P8.8-B investment facility sa Batangas pinasinayahan ng PMI

ni Chit Luna @News | April 18, 2024

Philip Morris International (PMI) and PMFTC’s top executives, together with key government dignitaries, gather to inaugurate its P8.8 billion Smoke-Free Products Facility in Tanauan City, Batangas. The new manufacturing wing in PMFTC’s factory will produce specially designed heated tobacco sticks BLENDS for BONDS by IQOS. “The opening of this state-of-the-art facility marks another significant milestone in our commitment to a smoke-free Philippines,” said PMI Chief Executive Officer Jacek Olczak, in a short speech during the ceremonies. Leading the ribbon cutting ceremony were (L-R) PMI Region President Frederic De Wilde, PMFTC Manufacturing Director Elvio Rocco, PMI Senior Vice President Operations Scott Coutts, PMI Chief Executive Officer Jacek Olczak, First Lady of the Republic of the Philippines Louise Araneta-Marcos, PMFTC President Denis Gorkun, PMFTC Board of Director Michael Tan, LT Group President Lucio Tan III and Department of Agriculture Secretary Francisco Tiu Laurel Jr.

Pinasinayahan ngayon ng Philip Morris International (PMI) ang panibagong P8.8 billion (US$150 million) investment nito sa local affiliate na PMFTC Inc. upang higit pang patatagin ang kakayahan nito sa paggawa ng mga smoke-free products.

Ang naturang bagong smoke-free product manufacturing facility ang isa sa kauna-unahang foreign investment na natapos sa ilalim ng administrasyong Marcos.

Nauna nang kinilala ni Pangulong Ferdinand Marcos Jr. ang tobacco industry na isa sa mga tumutulong sa paglago ng ekonomiya ng bansa partikular sa Northern Luzon at Mindanao.

Ang bagong gawang manufacturing wing sa loob ng PMFTC factory sa Tanauan City, Batangas ang pinakamalaking investment para sa kategoryang alternatibong sa sigarilyo, kaugnay sa pananaw ng PMI na “smoke-free future”.

“The opening of this state-of-the-art facility, an investment of 8.8 billion Philippine pesos or 150 million U.S. dollars, marks another significant milestone in our commitment to a smoke-free Philippines. The expansion of Philip Morris’ presence in the country is also “a testament to our confidence in the Philippine economy and the local tobacco farming industry,” ani PMI Chief Executive Officer Jacek Olczak na siya rin nanguna sa inagurasyon.

Ayon kay PMFTC Inc. President Denis Gorkun, ang naturang pasilidad ay isang patunay na adhikain tungo sa pagkakaroon ng smoke-free Philippines. Tinukoy ni Gorkun na ang naturang pasilidad ay makakagawa ng heated tobacco sticks para sa mga smoke-free products na isang tagumpay at patunay na mahalaga ang kalusugan ng mga komunidad.

Sa naunang pahayag ni Pangulong Marcos, tinukoy nito na ang tobacco industry ay isang “indispensable bedrock” dahil sa nakakalikha ito ng kita, trabaho, at oportunidad lalo na sa komunidad kung saan ito nakakasakop. Dagdag pa ng Pangulo, ito rin ay isang mapagkukunan ng buwis para magkaroon ng pondo ang pamahalaan at mabigyang proteksyon ang kabuhayan ng libo libong magsasaka ng tabako.

Ang dagdag na pasilidad ay maglilikha ng mga heated tobacco sticks na idinisenyo para sa brand na BLENDS. Ang naturang heated tobacco sticks ay ekslusibo lamang sa sa gumagamit ng BONDS na gawa ng IQOS.

Noong Nobyembre 2022 ay inilunsad ng PMFTC Inc. ang BONDS by IQOS na nakaugnay sa special na disensyo para sa mga heated tobacco sticks na BLENDS. Ito ay ginawa upang magbigay daan sa mga taong hindi makapag hinto ng paninigarilyo at lumipat sa abot-kaya at masinsin na smoke-free product na pinatunayan ng science na mas konti ang pinsala sa kalusugan kumpara sa sigarilyo.

Imbes na sunugin o liyaban ang isang sigarilyo, ang BONDS by IQOS ay maghahatid ng parehong lasa at kasiyahan ng walang abo at amoy-sigarilyo. Mayroon din itong features ng resistive external heating sa pamamagitan ng patented roundheat tobacco system. At kung mag-init na ang tobako sa BONDS by IQOS ay naaalis nito ng average 95% lower levels ang mapanganib na kemikal kumpara sa sigarilyo.

Ang IQOS na tinaguriang 'world’s most successful tobacco heating device' ay inilunsad ng PMFTC noong 2020 sa Pilipinas kasama ang tobacco sticks na tawag na HEETS. IQOS ILUMA, ang pinakabago na heated tobacco device, at ang consumable heat sticks na tinatawag na TEREA ay ipinakilala ng PMI sa bansa noong nakaraang taon.

Nitong mga huling buwan ng taong 2023, idinagdag ng PMFTC ang ZYN nicotine pouches sa kanilang portfolio ng smoke-free products. Ang ZYN ay maaring mabili sa mga lokal na online sites at sa mga IQOS stores, vape stores, at iba pang mga 7-11 outlets at tobacconists.

Lahat ng produktong naglalaman ng nicotine mula sa PMI ay para lamang sa mga adults na kung hindi ay magpapatuloy sa paninigarilyo o paggamit ng ibang mga produktong may nicotine, at naghahanap ng mas mainam na alternatibo sa paninigarilyo.

When we embrace smoke-free alternatives, we take a proactive step towards expanding the potential of the local tobacco crop, ensuring a sustainable future for generations of local farmers and individuals who rely on the tobacco industry,” sabi ni Denis Gorkun.

Kongreso nagrekomenda ng kaso laban sa Flava dahil sa hindi rehistradong vape

ni Chit Luna @News | April 6, 2024

Inirekomenda ng House Committee on Ways and Means ang pagsampa ng tax evasion case laban sa Flava Corporation matapos matagpuan ng mga awtoridad ang P1.4 bilyong halaga ng umano'y iligal na e-cigarettes sa warehouse nito sa Valenzuela City noong Oktubre 2023.

Nanawagan din ang mga mambabatas ng agarang pagsuspinde sa operasyon ng Flava Corporation matapos ang dalawang pagdinig ng naturang komite.

Bago nito, nilusob ng mga awtoridad ang isang bodega sa Valenzuela City na naglalaman ng P1.4 bilyong halaga ng umano'y ilegal na e-cigarette na may tatak na Flava.

Ayon sa ulat ng komite, mayroong dalawang posibleng konklusyon, na parehong may kinalaman sa pag-iwas sa buwis o paglabag sa batas ng Flava Corporation, maliban lamang kung mapapatunayan ng kumpanya ang kapasidad nito sa paggawa ng naturang produkto sa bansa.

Lumalabas sa ulat na ang kumpanya ay walang brand na nakarehistro para mag-import at walang itong pasilidad na may kakayahang mag-manufacture ng e-cigarettes.

Ang kamara ay nagsagawa ng imbestigasyon sa pangunguna ni Rep. Rufus B. Rodriguez para tugunan ang naiulat na pagpupuslit ng mga e-cigarette at pagkawala ng buwis na aabot sa P728 milyon.

Matapos ang pagdinig, hiniling ng komite ng Kongres sa Bureau of Customs (BOC) at Bureau of Internal Revenue (BIR) na isulong ang legal na aksyon laban sa Flava Corporation batay sa mga natuklasang ebidensya.

Sinabi ng komite na batay sa Section 115 (a) ng National Internal Revenue Code (NIRC), dapat agarang suspendihin ng BIR ang operasyon ng Flava Corporation. May awtoridad ang BIR na suspindihin ang isang negosyo dahil sa paglabag tulad ng hindi pag-isyu ng resibo, hindi pag-file ng value-added tax returns o hindi tumpak na pag-uulat ng mga benta.

Inirekomenda rin ng komite ang pagsampa ng mga kaso laban sa Flava Corporation sa ilalim ng Seksyon 263 ng NIRC dahil sa hindi wastong pagbabayad ng excise tax. Ang NIRC ay nagpapataw ng multa na P10 milyon hanggang P20 milyon at pagkakulong ng 10 hanggang 12 taon para sa kalakal na lampas sa P1 milyon.

Inirekomenda din ng komite ang pagpigil sa pagbebenta ng lahat ng produktong e-cigarette ng Flava Corporation na hindi mapapatunayan na nagbayad ng buwis o hindi rehistrado sa BIR. Ito ay base na din sa Seksyon 23 ng RA No. 11900 o Vape Law na nag-uutos ng pagbawi, pagbabawal, o pagsamsam ng mga hindi rehistradong vapor products.

Nag-ugat ang imbestigasyon ng kamara sa pagkatuklas noong Oktubre 2023 ng Intellectual Property Rights Division ng Customs Intelligence and Investigation Services (IPRD-CIIS) sa isang bodega sa Valenzuela na umano'y ginagamit bilang imbakan ng mga ilegal na inaangkat na electronic cigarettes at vape products na walang binabayarang kaukulang buwis.

Inispeksyon ng IPRD-CIIS, Formal Entry Division ng Port of Manila at Philippine Coast Guard Task Force Aduana at Bureau of Customs ang bodega at nadiskubre ang 14,000 kahon na naglalaman ng humigit-kumulang 1.4 milyong piraso ng 10 milliliter disposable vapes na may markang “Flava”. Ang mga produkto ay may tinatayang halaga na P700 milyon at kaukulang bayarin na P728 milyon sa excise tax.

Ayon sa ulat ng komite, ang mga inisyal na dokumentong isinumite ng Flava Corporation ay walang kasamang import documents at proof of payment ng buwis.

Samantala, ang address ng opisina ng Flava Corporation ay napag-alamang isang bahay na may dalawang palapag at 150 square meters na walang kapasidad na gumawa ng produkto.

Sa pagdinig noong Disyembre 12, 2023, isang kinatawan ng Flava Corporation ang nagpatotoo na kinukuha nila ang kanilang produkto sa third-party importer kahit na ang tatak ng Flava Corporation ay lisensyado bilang lokal.

Ang pag-amin na ito ng kinatawan ng Flava Corporation ay prima facie na ebidensya ng pag-import ng e-cigaettes na walang lisensya, ayon sa komite.

Pinatunayan din ng BIR na walang brand ang Flava Corporation na nakarehistro para sa pag-import.

Ipinapakita ng ulat ng komite ang malawakang iligal na aktibidad sa industriya ng e-cigarettes at binibigyang diin ang pangangailangan ng reporma sa batas para epektibong labanan ang maling gawain.

Mga mag-aaral, nagpasaklolo kay PBBM.. Mataas na opisyal ng CHED-Luzon, parusahan

ni Chit Luna @News | April 3, 2024

Nagpasaklolo na ang ilang mag-aaral kay Pangulong Ferdinand Marcos, Jr. para aksyunan at disiplinahin ang isang mataas na opisyal ng Commission on Higher Education (CHED) sa Luzon na si Dr. Aldrin Darilag na professor din sa Don Honoria Ventura State University (DHVSU) sa Pampanga.

Kaugnay umano ito sa kasong grave misconduct, neglect in the performance of duty and abuse of authority or oppression.

Sa kanilang complaint, sinabi ng isang alyas Guia, Tourism student na kailangan umanong paboran ng mga mag-aaral ang gusto ni Darilag para sila’y makapasa at maka-graduate.

Isang halimbawa umano ang reklamo ng isang MBA student na kahit na kumpleto sa lahat ng requirements ay nabigyan pa ng professor ng gradong Incomplete.

Samantala, naihain na umano ang complaint kay CHED Chairperson Prospero de Vera III hinggil sa sinasabing hindi makatwirang gawain ni Darilag.

Naipadala na rin umano ni Chairperson De Vera ang usapin sa tanggapan ni Executive Secretary Lucas Bersamin.

Nais ng mga mag-aaral na imbestigahan, suspendihin o parusahan si Darilag sa umano’y maling gawain na hindi na katanggap-tanggap at sinasabing malinaw na pang-aabuso sa katungkulan.

Dahil sa mga palitan ng kuwento tungkol sa naturang opisyal, nagdesisyon umano ang mga mag-aaral para ireklamo ang naturang CHED official upang matigil na ang umano’y pang-aabuso nito.