Angels, Cool Smashers at HSH mga swak na sa AVC Q'finals

ni Gerard Arce @Sports News | Apr. 23, 2025

Photo: Nagpakawala ng malupit na atake si PLDT High Speed Hitters spiker Savi Davison upang hindi mapigilan sa depensa ng katunggaling si Anyse Mar Lee ng Nakhon Ratchasima Thailand sa kasagsagan ng kanilang laro sa AVC Women's Volleyball Champions League kahapon sa PhilSports Arena. (Reymundo Nillama)

Kapwa masisilayan sa quarterfinal round ang Petro Gazz Angels, Creamline Cool Smashers at PLDT High Speed Hitters na sasabak sa magkahiwalay na laban sa 2025 AVC Women’s Champions League sa Philsports Arena sa Pasig City sa Huwebes at Biyernes. 

Nagtapos ang preliminary game ng Cool Smashers nitong Lunes ng gabi sa Pool A laban sa Zhetysu ng Kazakhstan sa straight sets na 16-25, 17-25, 17-25, subalit nakapasok ang Creamline sa quarters matapos talunin ng Kazakhs squad ang Jordanian team kahapon sa bisa ng 25-10, 25-15, 25-11. 

Sa kabilang banda, kinapos namang makapagtala ng reverse sweep ang PLDT laban sa Nakhon Ratchasima sa pamamagitan ng 26-24, 25-20, 20-25,20-25,15-9, kahapon. 

Ang buong akalang mabilis magtatapos ang laro kasunod ng 2-0 bentahe ng Thai spikers, nabuhayan ng husto ang High Speed Hitters sa third at fourth set sa bisa ng mga atake nina Savi Davison, Wilma Salas at Dell Palomata upang dalhin sa deciding set ang laro.

Nagawa pang makadikit ng PLDT sa 8-8 iskor sa fifth set subalit nagsunod-sunod ang errors at atake ng Nakhon Ratchasima upang makuha nito ang top spot para sunod na kalabanin ang No.2 seed na Creamline, habang makakatapat naman ng PLDT ang Pool A top ranked Zhetysu VC sa susunod na round.

Nakapasok din ng quarterfinals ang Petro Gazz Angels nang tilarin sa tatlong straight sets ang Hip Hing ng Hong Kong kagabi, 25-8, 25-12 at 25-12 sa bisa ng 17 points ni Giovina Day.  

Swak na rin sa QF ang VTV Binh Duen Long An ng Vietnam vs. Iran na nagresulta sa 22-25, 25-15, 25-20, 25-15 upang makuha ang second spot sa Pool C. Sunod na makakatapat nito ang top ranked ng Pool B na Kaohsiung Taipower ng Chinese-Taipei sa knockout round ng torneong suportado ng federation partners.

AVC: Angels at CCS kinapos sa Taipower at Kazakhstan

ni Gerard Arce @Sports News | Apr. 22, 2025

Photo: Babawi na lamang ang team ni Alyssa Valdez sa AVC Cup nang talunin ng Kazakhstan. (Reymundo Nillama)

Mga Laro Ngayong Martes (Philsports)

10 a.m. – Saipa Tehran vs VTV Binh Dien Long An

1 p.m. – Al Naser Club vs Zhetysu VC

4 p.m. – PLDT vs Nakhon Ratchasima 7 p.m. – Hip Hing vs PetroGazz

Mahigit isang linggo matapos mapagwagian ng Petro Gazz Angels ang kauna-unahang All-Filipino title sa Premier Volleyball League (PVL) tila hindi kasing-taas ng hinahangad na paglipad ang nakamit matapos na isubsob sa four-set loss ng Kaohsiung Taipower mula Chinese-Taipei sa iskor na 25-15, 25-16, 19-25, 25-20 sa kanilang pambungad na laro sa 2025 AVC Women’s Champions League, kagabi sa Philsports Arena.

Kinapos din ang Creamline Cool Smashers sa sumunod na laro laban sa Zhetysu ng Kazakhstan sa tatlong sunod na sets, 25-16-25-17 at 25-17.

Nahirapang matagpuan ng Angels ang tamang timpla kasama ang import na si Giovanna Milana na lumista ng team-high 18 puntos mula sa 16 atake laban sa mas malakas at batang grupo ng Taiwanese na nakausad sa quarterfinals matapos unang gibain ang reigning Hong Kong Women’s Volleyball League titleholders na Hip Hing nitong Linggo.

Nawala sa kontensiyon ang laro ng Petro Gazz kontra Taipei na sumandal sa matinding opensiba nina outside hitter Hsu Wan-Yun at wing spikeer Tsai Yu-Chun tungo sa 2-0 kartada. Dahil sa panalo ay nakuha ng Kaohsiung ang top seed sa pagpasok sa quarters.

Hindi naman tuluyang nagtatapos ang kampanya ng Petro Gazz na kinakailangang talunin ang Hip Hing. Sakaling magwagi ang Angels ay diretso ito sa quarters bilang second seed sa Pool B.

Maaaring makatapat ng Petro Gazz sa susunod na round sa Pool C ang top squad na kinabibilangan ng Vietnam’s VTV Binh Dien Long An, Saipa Tehran ng Iran at Beijing Baic Motor.

Cool Smashers at HSH wagi sa unang laban sa AVC Cup

ni Gerard Arce @Sports News | Apr. 21, 2025

Photo: Matibay na bumanat ng pag-atake si Michelle Gumabao-Panlilio ng PHL Creamline Cool Smashers sa harap ng depensa ni Paula Pully ng NVC-Al Naser Club Jordan sa kanilang maaksyong tagpo sa unang araw ng AVC Women's Volleyball Champions League sa PhilSports Arena kahapon. (Reymundo Nillama)

Mga laro ngayong Lunes

(Philsports Arena)

10 a.m. – VTV Binh Dien Long An vs Baic Motor (Pool C)

1 p.m. – Nakhon Ratchasima vs Queensland (Pool D)

4 p.m. – Petro Gazz vs Taipower (Pool B)

7 p.m. – Zhetysu vs Creamline (Pool A)

Madaling dinispatsa ng Creamline Cool Smashers at ng PLDT High Speed Hitters sa pangunguna ng import na si Erica Staunton ang Al Naser ng Jordan sa 29-27, 25-20, 25-19 straight sets at ni Kianny Dy sa straight sets din kontra  Australian squad Queensland Pirates, 25-19, 25-12, 25-12 sa 2025 AVC Women’s Champions League kahapon sa Philsports Arena sa Pasig City.

Dahil dito nakausad papalapit sa quarterfinal berth sa Pool A ang CCS mula sa impresibong laro ni Staunton. Nakatulong din ng 25-anyos na American hitters sina Kazakh middle blocker Anastassiya Kolomoyets at Russian outside hitter Anastasya Kudryashova sa pagragasa ng puntos para sa CCS sa opening set upang makuha ang tamang laro tungo sa 1-0 kartada sa Pool A.

Nasubukan ang tindig ng CCS sa third set mula sa pagtapyas ng Al Naser sa 16-14 na bentahe kasunod ng error ni Kolomeyts. Subalit nakabawi naman ang CCS sa magkasunod na errors ng Jordan team na sinundan ng banat ni Staunton upang muling makalayo sa 19-14 na bentahe.

Hindi na pinabayaan ng CCS na mawala pa sa kamay ang kalamangan mula sa atake ni Staunton, at butata ni Lorie Bernardo. Kinakailangang walisin ng CCS ang Pool A na sunod na makakaharap ang 9-time WVL champion na Zhestyu VC ng Kazakhstan. Samantala, papanatilihin ng Al Naser ang na makaharap ang Kazakhstan sa Martes. 

Lalabanan ng PLDT ang Thailand powerhouse Nakhon Ratchasima sa Martes, April 22.

Samantala, nagwagi rin ang Kaoshiung Taipower laban sa Hong Kong’s Hip Hing sa 25-10, 25-16, 25-14.