Kapamilya ni Gretchen Ho, nabiktima, pumalag… MGA PINOY ABROAD, TINATANGGIHAN NA DAHIL SA KORUPSIYON SA ‘PINAS

ni Julie Bonifacio @Winner | October 8, 2025

Photo: FB Gretchen Ho

Affected ang kamag-anak ng TV host na si Gretchen Ho sa malalang korupsiyon sa bansa. 

Nakarating na worldwide ang balita ng katiwalian sa hanay ng mga mambabatas natin at ilang kawani ng gobyerno.

Sila ang mga naturingang lider sa bansa na dapat nangangalaga sa kapakanan ng mga Pinoy, pero hindi pala. Bagkus, sila pa ang nagpahamak sa atin para masadlak sa kahirapan at mabaon sa malaking utang ang bansa.

Ang nakakalungkot, umabot na ang isyu pati sa ibang bansa at apektado na ang mga kapwa Pinoy nating naninirahan du’n dahil nadi-discriminate na sila. 

Tulad na lamang ng nangyari sa mga kamag-anak ni Gretchen Ho na nag-travel sa Oslo, Norway.

Post ni Gretchen sa X (dating Twitter): “One of our family members traveling abroad got denied at the foreign exchange counter in Oslo, Norway.

“Lady at the counter goes — ‘You came from the Philippines? We cannot exchange your dollars because of the corruption and money laundering in the Philippines.’ This family member (along with a group of friends) told me they were asked to exchange their money elsewhere but not at the airport. A family member was just trying to exchange 300 USD.

“Terrible. What are we going to do about this, Pilipinas?”

Dahil sa post ni Gretchen, maraming Pinoy ang nag-reveal na sila man ay nakaranas ng ganitong panggigipit sa ibang bansa na pinuntahan nila.

“Turns out the experience isn’t isolated to our family members. Sending a report to the Philippine Ambassador to Norway. Similar experience on my FB (Facebook) post,” sabi ni Gretchen sa post niya na screenshot ng comment sa Facebook.

Hanggang sa nakarating na rin sa embahada ng Pilipinas sa Norway ang X post ni Gretchen.

Pahayag niya, “I have already spoken with the Philippine Ambassador to Norway. He called me up last night after I emailed an official incident report on what happened to my family member at Gardermoen Airport in Oslo.

“The Ambassador was surprised. As far as he knows, these incidents shouldn’t be happening. He says he’ll be meeting with the Norwegian foreign ministry to address the issue.

“For context, the Philippines was already taken out of the ‘grey list’ of the Financial Action Task Force (FATF) just this February of 2025. We want to get some clarity on this, if there is a new policy, given recent events, or just a failure to update and disseminate information. 

“I believe getting some clarity would help not just our family, but other Filipinos who have shared similar experiences at the same airport in Oslo, saying they have been declined foreign exchange services upon knowing their country of origin is the Philippines.

“So are we back on the ‘high-risk’ list for money laundering? Or is this an overeager clerk who was simply not updated on the grey list?”

‘Yun na!

Isinusuka na raw, wa’ epek, nagtuturuan lang… REGINE: MGA NAGNAKAW SA PERA NG BAYAN, MAKAKAPAL ANG MUKHA, ‘DI MARUNONG MAHIYA!

ni Julie Bonifacio @Winner | October 4, 2025

Photo: Regine Velasquez-Alcasid

Tinawag ni Asia’s Songbird Regine Velasquez na “makakapal ang mukha” ng mga tiwaling kawani ng gobyerno at pulitiko sa kanyang latest post sa Instagram (IG).

Hindi na napigilan ni Regine na ilabas ang kanyang nararamdaman laban sa mga magnanakaw ng pera ng bayan.

Ipinost ni Regine ang isang video mula sa TikTok na nagpapakita ng isang maunlad at makabagong Pilipinas.

Caption ni Regine, “Kung hindi ninanakaw pera natin, kaya ‘to, eh! The thing is, hindi sila marunong mahiya. 

“Kahit sabihan silang magnanakaw, makapal ang mukha at isinusuka na natin sila, waley pa rin. Magtuturo lang sila ng iba pang magnanakaw hanggang maubos na lang nila ‘yung ninakaw nila, tapos nakaw uli.

“In the meantime, we continue to pay taxes na pinagpaguran natin. Ano pa puwede nila lagyan ng tax, ano pa! Baka paggising natin isang araw, pati hangin may tax na!

“Ano ba gagawin natin? Bakit parang I feel helpless, naghihintay tayo na may maparusahan na most likely wala.

“Ano ba gagawin natin para maituwid ang baluktot na pamamalakad na ito?

“At kahit iba ang ilagay natin d’yan, I don’t think it will change. I’m 55 (years old), konting panahon na lang ang ilalagi namin sa mundo. Sana man lang maabutan namin ang isang maluwalhating pamumuhay para sa mga Pilipino.”

Kinampihan si Regine ng mga netizens sa mga pahayag niya sa kanyang IG post.

“Mabuhay ka, Ms. Regine! Our National Treasure in Music. Thank you for voicing out!”

“Powerful voice indeed.”

“Ate, I feel you. Gusto ko rin silang batuhin ng kamatis.”

Kamatis lang?!

---

TWENTY days na lang ang hihintayin ng mga nag-aabang sa 20th anniversary concert ni Power Diva Frenchie Dy titled Here to Stay (HTS) na gaganapin sa Music Museum, Greenhills, San Juan City on October 24, Friday, 8 PM.

Malaking milestone para kay Frenchie ang anniversary concert dahil ihahatid nito ang naging journey ng kanyang career sa showbiz for more than 20 years. Ito rin ang kauna-unahang solo major concert ni Power Diva.

Isa sa mga highlights ng concert ni Frenchie ay ang pagiging survivor niya bilang Bell’s Palsy patient—hindi lang minsan kundi tatlong beses. Sa kabila nito, napagtagumpayan niya ang kanyang karamdaman at patuloy na hinaharap ang mga hamon ng buhay.

Pahayag ni Frenchie, “Naging inspirasyon ko po ang mga anak ko, tapos ‘yung pamilya ko po. ‘Yung mga tao po na nagme-message sa akin, ‘yung iba’t ibang istorya nila na pinagdaanan ng pagkakaroon ng Bell’s Palsy.”

Special guests sa HTS sina Ice Seguerra, Sheryn Regis, OJ Mariano, Ala Kim the Magician at ang El Gamma Penumbra.

Makakabili ng tiket sa Ticket2Me website.

Mister, dawit sa flood control, aktres hugas-kamay daw… HEART KAY SEN. CHIZ: OPEN YOUR EYES

ni Julie Bonifacio @Winner | October 2, 2025

Photo: Heart at Chiz / IG

Palung-palo ang sunud-sunod na posts ni Heart Evangelista sa kanyang Instagram (IG) na ikinatuwa ng kanyang mga loyal followers.

May bago kasing endorsement on fashion si Heart na kanyang ibinida sa IG. Patutsada raw ito ni Heart sa mga namba-bash sa kanya sa hindi niya pagpunta sa Paris Fashion Week.

Sey ng mga fans…

“Ay, pasavogue (pasabog). Wala nga sa fashion week pero mas maraming posts na hindi paulit-ulit ang atake. Ganyan lang, Missy. Push!”

“So true! Pero sana she attends the next FW (fashion week) na.”

“Mukhang may idadagdag na naman ang mga haters na ika-cancel na product like as if they even use it.”

Nagbigay naman ng pahayag si Heart bilang suporta sa mister na si Sen. Chiz Escudero sa kanyang IG story.

Say ni Heart, “Tell me that you’ll open your eyes, get up, get out, get away from these liars. ‘Cause they don’t get your soul or your fire!”

Another IG Story niya na nakasulat sa art card with background music titled Open Your Eyes: “Take my hand, knot your fingers through mine, and we'll walk from this dark room…”

Well, hindi ito ikinatuwa ng mga netizens:

“No amount of banlaw and hugas-kamay will do the trick. First Lady wanna be pa naman.”

“Tama. Open your eyes, Heart. Kaso mahirap ibuka ang mata ng taong nakikinabang.”

“She should explain first how the supposedly one of the poorest senators could afford a

million-dollar ring as a gift for her!”

Mapapansin naman sa comment section ng IG post ni Heart recently na puro papuri at depensa sa Kapuso actress ang nakalagay.

Duda ng iba, baka raw

---

NAGSAMPA na ng magkahiwalay na reklamo si Nadia Montenegro sa Caloocan at Pasay City courts dahil sa bintang na paggamit niya ng marijuana sa loob ng Senate building.

Mula sa report ni Ganiel Krishnan ng TV Patrol, nag-file ng libel case ang abogado ni Nadia na si Atty. Maggie Abraham Garduque sa Caloocan Regional Trial Court (RTC).

Sabi ni Atty. Garduque, “It is actually false and very malicious to state that my client was caught using marijuana in the Senate comfort room.”

Bukod diyan, nag-file rin si Nadia at abogado niya ng reklamo sa Pasay City Hall laban sa isang Senate staff member for unjust vexation and violations of the Safe Spaces Act.

Sinabi ni Garduque na hinawakan si Montenegro ng mga tauhan ng Senado sa braso at kinaladkad sa pader sa loob ng Senate Hall, na harassment sa ilalim ng batas.

Nakipagkita raw si Nadia sa naturang Senate staff na nag-warning sa kanya na mag-ingat dahil may mga naiinggit sa kanya. And then, pinaghinalaan pa si Nadia na amoy-marijuana pagkatapos niyang dumaan sa isa pang kawani sa Senate.

Agad na nilinaw ni Nadia na hindi ito totoo, bagkus, ipinakita niya ang kanyang vape at nag-alok pa na ipasuri ang kanyang bag.

“After that, nagulat na lang ako na there was a photo that came out on TV and all over the news that I was apprehended, which is not true. No apprehension happened,” kuwento pa ni Nadia.

Medyo natagalan daw siyang mag-file ng case dahil sa pangangalap ng mga ebidensiya gaya ng mga kuha sa CCTV footage.

Sa kabila nito, nabigo raw silang mabigyan nito pagkatapos makiusap sa Senate, kaya dumiretso na agad sila sa pag-file ng mga reklamo.

Hindi nagtagal, nag-resign na si Nadia sa opisina ni Sen. Robin Padilla.

“This is my own battle… I am very pleased with my decision to resign. It gave me so much peace,” lahad ni Nadia.

Itinanggi ni Nadia na nagkaroon siya ng pangamba, tinawag ang mga paratang na ‘peke’ at ‘maling balita’ na sumisira sa kanyang reputasyon.

“I just want the public to know the truth. I went through a lot, but now I am stronger. I know I will have to face this and tell what really happened,” diin pa niya.