Resibo na ‘di retokada… ANDREA, TODO-BUYANGYANG NG KATAWAN

ni Julie Bonifacio @Winner | January 21, 2026

Photo: Andrea Brillantes - IG

Gumiling na ang kamera para sa first taping day ng serye nina Enrique Gil at Andrea ‘Blythe’ Brillantes para sa TV5.

A Secret in Prague (ASIP) ang titulo ng kauna-unahang proyekto na pagtatambal nina Andrea at Enrique.

Ayon sa isang exclusive information mula sa aming source, nakapag-taping na sina Quen at Blythe para sa ASIP, isang mystery-thriller TV series.

Anytime soon, nakatakdang umalis ang bagong screen tandem papuntang Prague, ang largest city ng Czech Republic.

Pero mauuna munang umalis papuntang Prague ang production team ng TV series nina Enrique at Andrea para matsek na nila beforehand ang location at iba pang details sa shoot. Para pagdating ng mga artista, ready na agad silang kumuha ng mga eksena.

Sa ngayon pa lang, excited na ang mga fans nina Blythe at Quen sa unang serye na pagsasamahan nila. Napaka-refreshing ng dating ng tambalan nila on screen.

Samantala, pinainit ni Andrea ang social media sa kanyang post sa Instagram (IG) ng video ng behind-the-scenes ng shoot para sa pictorial niya bilang calendar girl ng Tanduay para sa 2026.

Napakaseksi ni Andrea at lumabas na isa na talaga siyang ganap na babae, malayo na siya sa pagiging child star noon.

Mabuti na rin na ipinost ni Andrea Brillantes ang behind-the-scenes during her pictorial. May resibo siya na katawan niya talaga ang nasa kalendaryo at hindi niretoke. 

May mga bashers kasi ang nagsasabing edited at retoke lang daw ang katawan ni Andrea Brillantes para sa kalendaryo ng Tanduay. That’s not true at kita naman sa ‘resibo’ ng aktres.

---

Ipinaghanda ang ex…

CLAUDINE, GINASTUSAN ANG B-DAY NI MARK ANTHONY

PANSIN na pansin ang closeness ng mag-ex-lovers na sina Claudine Barretto at Mark Anthony Fernandez sa set ng kanilang teleserye.

May post si Claudine with Mark na nagsasayaw silang dalawa bago pumunta sa set para sa kukunang eksena sa kanila.

Sumunod na post ni Claudine sa social media ay ang birthday surprise niya para kay Mark. Ipinaghanda ng aktres ng pagkain ang aktor sa set.

Pabida ni Claudine sa video, “Biglaan ‘yan, ha? Kaninang umaga lang sila nagluto.

Ginawan nila ng paraan.”

Grateful naman si Mark sa mga nag-prepare ng food.

Unang naging magkasintahan sina Claudine at Mark Anthony. Kaya naman marami ang natuwa at kinilig sa pa-surprise ni Claudine para kay Mark.

“Baka sila na ang forever.”

“Ang ganda n’yong tingnan, sana ay forever na.”

“Bagay sila talaga in all aspects. Dapat, sila na lang.”

“Kayo na lang ulit, tapos sabay n’yong ayusin ang buhay n’yo.”

Love is lovelier nga kaya the second time around kina Claudine Barretto at Mark Anthony Fernandez, if ever?

Suportado raw ng mga taga-showbiz… VICE VS. SARA SA PAGKA-PANGULO SA 2028

ni Julie Bonifacio @Winner | January 20, 2026

Photo: Vice Ganda at VP Sara Duterte - FB

Inuurot si Vice Ganda ng mga netizens na tumakbo sa 2028. This time, bilang presidente ng Pilipinas.

In fact, may ibinigay na rin na pangalan ng partidong pangungunahan ni Vice sa 2028 presidential elections, pati na ang mga makakasama niya na senador at vice-president.

‘Gandang Buhay, Gandang Party’ ang pangalan na iminungkahi para sa partido ni Vice. 

May mga celebrities din ang nag-react sa itinutulak na Vice Ganda for President 2028 movement sa social media.

Una na ang award-winning director na si Lav Diaz na aprub sa Vice Ganda for President. Para kay Direk Lav, it’s about time na tumakbo na raw si Vice bilang presidente.

Paliwanag ni Lav, “Seryoso ‘yun, ha? Seryoso, kasi napaka-bleep ng future ‘pag ‘di natin mawasak ang wall na ‘yun, ‘yung Sara Duterte wall which is coming. The nightmare is coming. So it’s only two years away, so we need to act.

“Gamitin natin ang pop culture to destroy that. Sino ba ang pinaka-icon sa pop culture ngayon? Vice Ganda.

“At maganda rin ang pananaw ni Vice. Gamitin natin ‘yan. Oo, kasi ‘yun na ang labanan. Methodologizing. Ganu’n ang populous leaders.

“Ang mga Duterte, they used that. The ignorance of masses, ginagamit nila. Walang prejudice sa masses. Mahal natin ang masa. Kailangan lang natin silang i-educate. So part of educating them is to put Vice Ganda there, in the forefront.”

Sa interbyu ni Direk Lav, nag-react ang singer-actress na si Agot Isidro sa X (dating Twitter).

Post ni Agot, “Lav Diaz says, ‘Vice Ganda for President’. Yeah, I’m (100 percent emoji) down for that.”

‘Yun na!

---

LIZA, IN-UNFOLLOW NA SINA ENRIQUE AT JEFFREY SA IG

BINULABOG ni Liza Soberano ang social media sa pag-unfollow niya sa kanyang mga ex-boyfriends na sina Enrique Gil at Jeffrey Oh.

Halu-halo ang reaksiyon ng mga netizens sa latest move ni Liza. May mga nag-agree sa desisyon niya.

Sey ng mga netizens:

“Starting on a clean slate, go Liza.”

“Two exes deleted na sa life n’ya.”

“Buti naman, natauhan na.”

At siyempre, meron ding hindi pabor:

“Desperate, papansin.”

“So ‘pag nag-unfollow, desperate at nagpapapansin?”

“Eventually, mag-unfollow naman talaga si Liza, so paanong desperate at papansin?”

“So sina Nadine at Kath na nag-unfollow ng ex nila, desperate at papansin din?”

May nag-comment naman na pa-victim lang daw si Liza.

“Your girl has a victim complex, LMAO (laughing my ass off).”

“Victim naman talaga si Liza ng abuse, so pinagsasabi mo r’yan?”

“Unang nag-unfollow yata si guy, kasabay ng pag-delete ng pics nila together.”

Grabe kayo kay Liza Soberano, ha?

Kaya raw umalis ng ‘Pinas… RABIYA, UMAMING NAGGAGAMOT DAHIL SA DEPRESSION

ni Julie Bonifacio @Winner | January 18, 2026

Photo: IG @rabiyamateo

Ibinunyag ni Rabiya Mateo ang pinagdaanang depresyon at anxious distress nu’ng nagdaang taon. 

Inamin niya na hindi naging maganda ang kondisyon niya noong 2025. Sunud-sunod ang post niya sa Facebook (FB) kahapon.

“2025, I was diagnosed with depression and anxious distress. I had several rounds of medication,” panimula ni Rabiya.

Ipinost din niya ang kanyang medical certificate na nagpapatunay na nagkaroon siya ng major depressive disorder with anxious distress.

Pagpapatuloy niya sa caption, “I left the country for 3 months, so I won’t get triggered by people who have no idea what I’ve been going through.

“Everyday was a struggle to survive. I almost deactivated everything and disappeared to have a quiet and peaceful life. I fought hard and am still fighting up until now.

“When I saw what happened to Emman and saw how painful it was for Kuya Kim Atienza and his family, I made a promise to myself to never give up because I don’t want my Mama to experience the same thing.

“You don’t know how little kindness means to a depressed person like me and how your words can push me to do something else.”

Sa sumunod na FB post, sinabi ni Rabiya na ayaw na sana niyang isapubliko ang kanyang pinagdaanang depresyon.

“I planned to keep my depression to myself. Years of battling it every day. Years of trying to keep myself together,” pag-amin niya.

Dito rin niya inilahad ang dahilan ng kanyang depresyon at anxious distress.

Sigaw niya, “Bullying needs to stop now. It causes harm more than you ever know!”

True!

---

After maoperahan…

KRIS, NAGPAGUPIT NG BUHOK HABANG NAGPAPAGALING SA OSPITAL

Photo: Jonathan Velasco / IG

Isang positibong senyales ng patuloy na paggaling ni Kris Aquino ang kanyang pagpapagupit ng buhok matapos ang operasyon, kasabay ng pagbuti ng kanyang kalagayan habang nasa loob ng ospital.

Ang hairdresser at makeup artist ni Kris na si Jonathan Velasco ang nagbahagi ng latest na ganap sa TV host-actress sa Instagram (IG) kahapon. 

Naka-post ang video habang ginugupitan niya ng buhok si Kris na nagpapagaling sa ospital.

Caption ni Jonathan, “New hair, same brave spirit. Madam @krisaquino is on the mend! Please continue to keep her in your thoughts and prayers as she gets stronger every day.”

Natuwa ang mga supporters ni Kris dahil sa ipinapakitang positive signs ng kalagayan ng kalusugan ng TV host.

Sey ng mga netizens:

“Keep fighting, Kris and be strong. We’re always here and praying for you (praying & angel emoji).”

“Wow! Happy ako for you, Krissy. Balik ka na uli sa dating Krissy. God will save you.”

“Hoping for your fast and continuous recovery, Ms. Kris (red heart emoji). I will always include you sa prayers ko, for your healing. Bimby and Josh deserve to have more quality time with you.”

---

INILABAS na ang official poster ng inaabangang pelikula ng Cannes Best Director na si Brillante Mendoza, ang Until She Remembers (USR) na produced ni Wilson Tieng ng Solar Films.

Ayon sa caption ng poster reveal ng Solar Films, “Love remains, even when memory fades.”

Ang USR ay isinulat at idinirehe rin ni Brillante Mendoza.

Ito ang kauna-unahang pelikula na pinagtatambalan nina Charo Santos at Barbie Forteza.

Kasama rin sa pelikula sina Boots Anson Roa-Rodrigo, Angel Aquino, Albert Martinez, Eric Quizon, Vince Rillon, Erlinda Villalobos, Carlitos Siguion-Reyna, at Perla Bautista.