Pia Wurtzbach, positive sa COVID-19

ni Lolet Abania | January 7, 2022

Nagpositibo sa test sa COVID-19 si Miss Universe 2015 Pia Wurtzbach habang nananatili siya sa United Kingdom.

Ibinalita ito ni Pia sa kanyang Instagram post ngayong Biyernes ng umaga, at nai-share niya rito kung paano niya naramdaman ang aniya, “all the symptoms.”

“I caught COVID here in the UK even though I’ve been fully vaccinated & received my booster shot already. Kumpleto din ako ng flu and pneumonia vaccines. I eat healthy and I’m active, but I still got it,” post ni Pia sa IG.

Kuwento ni Pia, “got all the symptoms too: fever, sore throat, body pain, runny rose, cough, & I also lost my sense of smell & taste.”

“It’s not like a regular cold or flu that goes away after a few days. I’ve never been sick for this long, which lasted more than a week,” dagdag ng beauty queen.

Nai-share din ni Pia na, “worst is through.”

Ayon sa kanya, isang araw na lamang at makukumpleto na niya ang kanyang isolation period, kasama ang sister niyang si Sarah na tinamaan din ng virus.

Labis ang pasalamat ni Pia dahil pareho na silang nagnegatibo na sa test ng kanyang kapatid.

Hinimok naman ng beauty queen ang kanyang followers na huwag balewalain ang coronavirus at pinayuhang maging maingat para hindi mahawahan nito.

Ani Pia, “Guys, COVID is so real. My timeline shows that many have/had it too, both in the Philippines & abroad. And the numbers are going up exponentially.”

“Being fully vaccinated doesn’t stop you from getting the virus but it helps you overcome it,” sabi niya.

“Please follow health & safety protocols. I think it’s the moment you put your guard down, doon ka mahahawa. You think you’re safe & usually ‘yung makakahalubilo mo walang symptoms. Akala mo all is well. Pero, nahawa ka na pala at may possibility na maipasa mo sa iba nang di mo alam,” payo pa ni Pia.

Lacson at Gatchalian, nagpositibo sa test sa COVID-19

ni Lolet Abania | January 7, 2022

Ipinahayag ni Senador Panfilo “Ping” Lacson nitong Biyernes na nagpositibo siya sa test sa COVID-19.

Sa isang tweet, sinabi ni Lacson na sumailalim siya RT-PCR nitong Martes, Enero 4, at ang resulta ay lumabas nitong Huwebes, Enero 6.

“Immediately informed all my Jan. 3 physical contacts of my Jan 4 Covid-positive test result which was released only last night, Jan. 6 so they can take extra precautions to protect their loved ones and others,” sabi ni Lacson.

“Thank God no one is exhibiting symptoms. Wearing our masks helped much,” ani pa ng senador.

Samantala, una nang sinabi ni Senador Sherwin Gatchalian ngayon ding Biyernes na nagpositibo siya sa test sa COVID-19.

Sa kanyang Twitter, binanggit ni Gatchalian na nakararamdam siya ng mild symptoms at naka-self-quarantine na sa ngayon.

“Following strict health protocols, I went on self-quarantine away from family, friends and the public,” sabi ni Gatchalian.

“So far, I am only experiencing mild symptoms from the virus and this goes to show that the vaccines are effective and working against it,” dagdag ng senador.

Hinimok naman ni Gatchalian ang publiko na tanggapin “kaagad” ang nakatakdang booster shots.

“I will be back to work in no time as we wind down the 18th Congress,” ani pa Gatchalian.

Volleyball star Alyssa Valdez, Covid positive

ni Jasmin Joy Evangelista | January 7, 2022

Kinumpirma ni volleyball star Alyssa Valdez ngayong Biyernes, January 7, na siya ang nagpositibo sa COVID-19.

“Thank you for all the well-wishes,” post ni Valdez sa kanyang Twitter account.

Ayon naman sa kanyang handler na V Management Group, ang dating Ateneo standout ay nakararanas ng mild symptoms.

“Please be rest assured that Alyssa is taking the necessary precautions and will be recovering from home,” ayon pa sa pahayag.