DNA, 'di tugma sa species sa Earth — researcher.. Bangkay ng aliens, tunay

ni BRT @News | September 21, 2023

Lumabas sa mga pag-aaral na tunay ang mga bangkay ng umano’y mga alien o extraterrestrial beings na ipinakita kamakailan sa Kongreso sa Mexico.

Isinagawa ng Health Sciences Research Institute of the Secretary of the Navy ang pagsusuri sa mga labi.

Isinailalim ang mga mummified na labi sa CT scan, simpleng X-ray at sa fluoroscopy study, na isa pang klase ng scan.

Binusisi ng mga doktor ang bawat parte ng katawan ng mga nilalang umano na nagmula sa labas ng Earth.

“We are able to determine that it does indeed belong to a single skeleton that has not been joined to other pieces,” sabi ni Jose De Jesus Zalce Benitez ng Health Sciences

Institute of the Secretary of the Navy.

Lumabas sa pag-aaral na tunay umano ang mga buto sa mga labi at walang nakitang indikasyon na pineke, minanipula o pinagtagpi-tagpi lang ang mga ito para magmukhang isang buong katawan.

Bukod dito, hindi rin umano tugma ang DNA ng mga labi sa mahigit isang milyong registered species sa Earth.

Una nang ipinrisinta noong Setyembre 15 ang mga sinasabing “non-human” remains sa harap ng mga mambabatas sa Mexico.

Naging kontrobersyal ang balita, dahil may mga nagsasabi na hindi naman katawan ng “aliens” ang mga labi kundi mga pre-Hispanic objects o sinaunang artifacts.

Gayunman, nanindigan ang Mexican Journalist at UFO researcher na si Jaime Maussan,na siyang nagprisinta sa “non-human” remains sa Kongreso, na authentic o tunay ang mga ito.

Bangkay ng “alien”, dinala sa Mexican Congress

ni Jenny Rose Albason @Overseas News | September 15, 2023

Nagdulot ng samu’t saring reaksyon ang sinasabing “non-human beings” na ipinresenta sa pagdinig ng Kongreso sa Mexico. Ang sinasabing mummified remains ay ipinakita sa dalawang maliit na display case noong Martes.

Ang mga pinaghihinalaang bangkay na may kulay abo at may kaparehong mukha na katulad ng mga tao, ay dinala ni Jaime Maussan, isang kontrobersyal na Mexican journalist at mananaliksik na nag-report na natagpuan ito sa Peru noong 2017.

Binanggit ni Maussan ang carbon dating analysis ng National Autonomous University of Mexico at sinabi niyang ang mga ito ay nasa 1,000 taong gulang.

Kinumpirma ng university’s physics institute sa isang pahayag na nagsagawa ito ng mga tests ngunit para lamang matukoy ang edad at hindi ang pinagmulan ng mga specimen.

Inulan ng tukso ang nasabing mga bangkay sa pagdinig at sinasabing ito ay mga alien.

Kuneho, may 14.37 Inches na balahibo, pinakamahaba sa buong mundo

ni Mabel G. Vieron @Gulat Ka 'No?! | September 15, 2023

Ang mga kuneho ay isa sa pinakatanyag na alagang hayop dahil sa kanilang napaka-cute na hitsura. Pero, tiyak na mas hahanga kayo sa aking ibabahaging kuwento, dahil siya lang naman ay pinarangalan ng Guinness World Record bilang “Longest fur on a rabbit”.

Ang aking tinutukoy ay walang iba kundi ang English Angora Rabbit na si Franchesca na pagmamay-ari ni Betty Chu ng Morgan Hill, California. Malamang sa malamang ay ‘di kayo maniwala, dahil ang balahibo ni Franchesca ay may haba ng 36.5 cm (14.37 in).

Grabe, hindi ba?

Tayo ngang mga tao ay naiirita na ‘pag ang ating mga buhok ay mahaba na.

Imagine, kinaya ni Franchesca ang ganu’ng kahabang buhok na halos ‘di na makita ang kanyang mukha? Yes, mga ka-BULGAR, kinaya niya ito dahil sa tulong ng kanyang furmom.

Gayunman, malungkot na ibinahagi ni Betty na pumanaw na umano ang kanyang pinakamamahal na alagang kuneho, ngunit nag-iwan naman daw ito ng malaking epekto sa buong mundo.

Ayon kay Betty, kung anu-anong contest na rin ang kanilang sinalihan at karamihan du’n ay napagtagumpayan ni Franchesca. Grabeng pagmamahal ang ipinadama ni Betty sa kanyang alaga, biruin mo ‘yun hinahaluan niya lagi ang pagkain nito ng tinapay, prutas at gulay, ‘wag ka, mayroon din umano itong sariling schedule sa pagkain.

Nakatanggap umano ng email mula sa Guinness World Records si Betty na inaanyayahan siyang i-apply ang kanyang alagang kuneho para sa record na may minimum length requirement na siyam na pulgada. Matapos nu’n ay inimbitahan ni Betty ang kanyang veterinarian na si Dr. Pete Keesling, at dalawang top rabbit breeders na sina Kathi Groves at Jeannie McDevitt, bilang mga saksi upang sukatin ang haba ng fur ni Franchesca.

Laking tuwa ni Betty nang masungkit ni Franchesca ang titulong may pinakamahabang fur sa buong mundo. At ngayon ay nalulungkot si Betty sa tuwing naalala niya ang kanyang mahal na alaga na si Franchesca. Hindi matutumbasan ng kahit na anong bagay ang ating mga alaga, lalo na kung napamahal at itinuring na natin sila bilang miyembro ng ating pamilya.