‘Di raw ma-feel na seryoso ang aktor… KIM, BINALAAN NG FANS KAY PAULO

ni Erlinda Rapadas @Teka Nga | February 22, 2026

Photo: Kim Chiu at Paulo Avelino - Instagram

Sa kabila ng sweetness na ipinakikita ng tambalang Kim Chiu at Paulo Avelino, hindi pa rin kumbinsido ang libu-libong fans ng Chinita Princess. Hindi raw nila maramdaman ang sincerity ng aktor. Hindi nila ma-feel na seryoso ito sa kanilang idolo. Parang pang-showbiz lang ang lahat ng ipinakikita niyang closeness kay Kim.

Hindi nagkulang ng paalala kay Kim Chiu ang kanyang mga loyal fans. Ayaw na nilang masaktang muli ang kanilang iniidolo tulad ng dinaanan nito sa relasyon nila noon ni Xian Lim. 

Madaling ma-fall at magtiwala si Kim kapag na-in love at bigay-todo ito kung magmahal. 

Pero sana, huwag puso lang ang kanyang pairalin. Magtira rin siya ng malasakit para sa kanyang sarili. 

Marami ang nagsasabing ang tambalang KimPau ay maihahalintulad sa AlDub love team nina Alden Richards at Maine Mendoza. Maraming fans ang pinakilig nila, pero sa huli ay hindi naman nauwi sa totohanan ang lahat. 

Si Maine ay na-in love at nagpakasal sa actor-politician na si Arjo Atayde.

---

LABIS ang panghihinayang ni Hilda Koronel na hindi niya nakasama sa isang movie project ang yumaong Superstar at National Artist na si Nora Aunor. 

Gustung-gusto ni Hilda na makatrabaho sa pelikula si La Aunor. Nagkausap na sila ni Direk Adolf Alix, Jr. na nag-offer sa kanya ng project at siya ring magdidirek ng movie nila ni Guy. 

Nabasa na raw niya ang script at nagustuhan niya ang istorya. Pero kung kailan ready na sana siya to shoot ay saka biglang pumanaw ang Superstar. Shocked ang

lahat sa pangyayaring iyon. 

Gayunman, sey daw ni Hilda Koronel kay Direk Alix ay itutuloy pa rin ang nasabing project kasama ang isang sikat at premyadong aktres na papalit sa role ni Nora Aunor. 

Nasa ‘Pinas ngayon si Hilda para sa pelikulang Sisa na kanyang ginawa. 

Bihira nang tumanggap ng movie project si Hilda dahil full-time mom and wife siya. Pero hindi siya nakakatanggi kapag may offer na maganda. 

Hindi naman bumababa ang status niya bilang aktres. Kinukuha pa rin siya ng mga producers dahil sa husay niyang umarte. Maaari pa rin siyang ihanay sa mga sikat na artista ngayon.

---

AT this point of his career, malayung-malayo pa sa plano ng Kapuso actor na si David Licauco ang pagpapakasal. Hindi pa niya sineseryoso ang usaping love life, although gusto rin niyang magkaroon ng inspirasyon at ng someone special. 

Sa kabila ng busy schedule sa kanyang seryeng Never Say Die (NSD) at mga out-of-town shows, ang kanyang panahon at atensiyon ay nakatutok sa kanyang mga negosyo.

Hindi siya nagmamadaling mag-asawa. Gusto muna niyang maging matagumpay na negosyante at maging financially stable. 

Lumalaki at lumalawak na ang mga naitayo niyang negosyo. Bukod sa resto at coffee shop, magtatayo rin siya ng isang resort sa Siargao na ngayon ay dinarayo na ng mga foreign tourists.

Malinaw ang future plans ni David dahil gusto muna niyang magpayaman at maging stable bago siya magpakasal. 

Nag-e-enjoy naman siya sa showbiz dahil maraming oportunidad ang dumating sa kanya simula nang mag-click ang tambalan nila ni Barbie Forteza na BarDa. Dumami ang kanilang endorsement at nakatulong ito sa kanyang mga negosyo.

Pakiusap lang ni David Licauco, sana ay maintindihan ng mga fans na showbiz love team lang sila ni Barbie Forteza at walang seryosong relasyon.

Nagpakilalang dyowa ng aktres… IVANA, NAPASOK SA BAHAY NG STALKER NA FAN

ni Erlinda Rapadas @Teka Nga | February 17, 2026

Photo: FB Ivana Alawi

Maraming natuwa sa latest vlog ni Ivana Alawi kung saan tinuruan niyang maglaba ang socialite na si Small Laude.

Matatandaang unang napansin ng lahat si Ivana nang gawin niyang content ang paglalaba na nakasuot lamang ng kaswal na duster at walang suot na bra. 

Million views ang nakuha nito at nagkasunud-sunod na ang pagtaas ng kanyang viewership.

Game rin naman si Small na sumabak sa paglalaba kahit na in real life ay hindi siya marunong maglaba dahil super-rich at maraming kasambahay. 

For sure, ang susunod na ipagagawa ni Ivana kay Small ay ang paglilinis ng kotse.

Samantala, maraming fans ang naalarma at nag-alala sa kuwento ni Ivana kay Small na napasok sila ng isang tao na hindi nila kilala. 

Isa itong fan na sobrang obsessed. Madalas daw na pumunta sa kanilang bahay ang fan o stalker at nagdadala ng kung anu-anong pagkain. 

Minsan ay nakapasok na ito sa kanilang bahay at nagpakilala sa driver ni Ivana Alawi na siya ang nobyo ng sexy actress. Kaya ngayon ay mas mahigpit na sila sa mga taong bumibisita.

---

ANG pagiging chickboy ni John Estrada ang dahilan kaya siya iniiwan ng kanyang mga nakakarelasyon. Bagama’t sinasabing good provider ang aktor bilang padre de familia, hindi naman iyon sapat na garantiya upang tumagal ang pagsasama nila ng kanyang mga nakakarelasyon.

Ang pagsasama nila ni Janice de Belen ay tumagal ng 12 years. Apat ang kanilang naging anak – sina Inah, Moira, Kaila at Yuan. 

Na-annulled ang kanilang kasal kaya nagawa niyang magpakasal sa beauty queen na si Priscilla Meirelles. Thirteen years din silang nagsama at nagkaroon ng isang anak na babae, si Anechka.

Ayon sa isang interview ni Priscilla, ginawa niya ang lahat upang isalba ang kanilang marriage ni John. Nag-undergo sila ng marriage counselling, seminars, atbp.. Gusto ni Priscilla na bigyan ang kanyang anak ng isang buong pamilya. 

Pero umabot na sa punto na hindi na niya kinaya ang pambababae ni John Estrada. Hindi niya kayang magpakamartir sa mahabang panahon kaya nag-file siya ng divorce noong 2024.

Labis itong ikinagulat ng aktor at hindi niya akalain na hahantong sa divorce ang lahat. Nakiusap siya kay Priscilla Meirelles na bigyan siya ng second chance, pero hindi na nga nagbago ang desisyon nito.

---

MARAMING fans ng Sexbomb girls ang dismayado sa mister ni Izzy Trazona na si Alvin Aragon, lalo na nang pintasan nito ang mga sexy outfits nila sa naganap na reunion concert.

May ‘angas’ daw ang dating ni Alvin at tila feeling malinis at banal-banalan. 

Kaya labis na ipinagtataka ng marami kung ano ang nagustuhan ni Izzy kay Alvin. Kaya raw siguro kumalas si Izzy sa grupo ay dahil sa impluwensiya ng kanyang mister. 

Sey ng mga netizens, ayaw lang daw ng mister na masapawan siya sa kasikatan ng kanyang misis. 

At bakit pati ang tungkol sa gap ni Izzy at ng kanyang anak na si Sofia Trazona ay ginagawang isyu at pinakikialaman ni Alvin Aragon? Hindi naman niya anak ang transwoman na ngayon na si Sofia. Problema na ng mag-ina ang lahat.

Well, ang dapat paghandaan ngayon ni Alvin ay ang resbak sa kanya ng Sexbomb sa pagpintas niya sa kanilang sexy outfits na isinuot noong reunion concert. At patulan din kaya siya ni Vice Governor Alex Castro na binanggit din ni Alvin Aragon sa kanyang interview na pinapayagan ang misis na si Sunshine na magsuot nang malaswa at pagtinginan daw ng mga lalaki?

2 taong wanted sa mga kasosyo sa negosyo… KEN, GAME NA RAW UMUWI NG ‘PINAS AT HARAPIN ANG MGA KASO

ni Erlinda Rapadas @Teka Nga | February 15, 2026

Photo: Ken Chan / Instagram

Magandang balita para sa mga fans kung totoo ngang uuwi na si Ken Chan sa ‘Pinas upang harapin ang mga kasong isinampa ng kanyang mga business partners. 

Ngayong 2026, posible raw na magpakita na si Ken upang linisin ang kanyang pangalan. 

Mahirap man ito para sa actor, magandang move ito upang maipakita niya sa kanyang mga business partners na handa siyang ayusin ang mga atraso niya sa kanyang mga kasosyo. 

Hopefully, may mga taong tumulong kay Ken upang makabangon siyang muli. 

Nariyan pa naman ang kanyang mga kaibigan sa showbiz na puwede niyang lapitan at hingan ng tulong. 

Sayang ang career ni Ken Chan matapos siyang mawala at hindi nagpakita ng halos dalawang taon. Makakabawi naman siya at makakabangon kapag binigyan ng second chance ng GMA-7. 

---

Gustong maka-try ng kakaiba… 

BARBIE, GAME RIN SA KAPWA BABAE

BAGO pa dumating kay Barbie Forteza ang pelikulang Until She Remembers (USR), na pinagbibidahan nila nina Boots Anson-Rodrigo at Charo Santos, may offer na sa kanya na gumawa ng isang GL movie (girls’ love). 

Game naman si Barbie sa nasabing project at may naisip na siyang magaling na aktres na gusto niyang makasama. Sikat din ito at halos magkaedad lamang sila. 

Challenging para sa aktres ang gumawa ng GL movie dahil mas lalalim pa ang kanyang pagiging aktres at hahamon sa kanyang kakayahan. 

Ganunpaman, hindi natuloy at hindi nag-materialize ang nasabing GL movie ni Barbie, kaya inakala niyang wala pa sa panahon ang pagtanggap ng mga ganitong movies na tiyak na ikaka-shocked din ng kanyang mga diehard fans. 

Pero ang movie na USR ay GL ang tema — isang love story ng dalawang senior

ladies na ginagampanan nina Boots at Charo. 

Tiyak na marami ang makaka-relate sa istorya. Ito ay mula sa direksiyon ni Brillante Mendoza.

---

SAMANTALA, maraming fans ang natuwa nang mapanood sa TikTok (TT) si Boots Anson-Rodrigo kasama sina Charo Santos-Concio at Barbie Forteza. 

Ang cute nilang panoorin at puwede naman pala silang sumabay sa uso ngayon. 

Sa isang interview, binanggit ni Boots na pangarap niya ang makapagsayaw sa ASAP Live kasama sina Charo at Helen Gamboa. Hindi man sila kasinghusay ng Sexbomb Girls sa paghataw sa dance floor, nakakasunod naman sila sa uso. 

For sure, marami ang mag-aabang kina Boots, Charo at Helen kapag ready na silang mag-perform sa ASAP at dito nila maipapakita ang iba pa nilang talent bukod sa pag-arte. 

Maraming fans naman ang nag-suggest na gumawa sila ng comedy movie na iikot sa buhay ng mga senior single ladies, para naman hindi laging drama ang mapapanood sa kanila.

---

ALIW na aliw ang Kapuso actress na si Carla Abellana sa vlog nina Alex Gonzaga at Luis Manzano. Hindi pinalampas ng aktres ang vlog nila dahil nakakagaan ng mood. 

Magaan at simple lang ang mga atake nina Alex at Luis sa kanilang vlog, pero marami silang napapasaya sa mga viewers. 

Natural na natural ang pagiging kikay at kengkoy ni Alex, kaya patok sa mga subscribers. 

Kahit na minsan ay may mga pranks siya sa kanyang guests, si Luis naman ay puno ng energy, maraming jokes at napaka-witty. 

Puwedeng mag-collab sina Alex Gonzaga at Luis Manzano dahil swak silang comedy tandem. Riot tiyak kapag pinagsama sila.