Luis, ‘di man nanalong VG… EDU, NAKABAWI SA ANAK NA SI ENZO NA GUMRADWEYT SA NEW YORK UNIVERSITY

ni Julie Bonifacio @Winner | May 19, 2025

Photo: Enzo at Edu Manzano - IG

Nabigo man si Luis Manzano sa unang attempt niya ng pagpasok sa pulitika, nakabawi naman si Edu Manzano sa isa pa niyang anak na si Enzo Manzano.

Proud na idinispley ni Edu sa kanyang Facebook (FB) account ang mga pictures nila ni Enzo pagkatapos gumradweyt ang anak sa New York University (NYU) last Friday, May 16.

Bukod sa mga larawan, ipinost din ni Edu ang content ng kanyang personal letter kay Enzo.

Caption ni Edu, “Yesterday, May 16, 2025 was an amazing day for our family. Enzo graduated w/ a Masters Degree in Public Administration from New York University (NYU).

“This is my letter to him. Dear Zo, (clapping hands emoji) on achieving this incredible milestone! Your hard work, dedication, and determination have paid off, and we couldn’t be prouder of you. Completing your master’s degree is a significant achievement, and it’s a testament to your passion and perseverance.

“We have watched you tackle every challenge with grace and resilience, and we've seen you grow into the remarkable person you are today. As you move on to your next adventure, know that we are here to support you and cheer you on every step of the way.

“May this achievement be just the beginning of a future filled with success and happiness. We are very proud of you.”

Ang kursong Public Administration ay nalilinya rin sa pagpapatakbo sa gobyerno. Kaya malamang, sooner or later ay papasukin din ni Enzo ang pulitika.

---

DAY 2 na ng BINI sa Dubai kahapon. They spent their free time sa pamilili ng gold jewelries. Most of them, bumili para sa kani-kanilang family.

Sa unang araw pa lang ng BINI sa Dubai ay sobrang exciting na. Kasi, na-meet nila nang personal ang world-renowned Filipino designer na si Michael Cinco. 

Siyempre, sobrang kilig ng BINI when they met the famous designer sa mismong bahay nito.

Say ng BINI sa pangunguna ni Jhoanna nu’ng ma-meet nila si Cinco, “Thank you for making us extra beautiful.” 

Ipinost nila sa kani-kanilang socmed account ang video ng pakikipag-meet nila kay Cinco sa Dubai. 

Caption sa IG post ng video ng BINI, “Want more? Here's to complete BINI’s Day 1 in Dubai! From finally meeting Michael Cinco, visiting Time Out Dubai, and a cozy welcome dinner at Kooya!”

Ang KOOYA ay isang Pinoy resto sa Dubai.

Ang pakikipagkita ng BINI kay Cinco sa Dubai ay bahagi ng itinerary nila para sa first BINIverse World Tour stop kahapon, Sunday (May 18) at the Coca-Cola Arena.

ARNELL, PINALITAN NA SA OWWA

ni Julie Bonifacio @Winner | May 17, 2025

Photo: Arnell Ignacio - Overseas Workers Welfare Administration - FB

Nag-appoint na si Presidente Bongbong Marcos kahapon ng bagong OWWA (Overseas Workers Welfare Administration) Administrator, si Patricia Yvonne (PY) Caunan na dating undersecretary ng Department of Migrant Workers.

Pinalitan ni Caunan si Arnell Ignacio as OWWA Administrator. 

Nabalitaan namin from a source na close friend daw si Admin Yvonne ng showbiz celebrity na may initials na AC. At ayon pa sa aming source, engaged na raw si AC at si Admin Yvonne. 

How true?

---

‘Di pinapunta sa burol… KALAHATI NG PAMILYA NI HAJJI, AYAW KAY ALYNNA

SUCCESSFUL ang muling pagbabalik ni Sensual Siren of Songs Alynna sa concert stage sa kanyang I’m Feeling Sexy Tonight (IFST) show last Wednesday.

Sinuportahan si Alynna ng kanyang family, friends, and fans na nanood sa kanya sa Viva Café. Inawit ni Alynna ang kanyang hit songs na Kahit Gaano Kalaki at Pasumpa-sumpa (PS).

Marami naman ang naiyak when she sang Tag-Araw, Tag-Ulan (TT) na original song ng kanyang partner for 27 years na si Hajji Alejandro. 

Nagtapos ang set ni Alynna sa kantang Tuloy Pa Rin Ako.

But the crowd still requested for more at dito kinanta niya ang Till My Heartache Ends na ang ganda-ganda ng version ni Alynna. May mga nag-suggest na i-record niya ang song kasi nga maganda ang interpretation niya at bagay sa kanya ang lyrics ng kanta.

Si Alynna ang namili ng mga kanta niya sa IFST.

“Kasi depende sa nararamdaman ko. Tapos for approval na nila kung okey, pero kanina, ‘di ako pumayag… kasi parang, nagpraktis naman ako na hindi iiyak, eh.

“It’s just hard ‘pag bumabalik, and to this day kasi, hindi pa rin ako makapaniwala na wala na si Hajji,” panimula ni Alynna nu’ng mainterbyu namin after the show.

Aminado si Alynna na until now ay nami-miss pa rin niya si Hajji.

“‘Yung pagka-suplado n’ya at saka ‘yung ‘pag may show s’ya, nag-aano s’ya… naku, patay na patay ako du’n ‘pag naka-suit na, eh,” kuwento ni Alynna.

Pagpapatuloy niya, “It’s just like seeing him for the first time every time he sings and we’ve been together for 27 years. But it’s always the first time ‘pag napapanood ko s’ya.”

Napakapribadong tao raw ni Hajji.

“What you see in public is what he really is in public. He's an introvert. He’s very intelligent. He watches movies all the time. Pero magkahiwalay kami kasi iba ‘yung gusto kong panoorin, iba ‘yung kanya.

“Basta tahimik lang s’yang tao. Napakalalim n’ya. He’s very loving. ‘Yung iba, akala nila, suplado. But, mahiyain lang din talaga s’ya,” sey pa ni Alynna.

Malungkot naman na sinagot ni Alynna kung gaano kahirap para sa kanya ang last few days ni Hajji.

“So difficult,” diin niya. 

Aniya, “Because I have to act like normal lang s’ya. Kasi hindi namin dapat ipakita sa kanya

na naaawa kami. But I’m pretty sure na naaawa rin siya sa sarili niya. Knowing Hajji kasi, he’s a perfectionist. May konting-konting-konting yabang siya sa sarili niya na, ‘I am Hajji.’

“Now that he sees himself na incapacitated and he can’t even talk, I’m sure naaawa s’ya sa sarili niya. And we don’t want to show him na malungkot kami.

“So, pagkaharap mo s’ya, nagpapatawa pa rin ako sa kanya. Pero ‘pag nakatalikod na s’ya, I see skin and bones. Hindi ko kinakaya. Kami ni Rachel (Alejandro, Hajji’s daughter), umiiyak kami sa likod n’ya.”

Sa unang pagkakataon ay inamin ni Alynna sa media ang tunay na relasyon niya sa pamilya ni Hajji.

Pahayag ni Alynna, “Half of the family, hindi talaga ako gusto, lalo na nu’ng naging kritikal si Hajji. I think I know why. Ayoko na lang magbanggit.

“But people who would read you or listen to you would know, and would read between the lines. Hindi ko naman po sila masisisi for thinking that way. Okey lang.

“Ang akin naman, I’m there because of Hajji. Because I know he wants to see me kahit na napakahirap sa akin na ma-reject ka. Kasi, talagang ni-reject ako. Ayoko na lang talaga makipag-away.”

Ipinamukha raw sa kanya ng ilang kapamilya ni Hajji ang pagka-disgusto nila kay Alynna.

“Hindi naman harap-harapan, kasi ‘pag kaharap ako, iba, eh. Pero once na wala na ako, maririnig ko na lang na uutusan ‘yung maid na hindi siya (Alynna) puwedeng pumunta ng ganitong oras kasi nandito kami.

“So, ‘yung last eight days n’ya, si Ali and Rachel reached out to me. Kasi feeling nila last day. Kasi ano na, eh, very shallow na 'yung breathing.

“So, I thanked them. Sabi ko, ‘Thank you, tinawagan n’yo ako because I think about him for a month and two weeks na.’ When I got there, nakita ako ni Hajji, talagang nag-iba ‘yung mukha n’ya.

“For some reason, na-extend pa. Biglang gumanda pa ‘yung breathing niya, eh. But then, sabi ko nga, wala, eh, kalat na. But his brain is so sharp.

“Naghihingalo na nga s’ya, may hinahanap ako, s’ya pa tinanong ko, eh. Pero ‘yung katawan n’ya, talagang bumigay na and he tried to hold on.

“Alam ko ‘yun kasi binigyan s’ya ng choice ng doctor kung gusto n’yang magpa-inject, you know, to sleep. Deep sleep lang, ganu’n.

“Kasi, ‘yun din ‘yun, eh. You’re just processing his death, eh, for the past few days. And everybody knew it.

“Alam n’yo, ‘di n’ya tinanggap ‘yung injection and I know why, eh. Kasi he wants to live another day because anniversary kasi namin, ganu’n.

“Alam ko 'yun, eh, ganoon s’ya ka-ano. But then, sabi ko na lang sa kanya, ‘Okey lang ako. Go. Go with God. Okey lang ako,’” tuluy-tuloy na sabi ni Alynna.

May big time sponsor daw… WILLIE, ‘DI NALUGI, MAS KUMITA PA SA PAGTAKBONG SENADOR

ni Julie Bonifacio @Winner | May 16, 2025

Photo: Willie Revillame - FB

Very open si Willie Revillame sa pagkadismaya pagkatapos matalo sa kanyang senatorial bid last election.

Napakasakit para kay Willie ang sinapit niyang pagkabigo sa unang attempt sa pagka-senador. Ang dami rin niyang isinakripisyo sa kanyang pagtakbo at isa na riyan ang Wowowin program niya sa TV5.

Ayon sa aming source, si Willie raw mismo ang nagpatigil ng kanyang programa dahil sa pagkandidato nga niya last election. 

At ngayong tapos na ang eleksiyon, wala pa rin daw balak si Willie na ibalik sa ere ang programa niya.

Hindi naman daw dahil naubusan na ng pondo si Willie pang-produce ng kanyang show. Katunayan, ni hindi nga raw nabawasan ang pera niya at nagamit sa kanyang kampanya last election.

May sponsor daw kasi si Willie sa kanyang pagtakbo. May ibang nagsasabi na ang isang mining company owner ang nag-sponsor kay Willie sa kanyang pagtakbo.

Sabi naman ng source namin, ang GP (Galing sa Puso) Partylist ang gumastos sa kampanya ni Willie.

Hindi kami sure kung ang mining company owner at GP Partylist nominee ay iisa. Basta ang sure, may nag-sponsor kay Willie at ‘di niya sariling pera ang ginamit sa kampanya ng TV host.

Anyway, duda tuloy ng aming source ay baka mas kumita pa raw si Willie kesa nalugi sa pagtakbo last election.

---

DUMAGSA ang intriga sa mga kamakailang episode ng FPJ’s Batang Quiapo (BQ) sa pagdating ng dalawang bagong karakter na ginagampanan ng beteranong aktor na si Leo Martinez at ng Filipino-Korean actress na si Angeli Khang.

Napanood na ang mga eksena nina Leo at Angeli sa BQ this week.

Sa naturang episodes din, nakaeksena nila ang mga major characters sa Kapamilya action-drama series sa pangunguna ng bida, direktor, at producer ng BQ na si Coco Martin.

Ipinakilala si Leo sa kuwento bilang si Mr. Kwon, isang negosyante na nakipag-deal sa pamilya Montenegro. Kasama niya ang kanyang apo at tagapagmana, si Veronica, na ginampanan ni Angeli.

Ang kanilang unang araw ng paggawa ng pelikula para sa BQ ay itinakda sa loob ng marangyang Montenegro mansion, kung saan nag-debut ang dalawang karakter.

Kung pagbabasehan ang mga eksenang ipinalabas sa ngayon, mukhang medyo nagkakasundo si Mr. Kwon at ang mga Montenegro. Maging si Tanggol (Coco Martin) ay hindi maitago ang kanyang tuwa nang pagmasdan niya ang magandang si Veronica. 

Mabilis na nakuha ng mga manonood ang chemistry nina Coco at Angeli, at marami ngayon ang nag-iisip kung mas lalalim ba ang koneksiyong ito nina Tanggol at Veronica sa mga susunod na araw.

Pero siyempre, hindi pa tayo dapat masyadong kampante. Kung tutuusin, kilala ang BQ sa mga hindi inaasahang pagliko at paglilipat ng mga alyansa nito. Kaya ang tunay na tanong ay—talaga bang mapagkakatiwalaan sina Mr. Kwon at Veronica? O sa huli ay magiging kaaway sila ng pamilya Montenegro?

Huwag palampasin ang bawat episode ng BQ airing weeknights on Kapamilya Channel, Kapamilya Online Live (KOL), TV5, and A2Z.