Taiwanese star na bida ng Meteor Garden… BARBIE HSU, PATAY SA PNEUMONIA SA EDAD 48

ni Julie Bonifacio @Winner | Feb. 4, 2025

Photo: Shan Cai - Barbie Hsu / IG

Nabigla ang marami sa pagkalat ng balita tungkol sa pagpanaw ng Taiwanese superstar na si Barbie Hsu kahapon.  

Si Barbie ay naging iconic sa mga Pinoy dahil sa pagganap niya bilang si Shan Cai sa megahit series na Meteor Garden (MG) noong early 2000.  

Pumanaw sa edad na 48 ang aktres habang nasa kalagitnaan ng trip sa Japan dahil sa flu-related pneumonia.  

Sabi ng kapatid ni Barbie na si Dee Hsu, “Thankful to have been her sister in this life. I will always miss her.”  

Kabilang sa mga nabigla at nalungkot ay ang It’s Showtime (IS) host na si Kim Chiu. Sa kanyang X (dating Twitter) account, nag-post si Kim ng kanyang pagkalungkot sa pagpanaw ni Barbie.  

Post ni Kim sa X:  

“OMG!!!!!! (shocked emoji). Naalala ko after school, magmamadali ako umuwi para mapanood lang ang Meteor Garden. ‘Pag ‘di ko na maabutan, makikinood ako sa karinderya sa labas ng school namin. OMG!!!! I love you, San Chai!!!! May you rest in peace! Thank you sa makulay naming childhood. Pigtail braids!”  

Maraming netizens ang naka-relate kay Kim sa kanyang mensahe. 

Sey nila: “Our original queen (crown emoji) of Asian drama, rest in peace (dove emoji) Shancai!! Thank you for making our childhood unforgettable teenage memories. Noon, galing school, nagmamadali umuwi para makapanood Meteor Garden tuwing hapon!

Pinakasikat na Asian drama sa Pilipinas noon (teary-eyed emoji).”  

“Same! Nagmamadali kami umuwi galing school (elementary days), tapos after ng episode, labasan kami magpipinsan sa kani-kanyang bahay, magkukuwentuhan sa nangyari tapos kilig na kilig kami. Those were the days! Nakaka-miss. RIP, Shancai! (white heart emoji).”  

“Relate, girlie! Bumili pa ako ng posters at first-ever Song Hits ko dahil sa Meteor Garden OST at F4 songs. RIP OG FL Shan Cai.”  

“Same, Kimmy! Jusko, baliw ako sa Meteor Garden dati. Taped kami manood para dire-diretso, walang tulugan. Nakaka-sad naman. RIP, Shan Cai (cry and pray emoji).”  

Naalerto naman ang ilang netizens sa klase ng sakit na nakuha ni Barbie Hsu at kumitil sa kanyang buhay.  

Ani ng netizen, “Grabe, is it an isolated case? O ano na namang flu meron d’yan sa region na ‘yan?”  

Hala!

---

Ex-GF, 11 yrs. na raw nagpauto, eto na naman…

DANIEL AT KATHRYN, NAG-UUSAP NA ULI

Good news para sa mga fans nina Kathryn Bernardo at Daniel Padilla. Pumutok ang balitang nag-uusap na muli ang ex-on-and-off-screen partners pagkatapos ng mahigit isang taong paghihiwalay.  

Ibinulgar ni Cristy Fermin sa kanyang radio show sa Radyo Singko ng TV5 kasama sina Rommel Chika at Wendell Alvarez na nagkakausap na muli sina Kathryn at Daniel.  

Ayon kay Tita Cristy, “Meron po kaming mga impormanteng hindi nanununog at nangunguryente na nagpaabot sa ‘min ng impormasyon na nag-uusap na raw po ngayon si Daniel Padilla at si Kathryn Bernardo.  

“Pero ito po ay puwedeng i-deny ni Daniel at ni Kathryn, at puwede rin naman po nilang panindigan kung totoong naganap ito.” 

Nagbigay din ng clue si Tita Cristy kung sino ang kanyang source na lalong nagpatibay sa balitang nag-uusap na ang ex-lovers.  

“Ang bridge, hindi po namin babanggitin ang pangalan ng best friend ni Kathryn Bernardo na malapit kay Daniel Padilla, pero s’ya pala ang nag-uugnay sa dalawa,” pagri-reveal ni Tita Cristy.  

Sa pagkakaalam namin, ang komedyanteng si Alora Sasam ang best friend ni Kathryn sa showbiz, gayundin si Ria Atayde, kung saan kinuha niya si Kathryn bilang abay sa kasal nila ni Zanjoe Marudo at, recently, ninang ng firstborn nila na si Sabino.  

For sure, may iba pang source si Tita Cristy na tinutukoy niyang best friend ni Kathryn at malapit kay Daniel sa parehong panahon.  

Ang importante, nagkaroon ng slim chance ang KathNiel fans na posible pa ring magtambal sa pelikula at telebisyon ang kanilang mga idolo, kung hindi man magkatuluyan sa totoong buhay.  

Sey naman ng mga netizens, “Not a BIG deal. I don’t see anything wrong if they remain civil. Si Kathryn pa, na mabait na tao.”  

“Mabait pero madaling mautu-uto ni Daniel. Kaya umabot ng 11 years kasi marupok kay Daniel. That’s love. Love is blind, ‘ika nga. Desisyon niya kung magpauto ulit.”  

“Oh, ano? Good news ‘yan para sa ‘kin? Ewan ko lang sa iba (peace emoji).”

Wala naman daw ninakaw sa taumbayan… ROWENA GUANZON: EH, ANO KUNG SUMAYAW SA GAY BAR SI MARK?

ni Julie Bonifacio @Winner | Feb. 3, 2025

Photo: Rowena Guanzon at Mark Herras - FB, IG

Usap-usapan pa rin ang pagsasayaw ng dating Kapuso actor na si Mark Herras sa gay bar. Ang ibang news, may kalakip pa na kuwento kung magkano ang kinikita ni Mark sa pagsasayaw.  

Maging ang former commissioner of the Commission on Elections of the Philippines na si Rowena Guanzon ay nagbigay na rin ng kanyang opinyon sa pagsayaw ni Mark sa gay bar.  

In fairness, ipinagtanggol ni former commissioner si Mark.  

Post ni Guanzon sa X (dating Twitter) kahapon, “Eh, ano kung sumayaw sa gay bar si Mark Herras? Honest money ‘yun. Ang banatan n’yo, ang mga kawatan sa gobyerno.”

Inayunan ng mga netizens ang sinabi ni former commissioner:

“Tama ka, Ma’am. Wala naman s’yang inaagrabyadong tao. Sa kanya ‘yung katawan, ano’ng paki natin d’yan? Besides, wala s’yang perang kinuha sa taumbayan.”  

“Trueness. Factfully. Tumpakabels.”  

“Ganyan talaga Pinoy.  

“Laki ng standards sa artista pero ‘pag government official, basura mga ibinoboto.”

“Kahit maghubo’t hubad pa, nagtatrabaho lang para mabuhay. Ang importante, ‘di nagnanakaw.”  

“Oo nga. Mahusay namang sumayaw si Mark.”  

“Kung ako si Mark Herras? Proud ako sa sarili ko na binubuhay ko ang pamilya ko sa marangal na hindi nagnanakaw at nang-aagrabyado ng ibang tao.”

“Kung bata lang ako at maganda ang katawan, baka ‘yun din ang trabaho ko, eh. At least, ‘di ako palamunin.” 

May ibang netizens naman ang nanghihinayang na hindi nabigyan ng project si Mark, gayung mahusay naman siyang artista.  

“Walang issue sa venue, kundi nanghihinayang ang mga fans and supporters n’ya kung bakit hindi siya mabigyan ng TV show or acting gig.  

Nanghihinayang sila sa kanyang kakayahan at galing bilang artista.  

“Maraming deserving na hindi nabibigyan ng opportunity, mapa-showbiz, mapa-politics.”  

Sana ay matulungan si Mark ng mga kapwa niya artista na mga pulitiko para mabigyan ng mas disenteng hanapbuhay ang aktor-dancer.

---

PANGAKO ni Manila mayoralty candidate Isko Moreno na pagbalik niya sa Mayor’s Office ay ipapagamit niya sa Philippine Movie Press Club (PMPC) para sa kanilang Star Awards ang restored Metropolitan Theater (MET) sa may Lawton.

Matatandaan na isa sa mga malalaking proyekto ni Isko during his term as Manila mayor ay ang pagre-restore ng abandonadong MET.

Pramis pa ni Isko sa PMPC, ipapagamit niya ang MET nang libre.

Nakausap ng newly elected officers, members and past presidents ng PMPC si Isko at ang kanyang running mate for vice-mayor na si Chi Atienza.

Si Isko ang naging inducting officer ng mga bagong opisyales ng PMPC sa pangunguna ng bagong presidente ng club na si Mell Navarro.

Hangarin ni Isko na matulungan ang PMPC sa pagsasagawa nito ng Star Awards for Movies, Music at Television.  

Ayon naman sa survey, tinambakan ni Isko ang mga katunggali niya sa mayoralty race sa Manila na sina Honey Lacuna at Sam Versoza.

Nu’ng wala ang business, meron… CHRISTOPHER, MAY NEGOSYO PERO WALA NG PERA

ni Julie Bonifacio @Winner | Feb. 2, 2025

Photo: Christopher Roxas - IG

Proud and loud si Christopher Roxas sa pagpapakita sa pangalawang branch ng That’s Diner sa Brick Road sa Sta. Lucia Mall sa Cainta.  

Ang unang branch ng That’s Diner ay matatagpuan sa San Pedro, Laguna. Taga-roon daw kasi ang mga relatives ni Christopher.  

Sa inorganisa na get-together with the entertainment media sa That’s Diner Sta. Lucia ng misis ni Christopher na si Gladys Reyes, tinanong namin siya kung dream ba niya na maging tulad ng sikat na si Chef Gordon Ramsay.  

Sagot ni Chef Christopher, “Hindi naman. Hahaha! Well, uh, ano ba ang dream mo? To provide, ‘yun na lang. To provide for my family.”  

Out of necessity to provide for his family, kaya pinasok ni Christopher ang pagiging

chef.  

“Uh, wala naman talaga akong ibang gagawin sa buhay ko and to be honest, mas nauna naman talaga akong mag-OFW bago ako nag-aral.  

“So, mas nauna akong magluto sa ibang bansa. Nu’ng umuwi ako, na-figure-out ko, at least, hindi ko naman nakita na magtutuluy-tuloy ako sa showbiz. Ang na-ano ko, at least, may papers ako, makapasok ako sa hotel. Parang, dapat magsasabay pa kami ni Donita (Rose) noon, eh,” pahayag ni Christopher.  

In fairness kay Christopher, legit na legit siya bilang chef kaysa sa ibang celebrities na nag-aral maging chef pero hindi naman talaga nakakapagluto.  

“Uh, nakapagluto ako sa France. Nakapagluto ako sa Japan. Nag-Amerika ako. I mean, yeah (legit chef siya), I think so.  

“Mas nauna akong maging kusinero talaga. So ako, nag-duty ako. Alam ko ‘yung buhay ng kusinero sa loob. So, nagtrabaho ako, literal na kusinero,” kuwento niya.  

May tita raw kasi siya sa Japan na may pag-aari na club. Nagtrabaho raw si Christopher sa kusina ng club.  

Aniya, “Tapos sa France, nu’ng nagpunta ako doon, nagsimula ako as dishwasher. Tapos, nag-grill ako. Until nangyari ‘yung (Bagyong) Ondoy.  

“Tumawag ako kay Ninang Cory (Vidanes). Sabi ko, ‘Ninang, mag-aartista na lang po ako. Hindi worth it ‘yung kita sa ibang bansa. Malayo ka sa family.’  

“So from there, nag-start ulit ako na magtayo ng maliliit na kainan. I remember kami ni Wowie (de Guzman), naggawa pa kami, eh. So, ayun.  

“Tapos nagkaroon na ng Stella, ‘yung dito naming restaurant, pre-pandemic. Dito rin ‘yun sa Sta. Lucia Mall. Then, inabot ng pandemya, nag-stop.  

“Ang nangyari, ‘yung mga karne ko doon, kailangan kong ibenta. Doon nagawa ‘yung That’s Entertainment. 

“So, ginawa ko, ‘yung mga karne namin, pinroduksiyon ko, minarinade ko. Tapos, ibinenta namin online.  

“So, umokey naman s’ya. Gumanda. ‘Til nagbukas na tayo. S’yempre, hindi mo naman kayang tapatan ‘yung mga high roller. Eh, ang trabaho naman talaga, magbukas ng kainan, restaurant.  

“Ang strength ko talaga sa pagluluto, hindi talaga Filipino kundi Mediterranean, Italian, European, mga ganyan, Western. Kaya siguro, ‘yung experience ko, eh, malaki-laki rin.”  

Kabisadung-kabisado ni Christopher ang pasikut-sikot sa loob ng kitchen.  

Sabi niya, “Ngayon po, uh, tine-train ako, may commissary kami. Tine-train nila ako for management naman. Kasi, kusina, alam ko na ‘yan.  

“Last year, sumali kami sa Philippine Culinary Cup. Nag-bronze kami, ‘yung team namin.”  

Sa commissary daw nila sila kumukuha ng stocks hindi lang para sa resto nila kundi pati na rin sa iba pang food business.  

“Yes, kumbaga, ginawa ko talaga ang commissary for That’s Diner. Pero may ibang kliyente rin po kami, may ibang restaurants kami na mina-manage. Tapos, may sinu-supply-an ako.  

“Our commissary is Grateful Galley. ‘Yan ang pangalan ng kumpanya ko. So, under Grateful Galley, meron akong mga units.  

“Meron akong for events and catering. Meron kaming That’s Diner for franchising.  

“Kaya ko naisip ‘yung pangalang Grateful Galley kasi nu’ng time na binuo ko siya, may mga taong naniwala sa ‘kin.  

“(Like) Si Ryan Agoncillo. Pinahiram ako ng pera n’yan, pangtayo ng restaurant. Kaya I will always be grateful sa kanya. So, ‘yung may mga taong ganu’n.  

“S’yempre, pandemya, eh, meron kasi akong mentor na zinero ko ang bangko ko. Bumili ako ng lupa. Eh, biglang nangyari ‘yung sa commissary, binaha, so, wala akong pera.  

“But ‘yun, may mga tumulong sa ‘kin. Kaya ‘yun, naitayo ko ‘yung company.  

“‘Yung catering namin, nagke-cater kami sa Congress. Regular po ‘yun. May canteen po tayo ru’n. Ang pangalan, Manay Nena. Meron na po akong staff doon. Pero nagluluto rin po ako roon. Pumupunta kami roon. May mga kusinero na rin kami roon.”  

Maganda raw ang istorya ng pagbi-business nila sa Congress.  

“Dati, nu’ng wala akong negosyo, marami akong pera. Nu’ng nag-negosyo ako, wala na

akong pera. Hahaha. Joke!”  

Si Gladys daw, member ng board nila at in-charge sa marketing.  

Nabayaran naman niya si Ryan?  

“Hindi pa. Ayaw niyang tanggapin, eh. Hehe. Hindi, si Ry, iba ‘yun. Iba s’ya,” diin pa ni Christopher Roxas.