‘Di naman kailangang bongga, besh! Iba’t ibang klase ng pagsuporta sa karelasyon

ni Mharose Almirañez | August 21, 2022

“Go sexy! Go sexy! Go sexy, sexy, Love!” Basketball cheer ni Kathryn Bernardo kay Daniel Padilla sa isang eksena sa pelikula.

Napakasarap nga namang ma-in love, lalo na kung suportado n’yong mag-partner ang isa’t isa. ‘Yun bang, ikaw ang No. 1 supporter niya, habang siya naman ang top fan sa sarili n’yong fandom. Maliban sa moral support, anu-ano pa nga bang suporta ang puwede mong ibigay sa iyong karelasyon? Well, beshie, narito ang ilan:

1. ORAS. Hindi excuse ang salitang “busy” sa mga taong nagmamahalan, sapagkat gagawa’t gagawa sila ng paraan para makapaglaan ng oras sa kanilang karelasyon. Halimbawa, kapag pakiramdam mong feeling tired siya ay ikaw na ang mag-adjust ng schedule mo para mapuntahan at i-comfort siya. Ayaw mo naman siguro na makitang nagpapa-comfort siya sa iba, ‘di ba? Huwag mong hayaang masayang ang oras niya sa kahihintay sa ‘yo, sapagkat hinding-hindi mo maibabalik ang oras, once na ma-realize mo ang halaga niya.

2. PAGKUKUSA. Sakaling makita mong may pinagdaraanang financial crisis ang iyong karelasyon, ikaw na ang magkusang tumulong sa kanya. Siyempre, nahihiya lang siyang magsabi sa ‘yo. Ibang usapan na rin kasi pagdating sa pera. Maliban sa tulong-pinansyal ay puwede mo rin siyang tulungang magbitbit ng mga dala niyang grocery. Puwede mo rin siyang damayan sa iba’t ibang trip niya sa buhay. Tandaan, ang pagkukusa ay hindi dapat naghihintay ng kahit ano’ng kapalit dahil kusang-loob ‘yang ginagawa at ibinibigay.

3. PAKIKINIG. “Bakit nga ba napaka-unfair ng mundo?” Huwag kang magtaka kung madalas mo ‘yang marinig sa kanya dahil sa ‘yo lang siya komportableng magsabi ng mga hinaing niya sa buhay. Kung galit siya sa boss niya, makinig ka lang. Kailangan niya lang naman ng taong makikinig sa kanya. ‘Yung mapagbabalingan ng bad trip niya. Hayaan mong humupa ang galit niya hanggang sa tuluyan siyang kumalma. Huwag na huwag mong sasabayan ang init ng ulo niya. Huwag mo ring problemahin ang pagpapayo sa kanya dahil sapat na ang presensya mo para mapakalma siya kalaunan.

4. APPRECIATION. I-appreciate mo siya, hindi lamang sa magagandang bagay kundi maging ang kanyang mga kapintasan. Suportahan mo pa rin siya kahit topakin siya o gaanuman siya kabaliw. Love him/her even at his/her worst. Hindi naman kailangang um-effort nang bongang-bonga para masabing na-a-appreciate mo siya. Small gesture is enough.

5. SUPORTA MULA SA PAMILYA. Napakasarap sa feeling kung legal at tanggap ang inyong relasyon both sides. ‘Yung tipong, hindi n’yo kailangang itago o ilihim ang inyong relasyon. Siyempre, hindi mawawala ‘yung may masasabi’t masasabi sila, pero given na ‘yun. Ang mahalaga ay may makuha kayong basbas at suporta mula sa mga magulang ng inyong karelasyon. Mahalin mo rin sila at itrato na parang mga magulang, sapagkat kung hindi dahil sa kanila ay hindi mo makikilala ang taong nagpapasaya sa iyo ngayon.

Siyempre, applicable lamang ang mga nabanggit kung ikaw ay “dating to marry”.

Ito ‘yung stage kung saan hindi mo binibilang ‘yung dami ng efforts niya o kung gaano kalaki ang mga nagastos niya sa iyo. ‘Yung mas pipiliin mo ang peace of mind kaysa gumawa ng kung anu-anong issues para pareho kayong mag-overthink. Tungkol ito sa mature couple na mayroong healthy relationship na layuning magkaroon ng strong foundation ang kanilang relasyon.

Okie?

Bukod sa less-hassle sa biyahe… Iba’t ibang advantage ng work from home setup

ni Mharose Almirañez | August 18, 2022

Kamakailan lamang nang magbalik-opisina ang mga empleyado matapos ang halos dalawang taong work from home setup dahil sa COVID-19 pandemic. Kasabay nito ay unti-unti na ring nagbubukas ang ekonomiya at maging ang face-to-face classes ay magsisimula na rin.

Ang tanong, ready ka na bang gumising nang maaga, makipagbardagulan sa mga pasahero at humiling na sana’y humarurot ang sasakyan, huwag ka lamang ma-late sa trabaho? Kumusta naman ang budget mo para sa food and transportation? Plantsado na ba ang OOTD mo?

Aminin man natin o hindi, napakalaki talaga ng advantage kapag naka-work from home, katulad na lamang ng mga sumusunod:

1. TIPID SA ORAS. ‘Yung tipong, puwede kang gumising kahit sa mismong oras ng iyong shift. Kumbaga, puwede kang magtrabaho kahit nakapantulog ka pa at walang ligo, hilamos o sipilyo.

2. TIPID SA PAMASAHE. Hindi mo na kailangang bumiyahe at mag-budget para sa pamasahe dahil nasa bahay ka lang. Siyempre, hindi mo na rin kakailanganing gumising nang maaga para hindi abutan ng rush hour sa kalsada at maiwasan ang pakikipag-siksikan sa ibang pasahero.

3. TIPID SA PAGKAIN. Tutal, naka-WFH ka naman, kung ano ‘yung pagkaing nakahain sa inyong hapag ay ‘yun na rin ang kakainin mo. Hindi ka matutuksong bumili ng kung anu-anong pagkain tuwing break time o mabubudol ng katrabaho mong mahilig magpa-deliver.

4. TIPID SA DAMIT. Hindi ka na mai-stress kung ano ang iyong outfit of the day, sapagkat puwede kang magtrabaho kahit nakapambahay lamang. Hindi ka mako-conscious sa gusut-gusot at paulit-ulit na suot dahil hindi ka naman nila makikita at maaamoy.

5. MAS MABILIS MATATAPOS ANG TRABAHO. Puwede kang mag-advance sa iyong workload upang mas marami kang time makipag-bonding sa family members. Puwede ka ring gumawa ng gawaing-bahay at magpahinga matapos ang iyong trabaho.

6. PUWEDENG MAGPALIPAT-LIPAT NG BAHAY. ‘Yung wala kang ikokonsiderang lugar sa iyong paglilipat-bahay. Puwede kang lumipat sa CALABARZON o CAMANAVA area kahit nasa kabilang sulok ng mapa ang iyong workplace. Tulad ng nabanggit, kahit lumipat ka ng bahay ay hindi mo poproblemahin ang araw-araw na expenses, lalo na ‘yung oras na igugugol mo sana sa pagko-commute, sapagkat naka-work from home ka naman.

7. PUWEDENG ISABAY ANG BUSINESS O PART TIME JOB. Siyempre, hindi puwedeng iisa lang ang iyong source of income. Dapat ay may naiisip ka na ring alternative way para lumago ang iyong pera. Kung naka-WFH ka, mas may time ka para asikasuhin ang pagnenegosyo o puwede ka ring humanap ng ibang pagkakakitaan. Siguraduhin mo lang na hindi masasagasaan ang iyong current job.

Siyempre, kung may advantages ay mayroon ding disadvantages, tulad na lamang ng pagtaas ng inyong electric at internet bill, gayundin ang power interruption, pagiging petiks mo sa trabaho at ang pagiging outdated sa latest tsika sa inyong opisina.

Nakakalungkot lang isipin na may ilang employer na porke naka-WFH ka ay magpa-follow up na sila nang magpa-follow up sa iyong task, magre-request o magdadagdag ng trabaho kahit tapos na ang iyong office hours. Ang mas masaklap pa ay may mga kumpanyang nag-cost cutting at nagbawas ng pasahod sa kanilang empleyado habang naka-work from home.

So, beshie, ano’ng mas bet mo, WFH o office setup?

5 Tips para ‘di makalimutan ang password sa socmed, atbp.

ni Mharose Almirañez | August 14, 2022

Madalas mo bang makalimutan ang password sa iyong social media accounts, government accounts at maging sa iyong online bank accounts?

‘Yung tipong, naka-tatlong attempts ka, pero incorrect password pa rin, kaya wala kang ibang choice kundi mag-forgot password, gayung alam naman nating sa ganitong paraan ay napakarami pang kailangang i-verify bago mo mabuksan ang iyong account. What if, wala ka nang access sa cellphone number kung saan nag-text ‘yung one-time pin (OTP)? Siyempre, sobrang hassle niyan!

Bilang concerned citizen, narito ang ilang helpful tips para hindi mo makalimutan ang iyong P4$$word:

1. DAPAT MAY SIGNIFICANT MEANING ANG PASSWORD. Puwede mong gamitin ang title ng iyong favorite song, name ng iyong favorite person, date ng special occasion o venue ng isang napakahalagang lugar para sa ‘yo. Kapag ginawa mong password ang isa mga ‘yan ay paniguradong hinding-hindi mo makakalimutan ang iyong password. ‘Yun nga lang, magkakatalo ‘yan sa uppercase, lowercase, numbers at special characters, kaya tandaang maigi ang format kung paano mo isinulat ang iyong P4$$word. Okie?

2. GUMAWA NG KODIGO O ISULAT SA PAPEL ANG PASSWORD. Mainam na isulat mo rin sa papel ang iyong password. Kumbaga, gumawa ka ng listahan ng mga password para madali mong mahagilap ang iyong password in case na makalimot ka. Pero siyempre, hindi mo naman puwedeng bitbitin palagi ang papel na ‘yun. Dapat ay mayroon ka ring back up list.

3. I-SEND SA SARILI ANG PASSWORD. Tutal, palagi mo namang hawak ang cellphone mo, i-send mo na rin sa sarili mong e-mail ang listahan ng iyong password. Siyempre, tiyakin mo ring secured ang iyong password dahil nagkalat ang hacker kahit saan. Huwag kang basta-basta magki-click o mag-i-input ng iyong personal information dahil sobrang dali para sa hackers na maka-hack online. Wala silang pinipili kaya, think before you click.

4. GUMAMIT NG IISANG PASSWORD SA LAHAT NG ACCOUNTS. Napakadaling tandaan kung iisang password lamang ang gagamitin sa lahat ng iyong social media accounts. ‘Yun nga lang, madali ka ring maha-hack dahil mas mabilis na nilang ma-a-access ang iba mo pang account dahil sa iisang password.

5. IPAALAM SA PINAKA-PINAGKAKATIWALAANG TAO ANG PASSWORD. Kapatid, dyowa o kaibigan, sinuman sa kanila ay puwedeng-puwede mong pagkatiwalaan ng iyong password. Siguraduhin lamang na katiwa-tiwala sila dahil baka dumating sa puntong sila pa mismo ang mang-hack sa account mo kung sakaling mag-away kayo.

Ngayong alam mo na kung paano ise-secure ang iyong password, sana ay hindi mo na ulit makalimutan ang iyong password.

Good luck sa online world, beshie!