Meralco, kinarma sa pang-aabuso sa mga konsiyumer sa gitna ng pandemya

ni Imee Marcos - @Buking | September 4, 2020

Karma! ‘Yan ang nangyari sa Meralco, matapos itong mang-abuso ng mga konsiyumer sa gitna ng krisis dulot ng COVID-19 pandemic.

Bakit kamo, mga besh? Eh, pagmultahin ba naman sila ng Energy Regulatory Commission ng P19-M dahil sa bill shock. Trulala na mananagot na ang Meralco sa panunuba sa mga konsiyumer!

Nakakapikon naman talaga, biruin n’yo, hirap na hirap na ang ating mga kababayan, maraming nawalan ng trabaho dahil maraming kumpanya ang nagsara, wala nang makain, nagawa pa nitong buwitreng ‘yan na triplehin ang singil sa kuryente gayung nasa kasagsagan tayo ng pandemya! ‘Kalokah!

Bad mood talaga akes, noong ulanin ng netizens ng reklamo ang Meralco dahil sa tripleng singil sa kuryente. Tandang-tanda natin ang mga panahon na ‘yan na may mga kababayan na tayong namamalimos kasi wa’ na ‘anda, wala pang foods dahil mahigpit na mga community quarantine kontra virus. Eh, pagkatapos, bibirahin naman ng Meralco ng tripleng singil sa kuryente?! Juskoday!

At noong mag-alok naman sila ng pautay-utay na bayad, ke gulo-gulo at hindi maintindihan o nalito ang netizens sa sistema. Nagdudulot tuloy lalo ng tensiyon at init ng ulo ng ating mga kababayang mega-struggle na maka-survive sa krisis dahil sa pandemya!

Hindi natin keribels ang apog ng Meralco sa pagiging ganid, grabe to the max! Kaya heto nga, super tuwa tayo dahil si Manang Agnes Devanadera, ERC chair, eh, ‘to the rescue’ sa ating mga kababayan. Binoljak ang Meralco, multa to the max sila, ha-ha-ha! ‘Ika nga ng mga bata, ‘belattt!’

Well, I can say, leksiyon n’yo ‘yan, Meralco. May kasunod pa ang mga ‘yan, kaya pakaiingat kayo, bantay-sarado na namin kayo, matitindi ang aming pang-monitor sa mga panlalamang sa kapwa na kayo ang tiba-tiba. Kaya ano ngayon, Meralco, ulit pa more?

Inutang ng mga magsasaka, principal, interest at penalty na pinambili ng lupang sakahan...

‘di na sisingilin sa Bayanihan 2, alamin!

ni Imee Marcos - @Buking | September 2, 2020

Kung gusto nating maging maayos pa ang suplay ng pagkain sa bansa, unahin nating siguruhin ang lagay ng ating mga magsasaka lalo na ngayong pandemya!

Alam n’yo naman, mga frennie, nagulo ng pandemya ang suplay ng pagkain sa ating bansa at lalo pang nabaon sa utang ang mga magsasaka dahil na rin sa pagkaantala ng biyahe, delivery at pagbebenta ng mga inani nilang produkto dahil sa lockdown.

Kaya naman, hirit natin para wala masyadong aalahananin ang mga magsasaka, huwag na natin silang pagbayarin sa kanilang mga utang dati sa pag-a-avail ng mga lupang pansakahan. Sila ‘yung tinutukoy natin na mga benepisaryo ng repormang pang-agraryo.

Nakapaloob lahat ng ‘yan sa Bayanihan 2 Bill. Nilinaw natin, na dapat isingit doon ang probisyon para hindi na bayaran ng mga magsasaka ang principal amount, interest at mga penalty sa mga inutang nilang pambili ng lupang sakahan, ayon sa Banking Law at regulasyon ng Bangko Sentral ng Pilipinas.

Kapag hindi na pinagbayad ang mga magsasaka sa kanilang mga loan, puwede na ulit silang makautang sa gobyerno para masigurong mamimintina at mapapalago ang kanilang mga ani ngayong pandemya at dapat silang isyuhan ng Land Bank of the Philippines ng sertipikasyon para maka-avail sa mga lending program ng gobyerno.

Masisiguro ng mga magsasaka na sapat ang suplay ng pagkain sa bansa sa panahon ng pandemya kung tutulungan natin sila. ‘Ika nga, mga kapatid, give and take lang ‘yan. Alagaan mo sila, aalagaan din nila ang mga produktong kanilang itinatanim at tiyak ang mga Pinoy, hindi kakapusin sa pagkain!

Alam n’yo, mga friendship, kaunting kembot na lang, maisasabatas na ang mga tulong natin para sa mga magsasaka. Believe me, mga frennie, what you sow you will reap. Malasakitan natin sila, sila ang magpo-provide at magmamantina ng ating mga kakainin lalo na ngayong ipit tayo sa panahon ng pandemya! Agree?

P50-K na pautang tulong sa mga OFWs, gawing doble!

ni Imee Marcos - @Buking | August 31, 2020

Truly na malambot ang puso natin sa ating mga kababayang OFWs. Knows natin ang napakahirap nilang pinagdaraanan kapag umaalis ng bansa at naiiwan ang kanilang pamilya. Tapos baon pa sila sa utang dahil sa mga bayarin para lang makalabas ng bansa.

Kaya kahit tipikal na Ilocana, pagdating sa mga manggagawang Pinoy, hindi tayo nagkukuripot sa kanila! Mga besh, deserve nilang mabigyan ng malaking ayuda. Baon sila sa utang, wala silang maiiwan na kahit na singko sa kanilang pamilya. Nakakaawa.

At hindi lang ‘yan, buwis-buhay sila sa pagsasakripisyo, namamaltrato pa ng kanilang mga amo. May iba’t ibang kaso pa ng mga pangmomolestiya, pero dahil sa nire-remit nilang pera sa kabang bayan, malaking bagay ang dolyares na kontribusyon nila sa paglago ng ating ekonomiya.

Kaya heto nga, kahit sa ating simpleng pamamaraan, ibalik natin ang ating gratitude sa kanila. Ayokong magkuripot sa kanila, kaya ‘yung dating P50,000 na halaga ng credit assistance para sa OFWs, nananawagan tayong baka kayang itaas ito sa P100,000.

At sana, mga besh, bago pa man sila makalipad pa-abroad, eh, makuha na nila ang nasabing loan, para naman kahit paano me iaabot sila sa kanilang maiiwang pamilya at meron din silang kaunting baon pa-abroad.

Sana, magawan ng paraan ng ating mga kasamahan sa gobyerno partikular na sa OWWA na ibigay ang nasabing pautang. ‘Di ba! ‘Kalerki, na aalis silang butas ang bulsa.

I think naman, eh, keri na ng OWWA na ipautang yan sa mga OFWs. Remember, malaki ang ambag nila sa paglago ng ating ekonomiya dahil sa kanilang mga remittance.

Panawagan natin sa mga taga-OWWA, pakigawan naman ‘yan ng paraan, may pera naman silang inimbak sa OWWA, kaunting konsiderasyon! Plis lang!