Palaban sa driver na nagkaso sa kanila ni Michelle Dee… RHIAN, HANDANG LUMABAN HANGGANG KAMATAYAN

ni Julie Bonifacio @Winner | February 6, 2026

Photo: Rhian Ramos - Instagram

Muling nagparamdam si Rhian Ramos sa kanyang Instagram (IG) Story kahapon sa pamamagitan ng isang lumang video niya kasama ang kanyang mga kaibigan na sina Michelle Marquez Dee (MMD) at Samantha Panlilio.

Makikita sa video ang masayang beso-beso at yakapan nina Michelle at Rhian. Nilapatan ito ni Rhian ng background music na tila nagpapahayag ng kanyang saloobin.

Ang linya ng kanta, “Just keep going to find your way. Once upon a time you’ll be okay.”

Ito kaya ang deklarasyon ni Rhian na tuloy ang laban hanggang sa lumabas ang katotohanan at muling maging maayos ang kanyang buhay?

Sinundan pa ito ng isang post ni Rhian ng announcement sa pagkakaroon niya ng award bilang TV Actress of the Year mula sa Platinum Stallion National Media Awards.

Mayroon ding scoring ang IG Story mula sa kanta ni Julie Anne San Jose na Bagong Tadhana.

Sabi ng kanta, “Handang lumaban hanggang sa kamatayan.”

‘Yan si Rhian Ramos, palaban!

---

OPISYAL nang inilunsad ang ika-anim na kanta ng batang singer na si Love Kryzl, ang Heart’s In Bloom.

Si Love Kryzl mismo ang nagsulat nito ka-collab ang Purple Hearts Production para sa arrangement ng bago niyang awitin.

Pahayag ni Love Kryzl sa launching ng kanyang Heart’s in Bloom, “The song is about new beginnings. If you want to start fresh, just listen to the song.”

Nais magbigay ng pag-asa ng song ni Love Kryzl. May bahagi raw sa kanta na nanghihikayat sa mga nahihirapan sa buhay at nalulugmok na magsimulang muli.

During the presscon, sinabi ni Love Kryzl na ang chorus ng Heart’s in Bloom ang paborito niyang bahagi at itinuturing niyang mahalaga ito.

Para sa kanyang forthcoming birthday concert, isa sa kanyang dream venue choices ang SM Mall of Asia (MOA).

“I just want to make a song for fun. It feels fun. Like if I have nothing to do, I just need to write a song,” sabi ni Love Kryzl.

Ang Heart’s In Bloom ang ika-anim na recorded song ni Love Kryzl. Kumpara sa kanyang previous recorded songs, pakiramdam niya ay malaki na ang kanyang naging improvement.

“In the music video, it ended strong. It was fun, tiring but worth it,” sambit niya.

Bilang isang batang mang-aawit, gusto niyang maka-relate ang mga tagapakinig sa kanyang mga kanta at maantig ang kanilang mga puso at damdamin.

Ang pagkakaroon ng anim na recorded songs at pagtatanghal sa iba’t ibang okasyon ay isang tagumpay para sa batang malikhain, na nakakaramdam ng gulat at pagmamalaki sa nangyayari sa kanya bilang isang singer.

Ibinahagi rin ni Love Kryzl ang ilang detalye sa pagbuo ng Heart’s In Bloom.

“The tune was helped by the Purple Hearts Production. Of course, coach Rachel Ann

Pegason Alejo helped me to improve my singing so I could sound better during the recording,” tsika pa ng ingleserang batang singer.

Isa ring choir member si Love Kryzl. Kasabay nito, nakikipaglaro rin siya sa kanyang mga kapatid, nanonood ng sine at lumalabas sa mall.

Paborito raw niyang pakinggan ang mga kanta ng Katseye, pati Pop songs at Blues.

Wish niya na maka-collab ang mga popular at established artists tulad ni Gigi de Lana.

At bilang pagdiriwang ng kanyang 10th birthday, kinukumpleto rin ni Kryzl ang 10 original songs na lahat ay itatanghal sa kanyang upcoming concert.

Para suportahan ang malikhaing paglalakbay na ito, ang Purple Hearts Production ay maglalabas ng buwanang music videos ng mga kanta ni Kryzl sa buong taon, na magbibigay-daan sa mga manonood na masaksihan ang kanyang artistikong paglago, isang kuwento sa bawat pagkakataon.

Ang unang limang original songs ni Love Kryzl ay kasalukuyang available sa Spotify, Apple Music at sa Love Kryzl’s World YouTube (YT) channel.

P-pop group, nag-perform sa Grammys… CARLA, PROUD SA ANAK NA LIDER NG KATSEYE

ni Julie Bonifacio @Winner | February 5, 2026

Photo: Katseye / The Grammys / IG

Proud mother ang singer-theater actress na si Carla Guevara Laforteza sa latest achievement ng kanyang anak na si Sophia Laforteza, member ng international girl group na Katseye. 

Viral ang performance ng Katseye sa Grammy Awards kamakailan kung saan si Sophia ang lead member.

Naging makasaysayan ang performance ng Katseye sa Grammys dahil sila ang first girl group na nakapag-perform sa sikat na music awards sa America since Destiny’s Child noong 2001.

Nominated ang Katseye bilang Best New Artist at Best Pop Duo/Group Performance sa Grammys para sa kanta nilang Gabriela.

Ipinost ni Carla ang larawan ng Katseye nang umapir sila sa Grammys.

Caption niya: “The way my daughter says ‘Don’t let anybody tell you who you are!!!’ (teary-eyed emoji). I am soooo sooooo proud of you my little global pop superstar! So proud of all my girls!!! 

“Look at y’all absolutely KILLING it at the Grammys!!! To be nominated AND perform on the Grammy stage… and just 2 years into your career??? (mind blown emoji).

“YOU’RE ALREADY CHAMPS!!! (trophy emoji) @katseyeworld.”

Pinuri rin si Carla ng mga netizens for raising her daughter Sophia. 

“She is an amazing leader!! Elder Eyekons like me are rooting for all of our Katseye girlies.”

“Like mother, like daughter!”

“OUR LEADER.”

“The caption po, Ms. Carla, got me teary-eyed as a mother to Sophia and to all the KATSEYE ladies po.”

“We are all so proud of your daughter and the girls!!!”

Kabog! 

Sey nga ng mga GenZs sa socmed (social media), “SOPHIA POSSIBLY THE FIRST GRAMMY PERFORMER WITH A GCASH ACCOUNT?????????” at “Sophia, the first Grammy nominee with a national ID sa bond paper? Hahaha!”

---

May bago na namang isinu-shoot na endorsement… BEA, PROUD NA “BANGKOK LADY”

TIYAK na matutuwa ang mga fans ni Bea Alonzo sa latest ganap ng aktres.

Sa kanyang Instagram (IG) Story ay ipinost ni Bea ang picture niya habang nagpo-photo shoot para sa isang endorsement sa Bangkok, Thailand.

Nakalagay sa picture ng kanyang IG story ang ‘Bangkok Baby’ kaya alam na kung saan nag-photo shoot si Bea recently.

Madalas kasing sa Bangkok nagpo-photo shoot ang aktres para sa kanyang TVC at print ads, kaya she considers herself siguro as Bangkok baby sa dalas ng punta niya roon.

Definitely, walang baby na nabuo si Bea sa Bangkok, ha? Malabo pang magka-baby ang aktres sa ngayon. Ang dami pa niyang prior commitments na kailangang tuparin.

We heard, may naka-line-up na raw na teleserye para kay Bea at may nakaabang pa na movie offers sa kanya na baka gawin this year. Kaya waiting galore muna siguro ang ‘dramarama sa hapon’ sa ngayon ni Mr. Vincent Co sa kanyang girlfriend.

Pasasaan ba’t matatapos din ni Bea ang kanyang mga tinanggap na commitments at masosolo na siya ni Vincent, pansamantala.

Naku, knowing Bea Alonzo, hahanap-hanapin ng katawan niya ang pag-arte sa harap ng kamera.

Deevah, SK (Shirley Kuan, Bea’s manager)?

Game na ring mag-cooking show… KRIS, BALIK-HOSTING NA

ni Julie Bonifacio @Winner | February 2, 2026

Photo: Kria Aqiuno / IG

Sasabak na ulit si Kris Aquino sa kung saan siya pinakamagaling  

— ang maging host at interviewer.

Sa Instagram (IG) post niya kahapon, ibinalita ni Kris ang kanyang paglabas sa ospital. Masaya niyang ipinakita ang pagbuti ng kanyang kalusugan at ang mga treatments ng kanyang doktor sa video. 

Ipinakita pa niya na kaya na niyang magbuhat ng mga bagay-bagay.

Caption ni Kris, “I’m still in the hospital, hopefully discharged tomorrow... I feel like I’m still me, but I know myself better. I’ve learned which moments to treasure and that love and friendship need to be reciprocal if you want them to last. 

“Walang perfect na relationship, but if you are willing to live with and learn to laugh at each other’s quirks, then you have a chance to go the distance. 

“And remember to fight fair—nobody should play the victim, not if you truly love one another. Nobody is ever too busy to carve out a 10-minute text exchange or a 5-minute call to check on each other. My best girl friends and I always start our WhatsApp messages with ‘How are you’? For now, my priority is my health.”

Nag-outsource si Kris kung saan siya puwedeng tumira paglabas ng ospital.

Aniya, “Please help me, do you know of any indoor swimming pools in physical rehab centers or hotels that offer health club memberships? Or are there any condo units, homes, or townhomes for lease in Makati, Taguig, Mandaluyong, San Juan, or Pasig that have lap pools or shallow swimming pools, big patio, and garden umbrellas, and are within 30 minutes inclusive of traffic from St. Luke’s Global, MMC, Asian Hospital, Medical City, or Cardinal Santos?”

Panawagan pa niya, “Ito ang bagong reality ng buhay ko. But in order for me to continue being brave, I need to slowly do what I love until I am stronger. My goal is once-a-week sit-down interviews with people who are interesting for me, and with God’s blessing, weekly enjoyable treatment of products I really use.”

Sa huling bahagi ng post, ibinahagi niya ang muling pagsalang sa camera kasama ang kanyang kumpletong team.

Pagbabahagi niya, “Because there’s a team doing my hair & makeup, I have a skeleton crew, a 2-cam setup shooting me and the closeups of the others as well as product shots, and I’m excited to start sharing new home cooking recipes made simpler with all of you. Happy viewing. #Brave #lovelovelove.”

---

NAGPASALAMAT naman ang mister ni Angel Locsin na si Neil Arce sa X (dating Twitter) matapos ang eviction night sa Pinoy Big Brother Celebrity Collab Edition 2.0 (PBBCCE2.0).

Ligtas kasi ang anak nilang si Joaquin Arce sa 6th eviction night. Isa ito sa mga housemates na nominated for eviction noong weekend.

Post ni Neil sa X, “Thank you (praying emoji).”

Marami rin daw mga fans si Joaquin na gumastos para hindi siya mapalayas sa Bahay ni Kuya.

Sey ng mga fans…

“Tito Neil, ackkk! Nailaban si Joaquin. Huhuhu! Pero grabe, ang laki ng nagastos ko for Joaquin.”

“Road to Big Night na ito, Tito Neil.”

“HANGGANG BIG NIGHT NA ‘TO!!! ILABAN MO D’YAN SA LOOB, JOAQS!! ILALABAN KA NAMIN DITO SA LABAS (heart & praise emoji).”

Palaban din si Neil para hindi ma-evict at makasama sa Big Four ang kanyang anak.

Samantala, may reklamo naman ang ilang netizens sa mga bigating celebrities na mga supporters ni Joaquin.

Sey ng isang netizen, “Congrats! Pero sana, sa Big 4, hayaan n’yo na ang tao ang mag-decide. Tigilan n’yo na ‘yang advantages n’yo dahil sa connections.”

Mas maraming supporters, much better. Ganoon talaga ang labanan sa PBB.