Napiga ni Boy, Alden… KATHRYN, UMAMING MASAYA ANG PUSO NGAYON

ni Julie Bonifacio @Winner | Oct. 31, 2024

Photo: Kathryn Bernardo / Fast Talk With Boy Abunda / SS

Pasabog ang weeklong birthday celebration ng nag-iisang King of Talk na si Boy Abunda sa kanyang afternoon talk show sa GMA-7, ang Fast Talk with Boy Abunda (FTWBA). 

Sa unang araw pa lamang ay si Kathryn Bernardo na ang kanyang special guest at dito inamin ng aktres na masaya ang kanyang puso ngayon.

Definitely, ‘di kaya si Alden Richards ang dahilan kaya masaya si Kathryn? Mismong si Kathryn ang umamin when asked by Kuya Boy kung sino ang pipiliin niya between Ethan (karakter ni Alden sa movie nila directed by Cathy Garcia Sampana) and Alden. Si Ethan ang pinili ni Kathryn. 

Sumunod na guests ni Kuya Boy ang dalawang “prinsesa” sa Kapuso Network na sina Sanya Lopez at Bianca Umali. Kahapon naman ay ang mag-asawang Ariel Rivera at Gelli de Belen ang mga panauhin ni Kuya Boy. Dito ay medyo sentimental na siya. Knows naman kasi sa showbiz ang relasyon ni Kuya Boy at ni Ariel. 

Si Kuya Boy ang manager ni Ariel from day one na pumasok sa showbiz ang mister ni Gelli. At dahil kay Ariel kaya naitayo ang talent management ni Kuya Boy, ang Backroom, Inc..

Kaya ‘di napigilan ni Kuya Boy ang maluha when Ariel said on Fast Talk that Kuya Boy changed his life.

Today, aapir naman ang alaga rin ni Kuya Boy at dating TV host na si Mariel Rodriguez. 

For sure, marami rin ang naghihintay sa surprise appearance ni Kris Aquino para batiin ang kanyang kaibigan na si Kuya Boy.

Bongga kung aapir si Kris sa mismong set ng FTWBA, but a video greeting will do just the same. Ang mahalaga, nag-effort at nag-public appearance si Kris after she came back from the US.

Anyway, sa pagkakaalam namin ay sa New York, USA nagse-celebrate ng kanyang birthday si Kuya Boy kahit nu’ng wala pang pandemic.

Siya kasi ang kinukuhang host sa isang awards night na nagbibigay-parangal sa mga Pinoy na nasa US at Pilipinas.

---

Tungkol sa trans na tatay… ICE, GUSTONG SI ELLIOT PAGE ANG MAGBIDA SA IDIDIREK NIYANG MOVIE

Ice Seguerra at Elliot Page / Circulated

KAHAPON ay naisulat namin ang tungkol sa pelikulang gagawin ni Ice Seguerra at ng kanyang partner na si Liza Diño para sa kanilang Fire & Ice Production, ang Trans Fatherhood, na inspired sa kuwento ng buhay ng transman na si Jesi Corcuera.

And we would like to correct na ang gusto ni Ice na gumanap sa Trans Fatherhood, na siya ang magdidirek, ay ang Canadian actor and producer na si Elliot Page na dating si Ellen Page.

Ang dating si Ellen Page ay nag-underwent ng malaking transformation noong December 1, 2020. From there, nakilala na siya bilang si Eliot Page. Baka sa 2026 pa raw nila magawa ang Trans Fatherhood movie.

Well, tinanong din namin si Ice kung may plano ba sila ni Liza na isali ang Trans Fatherhood sa iba’t ibang international film festivals sa mediacon ng Ice Seguerra’s Videoke Hits: OPM Edition Isa Pa! sa opisina ng kanilang Fire & Ice Production.

“If we can, definitely. Parang ang goal namin, maging okay siya for festival but at the same time, magkaroon din s’ya ng theatrical na route na maging okay s’ya for commercial release rin, hindi lang sa festival,” sagot ni Ice.

Two years na pala ang Fire & Ice office nina Ice and Liza. Bongga dahil may malaking rehearsal studio, photo shoot studio at conference room na ipinapa-rent nila.  

Anyway, pramis ni Ice na mas pagagandahin pa nila ang Ice Seguerra’s Videoke Hits: OPM Edition Isa Pa! concert na magaganap sa Music Museum on November 8, Friday, 8 PM.

“Happy kami because parang you are, audiences, normally ang audience ko, nasa ganitong age bracket lang, eto, hindi,” diin ni Ice.

Dagdag pa niya, “From medyo may seniors tayo (ang audience ko) pero mas marami, medyo bata-bata. And then, the youngest one na nakita ko siguro, mga nasa 7 or 8 years old and she even went to the stage, kahit hindi niya alam ‘yung kanta, tuwang-tuwa s’ya.”

Ang Ice Seguerra’s Videoke Hits: OPM Edition Isa Pa! is produced by Fire and Ice LIVE!.

Nagpa-freeze ng eggs para maging baby… ICE AT LIZA, 'DI PA NAHAHAWAKAN ANG ANAK, GINAGASTUSAN NA

ni Julie Bonifacio @Winner | Oct. 30, 2024

Photo: Ice at Liza - IG Ice Seguerra - Instagram

Planong gumawa ng pelikula ni Ice Seguerra based sa kanyang buhay at “misis” niyang si Liza Diño about “trans-fatherhood.”

Si Ice ang magdidirek ng pelikula at si Liza ang magsusulat ng kuwento. May participation din daw dito ang unica hija nila na si Amara.

So, it’s a family collaboration na wini-wish nila na matuloy. Gusto rin daw nilang kunin para sa movie na gagawin nila ang transman na si Jesi Corcuera.

Habang pinaplano ang movie ay maghahanap din daw sila ng investor(s) na magko-co-produce sa gagawin nilang proyekto na may pamagat na Trans-Fatherhood.

And speaking of “fatherhood,” nag-follow-up kami kay Ice sa mga naka-freeze niyang “eggs.” Nandoon pa rin daw ang limang “eggs” ni Ice. Safe naman daw 'yun hanggang kailan sila mag-decide na magka-baby ni Liza. As long as tuluy-tuloy din ang pagbabayad nila. Kaya kasama sa binabayaran nila ang pagpapa-freeze ng eggs niya.

Medyo nagkakaroon ng second thoughts sa pagtuloy ng plano nila ni Liza to have a baby.   Aminado kasi si Ice na nagkakaedad na rin siya. He's 41 years old already. And by the time na magka-baby sila ni Liza, mahina na siya para mag-alaga ng anak.

Plus, parehong super busy na sila ni Liza. Patuloy na lumalaki rin ang kanilang Fire & Ice Production.

Gaya na lang ng matagumpay na concert ni Ice, ang Ice Seguerra’s Videoke Hits: OPM Edition na magkakaroon ng repeat sa November 8, 2024 at the Music Museum.

This is the  third edition of Seguerra’s immersive Videoke Hits concert series, giving the audience an interactive experience that combines the fun of karaoke with the excitement of a live concert. 

Pahayag ni Ice, “Nakakatuwa itong videoke. Nagsimula ito nu’ng 2016, pero parang basta earlier on pa. Nakita ko nu’ng lumabas sa Facebook ko, ang FB post ko, ang simula niyang concept ay kakanta lang ako ng videoke songs. Tapos, ire-rearrange lang my way, how I sing it. 

“Pero ang ganda talaga ng idinagdag ni Liza na element na talagang siya ang nakaisip. Sabi ni Liza, ‘Let’s involve the audience.’

“Kasi for me, ‘yun 'yung naging magic ng show, eh. Kung walang ganoon, it’s just another show na kumakanta lang ako ng mga songs na nasa videoke.

“Pero eto, dahil may audience element, it’s a big element. Suddenly, it became so different.”

Nakausap namin si Ice sa mediacon ng Ice Seguerra’s Videoke Hits: OPM Edition sa Fire & Ice Studio sa Kyusi last Monday.

Twenty-five songs ang nakalistang kakantahin ni Ice sa concert. Pero karamihan dito ay medley na may tig-apat hanggang anim na kanta. Kaya more than 40 songs ang kantang nakapaloob sa konsiyerto.

“Sa first ng concert, tinawag ko na Welcome to My Videoke World. Eto talaga 'yung kinakanta ko sa videoke. Hindi puwedeng wala ang songs of Martin Nievera, Gary V., sina Ogie (Alcasid), si Joey Albert, si Ella Mae (Saison), lahat sila.

“Tapos ‘yung next, it’s Jam with Ice By request. So, sa part na ‘to, eto ‘yung fan favorite. What we do like sa past Videoke concert ko, may QR code sila. All they need is to scan and they have to show. 

“Then magbobotohan sila. Kung ano ‘yung tatlong pinakamataas na kanta, kakantahin namin on the spot. And then, doon na papasok ‘yung videoke relay.

“After that, doon na pumasok ‘yung Ice on File, ‘yun ‘yung songs na na-mention ko kanina, ‘yung mga songs na ni-rearrange namin para magkaroon ng ibang flavor na bumagay sa boses ko. And then, of course, my hits sa dulo. Pati ‘yung dance music,” lahad ni Ice. 

Kabilang sa mga highlights ng Ice Seguerra’s Videoke Hits: OPM Edition ay ang  SB19’s viral hit Gento and Ice’s much-talked-about dance performance to BINI’s Salamin, Salamin.

This event is produced by Fire and Ice LIVE! in partnership with Platinum Karaoke, and proudly sponsored by Katinko, with TRUE FM 92.3 as the official media partner. 

4 araw after operahan sa balakang… ANGELICA, PROUD NA NAKAKALAKAD NA NANG WALANG WALKER

ni Julie Bonifacio @Winner | Oct. 28, 2024

Photo: Angelica Panganiban-Homan - Instagram

Nag-share ng latest update si Angelica Panganiban sa kanyang Instagram (IG) after a major hip surgery.

Muling nagpaopera ng kanyang balakang si Angelica para gamutin ang kanyang avascular necrosis.

Ayon sa mga experts, ang avascular necrosis is “the death of bone tissue due to a lack of blood supply”.

Sa kanyang latest IG post kahapon, isang short video ang mapapanood kung saan makikitang nakakalabas na ng bahay si Angelica at nagte-therapy.

Caption ni Angelica, “Recovering from a hip replacement varies from person to person. Minsan mabilis, minsan matagal.

“With @thephysiarephysicaltherapy naging madali recovery ko from surgery. Even before my operation, na-recommend na s’ya sa ‘kin ng ortho ko.

“Malaking tulong to strengthen my body to get ready sa major surgery ko. After 4 days post op, nakalakad na ‘ko without walker, PALAKPAKAN (laugh emoji).”

Nag-comment ang celebrity friends ni Angelica sa development ng kanyang ipinaoperang  balakang.

Say ng best friend niya na si Glaiza de Castro, “Hipbam!!!”

“Tinde mo! Heal well, Mama,” comment ni Ryan Agoncillo.

Marami pa rin siyempre na mga kaibigan niya ang nagdarasal para sa complete recovery ni Angelica.

---

BY this time, tapos na ni Elijah Canlas i-shoot ang biopic ng Martial Law activist na si Edgar “Ed” Jopson, ang Edjop sa direksiyon ni Katski Flores.

Si Elijah ang gumanap bilang bata at nagkaeded na si Ed Jopson sa pelikula.

Kuwento ni Elijah nu’ng makausap namin sa  QCinema International Film Festival mediacon, “Papunta na kami sa last stretch and uh, mahaba-habang proseso siya. Dahil nga, of course, it’s an independent movie.”

Ang Edjop ay ipinrodyus ni Joyette Jopson, anak ni Ed Jopson, na ginampanan ng aktres na si Jodi Sta. Maria sa biopic.

“Kaya, it takes a while and it takes a lot of  challenges, and you really have to climb a mountain to finish a film like this,” pahayag ni Elijah.

Dagdag pa niya, “But, everyone in this whole team down to the crew, down to the utility. We’re all very passionate about the message and the story. So, excited ako. Uh, pero malapit na. Last push, last push.”

Para kay Elijah, dream come true ang pagganap niya bilang si Ed Jopson sa pelikula.

“Honestly po, a dream come true talaga. I remember growing up studying about Edjop and even Lian Alejandro. Sabi ko, dream role ko ‘yan to portray, to act especially nu’ng Martial Law era.

“But, ginawa kong thesis noon sa Theater (UP Theater) si Lian Alejandro. So, sabi ko, gusto ko si Lian Alejandro.

“Tapos nu’ng ibinigay si Edjop, sabi ko, ‘Edjop is also a legend,’ you know. Bayani rin talaga si Edjop. So, nag-yes agad ako,” sabi pa ni Elijah.

Ang QCinema 12 ay gaganapin on November 8 to 17. Mapapanood ito sa mga piling sinehan tulad ng Gateway Cineplex 18, Ayala Malls Cinema sa Trinoma, Red Carpet sa Shangri-La Plaza, at Powerplant Mall.