ni Julie Bonifacio @Winner | Mat. 12, 2025
Parehong itinanggi ng It’s Showtime (IS) hosts na sina Vice Ganda at Kim Chiu ang mga naglabasang statement nila sa social media sa pagkakahuli kay dating Presidente Rodrigo Duterte ng mga otoridad.
May kumalat kasi sa socmed na naglabas ng statement sina Vice at Kim kung saan naka-quote pa ang mga IS hosts.
Say daw ni Vice, “Ayokong magpaka-hipokrito, ha, aminin natin, nu’ng time ni FPRRD, karamihan ng adik, nagbagong-buhay, karamihan sa (mga) kriminal, nag-uunahang sumuko, dahil sa takot kay Duterte.
“Confident kayong lumabas sa gabi dahil alam n’yong mga kriminal at masasamang-loob (ay) nabawasan na. Kung hindi si Duterte ‘yung namuno ng pandemic, lahat tayo, patay.
Lahat ng pondo ng gobyerno, ginamit ni Duterte maitawid lang tayo sa pandemic.”
Pinalagan ni Vice ang post na ito sa socmed at naglabas siya ng reaksiyon bilang paglilinaw sa kumalat na fake statement.
Sigaw ni Vice sa socmed (social media), “FAKE NEWS! Huwag paniwalaan ang kumakalat na pahayag na ito! Wala po akong inilabas o sinabi na ganitong statement.
“Maging mapanuri at huwag basta maniwala sa impormasyong walang malinaw o opisyal na pinagmulan. Please report.”
Tinilian din ni Kim ang ini-repost niya na fake news from a netizen na napanood daw nito ang TV host na nagsabing “deserve” raw ni FPRRD ang makulong.
Pahayag ni Kim, “Hala, nakakaloka! Ba’t ako nasali d’yan?!!! Like O (Oh) to the M (My) to the G (God) !!!! Busy ako sa ibang bagay. Diyos ko, ‘wag n’yo ‘ko isali sa ganyan. Parang awa n’yo na. Ang gulo na po ng mundong ibabaw, ‘wag na tayo dumagdag. Diyos ko na lang talaga (white heart emoji).”
True!
YOUNG achiever talaga ang child actor na si Francisco “Choco” Maafi. At a very young age, na-achieve niya agad ang isa sa kanyang mga pangarap.
None other than to have his own house. At ‘di basta bahay lang, ha, kundi sa isang exclusive at kilalang subdivision sa South.
We heard, more than P7M ang halaga ng bagong bahay ni Choco.
Feeling proud, siyempre pa, unang-una sa bagong achievement ni Choco ang kanyang ever-loving and ever-supportive mom, whom he calls as “Dada” or “Da.”
Kamakailan lang ay ginanap ang blessing ng bagong bahay ni Choco. Present almost lahat ng members ng pamilya niya, from his three brothers na ang guguwapo rin, hanggang sa kanyang grandparents na sina Sir Bernie Raymundo and Ma’am Corazon Zarcal Raymundo.
“Masaya po. Masaya po ang feeling na nakakatulong na po ako sa pagkakaroon ng bahay. At meron na rin po kaming ipinapagawa na sasakyan. Kaya very thankful po ako,” ngiting sabi ni Choco.
He’s turning 14 on May, kaya parang birthday gift naman sa sarili ang paparating na brand new car.
Napakasipag kasi talaga ni Choco hindi lang sa kanyang pag-aartista, kundi pati sa kanyang pag-aaral. Kaya naman proud na proud ang kanyang Dada kay Choco.
Well, kahit mahirap na role raw ay sinasabakan ni Choco at ginagawang mahusay ang kanyang performance. Gaya na lang ng recent guesting niya sa GMA-7 teleserye na Lolong kung saan binitin siya, itinali na parang baboy at pinakain ng kanin-baboy.
Katatapos lang niyang gumanap bilang batang Alden Richards sa historical-drama series na Pulang Araw (PA). At nagbida na rin siya sa pelikulang The Gift (TG).
Hindi na kami magtataka kung sa mga susunod na panahon (soon na ‘yan) ay tanghaling young heartthrob si Choco sa pelikula at telebisyon.
At the moment, may ginagawang theater play si Choco. And soon, recording na ang papasukin ni Choco.
Kumakanta rin kasi si Choco at mahusay sumayaw. Namana niya ang pagiging lead vocalist ni Dada sa banda nu’ng araw.
Hopefully, makagawa na rin siya ng teleserye as a regular cast member.
