Misis nakaaway, nag-suicide.. Mister sabog sa granada, 4 katoma damay

ni Gina Pleñago | February 13, 2023

Dedbol ang 35-anyos na electrician na hinihinalang nagpasabog ng granada kung saan nadamay ang kanyang mga kainuman, kamakalawa ng gabi sa Makati City.

Hindi na umabot ng buhay sa Ospital ng Makati (OSMAK) si John Al Javier, ng Bgy. Pembo. Ginagamot naman ang apat pang biktima.

Batay sa pahayag ng isang saksi, bago ang pagsabog, alas-3 ng hapon ay kasama siya ni Javier sa loob ng bahay nito kung saan, nakaaway umano ng una ang kanyang misis.

Nagsimula ang inuman ng dalawa alas-4:30 ng hapon at nakita ng saksi na may kinuhang granada si Javier mula sa loob ng isang speaker at itinago sa kanyang katawan.

Alas-7:30 ng gabi, sinabihan ni Javier ang saksi na tawagin ang tatlo pang kaibigan. Nang dumating ang mga ito, nakainuman din nila, at habang nag-iihaw ng isda ang saksi, kinausap siya ni Javier habang hawak ang granada. Tinanong umano siya nito kung sasama siya sa pagpapakamatay o may papatayin lang siya, dahilan upang magpasya na lamang na umuwi ng bahay ang saksi para maghapunan.

Nang paalis na patungo sa bahay ang saksi sinundan pa siya ni Javier at pinipilit na sumama siya sa plano, pero hindi siya pumayag at pumasok na ng bahay. Hanggang sa marinig na ang pagsabog kung saan nasawi si Javier habang apat na iba pa ang sugatan.

Patuloy na iniimbestigahan ni P/Master Sergeant John Robert Baligod ang insidente.

Grade 12, bumulusok mula 6th flr. ng San Beda, patay

ni Gina Pleñago | February 10, 2023

Palaispan sa pulisya kung tumalon o nahulog mula sa ika-6 na palapag ng isang eskuwelahan ang 17-anyos na estudyante sa San Beda College sa Bgy. Alabang, Muntinlupa City, kahapon.

Ang nasabing biktima ay lalaking Grade 12 student ng San Beda College, residente sa Parañaque City.

Batay sa inisyal na ulat ni P/Chief Master Sergeant Mark Sherwin Forastero, alas-12:05 ng tanghali nang bumagsak mula 6th floor ng Lady of Monserat Building ang biktima.

Batay sa pahayag ng saksi na si alyas ‘Jas’, canteen concessionaire ng kolehiyo, ipinarada niya ang kanilang sasakyan sa harapan ng nasabing gusali nang biglang bumagsak ang biktima.

Agad niyang ini-report ang insidente at isa sa rumesponde ang school nurse na si Airon Joris Aman, na nagbigay ng first aid bago dali-daling isinugod sa Asian Medical Hospital ang estudyante subalit idineklarang patay, ala-1:16 ng hapon.

Kabilang din sa rumesponde ang mga tauhan ng Sucat Police sub-station office.

Korean at Pinay, arestado sa P1.7M shabu

ni Gina Pleñago | February 8, 2023

Nasabat ng mga awtoridad ang higit 255 gramo ng umano’y shabu na nagkakahalaga ng P1,734,000 na nakalagay sa isang parcel o package na antique French telephone na naharang ng pulisya sa isang Korean national at kasama nitong Pinay sa isinagawang controlled delivery operation sa Makati City.

Kinilala ng pulisya ang mga nahuli na sina Angeline Claire Nacua, 25, ng Makati City at Choi Sol, 38, Korean national, ng Taguig City.

Nagkasa ng controlled delivery operation ang mga operatiba ng Ninoy Aquino International Airport-Inter Agency Drug Interdiction Task Group (NAIA-IADITG), Philippine Drug Enforcement Agency National Capital Region-Southern District Office (PDEA NCR-SDO) at Makati City Police Sub-Station 6 sa Makati alas-5:30 ng hapon.

Nakuha bilang ebidensiya ang parcel na idineklarang antique French phone na naglalaman ng nasabing shabu na padala ng isang Bleu Griotte na may address na Marceau Leandres 17 Grande Rue 69110 Ste Foy Les Lyon, France kung saan

nakapangalan na consignee ang isang Angeline Claire Nacua.

Nakumpiska rin ang isang blue clipboard, parcel receipt, kopya ng invoice, dalawang IDs, tatlong cellularphones at apat na master cards. (Gina Pleñago)