Pang-11 korona sa CCS o first All-Filipino title sa Angels?

ni Gerard Arce @Sports News | Apr. 12, 2025

Photo File: Creamline vs Petro Gazz - PVL

Mga laro ngayon (Philsports Arena)

Game 3: Best-of-three, Battle for Third

2:30 n.h. – Akari vs Choco Mucho

Game 3: Best of three Finals: Winner-take-all

7:00 n.g. – Creamline vs Petro Gazz 

Isang laro na lang ang kailangan ng parehong defending champions Creamline Cool Smashers at mahigpit na karibal na Petro Gazz Angels upang matuldukan ang anim na buwang hatawan sa Game 3 na winner-take-all championship series, maging ang grudge match para sa bronze medal ng Choco Mucho Flying Titans at Akari Chargers sa 2024-25 Premier Volleyball League (PVL) All-Filipino Conference sa Philsports Arena. 

Tatapusin ng CCS at Angels ang matinding sigalot na kapwa na umabot sa 5th set sa Game 1 at Game 2 sa main game, habang mas maagang bakbakan para sa 3rd place ang Flying Titans at Power Chargers. 

Hahanapin ng CCS ang ika-11 korona sa komperensiya, habang asam ng Angels ang kauna-unahang titulo sa AFC matapos makubra ang dalawang korona sa Reinforced Conference.

Hindi na bago para sa CCS ang tagpo na nakuha ang kauna-unahang makasaysayang Grand Slam season noong isang taon. “Siguro lesson din talaga sa amin ‘yung fifth set noong nakaraan. Kasi pinush namin eh na hanggang fifth set pero hindi namin nakuha,” pahayag ni Pons. 

Hawak ng CCS ang malalim na karanasan sa ilalim ni coach Sherwin Meneses. Hindi nagawang magpatinag ng team sa mga nakukuhang pagkakamali, laban sa delikadong Angels, higit na kay dating MVP Brooke Van Sickle. “Kapag nagkakamali kami, let go agad at focus kami sa next na gagawin namin. So sobrang nakatulong din sa team,” saad ng dating FEU Lady Tamaraws star at 2-time SEA Games bronze medalist.

Hindi naman patitinag ang Angels na dalawang beses tinatalo ang CCS ngayong season sa pangunguna ni Fil-Am Van Sickle katuwang sina 2-time Best Middle Blocker Mar Jan Phillips, 2-time league MVP Myla “Bagyong” Pablo, Jonah Sabete, playmakers Chie Saet at Djanel Cheng.

Tagaytay City house and lot kina Yulo, Petecio at Villegas

ni VA @Sports News | Mar. 24, 2025

Photo File: Nasa harapan ng bagong bahay ni double gold medalist Carlos Yulo sina Philippine Olympic Committee (POC) president Abraham “Bambol” Tolentino, Nesthy Petecio, Aira Villegas at Fr. Eugenio Lopez bilang birthday gift sa kanya ng POC. (pocpix)

May property na sa Tagaytay City sina Paris Olympics double gold medalist gymnast Carlos Yulo maging si bronze medalist Aira Villegas.

Gayundin si Nesthy Petecio na bronze medalist boxer din sa Paris ay may ikalawang bahay sa siyudad na pinangasiwaan ni Philippine Olympic Committee (POC) president Abraham “Bambol” Tolentino. 

“They deserve these homes, they’re not only our Olympic heroes, all of them are national treasures,” ani Tolentino, kung saan ibinigay niya kahapon ang susi sa tatlong Olympic medalists sa Prime Peak Town House subdivision sa Barangay Silang Crossing West.

Napagkalooban si Yulo, ang double gold medalist sa men’s floor exercise at vault sa Paris ng two-storey home na may sukat na 500-square meter habang  kapitbahay niya si Villegas sa siyudad kung saan itinatayo rin ang unang  indoor at wood UCI-standard velodrome.

Ang house-and-lot ayon kay POC secretary-general Atty. Wharton Chan ay may halagang P15 million na belated birthday gift  din ng POC para kay Yulo noong  Peb. 16.

Ang bagong two-storey home ni Villegas ay may sukat na 200-meter pareho rin kay Petecio tulad din ng ipinagkaloob kina  medalists Hidilyn Diaz Naranjo, Carlo Paalam at Eumir Felix Marcial sa Barangay San Jose nang maka-silver sa Tokyo 2020 Games. “I’m very grateful and feeling blessed to receive this house-and-lot and I’m on thankful how the POC helped us in our Olympic preparations in Paris,” ani Yulo sa reporters sa kanilang house blessing ni Fr. Eugenio Lopez. 

“This is what we've been doing since I became POC president—to keep the athletes inspired to win more medals for our country,” ani Tolentino.  

Gagawing bakasyunan ni Villegas ang Tagaytay City kapag wala sa training sa Baguio City habang si Petecio ay maninirahan na rito.

CCS at Angels sasabak sa AVC Women's Champions League

ni Gerard Arce / VA @Sports News | Mar. 4, 2025

Photo File: Creamline Cool Smashers at Petro Gazz Angels - PVL

Nakatakdang katawanin ng koponan ng Creamline Cool Smashers at ng  Petro Gazz Angels ang Pilipinas sa darating na  Asian Volleyball Confederation (AVC) Women's Champions League.

Ito ang inanunsiyo ni Philippine National Volleyball Federation (PNVF) vice president at Premier Volleyball League (PVL) president Ricky Palou. Dapat sana ay ang tatanghaling  PVL 2024-25 All-Filipino Conference champion ang magiging kinatawan ng bansa sa torneo. Subalit dahil sa kanyang schedule nito ay hindi na kakayañing mahintay pa ang pagtatapos nito dahil sa  Marso 12  na ang AVC draw.

Kaya naman nagdesisyon silang ang kasalukuyang nangungunang dalawang koponan na lamang sa preliminaries ang lalahok. "No more, because the AVC called us and said they need the teams right away. There's still a drawing of lots on March 12 so we cannot wait until the end of the tournament. We talked to the teams and we said after the (preliminary) round, the top two will represent the Philippines and that's Creamline and Petro Gazz," paliwanag ni Palou.

Bilang  host, may pagkakataon ang Pilipinas na magkaroon ng dalawang koponan at tig-3 imports gaya ng iba pang mga bansang kalahok.

"Yes, (they accepted). We don't know what their plans are because they are entitled to three imports. But we don't know if they will get three imports, although Petro Gazz have (MJ) Phillips and Brooke (Van Sickle) they are considered as imports because they belong to the US federation, so they can still get one more. I don't know what the plans of Creamline are as of this time," wika pa ni Palou.

Ang AVC tournament ay nakatakdang ganapin sa Abril 20-27 sa PhilSports Arena sa Pasig City.