19 yrs old na Philippine Eagle, pumanaw na

ni Jenny Rose Albason @News | September 9, 2023

Ikinalungkot ng Philippine Eagle Foundation (PEF) ang pagpanaw ng Philippine Eagle na si “Geothermica,” na pinaniniwalaang nagbigay ng atensyon sa internasyonal ukol sa kalagayan ng mga species ngayong Sabado, Setyembre 9.

Kinumpirma ng PEF sa kanilang Facebook post ang pagkamatay ni Geothermica, isang 19-taong gulang na lalaking Philippine Eagle.

Ayon sa PEF, si Geothermica at “Sambisig,” isang babaeng Philippine Eagle, ay nasa isang breeding loan program sa ilalim ng Wildlife Loan Agreement sa pagitan ng Pilipinas at Mandai Wildlife Group sa Singapore.

Si Sambisig at Geothermica umano ang kauna-unahang inilagay sa ilalim ng international cooperation noong 2019 upang pigilan ang pagkaubos ng pambansang ibon sa Pilipinas.

Ang Philippine Eagle ay nakalista bilang critically endangered — "considered to be facing a highly high risk of extinction in the wild" ng International Union for Conservation of Nature

Isang paa, kailangang putulin… "Tallest living male dog", may bone cancer

ni Mabel G. Vieron @Gulat Ka 'No?! | September 8, 2023

Nakakaantig ang kuwentong ating ibabahagi ngayon, dahil siya lang naman ang asong nakasungkit ng titulong “Tallest living male dog” sa Guinness World Record na may taas ng 1.046 metro (3 ft 5.18 in).

Ang aking tinutukoy ay walang iba kundi ang Great Dane na si Zeus, 3-taong gulang, na pagmamay-ari ni Brittany Davis na kasalukuyang nakatira sa Texas, USA.

Si Zeus ay na-diagnose na may bone cancer, at kinakailangan umanong putulin ang kanyang kanang paa. At siya ay isasailalim sa radiotherapy at chemotherapy.

Ayon kay Britanny, “kamakailan, nalaman namin na ang isang miyembro ng aming pamilya na si Zeus ay na-diagnose na may cancer. Siya ay naging tapat at naghahatid ng ‘di matatawarang kagalakan at kaaliwan sa amin”.

Noon pa umano gusto ni Brittany ang isang Great Dane at laking tuwa niya nang siya’y sorpresahin ng kanyang kapatid na si Garrett ng isang 8 weeks old na tuta. Si Zeus ang pinakamalaking tuta noon, at patuloy na lumaki.

Pagbabahagi pa ni Britanny sa isang video clip na kung saan katabi niya si Zeus sa sofa, napakatigas diumano ng ulo nito, at may pagkapilyo din minsan. Madalas din sabihin sa kanya ng mga tao na mas mukha na umanong kabayo si Zeus, ang iba naman ay nagbibiro pa na kung maaari raw ba nila itong sakyan. Pero, as a per furmom ‘di ito nakakatuwang pakinggan.

Sila ay patuloy na humihingi ng tulong upang sa pinakamahusay na beterinaryo maipagamot si Zeus.

Gagawin umano nila ang kanilang makakaya para mabigyan si Zeus ng pagkakataong lumaban, at maibigay ang medikal na atensyon na kinakailangan nito upang mapabuti ang kanyang sitwasyon.

Dahil umano rito, anumang kontribusyon, gaano man kalaki o kaliit, ay malaking bagay na raw para sa kapakanan ni Zeus.

Titiyakin umano ni Britanny na lahat ng donasyong kanilang matatanggap ay mapupunta sa gastusing pangmedikal ni Zeus.

Kahit sinong dog lover ay malulungkot sa kuwentong ibinahagi ni Britanny, akalain mo ‘yun?

Tatlong taong gulang palang si Zeus, ngunit nakakaranas na siya ng mga ganitong sakit, ang masaklap pa, kailangan nang putulin ang kanyang kanang paa.

Heartbreaking talaga ang ganitong kuwento, lalo na kung napamahal na talaga tayo sa ating mga alagang aso, at itinuring na natin sila bilang miyembro ng ating pamilya.

Lalaking may timbang na 1,400 lbs, pasok sa Guinness

ni Mabel G. Vieron @Gulat Ka 'No?! | September 5, 2023

Makalipas ang apat na dekada, hawak pa rin ng isang tao, bagama't yumao na, ang titulo bilang pinakamabigat sa buong mundo.

Ang tinutukoy ko ay walang iba kundi si Jon Brower Minnoch na siyang may hawak pa rin ng Guinness World Record na may pinakamabigat na timbang sa buong mundo, at wala pang sinuman ang nakaka-beat sa kanyang pangmalakasang timbang.

Bata pa lang umano siya ay labis na ang kanyang katabaan, sa edad na 12 ay umabot na siya sa 132kg. At sa edad na 22, tumimbang siya ng 178kg. (392lb o 28st) at sa mga nagdaang buwan at taon ay patuloy pa rin na nadadagdagan ang kanyang timbang.

Bilang world record holder, ang timbang ni Minnoch ay umabot sa 1,400lbs, na halos katumbas ng 635kg.

Gayunman, dahil sa kanyang timbang ay dumanas siya ng iba’t ibang sakit tulad ng sakit sa puso, at ang isa pa niyang naging seryosong karamdaman ay ang edema na sa kasamaang palad ay pahirapan na umanong gamutin.

Noong 1978, kinakailangan siyang i-admit sa Seattle University Hospital, upang madala siya ru’n, nagtulung-tulong ang isang dosenang bumbero at ilan pang mga tao. Pagdating sa ospital, inilagay siya sa dalawang kama na ipinagdugtong, at kinailangang muli siyang buhatin ng 13 katao upang mailipat sa kama.

Sa kanyang pamamalagi sa ospital, bumaba ang kanyang timbang dahil sa mahigpit na diyeta na 1,200 calories lang umano ang puwede niyang kainin araw-araw. Kung susumahin ay aabot sa 419 kilo ang nabawas sa kanyang timbang. Samantala, noong 1981, nadagdagan na naman ang kanyang timbang ng halos 89kg., at kinakailangan muli siyang i-admit sa ospital.

Makalipas ang 23 months, sa kasamaang palad si Minnoch ay binawian ng buhay.