Sobrang kinabahan sa eksena nila… JAMES, UMAMING IBANG-IBA ANG NARANASAN KAY KATHRYN

ni Janiz Navida @Showbiz Special | July 15, 2026

Photo: IG _james & _draivee

After 9 years, balik-teleserye na ang Multimedia Prince na si James Reid at for the first time, magsasama sila ng “Box Office Queen” ng henerasyon ngayon na si Kathryn Bernardo. Ito ay sa seryeng Someone, Someday na magsisimula na sa July 27 sa AllTV 2, A2Z at TV5, pero mas unang eere sa Netflix sa July 24 at sa iWant sa July 25.

Sa ginanap na solo mediacon para kay James kahapon sa Noctos Bar, masayang-masaya ang aktor dahil Till I Met You pa, na pinagtambalan nila ng dating on and offscreen partner na si Nadine Lustre, ang kanyang huling seryeng ginawa.

Ang huling movie naman niya ay ang Miss Granny (2018) na pinagbidahan ni Pop Star Sarah Geronimo.

Kaya naman, matagal-tagal din talagang napahinga sa pag-arte si James dahil after nga ng last movie niya, nag-focus muna siya sa music.

Pero in fairness, sa trailer ng Someone, Someday, hindi mararamdamang kinalawang si James sa pag-arte. Ewan kung na-challenge siya sa galing ni Kathryn at ng isa pang magaling na aktres na kasama nila na si Maja Salvador o baka dahil inalalayan siya ng dalawa para maibigay ang best niya.

Natanong nga namin si James sa mediacon kahapon kung ano’ng mga naging adjustment niya working with Kathryn, gayung nasanay siya noon na si Nadine ang kanyang ka-love team.

Pag-amin ni James, “I think, the experience itself is different, you know, how me and Kath put together these new characters and trying to come up with something very new that people haven’t seen yet. We want to create something that is new, that is fresh.”

Sinabi nga raw niya kay Kathryn na sobra siyang kinabahan dahil hindi siya sanay na iba ang kanyang leading lady, pero naintindihan naman daw ito ng aktres dahil pareho lang silang galing sa ibang ka-love team.

Well, abangan natin ang mga eksena nina James at Kathryn sa Someone, Someday kung mahahalata sa kilos ni James ‘yung sinasabi niyang kaba nang makaeksena ang aktres.

---

‘Di pa magdyowa, Kris, ha? BIMBY, TODO-YAKAP AT AKBAY KAY RYZZA MAE, NAGSUSUBUAN PA

KILIG to the max talaga ang maraming viewers ngayon ng Eat… Bulaga! sa sweetness nina Ryzza Mae Dizon at Bimby Aquino Yap sa noontime show ng TV5.

Araw-araw kasi ay may bagong pakilig at pasabog ang MaeBy love team at parang lalo silang nagiging close.

Bukod nga sa mga pag-akbay-akbay ni Bimby kay Ryzza at madalas na pagyakap nito, may subuan pa ang dalawa na akala mo ay magdyowa kahit hindi pa naman.

‘Yun nga lang, kung may mga kinikilig, meron ding ibang KJ at medyo conservative at pinapayuhan si Bimby na ‘wag masyadong touchy kay Ryzza dahil hindi na sila bata at kailangan daw niyang irespeto ang katawan ng co-host.

Kung kay Bimby ay balewala ang mga pagyakap at paghawak niya sa bewang o balikat ni Ryzza, para sa iba, hindi siya dapat ganu’n ka-comfortable sa ka-love team dahil hindi naman sila magdyowa.

Hmmm… Ano kaya’ng masasabi ni Kris Aquino rito? 

---

PASABOG ang ginanap na civil wedding nina Bea Alonzo at Vincent Co sa Makati City Hall last July 13.

Kung kelan ang akala ng lahat ay wala nang magaganap na kasalan matapos itong maudlot nu’ng May 16 sa Spain, tulad ng unang napabalita, heto’t binulaga nina Bea at Vincent ang madlang pipol sa kanilang very intimate wedding, na ang chika, bukod kay Mayor Nancy Binay na nagkasal umano sa kanila, tig-dalawang kaibigan lang ang kasama nila sa loob ng room para magsilbing witness.

Very private ang wedding. Kung ‘di pa nag-post si Mayor Nancy ng picture nila ni Bea na may hashtag na “#onemorechance” at pagkatapos ay kumalat na nga ang picture ng newlyweds sa social media kasama ang alkalde sa loob ng room, duda pa rin ang marami kung totoong naganap na ang kasal.

Palaisipan talaga sa lahat kung bakit itinago nina Bea at Vincent ang kanilang kasal dahil mismong mga kapamilya nila ay wala sa seremonya.

Isang common friend ng dalawa ang nakausap namin at tinanong siyempre namin kung totoo bang tutol ang pamilya ni Vincent kay Bea kaya naudlot noon ang kasal at ngayon nga ay no show din sila sa civil wedding. 

Paniniyak ng aming source, alam ng parehong pamilya from the start ang planong kasal at kung hindi man natuloy nu’ng una, hindi raw ang kani-kanilang pamilya ang naging problema kundi sila Bea at Vincent ang nagkaroon ng personal issue kaya na-postpone ang wedding. Pero, hindi naman daw sinabi ng dalawa na “cancelled” na ito.

Kaya kung nagdesisyon man daw ngayon sina Bea at Vincent na ituloy ang kasal, desisyon na nila ‘yun bilang mga mature adult na hindi na kailangan ang consent ng mga magulang.

Kung anuman ang dahilan kung bakit ganito ka-intimate ang naturang wedding, eh, mas mabuting sa bibig na raw nina Bea at Vincent manggaling ‘yun.

Basta ang nilinaw ng aming source, walang katotohanan ang mga kumalat na dahilan noon na hindi inayunan ng kampo ni Bea ang mga kondisyon ng pamilya ni Vincent sa prenup agreement.

Ang mahalaga, kasal na sila ngayon at dahil nasa wastong edad na sila, anumang maging desisyon nila, eh, for sure, kayang-kaya na nilang panindigan.

Congratulations, Mr. & Mrs. Co!

Sobrang loyal daw sa dyowa… BIRTHDATE NI VICE, IPINA-TATTOO NI ION SA BINTI

ni Janiz Navida @Showbiz Special | July 14, 2026

Photo: IG _praybeytbenjamin

Tiyak na feeling ang haba-haba ng hair ni Unkabogable Star Vice Ganda (kahit pa naka-wig lang naman siya. Chos! Haha!) dahil sa sinabi ng kanyang ‘asawa’ na si Ion Perez kung bakit naka-tattoo sa binti nito ang date of birth ni Meme Vice.

Sa isang episode ng It’s Showtime, itinaas ni Ion ang laylayan ng suot na pantalon para ipakita ang isang binti kung saan naka-tattoo ang mga petsa na birthdate pala ng mga taong espesyal sa kanyang buhay.

Pag-amin ni Ion, “Si Tatay, si Nanay, tapos ikaw (Vice),” bilang sagot sa tanong ni Meme Vice kung kaninong mga birthdate ang naka-tattoo sa kanyang binti.

Marami ang humanga kay Ion dahil mukhang mas super in love raw ito kay Vice. 

Biniro naman ni Vice si Ion na puwede namang ipaputol ang binti kung hindi na siguro sila.

But for sure, joke lang talaga ni Meme ‘yun dahil ang totoo, tiyak na kilig to the max talaga siya sa loyalty sa kanya ng mister.

Well, sorry na lang sa iba kung ganyan kahaba ang hair ni Vice Ganda!

Sana all!!!

---

ANG ika-9 na Entertainment Editors' Choice na inihandog ng PlayTime Entertainment ay nagbigay-ningning sa mga manonood noong Hulyo 5 sa Ceremonial Hall ng Marriott Grand Ballroom sa Newport World Resorts, Pasay City. 

Sa pamamagitan ng pakikipagtulungan nito sa Society of Philippine Entertainment Editors (SPEEd) at sa taunang seremonya ng paggawad ng parangal na The EDDYS, buong-pagmamalaking kinikilala ng PlayTime Entertainment ang mga pinakamahusay na pelikula ng bansa — mula sa mga aktor at direktor hanggang sa mga kuwentong tumatatak sa ating lahat. 

Bilang opisyal na tagapaghandog ng ika-9 na EDDYS, buong-pagmamalaking iginawad ng PlayTime Entertainment ang mga premyong cash at tropeo ng pagkilala sa mga nagwagi sa mga pangunahing kategorya: Best Supporting Actor, Best Actor, Best Supporting Actress, Best Director, at Best Picture. 

Binibigyang-diin ng mga parangal na ito ang dedikasyon ng PlayTime na itaguyod ang kahusayang Pilipino at parangalan ang mga natatanging talento na humuhubog sa pelikulang Pilipino. 

Ang mga parangal ay iniabot nina Adela Mae Marshall, tagapagsalita ng PlayTime Entertainment, at Alexandra Krishna Oriño, ang Miss PlayTime Universe 2026.

"Bilang opisyal na presenter ng EDDYS ngayong taon, ipinagmamalaki ng PlayTime Entertainment na ipagdiwang ang mga natatanging isipan at kahanga-hangang talento ng industriya ng pelikulang Pilipino," pahayag ni Adela Mae Marshall,

tagapagsalita ng PlayTime Entertainment. 

"Isang karangalan para sa amin na mag-abot ng mga parangal at premyong cash sa mga nagwagi sa anim na pangunahing kategorya. Kinikilala ng PlayTime Entertainment ang dedikasyon at sining na nagbibigay-daan upang maging tunay na world-class ang pelikulang Pilipino."

Sinang-ayunan ito ni Tessa Mauricio-Arriola, pangulo ng SPEEd, "Labis kaming natutuwa na makatuwang ang PlayTime Entertainment bilang aming opisyal na presenter. Ang kanilang bisyon ay tumutugma sa misyon ng SPEEd na itaguyod ang mahusay na paggawa ng pelikulang Pilipino."

Ang ika-9 na Entertainment Editors' Choice katuwang ang PlayTime Entertainment ay isang malaking tagumpay.

Praktis na raw para sa Lollapalooza music festival… SB19, PINADAGUNDONG ANG SMART ARANETA SA TILIAN NG FANS

ni Janiz Navida @Showbiz Special | July 13, 2026

Photo: IG _officialSB19

Sobrang solb at sulit to the max ang time and effort ng mga concert goers na pumila at nanood sa katatapos lang na Puregold OPM Con Generations 2026 sa Smart Araneta Coliseum last Saturday night.

Limang oras na tumakbo ang naturang concert na nagsimula ng 6 PM at 11 PM na natapos. 

Punumpuno ang Big Dome mula sa VIP section hanggang sa lower box. Sabi nga ng mga nag-assist sa aming marshalls, first time nangyari sa Puregold OPM Con Generations 2026 na SRO ang VIP section at wala talagang umaalis kesehodang 5 oras silang nagtiyagang nakatayo ru’n, ha? Grabe, devah?!

Well, hindi naman kasi masisisi ang mga nanood ng naturang concert dahil very rare ang mga ganitong pagkakataon na mapagsama-sama mo sa isang gabi ang mga iniidolo at tinitiliang sikat na singers-performers-banda ngayon. 

Sinimulan nga ang Puregold OPM Con Generations 2026 ng boy band na Alamat, na paglabas pa lang nila, agad nang dumagundong ang Araneta sa lakas ng tilian ng mga fans.

Sinundan naman ito ng performance ng Filipino girl group na Xonara. Literal na naging pula ang loob ng Araneta sa kanilang latest single na Pula. 

“Slay” naman ang karamihan sa mga comments sa performance ng girl group na Kaia na in fairness, ang gagaling din, maging ang G22 na ang taas din ng energy at ang se-sexy!

Medyo na-senti naman ang manonood sa ilang kanta ng Sunkissed Lola.

Muling nabuhay ang crowd nang lumabas ang rapper na si Flow G na pasabog pa ang entrance dahil lumabas ito sa harapan ng stage sakay ng isang green drift car. Ilang songs din ang kinanta niya, na kahit hindi naman namin maintindihan ang lyrics, todo-enjoy ang mga fans niya na nakikisabay sa pagra-rap niya.

Sigawan din ang mga tao nang lumabas si Chito Miranda ng Parokya ni Edgar, na akala mo ay napadaan lang at manonood lang ng concert dahil naka-white t-shirt at maong pants lang, pero grabe, pak na pak talaga ang performance at tuwang-tuwa sa collaboration nila ni Flow G ang mga fans.

Panalo rin ang performance ni Skusta Clee, na sinabayan pa ni Jay Durias na mukhang na-miss nang sobra ng mga fans, kaya nakikisabay din sa kanta nila ang mga nanonood.

Ang daming naging sentimental sa mga songs ng Ben & Ben, lalo na sa sikat nilang song na Leaves at Mahiwaga. Panahon talaga nila ngayon dahil ang daming nakakaalam ng kanilang mga songs na todo-sabay sa kanila sa pagkanta.

Sumakit naman ang tenga namin sa sigaw ng babaeng nasa likod namin nang lumabas sa stage si Armi Millare, ang lead vocalist at keyboardist ng rock band na Up Dharma Down, at nakipag-collab sa Ben & Ben.

At siyempre, ang highlight ng gabi ay ang performance ng last performer na SB19. Grabe ang dagundong ng Araneta sa paglabas nila sa stage, parang natanggal na ang eardrum namin sa tilian ng mga A’TIN (fans ng SB19).

Pero magandang sign ito at sabi nga, parang praktis na sa upcoming performance nila sa Lollapalooza Music Festival sa July 30 (July 31 dito sa ‘Pinas) sa Chicago, Illinois.

Nagliwanag talaga ang mga lightstick na hawak ng A’TIN habang kumakanta ang SB19. Grabe ang energy ng mga fans, kaya naman ganadung-ganado rin sina Pablo, Stell, Josh, Justin at Felip sa pagkanta at pagsasayaw.

At kaya masasabing sulit talaga ang mga nanood ay dahil nag-enjoy na sila sa performance ng mga nag-perform that night, bawat isa ay may naiuwi pang grocery bag from Puregold.

Bongga to the max talaga ang Puregold ni Sir Vincent Co, devah?!

Congrats sa success ng Puregold OPM Con Generations 2026!

---

Bulung-bulungan sa Chinese community…

BYUTING AKTRES, NAI-BOOKING NG TIYUHIN NG RICH BF KAYA INAYAWAN NG PAMILYA NG GUY

BLIND ITEM:

NAKARATING sa amin ang bulung-bulungan sa Chinese community kung bakit inayawan ng pamilya ng rich guy ang girlfriend niyang byuting aktres.

Ang kuwento pala rito, nu’ng hindi pa sikat ang byuting aktres at baguhan pa lang siya sa industriya, dumaan din ito sa stage na ‘pa-booking’. 

Yes, ‘yung pumapayag na i-book para maka-date ng mga rich guys na kliyente nila para makasama nang buong magdamag at maghatid ng ligaya.

Ang siste, isa sa mga naging kliyente ni byuting aktres ay ang uncle ng kanyang rich BF.

Nalaman ito ng pamilya ng rich guy kaya pilit silang pinaghiwalay kahit pa sobrang in love ang lalaki sa byuting aktres.

Ang ending, single na naman ngayon ang aktres. 

But in fairness, mapera na siya ngayon, kaya sabi nga, it’s all in the past at parte na lang ng ‘bangungot’ sa kanyang buhay ang bahaging ‘yun ng kanyang kabataan.