‘Di na mukhang Avatar… AWRA, SUMAKSES ANG IPINARETOKENG ILONG, MALA-KENDRA KRAMER NA ANG GANDA

ni Janiz Navida @Showbiz Special | July 20, 2026

Photo: IG _awrabriguela

Dedma ang social media influencer-TV personality na si Awra Briguela sa pamba-bash ng mga netizens sa desisyon niyang magpa-rhinoplasty.

Recently, nag-trending sa social media ang mga pictures ni Awra nu’ng bago ang kanyang rhinoplasty procedure at during the time na nasa recovery stage pa siya.

Hindi na kasi hinintay ni Awra ang pagta-transform niya at kahit namamaga pa ang kanyang ipinaretokeng ilong ay nag-post na siya sa kanyang Instagram account at YouTube channel ng hitsura niya.

Kaya naman, inulan siya ng batikos ng mga memang (may masabi lang) netizens na obyus namang gusto lang siyang asarin. 

May mga tumawag sa kanya na hitsurang “avatar” at kung anu-anong pang-ookray sa kanyang looks.

Pero hindi nga nagpakita ng panghihina ng loob si Awra at itinuluy-tuloy pa rin niya ang pagpo-post ng kanyang bagong hitsura.

Hanggang sa ang latest post niya ay nanggulat na sa lahat dahil ang laki nga naman ng iginanda ni Awra at talagang na-achieve niya ang Latina look na goal niya.

Ang siste, may mga nagko-comment ngayon na mala-Kendra Kramer (anak nina Cheska Garcia at Doug Kramer) na ang awrahan niya, kaya malaking sampal daw ito sa mga nanlalait na mukha siyang Avatar.

Well, for sure ay thankful si Awra kay Lord at sa surgeon niya dahil sumakses ang kanyang operasyon.

Malay natin, baka next time, rarampa na rin si Awra sa mga international fashion show dahil ang taray-taray na ng kanyang bagong gawang ilong! Hahaha!

Anyway, congrats, Awra! Umawra ka na hanggang gusto mo!

---

Love Kryzl, nakipag-showdown kina Jhong at Sarina

NAGING mas espesyal ang pagdiriwang ng ika-10 kaarawan ng child performer at “Little CEO” na si Love Kryzl Jorge matapos makiisa sa kanyang birthday concert ang mag-amang sina Jhong Hilario at Sarina Hilario. 

Sa ginanap na Xtraordinary Kryzl: Born to Shine concert, umani ng hiyawan ang audience nang magsanib-puwersa si Kryzl at ang batang internet sensation na si Sarina sa isang masiglang dance performance. 

Hindi rin nagpahuli si Jhong Hilario na umakyat sa entablado upang samahan ang dalawa, dahilan upang lalo pang maging masaya at puno ng enerhiya ang selebrasyon. 

Bukod sa kanilang pagtatanghal, ipinakita rin ang magandang samahan nina Kryzl at Sarina, na kapwa hinangaan ng mga manonood dahil sa kanilang talento, kumpiyansa at husay sa pagsasayaw sa murang edad. 

Sa milestone birthday concert ni Love Kryzl ay tampok din ang iba pang musical performances at espesyal na panauhin, na nagsilbing selebrasyon hindi lamang ng kanyang ika-10 kaarawan kundi pati ng kanyang lumalaking karera bilang batang performer at inspirasyon sa maraming kabataan. 

---

Akala ng guy, winner na, olats pala! 

AKTRES-BEAUTY QUEEN, SOBRANG LASING SA FIRST DATE NILA NG BUSINESSMAN-POLITICIAN, INIUWI SA BAHAY, NAIHI SA CARPET SA SALA

BLIND ITEM:

MAY nakakatawa pero medyo kadiri ring kuwento tungkol sa isang aktres-beauty queen na mukhang hindi suwerte sa pag-ibig.

Marami nang naging karelasyon sa showbiz at maging sa pulitika ang aktres-beauty queen na ito, pero laging nauuwi sa hiwalayan.

Nagkaroon siya ng BF na aktor na ginawa niyang PA (personal assistant). Nu’ng super in love pa sa kanya ang aktor, kesehodang ito ang magbitbit ng bag at shoes niya ay okay lang. Pero sa huli ay nauntog din ang aktor kaya hiniwalayan siya.

May naging boyfriend naman siyang pulitiko. Medyo tumagal din sila at akala ng lahat ay sa kasalan na ito mauuwi, pero ang ending, balik-single lady si aktres-beauty queen.

Eto ang nakakatawang kuwento ng huling guy na naka-date niya. Gandang-ganda pa naman daw sa aktres-beauty ang businessman-politician sa first date nila. Nag-dinner sila at nag-wine after. Sobrang nalasing si girl kaya itineyk-home na lang ng businessman-politician. 

Pagdating daw sa bahay, nasa sala pa lang ang girl ay nagkalat na! 

Oh, noooo!!! Ay, ohhh, yesss pala! Nagkalat nga ang aktres-beauty queen.

Nope, hindi siya nagsuka sa sobrang kalasingan, naihi lang naman siya sa carpet!

Lokang-loka sa kanya ang businessman-politician dahil ni hindi makapunta sa CR ang aktres-beauty queen at du’n nga inabutan sa sala ng pagwiwi nito!

Hahaha! Akala pa naman ng businessman-politician, winner na siya na nai-take home si girl, ‘yun pala, sakit ng ulo ang ibibigay sa kanya. 

Olats!!!

‘Pa-pogi points’ daw dahil nega sa online gambling… IVANA, NAKIRAMAY SA RIDER NA HINOLDAP AT PINATAY, ANAK DINALAW DIN

ni Janiz Navida @Showbiz Special | July 19, 2026

Photo: IG _ivanaalawi

Na-touched ang maraming mga kababayan natin sa ginawa ni Ivana Alawi na pagdalaw sa burol ng namatay na 46-anyos na motor taxi rider na si Fabio Norberte, Jr. matapos holdapin at saksakin ng ice pick ng pasaherong nagpahatid sa kanya sa Caloocan City nu’ng July 14.

Napakasimple ni Ivana nang dumating sa burol, naka-plain black blouse at pants lang ito at parang wala pang make-up.

Nagdala si Ivana ng ilang boxes ng gatas at diaper para sa 3-year-old na lalaking anak na naulila ng rider. Namatay na rin daw ang nanay ng bata kaya ang lola na lang ang nag-aalaga rito. 

Wala pa kaming natanggap na info kung nagbigay din ng cash ayuda si Ivana, pero knowing her, sa sitwasyon ngayon ng naulilang bagets, eh, kusang-loob siyang magbibigay sa taba ng kanyang puso.

Ang ikinatutuwa at ikinapupuri ng mga netizens kay Ivana sa nag-viral na photos niya sa naturang burol ay naglalaan talaga ito ng oras para iparamdam ang kanyang pakikiramay at pagtulong sa mga kababayan nating may pinagdaraanan.

Sa kabila ng busy schedule ni Ivana, personal pa rin itong nagpupunta sa mga taong gusto niyang tulungan. Hindi raw lahat ng artista ay tulad niya. ‘Yung iba, makakaalala lang kapag panahon ng eleksiyon o ‘yung iba naman, kundi magpo-promote ng pelikula o TV show, eh, gagamiting content sa vlog.

In fairness kay Ivana, kahit naman nu’ng pandemic, consistent talaga siya sa pagtulong. Kaya sa mga nag-iisip na “pampapogi” lang niya ito ngayong naba-bash siya dahil sa kanyang iPhone giveaway promo na para raw sa ine-endorse niyang online gambling, eh, inggit-pikit na lang kayo. 

---

3 lang daw ang kuwarto sa condo…

MIKA, IKAMAMATAY DAW ANG P39K NA BILL SA KURYENTE

NALOKA at talagang ikina-shocked ni Mika Salamanca ang kanyang latest Meralco bill na umabot sa P39 thousand!

Sa kanyang latest Instagram reel, habang nasa loob ng kanyang van at bumibiyahe ay may pa-“kuryente bill reveal” ang Pinoy Big Brother Celebrity Collab Edition Big Winner at siya mismo ay na-shocked nang makitang umabot nga sa ganu’n kalaki ang kanyang babayaran ngayong buwan.

Ang sentimyento ni Mika, lagi raw siyang wala sa bahay dahil busy sa kanyang showbiz career at tatlo lang naman daw ang rooms sa condo niya, may isang TV, isang electric fan at bihira ring gamitin ang oven.

Well, hindi naman nag-iisa si Mika sa pambubulabog sa Meralco dahil sa sobrang taas nga ng singil sa kuryente.

Kaya nang sabihin ni Mika na ikamamatay niya ang pagbabayad ng ganito kataas na bill sa kuryente, eh, tiyak na relate much ang marami sa kanya, lalo na si Barbie Imperial na ganito rin ang reaksiyon nang makita ang Meralco bill niya.

---

FINALLY ay engaged na ang sexy actress na si Yassi Pressman sa kanyang longtime boyfriend na si Camarines Sur 2nd District Representative Luigi Villafuerte.

Kagabi, July 18, ay nag-post si Yassi sa kanyang Instagram account ng ilang photos at short videos ng naganap na marriage proposal sa kanya ni Cong. Luigi.

Naganap ang proposal sa tila isang farm kung saan may naka-setup na parang catering table sa kanilang background.

Sa video post ni Yassi, makikitang umiiyak siya at nagsabing “Guess what?” kasunod ang pagpapakita ng kanyang engagement ring, habang nakatayo naman sa likuran niya si Cong. Luigi. 

February, 2024 nang ma-hard launch ang relasyon nina Yassi at Cong. Luigi nang mag-share sila ng video habang sila’y naghahalikan.

After that, mas madalas nang makitang nasa CamSur si Yassi na hitsurang First Lady na ang datingan dahil laging kasama sa mga public events ng kongresista.

May mga naniniwala ring nagli-live-in na sila dahil nga laging nandu’n si Yassi at kasamas ang boyfriend.

Marami namang mga showbiz friends ni Yassi ang bumati sa kanyang engagement kabilang na sina Karen Davila, Jericho Rosales, Nadine Samonte, Yam Concepcion, Kim Atienza, Jessy Mendiola, Jugs Jugueta, Charlie Dizon among others.

Congratulations, Yassi and Cong. Luigi!!!

Nagpakatotoo lang… MAJA, UMAMIN KUNG BAKIT ‘DI SILA PUWEDENG MAGSAMA NI KATHRYN SA TENT

ni Janiz Navida @Showbiz Special | July 18, 2026

Photo: IG _maja

Balik-Kapamilya si Maja Salvador sa seryeng Someone, Someday na pagtatambalan for the first time nina Kathryn Bernardo at James Reid.

Sa ginanap na solo mediacon for Maja kagabi sa 14th Floor ng ELJ Bldg. ng ABS-CBN, kitang-kita sa awra ni Maja ang saya na balik-serye siya sa ABS-CBN kung saan hindi naman actually villain ang kanyang role, pero napakaimportante sa kuwento ng Someone, Someday para mas mabigyang-buhay ang karakter nina Kathryn (as Billy) at James (as Jordan).

Hindi ito ang first time na makakatrabaho ni Maja si Kathryn. 

After ng solo mediacon ni Maja, ipinakuwento namin sa kanya kung paano nag-start ang friendship nila ni Kath at kung bakit “Ate” ang tawag nito sa kanya.

Kuwento ni Maja, “Matagal na! Mga bagets pa kami. May mga shows pa kaming ginawa abroad. And siya ‘yung young Bea Alonzo sa It Might Be You. So, imagine mo, It Might Be You, 2003 pa.”

When asked kung du’n ba nag-start na maging close sila, sagot ni Maja, “Hindi naman close pero I mean du’n kami unang nagkatrabaho. Tapos, tuwing nagkikita kami rito sa ABS, ‘yun, parang nandiyan lang ako lagi bilang ate niya, hanggang sa lumalim na nang lumalim ang friendship.”

Na-curious kami sa history ng friendship nila dahil nabanggit at naitanong ng host ng mediacon kagabi na si TV Patrol reporter MJ Felipe kung true raw bang hindi sila magkasama ni Kathryn sa tent.

Paliwanag dito ni Maja, “Oo, kasi nga ‘pag magkasama kami sa tent, wala po tayong matatapos na eksena dahil bilang mag-ate sa totoong buhay, ‘di kami natatapos magkuwentuhan.”

Ang hirap daw ng mga eksena nila sa Someone, Someday na intense ang confrontation. So, kung super chikahan sila tapos biglang in character ‘pag sumalang sa mga eksena, mahirap nga naman ang adjustment.

“So, umpisa pa lang, pagdating pa lang sa location, separate na kaagad ‘yun,” chika pa ni Maja.

Tinanong din ni MJ kung sina Kathryn at James ba ay magkasama sa tent dahil best of friends ang role ng dalawa.

“Hindi, nagkakahiyaan,” diretsong sagot ni Maja bilang pambubuking sa first time pa lang na nagsama sa serye na sina James at Kathryn.

Well, base pa lang sa trailer ng Someone, Someday, marami na ang nag-aabang sa advance airing nito sa Netflix on July 24 at sa iWant on July 25.

Sa July 27 at 8:45 PM naman ito magsisimulang mapanood sa ALLTV2, TV5, A2Z, Kapamilya Channel, and Kapamilya Online Live (KOL) on Facebook and YouTube. It will also be available on TFC. 

---

Wow na wow! Aray ko!!! 

EX-NOONTIME SHOW DANCER NA KABIT NG PULITIKO, SINAMPAL NG ORIG AT MGA ANAK SA BAR, NAGDEMANDA

BLIND ITEM:

KABIT-kerida-kulasisi-escabetche, mistress, other woman, No. 2 (nasabi na ba namin lahat? Chos!) pala ng isang politician-businessman-philanthropist ang dating dancer ng isang noontime show.

Ang girl na ito ang dahilan kung bakit iniwan ng lalaki ang kanyang misis at mga anak na malalaki na ngayon.

In fairness, matagal na rin ang relasyon ni Mr. Politician-Businessman (MPB) sa dating dancer at in fact, may 2 na silang anak.

Siyempre, alam ito ng original wife, kaya nga sila naghiwalay ni MPB dahil iniwan sila para kay Ms. Kabitsina.

One time, biglang nagkita sa isang Japanese resto sa Greenbelt ang orig wife at si Ms. Kabitsina. Hindi nakapagpigil si orig na kasama pa naman that time ang kanyang mga anak at sinampal ang sumira sa masayang relasyon nila ni MPB.

Ang ending, si Ms. Kabitsina pa ang nagdemanda kay orig na misis, pero hindi niya isinama sa demanda ang mga anak dito ni MPB kahit pa sinaktan din siya ng mga ito.

Jusko! Para sigurong nanonood ng eksena sa teleserye ang mga nasa Japanese resto na nakasaksi ng pangyayari.

Oh, well, kung may nakapag-video man sa pasabog nilang drama sa Japanese resto, eh, abangan na lang natin kung lalabas. ‘Yun ay kung hindi matatakot kay Mr. Politician-Businessman ang maglalabas ng video footage. Hahaha!

Ang masasabi ko lang is… Eh, di wow!!! Aray ko! Ang sakit yatang masampal, ‘no!