PGH, nakatanggap ng P22.8M mula sa PhilHealth

ni Fely Ng @Bulgarific | Apr. 17, 2025

Nasa larawan sina (L-R) PhilHealth VP for NCR Dr. Bernadette Lico, AMI beneficiaries Jose Brozo, Juvy Busayong (asawa ng pasyenteng si Jose Busayong), Dennis Garcia, PGH Medical Director Dr. Legaspi at Deputy Director Dr. Margaret Lat-Moon.

Hello, Bulgarians! Mahigit Php22.8 milyon ang naibigay sa Philippine General Hospital (PGH) noong Abril 11, 2025 ng Philippine Health Insurance Corp. (PhilHealth). 

Ito ay bayad sa unang batch ng mga claim sa PhilHealth’s benefit package para sa Ischemic Heart Disease-Acute Myocardial Infarction (IHD-AMI), isang sakit na karaniwang kilala bilang atake sa puso. Tatlong buwan lamang pagkatapos ng pagpapahusay nito, ang package ay naging kapaki-pakinabang sa hindi bababa sa 77 claim para sa mga heart attack patient noong Marso 2025.

Present si PGH Medical Director Dr. Gerardo D. Legaspi para tumanggap ng tseke mula kay PhilHealth Acting President and CEO Dr. Edwin M. Mercado sa simpleng ceremonial turnover sa PGH.  

“Sa ibinigay pong pagkakataon na ma-improve ang service to heart attack patients, record high ang ating serbisyo — wala na pong charity na heart attack patient ngayon. Iyan ang improvement na gusto nating makita. And I think with this current administration of PhilHealth, we will be seeing more of that,” wika ni Dr. Legaspi. 

Kinilala rin niya ang walang patid na suporta ng PhilHealth Regional Office–NCR, sa pangunguna ni Dr. Bernadette Lico na naroroon din sa kaganapan, sa pagtiyak na ang mga pasyente ng PGH ay nararapat na makatanggap ng financial risk protection na ibinibigay sa kanila ng PhilHealth.

Dumalo rin ang ilan sa mga pasyente at kanilang mga pamilya na benepisyaryo ng package — isa rito ay si Juvy B. Busayong, asawa ng pasyenteng si Jose Busayong mula sa Calamba City, Laguna. 

“At first, hesitant kami kasi alam naman natin kapag narinig natin angiogram expected na natin na expensive,” patotoo niya, “pero one of the doctors nagsabing may package na ang PhilHealth at wala na kaming babayaran. Siyempre, natuwa kami! Napakalaking pribilehiyo na kami ay makatanggap ng ganoong package. Gusto naming magpasalamat sa PhilHealth sa package na ibinigay dito sa amin. Sana po ay marami pa kayong matulungan at marami pang buhay ang ma-save.”

Binigyang-diin uli ni Dr. Mercado ang pangako ng PhilHealth na ilapit ang mga serbisyong pangkalusugan na nagliligtas-buhay sa bawat Pilipino sa pamamagitan ng pagtiyak ng agarang pagbabayad ng mga claim sa mas maraming ospital.

“Ang P22.8 milyong bayad na ito sa PGH ay simula pa lamang. Kami ay iikot pa sa iba’t ibang mga rehiyon para ating personal na tiyakin ang mabilis na pagpoproseso at pagbabayad ng claims para sa mga serbisyong ipinagkaloob ng ating mga ospital sa mga miyembrong may sakit sa puso,” pahayag ni Dr. Mercado.

Ang IHD-AMI benefit package ay nag-aalok ng coverage hanggang Php523,853 na maaaring ma-avail sa lahat ng accredited Levels 1 hanggang 3 public at private health facilities na may kakayahang maghatid ng mga kinakailangang serbisyo.

Para sa karagdagang impormasyon sa pinahusay na Ischemic Heart Disease-Acute Myocardial Infarction package, maaaring tawagan ang PhilHealth 24/7 touch point sa (02) 866-225-88 o sa mobile number (Smart) 0998-8572957, 0968-8654670, (Globe) 0917-1275987 or 0917-1109812.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SSS at DICT, mag-partner para sa digitalization

ni Fely Ng @Bulgarific | Mar. 31, 2025

Hello, Bulgarians! Mainit na tinanggap ni Social Security System (SSS) President and CEO Robert Joseph Montes De Claro (kanan) si Secretary Henry Rhoel Aguda (kaliwa), ang bagong hinirang na kalihim ng Department of Information and Communications Technology (DICT), sa isang courtesy visit noong Marso 26, 2025 sa SSS Main Office Quezon City, upang talakayin ang malawak na hanay ng partnership opportunities sa pagitan ng dalawang institusyon ng gobyerno.

Sinabi ni De Claro na ang SSS ay nasasabik na makipagtulungan sa bagong DICT chief sa maraming larangan, partikular na tinatalakay ang mga pamantayan ng information technology at cloud/edge computing technologies sa isang dinamikong kapaligiran at kung paano ito magagamit para mapabuti ang mga serbisyo sa mga miyembro ng SSS. 

“Through our strengthened partnership with DICT, Secretary Aguda can guide SSS as we navigate our way through the fast-changing IT landscape,” paliwanag ni De Claro. 

Sa kanyang bahagi, binalangkas ng kalihim ang mga prayoridad upang mapabuti ang mga serbisyo ng gobyerno sa mga nasasakupan.

“We will promote changes to reduce queues in availing government services by pushing interconnectivity in a secure environment,” sabi ni Aguda.

Ang pagpupulong sa pagitan nina De Claro at Aguda ay hudyat ng panibagong pakikipagtulungan ng naturang institusyon para sa digitalization at modernization efforts na naglalayong pahusayin ang SSS online services at pagyamanin ang higit na kahusayan sa paghahatid ng mga benepisyo sa social security sa milyun-milyong miyembro ng SSS, lalo na ang overseas Filipino workers (OFWs) gaya ng ipinangako ni De Claro na magbibigay ng mas mahusay na social security protection.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

DoubleDragon at SSS, lumagda sa kasunduan

ni Fely Ng @Bulgarific | Mar. 22, 2025

Nasa larawan sina Social Security System (SSS) President and Chief Executive Officer Robert Joseph Montes De Claro (2nd mula kaliwa) at si DoubleDragon Chairman Edgar “Injap” Sia II (3rd from left) ay pormal na pumirma ng isang kasunduan para sa Contribution Subsidy Provider Program noong 13 Marso 2025 sa SSS Main Office sa Quezon City. Kasama rin sa larawan (mula kaliwa) SSS Executive Vice President for Investments Sector Ernesto D. Francisco, Jr. at DoubleDragon Legal Department Head Joselito L. Barrera, Jr.

Hello, Bulgarians! Pormal na nilagdaan nina SSS President and Chief Executive Officer Robert Joseph Montes De Claro at DoubleDragon Corporation Chairman Edgar “Injap” Sia II ang isang Memorandum of Agreement (MOA) para irehistro ang DoubleDragon bilang Contribution Subsidy Provider.

Pinasalamatan ni De Claro si DoubleDragon Chairman Sia sa pagdinig sa panawagan ng SSS noong Enero para sa gobyerno at mga nagnenegosyo na suportahan ang mga manggagawang Pilipino at kanilang mga pamilya sa pamamagitan ng SSS Contribution Subsidy Provider Program (CSPP).

Sinabi niya na ang DoubleDragon ay magbibigay ng tulong sa mga kontribusyon sa SSS para sa 2,000 manggagawa sa impormal na sektor sa Iloilo City at Roxas City sa loob ng 12 buwan – na may kabuuang P18.2-M - pagtugon sa mga financial barriers na humahadlang sa mga manggagawa sa pag-access ng mga mahahalagang benepisyo sa social security.

“This SSS contribution subsidy will not only support the 2,000 recipients but will also benefit their extended families,” paliwanag ni De Claro. “It will provide these informal sector workers with the opportunity to join the SSS and gain access to its benefits,” aniya pa.

Nagpahayag siya ng pasasalamat sa DoubleDragon at sa chairman nito sa pagsuporta sa SSS sa kanilang bagong tungkulin bilang Contribution Subsidy Provider. 

“By offering access to social security, DoubleDragon is empowering these informal sector workers to have a safety net to rely on in times of need,” sabi ni De Claro.

“After all these years, almost three (3) decades since Mr. Injap Sia took out a corporate loan from SSS in 1997 followed by continuing SSS participation in capital market issuances of DoubleDragon up to the present, we are beaming with pride to have DoubleDragon give back to SSS and Filipino workers as a Contribution Subsidy Provider,” saad pa niya.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.