Dr. Edwin Mercado, bagong presidente at CEO ng PhilHealth

ni Fely Ng @Bulgarific | January 5, 2024

Hello, Bulgarians! Malugod na tinanggap ng Philippine Health Insurance Corporation (PhilHealth) ang pagtatalaga kay Dr. Edwin M. Mercado bilang kanilang bagong President and Chief Executive Officer (PCEO). Ang buong pamilya ng PhilHealth ay nagpaabot ng buong suporta kay Dr. Mercado habang pinangungunahan niya ang ahensya.

Sa matibay na karanasan ni Dr. Mercado sa larangan ng medisina at napatunayang kahusayan sa pamumuno at pamamahala, tiwala ang ahensya sa pamamagitan ng kanyang pamumuno, patuloy na matagumpay na maisasagawa ng PhilHealth ang mandato ng National Health Insurance Program at matupad ang mga adhikain ng Universal Health Care para sa benepisyo ng lahat ng 115 milyong Pilipino.

Nais din ng PhilHealth na ipaabot ang kanilang labis na pasasalamat kay outgoing PCEO Emmanuel R. Ledesma, Jr. na nanguna sa napakahalagang mga reporma sa nakalipas na dalawang taon, lalo na sa larangan ng pagbabayad ng mga claim at pagpapahusay ng benepisyo.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pag-IBIG Fund, inilunsad ang ‘1 Plus 1 Raffle Promo’ para sa mga OFW at self-employed member

ni Fely Ng @Bulgarific | Feb. 2, 2025

Hello, Bulgarians! Inilunsad ng Pag-IBIG Fund ang “Pag-IBIG 1 Plus 1 Raffle Promo,” isang inisyatiba na naglalayong hikayatin ang mas maraming overseas Filipino workers (OFWs), self-employed na indibidwal, online sellers at informal sector workers na magparehistro bilang miyembro at makaipon kasama ng Pag-IBIG Fund. 

Tatakbo hanggang Nob. 30, 2025, ang promo ay nagbibigay ng reward sa mga aktibong miyembro ng Pag-IBIG Fund na matagumpay na nagparehistro mula sa mga sektor na ito, na nagbibigay-daan sa mga programa at serbisyo upang makinabang ang mas maraming Pilipino.

Sinabi ni Secretary Jose Rizalino L. Acuzar ng Department of Human Settlements and Urban Development (DHSUD), namumuno sa 11-member Pag-IBIG Fund Board of Trustees, na ang mga OFW at mga manggagawa ng impormal na sektor ay lalong uma-access sa mga handog ng Pag-IBIG sa pamamagitan ng raffle initiative.

“Through the 1 Plus 1 Raffle Promo, we are able to reach more Filipino workers and provide them with avenues to save for their future and obtain affordable homes, especially under our Pambansang Pabahay Para sa Pilipino Housing (4PH) Program,” pahayag ni Acuzar. “This is in line with the directive of President Ferdinand Marcos Jr. to ensure that every Filipino, regardless of location or financial capacity, has a fair opportunity to own a home and secure a stable future,” aniya.

Sa ilalim ng 1 Plus 1 Raffle Promo, ang mga aktibong miyembro ng Pag-IBIG na nakaipon sa kanilang Pag-IBIG Regular Savings sa loob ng huling tatlong buwan ay tinutukoy bilang “PagIBIGfluencers” na maaaring mag-imbita ng kahit isang OFW o informal sector worker para maging bagong miyembro o muling i-activate ang Pag-IBIG membership (the“Plus 1”). Parehong makakakuha ang PagIBIGfluencer at ang Plus 1 ng eligibility para sa savings at housing loan programs ng ahensya, kung saan ang bawat kalahok ay may pagkakataong manalo ng hanggang P500,000 sa grand draw. 

Pinasimulan ng Pag-IBIG Fund ang programa upang higit na makinabang ang mga OFW, self-employed, at mga hindi gaanong naseserbisyuhan na bahagi ng manggagawa na, hindi tulad ng mga empleyado sa pribado at gobyerno, walang mga employer na magpaparehistro sa kanila. Ang sektor na ito ay hinahayaang magpatala ng sarili sa mga social security institutions.

Sinabi ni Pag-IBIG Fund Chief Executive Officer Marilene Acosta na higit sa 7,000 ang mga bago at reactivating na miyembro ang sumali na sa promo sa unang buwan nito, na nagpapataas ng membership at savings collection ng ahensya.

“The Pag-IBIG 1 Plus 1 Raffle Promo is more than just an incentive program – it is our way of recognizing and rewarding the trust and support of our members,” sabi ni Acosta. “Through this initiative, we reaffirm our commitment to making Pag-IBIG benefits more accessible to more Filipinos, while promoting the habit of regular saving. With Pag-IBIG, we continue to help Filipino workers turn their aspirations for financial stability and homeownership into reality.”

Ang mga interesadong sumali sa Pag-IBIG 1 Plus 1 Raffle Promo ay maaaring mag-sign up sa https://www.pagibigfundservices.com/1plus1/. 

Para sa karagdagang updates, ang opisyal na Pag-IBIG Fund Facebook page at ang Pag-IBIG Fund website ay nagbibigay ng pinakabagong balita.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pag-IBIG Fund, kinilalang top performing gov’t. firm

ni Fely Ng @Bulgarific | Jan. 31, 2025

Hello, Bulgarians! Ang Pag-IBIG Fund ay kinilala bilang isa sa mga top performing government-owned companies ng Governance Commission of GOCCs (GCG) sa isang awards ceremony na ginanap sa Pasay City kamakailan.

Batay sa sistema ng pagsusuri nito, pinangalanan ng GCG ang Pag-IBIG Fund sa Top 10 Government Owned and Controlled Corporations o GOCCs na may pinakamataas na rating.

“We are truly honored to be one of the top 10 GOCCs recognized by the GCG. This is yet another testament to Pag-IBIG Fund’s consistently outstanding performance that it is known for. This further inspires us to continue doing our best, as we continue to heed the directive of President Ferdinand R. Marcos, Jr. in pursuing excellence in government service so that more of our countrymen can gain better lives through Pag-IBIG Fund's programs and services,” sabi ni Secretary Jose Rizalino L. Acuzar ng Department of Human Settlements and Urban Development (DHSUD), na siya ring chairman ng 11-member Pag-IBIG Fund Board of Trustees.

Ang GCG Awards ay ginanap noong Nobyembre 2024 sa Philippine International Convention Center para kilalanin ang mga GOCC sa kanilang mahusay na pagganap sa Corporate Governance Scorecard at sa Performance Evaluation System o PES para sa taong 2023. Ang awarding ceremony ay pinangunahan nina GCG Chairperson Atty. Marius P. Corpus, Commissioners Atty. Brian Keith F. Hosaka at Atty. Geraldine Marie B. Berberabe-Martinez, at iba pang matataas na opisyal ng nasabing ahensya.

“We would like to thank GCG for the recognition given to Pag-IBIG Fund. GCG’s recognition exemplifies our strong performance in bringing our savings and home loan programs to more members, our robust financial standing, and consistent adherence to best governance practices in 2023. We are committed to serving our members wholeheartedly with our Lingkod Pag-IBIG brand of service -Tapat na Serbisyo, Mula sa Puso,” pahayag ni Pag-IBIG Chief Executive Officer Marilene C. Acosta.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.