First time lang, super proud… MAYMAY, FEELING PRINSESA SA PAGRAMPA SA PARIS FASHION WEEK

ni Vinia Vivar @Frankly Speaking | Oct. 1, 2024

Masayang-masaya si Maymay Entrata sa kanyang debut appearance sa Paris Fashion Week (PFW). Ibinahagi ng Kapamilya singer/actress sa kanyang social media ang mga larawan niya habang rumarampa sa runway suot ang bonggang creations ng mga designers na sina Leo Almodal (from the Philippines) and Phan Huy (from Vietnam).

Sa isang reel na kanyang ipinost, Maymay slayed the runway in her fabulous gown by Almodal. “Thank you po @leoalmodal for your creations that made me feel like a princess,” caption ni Maymay.

Ipinost din niya ang reel kung saan ay makikitang suot naman niya ang design ni Phan Huy na talaga namang super-bongga rin at bagay na bagay sa kanya.

“This is my 1st look by @phanhuy.official @stevendoanstyle (sparkling emoji) And my first runway in Paris Fashion Week, I will for sure treasure this talaga. Thank you so much for having me po,” caption naman ng Kapamilya artist.

Bukod nga sa pagrampa sa runway, Maymay also performed her hit song Amakabogera at the fashion show kaya naman winner na winner ang beauty niya.

---

Tuluy-tuloy pa rin ang political career ni Sen. Lito Lapid dahil tatakbo pala ulit siyang senador sa 2025 elections.

Kamakailan nga ay inendorso na siya ni Pangulong Bongbong Marcos, Jr. (BBM) bilang opisyal na kandidato ng Alyansa para sa Bagong Pilipinas.

Hindi pa rin nawawala ang pangalan ni Sen. Lapid sa Top 12 senatorial candidates simula nga nang mapanood siya noon sa FPJ’s Probinsyano ni Coco Martin at ngayon naman ay sa FPJ’s Batang Quiapo (BQ).

Mukhang mas nadagdagan pa nga ang kasikatan niya ngayon dahil sa pagkaka-link niya kay Lorna Tolentino na kapareha niya sa BQ.

Matatandaang ibinuking ni Lolit Solis na nililigawan ni Sen. Lito si Lorna at nang minsang matanong nga ang action star tungkol dito ay tinawanan lang niya’t sinabing magkatrabaho lang sila ng aktres.

In his past interviews ay paulit-ulit na nagpapasalamat si Sen. Lito kay Coco dahil because of FPJ's Ang Probinsyano ay muling naging household name ang kanyang pangalan dahilan para manalo siyang senador.

Padir, super happy… ANAK NI OGIE NA SI LEILA, IKAKASAL NA

ni Beth Gelena @Bulgary | Oct. 1, 2024

Nag-react si Ogie Alcasid sa engagement ng anak na si Leila Alcasid sa kanyang longtime boyfriend na si Curtismith.

Ang magandang balita ay ini-announce ni Leila sa kanyang Instagram account, together with photos of her engagement ring.

Ani Leila sa caption: “The most special anniversary gift.”

Hindi napigilan ni Ogie ang mapa-react sa

recent happening sa buhay ng anak.

Ani ng singer/composer/songwriter sa comment section ng IG ni Leila, “The Lord bless you both. I am truly beyond happy for you two. Love you! Congratulations!”

Sumagot ang kanyang soon-to-be son-in-law, “@olgiealcasid Thanks so much, Tito. Love you!”

Marami ring celebrities ang nag-congratulate sa celebrity couple like Nadine Lustre.

Mensahe naman ni Gabbi Garcia, “OMG! I’M SO HAPPY FOR YOU GUYS!!!! You truly deserve each other, congratulations.”

May nagtanong tuloy sa GF ni Khalil Ramos, “Ikaw, kailan ka?”

Ang iba pang celebrities na nagpadala ng kanilang congratulatory notes ay sina Darren Espanto, Iza Calzado, Chie Filomeno, Dani Barretto among others.

Si Curtismith na Mito Fabie ang real name ay isang Filipino indie singer, rapper at songwriter.

---

Miss U, hindi first Pinay na rumampa…

LEYNA BLOOM, 3 YRS. NANG NAUNA KAY PIA SA L'OREAL FASHION SHOW

IPINAGLABAN ng designer na si Mark Bumgarner na si Pia Wurtzbach ang first Filipina to walk L’Oreal runway.

Aniya sa kanyang Instagram page, “Pia is the first Filipina L’Oreal ambassador to walk in Le Defile. I stand by it.”

Sey naman ng isang netizen, “Justifiably the first and the PROUDEST Filipina to walk the Le Defile runway.”

Reply ni Mark, “Not only Filipina when it’s convenient.”

Dagdag pa ng isang netizen, “EXACTLY some jealous people are wasting their time giving a ridiculous amount of nitpicking, just because it’s Pia.”

Kaya pinanindigan ni Bumgarner na ang 2015 Miss Universe ang unang Pinay na rumampa sa Le Defile dahil may isang netizen na nagtanong na, “Is Leyna Bloom a real Filipino? I read somewhere that she denounced being Filipino so that means technically speaking, Pia is really the first. What do you think?”

Sey ng isang netizen, “PIA IS THE FIRST L’OREAL AMBASSADOR FROM THE PHILIPPINES TO WALK THE RUNWAY! Leyna Bloom was not L’OREAL AMBASSADOR in the Philippines, she never was!!!”

Samantala, ayon umano kay Bloom, she walked the said runway three years ago. Nagpakita pa siya ng Philippine passport at isa rin daw siyang Blaan tribe (tribo mula sa Southern Mindanao) at sinabing walang competition ‘yun sa kanya.

---

ISINUGOD si Yasmien Kurdi sa emergency room matapos magka-rashes at allergy, after ng pagkakasakit ng anak niyang si Ayesha.

Humina kasi ang resistensiya ng aktres habang inaalagaan ang anak kaya siya nagkasakit.

Breastfeeding si Yasmien sa kanyang 2nd baby, kaya may oras lamang kung kailan siya puwedeng magpadede sa kanyang bunso dahil naka-steroid siya.

Ipinaalala ni Yasmien ang kahalagahan ng pag-aalaga sa sariling kalusugan ng mga ina, upang patuloy nilang maalagaan ang kanilang mga anak.

Sey ni Yasmien, “We often play the role of superwoman as mothers, staying strong when our children are unwell.”

Dagdag pa niya, “Once Ayesha recovered, I fell sick, which made me realize just how much our motherly instincts help us stay resilient when we’re needed most.”

Sa kabila ng mga pagsubok, ipinakita ni Yasmien Kurdi ang kanyang lakas at determinasyon bilang isang ina na laging nandiyan para sa kanyang mga anak. 

Ang dami namang nagpadala ng prayer healing sa aktres mula sa kanyang mga kapwa GMA artists para sa maaga niyang paggaling.

Kung dati, solo lang ni Heart… HAYDEN, JOIN NA RIN SA PAGRAMPA SA PARIS FASHION WEEK

ni Nitz Miralles @Bida | Oct. 1, 2024

Nakakatuwa na mas marami nang Pinoy ang rumarampa sa mga fashion week. 

Si Kyline Alcantara, rumampa sa New York Fashion Week (NYFW). Nasundan ito ng mga rumampa sa Paris Fashion Week (PFW) kabilang sina Maymay Entrata, Michelle Dee, Pia Wurtzbach at maging si Hayden Kho. 

Si Michelle ang nag-open ng show ni Michael Cinco at sina Pia at Hayden naman ang finale.

Natutuwa ang mga netizens dito at wish nilang madagdagan pa ang mga Pilipino na rumarampa sa mga fashion shows. Sana raw, wala nang mag-away-away, walang pagkukumpara at magsuportahan na lang kahit pa si Heart Evangelista ang mas naunang nakilala sa pagrampa sa mga fashion week.

Kaya lang, matagal pa itong mangyayari dahil sa mga fans na nag-aaway-away at lahat na lang, ginagawan ng isyu. 

Gaya na lang nang magkasabay manood sa Hermes Fashion Show sina Heart Evangelista at Pia Wurtzbach, inabangan kung magbabatian sila at kung magkakasama ba sa photoshoot. Wala nga lang nangyaring ganu’n, baka sa susunod na lang, guys!                                                                                                                                                     

---

EIGHT luxury cars ang nakalagay sa tarp ng “SV Driven to Heal” charity event ni Sam Verzosa na ipapa-auction niya to fund sa construction ng dialysis and diagnostic clinic sa Sampaloc, Manila. 

Pero, sabi ni Rhian Ramos na nakausap namin sandali sa auction, 10 cars ang ipapa-auction. Nasa labas ang dalawa dahil hindi na magkasya sa loob ng auction room.

Paglabas naman ng headquarters ng Frontrow, may nakita kaming naka-park na Maserati at feeling namin, isa ‘yun sa 10 cars to be auctioned. Aabot sa P200 million kapag na-auction ang 10 cars, hindi lang naitanong kung sa isang dialysis and diagnostics clinic lang ilalagay ang P200 million.

Biniro ng isang reporter si Rhian kung may ipapa-auction din siyang car.

Ang sagot ng actress at girlfriend ni Sam, “Wala... wala ako n’yan,” at saka tumawa.

Sabi uli ng reporter, tiyak marami pang luxury cars si Sam at magkakaroon din nito si Rhian kapag ikinasal na sila.

Ang ganda ni Rhian, bagay sa kanya ang maging First Lady ng Maynila at ang maganda pa, suportado niya ang lahat ng advocacy at charity works ni Sam. 

Present siya sa turnover ng mobile clinics at botika, tumulong sa pamimigay ng medicines sa mga tao. Habang nagbibigay ng gamot, may kasama pang interbyu kay Rhian Ramos.

---

‘Di lang daw buhok, Richard…

BARBIE, GINAGAYA RIN ANG PANANAMIT NI SARAH

WALA yatang chance na magkita-kita sina Sarah Lahbati at Barbie Imperial kasama si Richard Gutierrez dahil nasa Paris si Sarah para sa Paris Fashion Week (PFW), habang tuloy naman ang pamamasyal nina Richard at Barbie sa Italy. 

Nanghinayang ang mga netizens na hindi magkikita-kita ang tatlo na parehong nasa ibang bansa.

Nakakatuwa ang ibang netizens na biniro sina Richard at Barbie na dumiretso sa Paris para may chance na magkita sila ni Sarah. Alam naman siguro nina Barbie at Richard na nasa Paris si Sarah, kaya hindi sila pupunta roon.

Anyway, may mga netizens pa rin na ayaw tigilan si Barbie Imperial at pilit na ikinukumpara kay Sarah. Bukod daw sa hairstyle, ang damit na suot nito ay inspired ni Sarah Lahbati. May nag-request pang ipakita niya si Richard Gutierrez.

Abangan kapag nakabalik na sa bansa ang tatlo, baka may ibang tsika na naman sa kanila.