DOTr at MMDA, pagbigyan ang mga tsuper na pumasada;...

PUV modernization stop muna, kung ayaw maharang ang budget, period!

ni Imee Marcos - @Imeesolusyon | October 9, 2020

Matatapos na lang ang taon, marami pa ring mga kababayan nating jeepney driver ang namamalimos sa mga kalsada dahil sa hindi makapasada dulot ng COVID-19 pandemic. ‘Kaloka!

Masakit sa feelings na makita sila sa ganung sitwasyon gayung makailang beses nang nagpalabas ng badyet ang ating pamahalaan para maambunan din sila ng ayuda lalo na noong kasagsagan ng mga lockdown. And’yan ang Bayanihan 1 at sumunod pa ang Bayanihan 2. Aba, anyare?

Super-nakakapikon malaman sa mga grupo ng mga jeepney driver na nasa gitna pa tayo ng pandemya, wala na nga silang makain, hindi pa makapasada. Ang masaklap, pinipilit pa raw sila sa PUV modernization program at meron nang ginagawang consolidation ang LTFRB? ‘Santisima!

Bukod d’yan, bakit ba puro bus lang ang pinagbigyan na makapasada? Keri ba naman nila lahat ng mga komyuter na serbisyuhan? Saka pambihira, sa maiiksing ruta rin inilagay ang mga bus? Hello, eh, sandamakmak na mga pasahero pawang nasa main road!

Kung pag-uusapan ang safety sa laban natin sa COVID-19, ayon sa mga doktor, mas safe pa nga sumakay sa jeep kasi open ito at nakalalabas ang virus. Samantalang sa mga de-aircon, kulob at nagpapaikut-ikot lang ang hangin na posibleng may virus, ‘di ba?!

Sa gitna ng ganitong super-kawawa nilang kalagayan, ang immediate na IMEEsolusyon natin ay basic na basic. Kahit paano, nagpamudmod tayo ng mga bigas sa abang kababayan nating mga jeepney driver na kabilang sa PASANG MASDA, FEJODAP, ALTODAP, LTOP, STOP & GO Transport Coalition, ACTO at pati na rin sa Dapitan Drivers and Operators Jeepney Association at mga pumapasada sa UP Campus.

Bukod pa riyan, ihihirit natin na ipagpaliban muna ang hindi abot-kayang modernisasyon na ‘yan. Plis lang!

IMEEsolusyon din para maibsan ang kanilang gutom kahit pambigas lang muna, eh, ihirit natin sa DOTr, MMDA na pagbigyan na silang pumasada sa mga main road, hindi sa maiigsing ruta lang!

Harinawa’y pakinggan ang kanilang hiling na pagpasada, pero kung magmatigas, bahala kayo. I will make harang your budget!

DepEd, LGUs at mga school...

Mag-organize ng sistema sa pagtatapon ng basura at pangunahan ang recycling!

ni Imee Marcos - @Imeesolusyon | October 5, 2020

“Tapon tapon tapon mo basura mo itapon mo, tapon tapon tapon mo basura mo itapon mo,” ‘yan ang palasak na kanta kapag paparating na ang mga kolektor ng basura sa bawat bahay.

Pero, kung gabundok na papel ang ibabasura at itatapon lang, naku naman, kaya pa ba ng mga landfill ‘yan? Lalo na ngayong siguradong magtatambakan ang basura ng papel sa pagbubukas ng klase sa susunod na linggo, dahil sa mga printed-self learning modules para sa mga estudyante.

Hay nako, kailangan super-ingat ang mga nanay at tatay sa mga modules na ‘yan. Aba, eh, kapag hindi maayos ang pagtambak niyan sa bahay habang wala pang kolektor ng basura, scary to-death na pagmulan ‘yan ng sunog, ha? Que horror!

Kapag nakolekta naman ang mga basurang papel, pihadong gabundok o baka mala-building pa ang basurang matatambak sa mga landfill, hello, ano yan next smokey mountain? ‘Kalokah!

Eh, isipin n’yo ‘yung multiplier effect ng dami ng modules sa kada subject, bukod pa ‘yung dami ng mga estudyante at miyembrong estudyante ng kada pamilya? ‘Di bah?!

Pero to the rescue ang IMEEsolusyon sa super-tambak na basura na perwisyo sa kalikasan, eh, i-recycle! Agree? Hello DepEd, LGUs at mga school, plis lang, mag-organize ng sistema sa pagtatapon ng basura at manguna kayo sa recycling!

Isa pang IMEEsolusyon para maiwasan ang gabundok na basurang papel, baka naman puwedeng magpahiram ang DepEd o LGUs ng mga laptop o baka papayagan ang installment dito para lang bawas gastos na sa magulang, bawas basura pa na masama sa kalikasan?

Well, LGUs at DepEd, kuwentahin ninyo, magkatumbas lang ang gastos sa modular learning at paggamit ng laptop ha, eh, bukod sa papel, papaimprenta pa at gagamit pa ng ink kada semestre, ‘di bah? Esep-esep!

Pinoy lang, hindi foreigners, ang puwedeng maging iskolar ng bayan

ni Imee Marcos - @Imeesolusyon | September 28, 2020

Hindi masamang maging friendly sa mga banyaga, pero pagdating sa mga prebilehiyo, lalo na sa libreng edukasyon o ‘scholarship ng bayan’, Pinoy ang dapat na makinabang!

Biruin ninyo, ayon sa sumbong sa atin, ang enrollment quota sa mga SUC o state universities and colleges ay napupunta lang sa mga dayuhang estudyante. Dapat sana, ang libreng edukasyon sa kolehiyo ay laan lang sa mga Pilipino, partikular na sa napakamagastos na kursong medisina, lalo na ngayong may pandemya na need natin ng mga doktor.

Reklamo to the max ang mga mahihirap na Pinoy na estudyante. Aba, eh, super dami na raw ang mga dayuhang estudyante sa mga SUC na kaagaw pa raw nila sa mga scholarchip. Hello! Tama ba ‘yan? Eh, ‘di raw mapigil ng Commission on Higher Education kasi aprub ng mga opisyal ng mga SUC.

Ayon sa Bureau of Immigration, nasa 26,000 ang foreign students sa bansa pero hindi tukoy kung ilan ang kasalukuyang nag-aaral ng medisina sa walong SUCs. Bukod pa riyan, may tatlong SUCs na nasa proseso na ang aplikasyon sa kursong medisina. Aba, agapan na ‘yan, plis lang!

Hay naku, mababalewala lang ang pagsisikap nating madagdagan ang mga doktor ng bayan at malulustay lang sa mga dayuhan, lalo na’t may itinutulak na “Doktor Para sa Bayan Bill” sa Senado na magpapalawak sa medical scholarship.

Bakit kasi kapag imported o banyaga, turing ng iba, eh, superstar sila? ‘Susmarya, tama na ‘yan. Eh, mula ulo hanggang paa, simula sa shampoo, toothpaste, damit o t-shirt, jeans hanggang tsinelas, imported. Pati ba naman sa edukasyon, bida-bidahan ang mga banyaga? ‘Kaloka!

Well, IMEEsolusyon para matigil na ang commercialization ng edukasyon at pagtanggap ng mga foreign students sa mga eskuwelahan ng bayan, eh, repasuhin ang mga panuntunan at seguruhin na mga mamamayan natin ang uunahin!

Dapat bantay-sarado at i-chika ng mga medical student sa gobyerno ang mga SUC na pinapa-eksena ang mga foreign students sa libreng edukasyon! Reminder SUCs, hindi foreign students ang priority kundi mga Pinoy! Agree?