Bagay daw na ka-tandem ni Mayor Vico… GOV. VILMA, NO-NO-NO SA PAGTAKBONG PANGULO SA 2028

ni Janiz Navida @Showbiz Special | February 25, 2026

Photo: Mayor Vico Sotto, Mayor Joy Belmonte, Ralph at Vilma Santos-Recto / FB @Vilma Santos-Recto

“No-no-no” ang agad na sagot ni Batangas Gov. Vilma Santos-Recto sa posibilidad na pagtatambal nila ng kanyang inaanak na si Pasig Mayor Vico Sotto sa 2028 elections.

After kasing magdeklara ni VP Sara Duterte na tatakbo itong pangulo sa 2028, may mga dismayado na hindi pabor sa ipinai-impeach ngayong anak ni FPRRD.

Kaya naman, may ilang nagsulong ng option na naniniwalang magandang tambalan ang ViVi o Vilma-Vico sa 2028 lalo’t parehong malinis ang record ng dalawa sa paglilingkod lalo na kung ang pag-uusapan ay good governance.

Pero nang mabasa nga ng aming idolong si Ate Vi ang Facebook post namin tungkol sa ViVi tandem, agad itong nag-comment ng “Hahahaha!! Salamat my friend! No, no, no! Janiz!”

Kunsabagay, ‘di namin masisisi si Ate Vi, sa lagay na kinakaya pa niya ang responsibilidad sa Batangas, baka ‘pag naging presidente siya, mawalan na rin siya ng time para kay Baby Peanut at tumanda siyang bigla sa dami ng problema. Hahaha!

---

Na-fall raw sa aktor, todo-kilig…

BELLE, UMAMING SPECIAL SI DONNY SA KANYA

MAY bagong album ang Star Magic artist na si Belle Mariano at ibinalita niya ito sa ginanap na Spotlight presscon last Monday.

Titled Like U, inspired si Belle na nag-sample ng isa niyang kanta at in fairness, hindi siya mare-reject ng isa sa mga judges na si Donny Pangilinan kung sakaling sasali siya sa Pilipinas Got Talent. Hahaha! 

Anyway, dahil love team nga sina Belle at Donny, kahit pansamantalang naghiwalay at nagkani-kanyang project ay aminado ang singer-actress na patuloy silang nag-uusap ng aktor.

Inamin din ni Belle sa amin na special para sa kanya si Donny at na-fall siya rito nu’ng ginagawa nila ang Can’t Buy Me Love. Pero sa ngayon, hindi pa raw niya nakikita ang mga signs na puwede na silang mag-level-up into a relationship kaya ine-enjoy muna nila ni Donny kung ano’ng meron sila.

Soon ay magtatambal uli sila sa movie na Tayo sa Wakas, at abangan na lang natin kung magiging sila na nga sa wakas kapag naging mas close uli sila.

Samantala, natanong din namin si Belle kung game siyang gumanap na Dyesebel at positive naman ang sagot niya dahil gusto raw niya ng challenge sa kanyang acting skills.

Dream din niyang makatrabaho sina Judy Ann Santos at John Lloyd Cruz sa isang project.

Well, exciting nga ‘yan, Belle! Sana ma-push ‘yan at matupad din ang wish mong makapagsulat ng sarili mong songs.

---

Photo: Mars Santos

Photo: Mars Santos

Courtesy: Kapuso PR

Courtesy: Kapuso PR

Tagumpay na nairaos ang ginanap na Induction and Recognition Ceremony ng grupong Society of Philippine Entertainment Editors (SPEEd) kahapon, Pebrero 24, sa Bayanihan Center ng Unilab sa Pasig City.

Maagang nagdatingan ang mga panauhin sa pangunguna nina AKTOR Chairman Dingdong Dantes and President Iza Calzado, MOWELFUND Chairperson Boots Anson-Rodrigo and President Rez Cortez, Fire and Ice Entertainment CEO and founder Direk Ice Seguerra and wife Liza Diño-Seguerra.

Sina Dingdong at Iza ang nanguna sa panunumpa ng mga bagong SPEED officers ngayong 2026.

Masaya ang AKTOR chairman na sila ni Iza ang napili ng SPEEd dahil aniya, “Siyempre, we belong to the same industry. Napakasarap makita na kapag ‘yung mga kasama mo sa industriya ay nag-oorganisa at lalung-lalo na pino-formalize ‘yung kanilang samahan kasi talagang makikita mong seryosong-seryoso sila sa development ng mga organizations.

“And AKTOR will always be there to support our colleagues in the industry kaya we’re very grateful na naimbitahan kami dito sa panunumpa ng organisasyong SPEED.”

Bilang chairman ng AKTOR, ibinalita ni Dingdong na marami silang naka-line-up na proyekto para sa pagpapatibay ng welfare and craft ng mga kapwa niya aktor sa industriya at excited daw silang makipag-collaborate sa SPEEd na may ganito ring layunin.

Sa ngayon, nasa more than 300 members na raw ang AKTOR at goal nilang umabot sa 400 by the end of 2027.

Nilinaw din ni Dingdong na non-partisan group ang AKTOR at wala silang kulay-pulitika.

Samantala, sa ginanap na programa, itinalaga bilang pangulo ng SPEEd si Tessa Mauricio-Arriola, Entertainment and Lifestyle Editor ng The Manila Times. 

Kasama niya sa listahan ng mga bagong opisyal sina Maricris Valdez Nicasio (Hataw), VP for Internal Affairs; Gerardine Trillana (Malaya Business Insight), VP for External Affairs; Ervin Santiago (Inquirer Bandera), secretary; Rohn Romulo (People’s Balita), asst.-secretary; Dondon Sermino (Abante TNT at DWAR 1494), treasurer; Anna Pingol (Pika-Pika.com), asst. treasurer; Jerry Olea (PEP.ph), auditor; at sina Nickie Wang (Manila Standard), Janice Navida (Bulgar) at Neil Ramos (Tempo).

Ang iba pang miyembro ng SPEEd ay sina Eugene Asis (People’s Journal), Ian Farinas (People's Tonight) at Salve Asis (Pilipino Star Ngayon at PangMasa), kasama sina Nestor Cuartero (Manila Bulletin at Tempo), Dinah Ventura (Daily Tribune), Nathalie Tomada (Philippine Star), Bobby Requintina (Manila Bulletin), Jun Lalin (Abante) at mga nagretiro nang patnugot na sina Dindo Balares (Balita) at Rito Asilo (Philippine Daily Inquirer).

Bukod sa ginanap na induction ng mga bagong opisyal ng SPEEd, sa unang pagkakataon ay nagbigay din ang grupo ng Recognition Awards sa mga naging katuwang nito sa mga nakaraang taon sa pagsusulong ng mga adbokasiya ng grupo.

Pinarangalan sina Ms. Claire Papa, assistant vice-president at head ng External Affairs and Social Partnerships ng Unilab Inc.; Maria Yolanda "Yoly" Crisanto, chief sustainability at corporate communications officer ng Globe Telecom; Joy Andrade, direktor para sa Corporate Communications sa Newport World Resorts; Angeli Pangilinan-Valenciano, board member ng SoundCheck Inc.; Juancho Robles, presidente at punong ehekutibo ng ChanRobles & Company CPAs; at Rhea “Rei” Anicoche-Tan, presidente at chief executive officer ng Beautéderm.

Big congrats to our group, SPEEd, at maraming salamat sa lahat ng nakiisa sa aming event kahapon kabilang na ang ilang kasamahan sa print media, ABS-CBN Corp. Communications headed by Sir Kane Choa, Mr. Nelson Canlas of GMA-7, Chris Cahilig of Puregold, Sir Wilson Flores of Kamuning Bakery, Ms. Pinky Tobiano and husband Juancho Tobiano, David Young and Newport Resorts World PR team.

Ex-mister, todo-flex daw sa mga luxury cars… ELLEN KAY DEREK: NO SUSTENTO, NO LILI

ni Janiz Navida @Showbiz Special | February 21, 2026

Photo: IG _ramseyderek07 & _maria.elena.adarna

Matapos ang ilang linggo o buwan ding pananahimik, muli na namang nag-iingay ngayon si Ellen Adarna dahil sa isyu ng sustento ng estranged husband na si Derek Ramsay sa anak nilang si Liana o Baby Lili. 

Kung matatandaan, nu’ng mga nakaraang buwan ay isyu ng ‘cheating’ ang ibinabato ni Ellen sa hiniwalayang mister, na idinaan din niya sa mga posts sa social media.

Pansamantalang natigil ang mga hanash niya kay Derek at akala nga ng marami, naayos na nila ang co-parenting kay Baby Lili dahil nakikitang nahihiram na ito ng aktor at naisama pa nga sa bakasyon abroad nu’ng holidays.

Pero ngayon, may bagong pasabog si Ellen laban kay Derek — at ito nga ‘yung October last year pa raw nang huling magpadala ng sustento kay Baby Lili ang aktor.

Sa kanyang latest Instagram Story, pahayag ni Ellen, “Let’s set the record straight. Truth matters. Facts matter. And credit should always be given where it is due.”

Patuloy niyang kuwento, “Last month, I told his assistant, ‘No sustento, no Lili. That simple.’ I am not demanding anything beyond what is fair, but I will not allow a father to live comfortably just cooling his balls while having little to no contribution to his child - because he gets to see her almost everyday.”

Ayon pa kay Ellen, nagbigay lang daw ng sustento si Derek matapos niya itong tawagan two weeks ago.

“Only after I called him out did he give a credit card - two weeks ago - with a P50,000 credit limit. That amount covers only 55.80% of the actual breakdown of Liana’s expenses that I clearly presented.”

Nilinaw din ni Ellen na nu’ng  nakatira pa siya kay Derek, hindi naman daw ito o ang nanay nito ang nagbabayad ng kanyang mga personal staff. Isang yaya lang daw ni Liana ang sinusuwelduhan ni Derek samantalang 5 ang kanilang kasambahay. 

Si Ellen din daw ang nagbabayad ng kanyang mga personal groceries at wala naman daw ibinigay na bahay para sa kanya ang aktor.

May patutsada rin si Ellen sa isang video niya kung saan sinabi niyang todo-flex si Derek ng mga mamahaling sasakyan nito pero hindi nga nagsusustento kay Baby Lili.

Sa ngayon, wala pa kaming nakukuhang sagot mula kay Derek Ramsay sa mga bagong akusasyon sa kanya ni Ellen Adarna, pero bukas ang aming pahina para sa kanyang panig.

---

Stepdad, galit na galit sa mga bakla… 

PANGANAY NI IZZY, UMAMING SINAKAL NI ALVIN

LALONG nanggigil ang mga netizens kay Alvin Aragon na isang linggo nang laman ng social media matapos umamin ang panganay na anak ni Izzy Trazona na si Sofia sa kanyang latest video na ‘sinakal’ siya noon ng kanyang stepdad.

Kung matatandaan, una nang nagsalita ang transgender na anak ni Sexbomb Izzy na si Sofia sa interview sa kanya ni Ogie Diaz sa YouTube Channel nitong Ogie Inspires na sinaktan siya nang pisikal ng kanyang stepdad nu’ng Grade 7 pa lang siya matapos siyang gabihin ng uwi at hindi nakapagpaalam nang maayos.

Hindi tinukoy ni Sofia sa naturang interview kung ano’ng pananakit ang ginawa sa kanya ni Alvin noon, pero sa latest Facebook reel niya na may caption na “To Mr. Aragon”, ani Sofia, "Hindi ko nga sinabi na sinakal mo ‘ko, ‘di ba? Pero ‘yun talaga ‘yung totoong nangyari. I even choked for how many seconds bago mo itinigil ‘yung sakal na ‘yun." 

Muli ngang nagsalita ang anak ni Izzy Trazona dahil aniya, pagod na pagod na siyang protektahan at idepensa ang kanyang ina gayung alam naman niya ang totoong ugali ni Alvin.

Sana raw ay matapos na ang lahat dahil kaliwa’t kanang pamba-bash nga naman ang inaabot ngayon hindi lang ni Alvin Aragon kundi pati ng kanyang inang si Izzy dahil sa mga pinaggagagawa at pinagsasasabi ng mister nito.

Kung tanggap at love na love ng tunay na ama… BADING NA ANAK NI IZZY, UMAMING SINAKTAN NG STEPDAD NA SI ALVIN

ni Janiz Navida @Showbiz Special | February 19, 2026

Photo: Alvin Aragon at Sofia Trazona - FB

Nagpa-interview na sa TV host-manager na si Ogie Diaz thru his Ogie Inspires vlog sa YouTube ang panganay na anak ni Sexbomb Izzy Trazona na si Sofia.

Kung matatandaan, nitong mga huling araw, naging controversial ang isyu sa pagitan ng transwoman na anak ni Izzy na si Sofia at sa mister ng Sexbomb dancer na si Alvin Aragon matapos magpa-interview ang huli at magbitaw ng statement na "God will throw you to hell if you continue to do homosexuality.”

Inamin ni Sofia (dating Andrei) na talagang na-hurt siya sa binitawang pahayag ni Alvin dahil ang feeling daw niya ay masyado naman nitong dine-degrade ang mga members ng LGBTQIA community dahil sa pagiging maka-Diyos nito.

Kung ang Diyos nga raw ay hindi mapanghusga at nagpapatawad, bakit si Alvin at hindi siya tanggap sa kanyang sexual preference.

Although, nilinaw ni Sofia na ang kanyang mom na si Izzy ay tanggap naman siya, hindi pa rin daw sila nagkikita nang may 3 taon na at sabik na sabik na rin siyang makita itong muli.

Hinihintay lang daw niyang ang ina na ang mismong magsabi na umuwi na siya at handa naman daw niyang gawin ito.

Bagama’t ang sinabi ni Sofia na dahilan ng pag-alis niya sa kanilang bahay ay ayaw niyang makitang nahihirapan si Izzy financially sa pagsustento sa mga anak nito (wala bang ambag man lang si Alvin? Just asking…), ramdam naming may kinalaman pa rin ang hindi pagtanggap sa kanya ni Alvin bilang isang trans.

Nabanggit nga kasi ni Sofia na minsan na siyang nasaktan nang pisikal ng asawa ng kanyang ina nang late siyang makauwi ng bahay at hindi nakapagpaalam nang maayos.

Nag-sorry naman daw si Alvin sa nagawa, pero shocked si Sofia dahil first time niyang naranasan ‘yun sa kanyang stepdad, gayung ang kanyang biological dad ay mahal na mahal siya at todo-suporta sa kanyang pagiging trans. In fact, ang tatay pa raw niya ang bumibili ng mga hormonal pills niya para sa kanyang transitioning.

Maging ang kanyang pagiging drag queen ngayon ay suportado ng kanyang biological dad na si Michael Navarro, isang dance coach.

Napansin lang din namin na sa buong interview ni Mama Ogs kay Sofia, never in-address ng panganay ni Izzy na “papa, daddy o tatay” si Alvin at simpleng “Alvin” lang ang itinawag niya rito. Sinabi rin niyang inirerespeto niya ito dahil asawa ito ng kanyang ina, pero kung medyo malayo na ang loob niya rito noon, nadagdagan pa ngayon dahil sa panghuhusga nga nito sa kanya bilang transwoman.

---

After ireklamo ng cyber libel ni Michelle, nag-post sa FB… XIAN GAZA: NAMBUBUGBOG NA, NAGDODROGA AT IMORAL PA 

Xian Gaza

PALABAN talaga at ayaw tumigil ng tinaguriang Pambansang Marites na si Christian Albert Gaza matapos sampahan ng kasong cyber libel ni Michelle Marquez Dee sa tanggapan ng National Bureau of Investigation (NBI).

Sa bagong post ni Xian (palayaw ng social media influencer) sa kanyang Facebook account, nagpatutsada na naman ito sa isang tao na kahit hindi nito pinangalanan, eng-eng na lang talaga ang hindi makakatukoy kung sino ang pinatutungkulan niya ng kanyang mensahe. Diretso, kumakagat at matitindi ang mga sinabi ni Xian na ganito ang nilalaman, “Kapag ‘yung isang tao ay nambubugbog at nangto-torture ng isang ordinaryong mamamayan, gumagamit ng droga, at nakikihalubilo sa mga imoral na gawain kagaya ng pakikipag***tutan sa dalawang magkasintahan, ‘yung mga ganyang klaseng tao ay walang karapatan para maging isang women empowerment advocate. 

“Ayan ay isang malaking kataran**duhan. Mga sikat na personalidad na banal-banalan sa mata ng publiko pero masamang tao in real life. I remember so many people. Wala po akong pinapatamaan o pinaparinggan. Random thoughts lamang.”

Naka-off ang comments section ng naturang post ni Xian, patunay na iniiwasan nitong may mag-comment ng pangalan ng taong tinutukoy niya.

Pero kahit ano pang maging palusot o alibi ni Xian Gaza, malinaw kung sino ang kanyang pinatututsadahan sa kanyang ‘random thoughts’. 

Kaya nga ang hamon namin dito, kung talagang matapang siya sa paglalabas ng mga ganyang pasabog na baho, bakit hindi niya pa pinangalanan at idinaan pa sa blind item?

Kung tama ang nakarating sa aming balita, nasa ibang bansa ngayon si Xian Gaza kaya ganu’n na lang kalakas ang loob sa pagbanat sa iba’t ibang celebrities.

At tama rin ba ang ibinulong sa amin na kaya malakas ang loob niya ay dahil may nagbabayad sa kanya nang milyong halaga para sa bawat celebrity na ibubulgar niya ang baho?

Hmmmm….