanong. Good luck and welcome sa adulting stage!

Piercing gone wrong? Mga dapat gawin matapos magpabutas ng tainga

ni Mharose Almirañez | January 22, 2022

“Astig” ang bagong termino ng mga millennial ngayong 2022. Nakaka-astig nga namang tingnan kapag marami kang piercing. ‘Yung tipong magmula sa tainga, ilong, dila hanggang sa tiyan, hangga’t puwedeng butasan, binubutasan.

Ayon sa ‘king mga napanood, nabasa at naranasan, it’s a no-no, raw magpa-piercing kung baril ang gagamitin na pambutas, lalo na kung sa bandang tainga dahil masyado raw shocking ang impact na idinudulot nito. Sa halip ay inaabiso ng karamihan ang manual type of piercing.

Advisable rin sa mga first timer na gumamit ng surgical stainless steel earrings para maiwasan ang allergic reaction, saka ka na magpalit ng trip mong hikaw kapag magaling na ang iyung piercing.

Pero knows mo ba kung paano pabibilisin ang paghilom ng sugat para tuluyan kang matawag na astig? Narito ang ilang dapat gawin matapos magpa-piercing:

1. Dalasan ang pagpapalit ng bed sheet, punda at kumot, lalo na kung sa tainga ka nagpabutas. Siyempre, sariwa pa ang sugat kaya hindi ‘yan dapat ma-expose sa anumang mikrobyo. Gayunman, hindi porke nagpabutas ka, saka mo lang dadalasan ang pagpapalit ng mga ‘yan. Tandaan na dapat nating i-normalize ang pagiging malinis, because personal hygiene is a must.

2. Huwag paikot-ikutin o hawak-hawakan ang hikaw. Siyempre, kung saan-saan natin inihahawak ang mga kamay natin kaya maaari nitong ma-infect ang sugat, lalo na kung may nahawakan tayong marumi, tapos ihahawak pa natin dito.

3. Linisin ang sugat sa pamamagitan nang warm water with salt. Puwede mong isawsaw ang bulak o cotton buds sa maligamgam na tubig, saka mo ipahid o idampi sa ‘yong sugat, dalawang beses kada-araw.

4. From time to time, puwede mo ring spray-an ng alcohol ang iyong piercing, lalo na kung nangangati ito.

5. Iwasang kamutin o tuklapin ang mga natutuyong sugat upang hindi ma-irritate ang piercing na maaaring makapagdulot ng nana.

6. Limitahan ang pagtatanggal-balik ng hikaw at ‘wag na ‘wag itong tatanggalin nang matagal dahil siguradong magsasarado ang butas. For sure, ayaw mo namang mauwi sa piercing gone wrong, ‘di ba?

Sa loob lamang nang dalawang linggo ay gumaling na ang aking piercing, kaya masasabi kong puwede na ‘ko tawaging astig. Take note, baril ang ginamit sa ‘kin.

Nagmahal, nasaktan, nag-move on… Tips para maka-get over sa break up

ni Mharose Almirañez | December 2, 2021

Bakit nga ba may mga taong pinagtagpo, pero hindi naman itinadhana?

Masakit man pakinggan pero kailangan mong ma-realize na hindi lahat ng love story ay mala-Disney movies na puro happy ending, sapagkat ang reyalidad ay isang napakalaking tragedy. In real world, maraming nagsusulputang kontrabida at surprising plot twists.

Upang maka-get over sa iyong epic fail relationships, narito ang ilang tips para maka-move on sa iyong ex-dyowa:

1. TORTURE-RIN ANG SARILI. I-stalk mo ang social media accounts niya at paulit-ulit mong tingnan ang pictures n’yo hanggang maumay ka. I-stalk mo rin ang profile nu’ng bago niya kung mayroon man.

2. STRESS EATING. Kumain ka nang kumain. ‘Di baleng broken basta hindi malnourished.

3. MAGWALWAL. Nakapagbibigay ng lakas ng loob ang alak. Pansamantala kang magiging strong, but siyempre, maaalala at maaalala mo pa rin siya at mapapa-emote ka ulit. Iiyak mo lang ang lahat with matching background music hanggang gumaan ‘yang pakiramdam mo.

4. ‘WAG MAG-DRUNK CALL. ‘Di porket matapang ang alak, magiging matapang ka na rin. Itigil mo ‘yan, girl!

5. GENERAL MAKE OVER. ‘Di puwedeng broken ka na nga, panget ka pa. Try mong magpa-salon or mag-gym para sa balik-alindog program.

6. MAG-SHOPPING. Bumili ka ng mga bagong damit, sapatos, bag at skin care products. Siyempre, dapat mo pa ring i-maintain ang iyong lifestyle. Hindi puwedeng broken ka na nga, broke pa ang bulsa mo.

7. MAG-TRAVEL. Makatutulong ang outdoor activities para makalanghap ng sariwang hangin at panibagong ambience. Mag-beach, mag-hike, mag-museum, mag-arcade o mag-road trip. Kayanin mong bumiyahe mag-isa.

8. SOCIAL MEDIA DETOX. Mag-deactivate ka muna ng iyong social media accounts. Tandaan na ang gamot sa toxic ang pagdi-detox.

9. LOVE YOURSELF. Hindi masama ang maging selfish, pero oras na para isipin ang sarili, sapagkat paano ka mamahalin ng iba kung hindi mo mahal ang sarili mo?

10. MAKIPAG-BONDING SA IBA. Mali na pinaikot mo ang mundo mo kay ex. This time, make time for your family and friends dahil sila ang dadamay sa ‘yo sa mga oras na ito.

11. MAGSULAT. Ang pagsusulat ay isa sa mabisang paraan dahil inaayos nito ang nerve cells natin sa tuwing nag-iisip tayo ng sentences. Malay mo, maging katulad ka rin ni Taylor Swift na naging successful dahil sa mga kantang isinulat para sa mga ex niya.

12. MAGDASAL. Ipasa-Diyos na lamang ang nangyari sa relasyon ninyo ng ex mo. Kung niloko ka ni ex, si God na ang bahala sa kanya. Kumapit ka lang kay Lord dahil malalagpasan mo rin ang lungkot na pinagdaraanan mo ngayon.

13. I-DISPOSE ANG MGA GAMIT NA BIGAY NI EX. Puwede mong ibalik sa kanya ang mga ito, sunugin, ibasura or ipa-garage sale. Extra income rin ‘yan.

14. ‘WAG MAGBA-BACK READ SA CONVO. Alam naming name-miss mo siya, pero ‘di ‘yun dahilan para balikan ang inyong nakaraan.

15. ‘WAG MAGMAMAKAAWA PARA BUMALIK SIYA. ‘Pag gusto ka niyang balikan, babalik ‘yan. Hindi mo kailangang magpakababa para lang mahalin ulit.

16. CLOSURE. Tanggapin mong tapos na kayo.

17. FACE YOUR FEAR. Kapag nakasalubong mo siya sa daan, taas-noo ka lang at tumango. Just act naturally.

18. MAGPOKUS SA CAREER. Kailangan mong ituon ang atensiyon sa ibang bagay. Tandaan, ‘wag na ‘wag mong idadamay ang career mo sa pagmu-move on, kung ayaw mong maging broke pati bank account mo.

19. TIME HEALS WOUND. I-enjoy mo lang ang pain, sapagkat makaka-move on ka rin pagdating ng araw.

20. MAG-INSTALL NG DATING APP. Make sure naka-move on ka na dahil hindi mo puwedeng paglaruan ang damdamin ng mga taong makaka-talking stage mo. ‘Wag kang maging unfair sa iba.

Matapos mong basahin ang ilan sa aking tips, the best advice pa rin ang makinig sa payo ng iba. Magbasa ng mga inspirational and motivational books o article na makatutulong para maghilom ang sugat sa ‘yong puso.

Sabi nga nila, kung naging masaya ka sa maling tao, what more kung sa tamang tao na, ‘di ba? Move on, ka-BULGAR! You deserve someone better.

Tingnan mo kami, 30 years and going strong at patuloy sa pag-arangkada. Copy?