450 preso, inilipat na sa Iwahig Prison

ni Gina Pleñago @News | October 1, 2023

Inilipat na ang nasa 450 persons deprived of liberties ng Bureau of Corrections mula New Bilibid Prison at Correctional Institution for Women sa Iwahig Prison and Penal Farm sa Puerto Princesa, Palawan kahapon.

Kabilang sa paglipat ang 396 PDL mula sa medium security compound ng NBP, apat mula sa maximum security compound, at 50 mula sa Correctional Institution for Women sa Mandaluyong City.

Ayon kay BuCor Director General Gregorio P. Catapang, Jr., alinsunod ito sa planong isara ang NBP at CIW sa 2028 at gawing isang commercial development na pinangalanang BuCor Global City at isang government center.

Motorcycle Riding Academy, bukas na — MMDA

ni Gina Pleñago @News | September 28, 2023

Bukas na ang Motorcycle Riding Academy ng Metropolitan Manila Development Authority (MMDA) sa nais matutong magmotorsiklo.

Pinangunahan ni MMDA acting chairman Atty. Don Artes ang inagurasyon ng nasabing pasilidad kahapon.

Dinaluhan nina GSIS President Atty. Wick Veloso, Pasig City Mayor Vico Sotto, San Juan City Mayor Francis Zamora, Batangas Vice Governor Mark Leviste, at iba pang stakeholders ang inagurasyon.

Layon ng Motorcycle Riding Academy na bawasan ang mga motorcycle-related accident sa pamamagitan ng pagbibigay ng theoretical at practical courses sa pagmomotorsiklo.

Maaaring mag-enroll ang mga rider na baguhan o nagmamaneho na pero gustong malaman ang pangunahing kaalaman sa pagpapatakbo ng motorsiklo na nakatuon sa safety riding.

Ipinahayag naman sa isang mensahe ni Vice President at concurrent Department of Education Secretary Sara Duterte ang kanyang suporta sa MMDA Motorcycle Riding Academy.

Makati at Taguig, banggaan naman sa health facilities sa 10 EMBO

ni Gina Pleñago @News | September 26, 2023

Matapos ang ilang linggong pagsasalin ng hurisdiksyon ng mga health facilities sa 10 EMBO barangays na isinasagawa ng Department of Health (DOH) at ng kasunduang iayos ang petsa ng pag-transfer sa Oktubre 1, 2023 ay muli umanong sinimulan ng

Makati City ang pagpapakalat ng maling impormasyon.

Namahagi umano ang Makati ng isang press release na may pamagat na “Taguig’s ‘unreasonable’ rejection of Makati proposals impedes smooth transfer of city-owned health facilities, services – City Administrator”.

Pumalag ang Taguig LGU at sinabing ito ay nakakahiyang mga paglabag ng kasunduan sa DOH para sa Makati at Taguig na hindi dapat pinag-uusapan ang pagmamay-ari sa lupa at mga gusali habang nagpapatuloy ang pagtalakay sa transition upang hindi madiskaril ang pangunahing pakay ng isang maayos na pagsasalin ng hurisdiksyon mula sa Makati patungong Taguig.

Kung sinsero umano ang Makati ay tinanggihan na nito ang apela ng DOH na isantabi ang isyu sa ownership ngayong panahon ng transition.

Kaugnay naman sa Ospital ng Makati, binigyang diin sa press release nito na hindi kailanman tinanggihan ni City Mayor Lani Cayetano ang anumang mungkahi mula sa

Makati ngunit naipagpaliban lamang ito nang sabihin ni Health Secretary Teodoro Herbosa, na ang DOH Regional Director ang mangunguna sa alinmang talakayan

patungkol sa OsMak.

Bilang paglilinaw, sinabi ng Taguig na siya ang may nakakataas na legal na pag-aangkin sa pagmamay-ari ng lupa at mga pagbabago rito dahil ang Makati ay walang titulo sa mga lote at hindi ipinakita sa publiko ang mga titulo na sumuporta sa kanyang inaangkin.