Palawan Cong. Hagedorn, pumanaw na

ni Jeff Tumbado @News | October 4, 2023

Pumanaw na si Palawan Congressman Edward Hagedorn sa edad na 76.

Base sa anunsyo sa social media ng pamilya, pumanaw si Hagedorn kahapon ng umaga.

“Cong. Ed’s life speaks volumes, particularly in his role as a champion for the environment, tourism, agriculture, and peace and order. His efforts created inclusive spaces for the community and inspired a collective desire for change. It’s hard not to be infected by his energy and laughter, which he freely shares with everyone he encounters,” pahayag ng pamilya Hagedorn.

Hindi naman binanggit sa naturang post ang dahilan ng pagpanaw ng kongresista.

Matatandaang bukod sa pagiging House member ni Hagedorn sa 19th Congress sa unang pagkakataon, naging vice chairman siya sa iba’t ibang komite ng Kamara, kabilang na umano ang Committee on the West Philippine Sea (WPS).

Naging alkalde naman siya ng Puerto Princesa sa Palawan mula Hunyo 30, 1992 hanggang Hunyo 30, 2001; at mula Nobyembre 12, 2002 hanggang Hunyo 30, 2013.

San Juan City: Kaagapay ng TODA sa pamamagitan ng DSWD Assistance Program

ni Jeff Tumbado @News | October 4, 2023

Si San Juan Mayor Francis Zamora habang kausap ang ilan sa 1,500 miyembro ng Tricycle Operators and Drivers Association of San Juan City, matapos na pangunahan nito ang pamimigay ng monetary assistance sa kanila sa ilalim ng Assistance to Individuals in Crisis Situation program ng Department of Social Welfare and Development (DSWD).

Pulong Balitaan: Pagtutulungan para sa mga mangingisda sa WPS

ni Jeff Tumbado @News | October 3, 2023

Pinangunahan ni Senate minority member Risa Hontiveros ang pulong balitaan kasama ang cause-oriented group na “Atin Ito!” kaugnay sa ikinakasang donation drive sa nalalapit na Pasko para ipamahagi sa mga mangingisdang labis na apektado ng pagtataboy ng China sa bahagi ng West Philippine Sea (WPS).