NCAA virtual games muna ang aabangan ng fans

ni Gerard Peter - @Sports | June 16, 2021

Patuloy na susundin ng National Collegiate Athletics Association (NCAA) at season 96 host na Colegio de San Juan de Letran Knights ang kautusan ng Inter Agency Task Force on Emerging Infectious Disease (IATF-EID), na base rin sa Joint Administrative Order (JAO), na patuloy na ipinagbabawal ang contact sports sa kanilang programa.

Hindi pa rin pinapayagan ang pagsasagawa ng mga paboritong laro na basketball at volleyball sa bagong season, bagkus ay gaganapin ang mga online sport games gaya ng taekwondo at chess, alinsunod sa ipinapatupad na health at safety protocols ng IATF at Department of Health.

“Contact sports are not allowed and played this season, and we’re hoping that the public understands the situation, which they are expecting the usual things or games we’ve been doing before,” wika ni NCAA Management Committee chairman Fr. Vic Calvo Jr. “So, I guess people will stop speculating about it. We have to adjust.”

Nitong nagdaang Linggo ay nagbukas ang bagong season ng NCAA na wala ang tradisyunal na mga laro ng basketball dahil sa mga pagbabawal dulot pandemic, habang inaasahan na ring wala ang mga larong volleyball sa second semester.

Ang tanging mga programang nilalaro ay ang virtual taekwondo competitions na nagsimula na nitong Lunes, Hunyo 14, kabilang ang poomsae events mula sa men’s, women at juniors’ division hanggang bukas, Hunyo 17.

Ilulunsad ang speed kicking competitions sa parehong tatlong kategorya na nakatakdang simulan sa Biyernes, Hunyo 18 hanggang Hulyo 5 para sa virtual meet. Mas pinili ng host na Letran, na magdiriwang ng kanilang ika-400th na sentenaryo, na patuloy na umahon kesa sa sumuko kahit na may nararanasang krisis at matinding laban kontra Covid-19 ang buong mundo at Pilipinas.

Kasalukuyang inilagay sa maluwag ng bahagya na General Community Quarantine (GCQ) ang National Capital Region (NCR) at Bulacan, habang nanatili sa mas mahigpit na GCQ ang Cavite, Laguna at Rizal Provinces.

Pinoy Execration, Kampeon sa Mobile Legends SEA Cup

ni Gerard Peter - @Sports | June 15, 2021

Hindi pala pang-Pilipinas na korona ang nais makamit ng koponang Execration, kundi ang maging kampeon sa pandaigdigang kompetisyon.

Nakapaghiganti ang Execration laban sa Blacklist International sa Mobile Legends Southeast Asia Cup grand finals, 4-1, nitong Linggo, para sa kauna-unahang major title nito matapos ang nakapanlulumong pagkatalo sa ML:BB Professional League Season 7 noong isang buwan.

Isinelyo ng grupo nina Renz “Renzio” Errol Cadua (Experience lane), Patrick “E2MAX” James Caidic (Support), Kiel “Kielvj” VJ Hernandez (mid lane), Joshua “Ch4knu” Mangilog (tanker), Grant “Kelra" Duane Pillas (gold laner/core), at Billy” Z4pnu" Jazha Alfonso (6th man/Any role), ang best-of-seven championship title.

Paborito ang Blacklist na mapanalunan ang naturang kompetisyon na nanatiling walang talo sa MSC na nagawa ring talunin ang Execration sa unang laro.

Itinanghal na most valuable player ng MSC si “Kelra” Pillas kasunod ng mahusay na pagpapamalas ng 15 kills at 5 assists at 2 deaths habang gamit ang character na si Chang’e para pangunahan ang Execration sa series clinching na Game 5.

Hindi umubra ang mahigpit na depensa ng grupo ng Blacklist ng pabagsakin ni Kelra ang mga gamit nina Danerie James "Wise" del Rosario na Granger at Edward "Edward" Dapadap na Paquito upang mas ilapit sa tagumpay ang kanyang koponan. Dito naman nakakuha ng pagkakataon sina Kelra at Kielvj para wasakin ang base ng kalaban sa loob ng 15 minuto upang maipaghiganti ang 3-4 na pagkatalo sa MPL Philippines season 7.“I think the key to victory against Blacklist is [to] copy their strategy because it’s so strong against assassin metas and that’s why we banned the Aldous and give them the marksman and fight them with our assassin. We combine their [strategy] with their gameplay and I think that’s how we win against them,” E2MAX Caidic sa post-match press conference, na inamin nitong pinag-aralan na nila ang istratehiya ng Blacklist sa playoffs pa lamang.

Gilas vs. SoKor, poporma sa FIBA Asia Cup qualifiers

ni Gerard Peter - @Sports | June 15, 2021

Magkakahiwalay na hiyawan at pagbati ang sumalubong sa pagbaba ng service bus ni teenage basketball phenom Kai Sotto sa pagdating ng Gilas Pilipinas sa Quest Hotel, senyales ng posibleng paglalaro nito – ngunit tila walang kasiguruhan kung tunay na masisilayan ito sa loob ng court sa pagsabak ng koponan sa FIBA Asia Cup 2021 sa Angeles University Foundation Gymnasium sa Pampanga.

“We're hoping that he'll be able to play with the rest of the team. He is still evaluated in terms of match fitness, based on my discussion with coach Tab Baldwin,” pahayag ni SBP Assistant to the President na si Ryan Gregorio, linggo ng hapon sa ginanap na virtual press conference. “We want to make sure that we are not compromising his health. He has not done a lot basketball in the last few days and we want to immerse him slowly. We want to make sure knows the defensive scheme of things. Our concepts on offense and our strategies and our scouting and all. Of course, on the top of it is building chemistry,” dagdag ng dating 3-time PBA champion coach.

Sasalang ang 12-man national team sa Miyerkules laban sa mahigpit na karibal na South Korean team bandang 6 p.m. kasunod ng tapatan ng China at Japan sa unang laro sa 2:30 ng hapon. Bukod kay Sotto, kung saka-sakali, pagpipilian pa kina newly naturalized at dating Ateneo Blue Eagles center Ange Kouame, Dwight Ramos, Justine Baltazar, Javi Gomez de Liano, Isaac Go, Mike Nieto, Jordan Heading, William Navarro, Jaydee Tungcab, Carl Tamayo, Lebron Lopez, RJ Abarrientos, SJ Belangel at Geo Chiu ang maglalaro laban sa Korean team na ibabandera naman ni naturalized Ra Gun-Ah (Ricardo Ratcliffe).

Makakatapat ng Gilas ang mas pinalakas na Indonesia team sa pangunguna ni dating PBA import Lester Prosper, sa Biyernes, Hunyo 18 sa 6pm at muli laban sa Korea sa Linggo, Hunyo 20 sa ala-3:00 ng hapon.