Proud daw 'pag naging GF ang ka-love team… SETH: IPAPA-BILLBOARD KO SI FRANCINE

ni Julie Bonifacio @Winner | Nov. 29, 2024

Photo: Seth at Francine Diaz - IG Seth Fedelin

Until now, best friends pa rin ang turingan ng magka-love team na sina Seth Fedelin at Francine Diaz. 

Sa grand mediacon ng kauna-unahan nilang tambalan sa big screen, ang My Future You (MFY), ay natanong sila kung aamin kaya sila kapag naging sila na officially.

Ayon kay Seth, deserved ni Francine na maipagmalaki bilang girlfriend niya.

“Ipapa-billboard ko po,” sigaw ni Seth.

Pahayag ni Francine, “Oo naman po, uhm, kung mangyari man. Pero hindi po ibig sabihin na porke’t aaminin namin ‘yung relationship, eh, hahayaan na lang namin na maging curious ang mga tao sa kung ano'ng meron kami.”

Para kay Francine kasi, sagrado ang love at ayaw niyang may nakikialam na iba sa relasyon niya, lalo na’t ‘di naman niya kapamilya.

Pero sa ngayon, parehong aminado sina Seth at Francine na sana, sila na ang maging future partner in life ng isa’t isa. Kaya naniniwala si Seth na malapit na niyang maangkin ang kanyang “future you.”

“Yes,” ani Seth. “Bakit ko nasabing malapit na? Kasi ‘di na ako lalayo, eh.

“Pero may isang pangako lang ako na gusto kong tuparin, ‘yung pangako ko sa mga magulang ni Chin (nickname ni Francine). Alam naman natin na hindi biro ang samahan namin.

“Hindi po biro ang pinagdaanan ko na makaabot ulit dito sa nahahawakan ko ‘yung kamay ni Francine, ‘di po biro. At ‘yun po ang goal ko, na gusto kong maramdaman nina tito at tita na safe si Francine sa ‘kin.”

Hindi naman daw sila nagmamadali. Ang mahalaga kay Seth sa ngayon ay ang tiwalang nakuha niya sa mga magulang ni Francine.

Ang MFY ay mula sa Regal Films na pinamamahalaan ngayon ng mag-inang Roselle at Keith Monteverde at sa direksiyon ni Crisanto B. Aquino.

Ipapalabas ito sa December 25 bilang isa sa mga opisyal na entries sa Metro Manila Film Festival (MMFF) 2024.

---

SUCCESSFUL ang 40th anniversary concert ng singer-actor na si Raymond Lauchengco titled Just Got Lucky sa The Theatre at Solaire noong nakaraang Sabado.

Sinuportahan si Raymond sa kanyang concert hindi lang ng mga fans niya sa Pilipinas kundi maging sa ibang bansa. 

One of his loyal fans ay nagsama pa ng 30 katao mula sa Ilocos Sur at isinakay ng eroplano para manood ng concert ni Raymond. 

May fan din sa US si Raymond na hindi makakauwi ng Pilipinas para manood. Instead, bumili na lang siya ng 10 tickets at ipina-reserve ang mga upuan na parang nandoon din siya sa venue.

Samantala, maaga pa lang ay nasa venue na si Aga Muhlach kasama ang kanyang misis na si Charlene Gonzales. Magkasama sila noong gumawa ng teen-oriented movie na Bagets.

During the finale song ni Raymond, ang Just Got Lucky, umakyat sa stage si Aga at ang iba pang Bagets co-stars niya sa Part 1 na sina Herbert Bautista, Eula Valdes, Cheska Iñigo, at Ramon Christopher.

Hindi napigilan ni Aga na kumanta on stage sa chorus ng Just Got Lucky. Pagkatapos ng kanta, sinabi ni Aga na akala niya ay papakantahin siya ni Raymond on stage, dismayado ito dahil mukhang naghanda siya ng hindi lang isa kundi apat na kanta.

Anyway, sinorpresa si Raymond ng Concert King na si Martin Nievera na kadarating lang mula sa airport tatlong oras bago ang concert.

Special request ni Raymond si Martin na maging bahagi ng 40th anniversary concert niya. Sad to say, may show si Martin sa Europe at nakatakdang bumalik sa Manila sa mas huling petsa.

Pero na-rebook ni Martin ang kanyang flight nang mas maaga kaya nakauwi siya sa araw ng concert ni Raymond, which was indeed a big surprise for the latter.

Feeling blessed din si Raymond to have Megastar Sharon Cuneta na maging bahagi ng concert niya kahit may concert tour din ito sa US.

Hindi puwedeng mawala si Mega sa concert ni Raymond dahil si Sharon ang nakadiskubre sa kanya para pasukin ang showbiz.

At the end of the concert, another surprise ang gumulat kay Raymond. Binati siya ng kanyang dalawang anak on stage na may dalang birthday cake. 

Magse-celebrate kasi si Raymond ng kanyang ika-59 na kaarawan ilang araw matapos ang concert. 

So, next year ay senior citizen na si Raymond Lauchengco, pero he still looks young and debonair.

Misis ng Parokya ni Edgar vocalist na si Chito… NERI, NAGBENTA NA 'DI RAW REHISTRADO SA SEC, INARESTO

ni Julie Bonifacio @Winner | Nov. 27, 2024

Photo: Ms. Neri Miranda - Instagram

Matapos maging controversial kamakailan ang Kapuso actor na si Ken Chan na sinampahan ng syndicated estafa ng ilang investors sa kanyang negosyo, bulung-bulungan naman sa showbiz ngayon na diumano'y inaresto ang misis ni Parokya ni Edgar vocalist Chito Miranda na si Neri Naig-Miranda.

Sa event na dinaluhan namin sa Bacoor Government Center Christmas tree lightning last Monday ay isang source ang nagtsika sa amin na nakapiit daw sa isang kulungan sa Maynila ang dating aktres-turned entrepreneur.

Ang mismong staff daw ng kulungan na ito sa Maynila ang nagtsika sa aming source. 

Pero bukod sa nakuha naming chika, may ilan na ring naglabas ng balita sa social media na diumano'y inaresto si Neri dahil sa paglabag sa Section 8 ng Republic Act (RA) 8799 o mas kilala bilang "Securities Regulation Code" na nagsasabing "No one can buy, sell, or act as a salesman or associated person of a broker or dealer in the Philippines without being registered with the Commission on Security and Exchange (SEC)." 

Tsinek namin ang mismong Instagram account ng mag-asawa para makibalita kung ano ba ang ganap nila ngayon, pero 4 days ago pa ang huling post ni Neri kung saan binabati nito ang anak na nag-birthday, habang si Chito ay 8 hours ago ang last post na Lego figure naman na pag-aari raw ng kanyang anak ang ipinakita.

Marami ang naghihintay ngayon sa panig ng mag-asawang Chito at Neri para mabigyang-linaw ang kumakalat na balita.

Bukas ang aming kolum at pahayagang BULGAR para sa paglilinaw ni Neri Miranda.

---

Sinindihan na ang mga ilaw sa malaking Christmas tree at iba pang makislap na mga parol sa harap ng Bacoor City Government Office sa may Molino Boulevard, Bacoor City last Monday. 

Nasaksihan namin ang pasinayang ito sa pangunguna siyempre ni Bacoor City Mayor Strike Revilla. 

Kasama niya ang iba pang opisyales ng Bacoor gaya ng representante ng lungsod sa Kongreso na si Lani Mercado-Revilla, Vice-Mayor Rowena Bautista-Mendiola, Cavite's 2nd District (lone district of Bacoor) Board Member Ramon Vicente “Ram Revilla” Bautista, Agimat Partylist Bryan Revilla, BM Edwin Malvar at iba pang opisyales ng lungsod. 

Kasabay ng Christmas tree lighting sa Bacoor Government Center (BGC) ground ang opisyal na paglulunsad ng pamahalaan ng Bacoor ng programang Strike Festival. 

Ayon kay Mayor Strike, “Na-conceptualize ang Strike Festival ilang araw lang ang nakalipas. Naisip ko, dahil sa totoo lang, nakita natin ‘yung dinanas natin sa past few months. Dumaan tayo sa pagsubok — putok ng bulkan, bagyo at sunog, ‘di talaga tayo nakaligtas. 

“Ngayon, may dengue, may depresyon, may mga depressed na namamatay, nagpapakamatay dahil sa hirap. Pero sabi ko nga, ano ba'ng kailangan kong gawin this time? 

“Alam ko, hindi ganu’n kadali. Pero sabi ko, gusto kong mapaligaya natin kahit sa maliit na paraan ang mga Bacooreño. Kaya po natin ginawa itong Strike Festival.”

Ang event ay inorganisa ng Department of Tourist and Cultural Affairs headed by Mr. Edwin Guinto, brought together a diverse crowd, including city officials, employees, NGOs, at ang komunidad kasama na ang mga magulang at guardians ng 750 daycare children. 

Nakisaya rin ang mga barangay officials and Miss Tourism. 

The launch featured a series of exciting activities, including the announcement of the Strike Scholarship program for 750 daycare children, the ceremonial opening of the Christmas Bazaar, a vibrant lantern parade, and the highly anticipated Christmas tree lighting.

Ang Strike Festival program promises a month-long celebration filled with cultural events, entertainment, and community activities, culminating in a grand New Year’s Eve celebration. 

It's Showtime, hanggang December na lang daw… VICE GANDA, NAGPRAMIS NA PASASAYAHIN ANG MGA STAFF SA PASKO

ni Julie Bonifacio @Winner | Nov. 25, 2024

Photo: Vice Ganda - Instagram

Sa kainitan ng isyu kung tuluy-tuloy pa ring mapapanood ang Kapamilya noontime show na It’s Showtime (IS) sa GMA-7 o hanggang Disyembre na lamang ng taong ‘to, pinasaya ni Vice Ganda ang mga staff ng programa sa isang announcement niya during the show last Saturday. 

Nangako si Vice Ganda sa mga staff na pasasayahin niya ngayong Pasko ang mga ito kaya nagsigawan sa tuwa ang mga tao behind the camera ng IS.

Pahayag ni Vice, “‘Wag kayong mag-alala, sa pinakamamahal kong mga Kapamilya dito sa Showtime, hindi kayo maiiwan sa laylayan. Sisiguraduhin ko ‘yan.”

Nagbiro pa si Vice na hihingi siya ng tulong sa iba pang hosts ng IS para matiyak ang happiness ng mga staff.  

Esplika ni Vice, “‘Yan ang mga nagpapakahirap para sa programang ‘to. Tayo, eh, umaarte-arte lang dito from 12 to 2:30 (afternoon), pero sila, hanggang gabi, hanggang madaling-araw. Kaya pramis, may bonus kayo sa ‘kin. May bonus sa ‘kin ang Showtime family natin.”

Nagduda tuloy ang ilang mga netizens na may kinalaman kaya ang isyung mawawala na sa Kapuso network ang IS ang announcement ni Vice Ganda para pasayahin ang staff ngayong Pasko?

Hmmm…

---

Hindi namin pinalampas ang pagkakataon na tapusin ang panonood ng pelikulang Idol: The April Boy Regino Story na pinangunahan ng baguhang aktor/singer na si John Arcenas.

Ang Idol ay biopic ng iconic singer na si April Boy Regino sa direksiyon ni Efren Reyes, Jr..

Una, gusto naming makita ang performance ni John sa Idol bilang si April Boy Regino.

Happy kami for John and finally, nabigyan na siya ng ganitong kalaking break. And we hope, magsunud-sunod na ang mga projects ni John.

In fairness to John, nakapag-deliver siya nang mabuti bilang si April at boses mismo ni John ang ginamit sa Idol.

Sayang lang at ‘di nakuha ang Idol as one of the entries sa 50th Metro Manila Film Festival (MMFF).

“Sa ‘kin po, okay naman po kung saan po mapunta ‘yung pelikula. Kasi siyempre, unang-una sa lahat, ipinasa-Diyos ko na kung saan mapunta, talagang naniniwala po akong may plano,” pahayag ni John.

Siyempre, may lungkot na naramdaman si John sa hindi pagkakapili sa Idol sa MMFF.

Sey niya, “Oo naman po, siyempre, malaking ano ‘yan.”

Napaaga ang pagpapalabas ng pelikula sa mga sinehan sa Nobyembre 27. 

Samantala, alaga si John ng talent manager na si Tyron Escalante ng Tyrone Escalante Artist Management o TEAM.

Sey niya, “Actually po, naging inspirasyon s’ya sa ‘kin, lalo na nu’ng mapasok ako, tapos nakita ko ang mga kasama ko, Jane de Leon, Kelvin Miranda, Alexa Miro.

“Marami pong malalaki, kaya parang naging challenge s’ya sa ‘kin na kailangan, hindi ako basta-basta. Kasi ‘yung mga artista ni Sir Ty, eh, talagang mahuhusay.”

Unang pagbibidahan ni John ang IDOL: The April Boy Regino Story na mula sa Premiere WaterPlus Productions at executive producer na si Marynette Gamboa.

“Ang pinaka-challenging na eksena po sa ‘kin dito is ‘yung nagalit s’ya sa Diyos,” diin ni John.

Pahayag niya, “Nagkasakit na po s’ya, kasi grabe po ‘yung sakit n’ya, eh, tatlong sakit ‘yung nakuha n’ya, very, very emotional.

“Tapos, ‘yung preparation ko rin po du’n, nag-workshop po ako, nag-personal workshop pa rin po ako para sa gusto ko pong ma-achieve kung ano ‘yung gustong sabihin nu’ng eksena.”

Nasa pelikula rin si Kate Yalung bilang si Madelyn Regino na gumaganap bilang misis ng yumaong singer.